Endurbirting.

Það skal vera öllum ljóst, að ég áskil mér rétt til að endurbirta, hér eða annarsstraðar, þessar færslur hefjist Río Tinto handa undir handarjaðri Samspillingarinnar SF!

...Sögulok?

Ég verð svo bara að treysta því að það sé ekki Björgólfur Thor sem klagaði mig í bloggstjórnina; svona "nobody" útí bæ! 

Oft veltir lítil þúfa þungu hlassi!  Kannski hef ég hrist eitthvert tréð, og ofanúr því dottið þessi vitleysa öll!

Svona fer.... Sögulok?

Sæl!  Breyting hefur verið framkvæmd!  Vonandi er hún nægileg að þínu mati!

Kær kveðja
Auðun

Svona fer ritskoðunin/þöggunin fram. 2. Kafli

Sæl, Soffía!  Á sínum tíma skrifaði ég umræddar færslur.
http://skarfur.blog.is/blog/skarfur/entry/1068561/ og svo þessa 

http://skarfur.blog.is/blog/skarfur/entry/1067239/#comments  þar sem kemur fram

 og er birt orðrétt athugasemd  XXX.  Í framhaldi skrifaði hann eftirfarandi athugasemd:   

9

"Afsökunarbeiðni þín er tekin til greina og ekki verða eftirmál af minni hálfu. 

En jú, það væri auðvitað gott að vita hvort þú hafir sent leiðréttingu til alþingismannanna."

XXX, 18.6.2010 kl. 12:23. 

 

Í trausti þessa er því ljóst að einhverjum er ekki treystandi í þessu máli.  Ég mun því í ljósi þessarar sögu, 

og samskipta við XXX, afmá  nafn hans úr umræddum færslum! 

Óvíst verður að teljast að það nægi honum  eða samstarfsfólki hans. 

 

Takk  fyrir samskipti þessi!  Þú lætur mig vita ef ekki er nægilega brugðist við af minni hálfu. 

Hvað með athugasemdir hans sjálfs?  Á að strika út nafn hans þar? 

Mér er ekkert sér staklega umhugað um Samspillinguna/Samfylkinguna! 

 Það er því með mikilli tregðu að ég geri þetta!

Kær kveðja
Auðun

Svona fer ritskoðunin/þöggunin fram! 1. kafli

Mér hefur borist eftir farandi bréf: 

Sæll Auðun,
Okkur hefur borist kvörtun um ærumeiðingar í færslunum
http://skarfur.blog.is/blog/skarfur/entry/1067239/ og
http://skarfur.blog.is/blog/skarfur/entry/1068561/ þar sem nafngreindur
einstaklingur eru borinn röngum sökum.
 
Í skilmálum blog.is kemur þetta fram:
"Notandi samþykkir að miðla ekki ólöglegu efni, áreiti, hótunum, særandi
skrifum eða nokkru öðru sem getur valdið skaða. Notandi samþykkir
sérstaklega að miðla ekki háði, rógi, smánun, ógnun eða ráðast á mann eða
hóp manna vegna þjóðernis, litarháttar, kynþáttar, trúarbragða eða
kynhneigðar, í samræmi við ákvæði 233. gr. a. almennra hegningarlaga nr.
19/1940."
 
Vertu svo vinsamlegur að fjarlægja færslurnar eða nafn þess sem þarna er
borinn sökum.
 
Með kveðju,
f.h. umsjónarmanna blog.is
Soffía Haraldsdóttir
 

Eitt tækifæri til að afstýra þessu!

Fleiri bjóðast ekki.  Vg setur málið í salt til hausts af ótta við stjórnarslit.  Hefðu betur lýst strax yfir andstöðu sinni við málið í stað þess fela sig með það í málefnanefnd!

Óvíst hvort annað tækifæri gefist

Jú, dómurinn mun skapa peninga TIL LENGRI TÍMA LITIÐ! Fái dómurinn að standa óbreyttur!

Á það hefur verið bent, að fái dómurinn að standa óbreyttur, þá mun dómurinn auka veltuna í samfélaginu.  Hann mun virka sem  bein innspýting í efnahagskerfið.  Með dómnum er greiðslubyrði fjölda heimila lækkuð verulega, auknar líkur eru á að heimilin geti staðið í skilum með aðrar skuldbindingar sínar,  heimilin munu hafa fé aflögu í beina neyslu.  Allt þetta mundi efla efnahagskerfið og hjálpa til við að koma því úr því frosti sem það er nú í.  Kannski er það þetta sem ekki má gerast samkvæmt kokkabókum AGS, sem Árni Páll og Már Guðmundsson lesa nú uppúr fyrir þjóðina?

Tæki bankakerfið sig til og lækkaði vexti og færi að lána til atvinnuuppbyggingar, sem þeir hafa neitað að gera, þá væri það enn meiri innspýting fyrir efnahagslífið.  Atvinnuleysi myndi dragast saman með þeirri keðjuverkun að veltan í samfélaginu ykist, og svo koll af kolli!  Kannski er það þetta sem ekki má gerast samkvæmt kokkabókum AGS, sem Árni Páll og Már Guðmundsson lesa nú uppúr fyrir þjóðina?

Eru Árni Páll og Már málpípur AGS?

Dómurinn skapar ekki peninga

24. júní kemur Alþingi saman og ræðir fjármál heimilanna! Mætum öll og Stöndum vörð um heimilin!

24. júní kemur Alþingi saman og ræðir fjármál heimilanna! Fjöldi fólks er lentur í fátæktargildru, fjöldi fólks er á leið í langvarandi fátækt. Marga skortir brýnustu lífsnauðsynjar! Fátækt er óþörf! Krefjumst þess að fátækt verði útrýmt! Krefjumst þess að mannréttindi séu virt! Fátækt á Íslandi er pólitísk ákvörðun allra flokka! Þessu þurfum við að breyta! Stjórnmálamennirnir gera það ekki ótilneyddir!

Hæstaréttarbyltingin býður uppá möguleika fyrir fólk.

Kannski næsta bylting á Íslandi verði vatnsbylting!  Við höfum á stuttum tíma fengið tvær byltingar ef má orða það þannig.  Fyrst Búsáhaldabyltinguna og svo nú þessa byltingu, sem Hæstiréttur setti af stað.  Rétturinn hefur vikið til hliðar þeirri "heilögu" reglu að fjármagnseigendur og bankarnir eigi allan rétt.  Fólkið engan!  Það sem meira er, að verið getur að dómur Hæstaréttar verði það "boost" fyrir efnahagslífið sem ríkisvaldið hefur tregðast við að setja af stað!  Það verður meira fjármagn í umferð, neysla og eftirspurn verður meiri!  Og setji jafnframt af stað öldu lagfæringa, sem kallað hefur verið eftir, á öðrum skuldbindingum almennings.  Sú verður krafan!  Það er komin sprunga í glerhúsið!  Ein leið til að binda enda á efnahagskreppu er að auka peningamagn í umferð (Bill Still t.d.).  Lagfæringar á lánakjörum almennings gæti einmitt verkað sem leið til þess.  Ekki hefur mátt gefa efnahags- og atvinnulífinu inn, því þá hefði atvinna aukist.  Það eitt og sér hefði gert réttinn súran á metseðlinum.  Eignaupptakan hefði verið trufluð vegna þess að fólk í fullri vinnu getur greitt af lánunum sínum.  Það mátti ekki gera neitt fyrr en eignaupptakan væri um garð gengin!

Ríkisstjórninni er vandi á höndum!  Dómur Hæstaréttar truflar nefnilega eignaupptökuna, sem er einn af föstu réttunum á matseðli AGS.  Og alltaf í boði! Þessvegna truflar dómurinn áætlun AGS.  Þessi matseðill AGS hefur líka inni að halda einkavæðingu auðlinda.  Þess vegna mátti ekki afnema Vatnalögin frá 2006.  Þessvegna voru ekki tilbúin ný vatnalög í iðnaðarráðuneytinu, því aldrei stóð annað til en að 2006 lögin tækju gildi.  Eignaupptaka á eignum þjóða er fastur réttur á matseðli AGS.  OG eignaupptaka á heimilunum er þar líka reglulega í boði.  Nú er sem sé áætlun AGS í uppnámi, þannig séð!  Og ráðamenn slegnir ótta

XXX segir ekki rétt sagt frá ferð hans !

XXX segir, að ekki sé rétt, að hann sé í '?í boði einhvers sem tengist MMM!  Þar sem svo er í pottinn búið er rétt og ljúft að biðja hann afsökunar á því sem rangt er í frásögninni!  Leitt að hafa ekki farið á síðuna fyrr í dag!

Athugasemd XXX:

 

Heyrðu væni, hefði ekki verið nær að hafa samband við mig til að tékka söguna af áður en svona hugarburður og getsakir eru sett á blogg og sent á alla alþingismenn?!

Það er rétt að undirritaður er staddur í ???, kom þangað núna í morgun (þjóðhátíðardaginn) til að vera viðstaddur brúðkaup. Bróðir brúðgumans er ágætur vinur minn, Íslandsvinur mikill og bauð mér og konunni minni í brúðkaupið (leturbreyting AG)  Þessi ferð er á minn eigin kostnað að öllu leyti. MMM tengist þessu bara alls ekki neitt (leturbr. AG), ef þú veist um einhverjar fjölskyldutengingar brúðhjónanna við það fyrirtæki þá veistu meira en ég.

"Let the bastards deny it", sagði Nixon, það er kannski nýja Ísland?

En gleðilega þjóðhátið, annars.

XXX, 17.6.2010 kl. 15:34

 

 

Og spillingin blómstrar!

Sú saga flýgur á kaffihúsum að ein af áberandi spírum Samfylkingarinnar,  XXX, hafi í flogið á laugardagsmorgun, ásamt konu sinni, til Suður-Ameríku til að vera viðstaddur brúðkaup í fjölskyldu eins af toppunum í MMM.

XXX: XXX er stjórnaformaður Xog Y, ásamt að vera formaður hóps ráðherra um ???? og var  á lista Samfylkingarinnar til Alþingiskosninga  síðastliðið vor. Hér er því maður sem situr ekki bara beggja vegna borðsins heldur allt í kringum það.

Úr skýrslu Rannsóknarnefndar Alþingis:
 “Eitt augljósasta tæki viðskiptalífsins til að hafa áhrif á stjórnmálamenn eru bein fjárframlög bæði til stjórnmálaflokka og einstakra stjórnmálamanna,
leita þarf leiða til að draga skýrari mörk milli fjármálalífs og stjórnmála. Ekki er líðandi að gæslumenn almannahagsmuna gangi erinda einkafyrirtækja með þeim hætti sem
gert var í aðdraganda bankahrunsins.”

Björgúlfur Thor(Novator) er einn stæstu eigenda  X, Y og Z strengsinns “sem skapar ódýra tengingu”, Björgúlfur og hans félög voru einn stærsti fjármögnunaraðili flokks og framboðsstarfs Samfylkingar, bæði vegna flokks og einstaklinga.

 

Vatnalögunum frestað einu sinni enn!

Bréf frá Margréti Tryggvadóttur, þingmanni Hreyfingarinnar!  Svar við fjöldapósti!

Takk fyrir bréfið, 

Við erum sammála ríkisstjórnarflokkunum um að vatnalögin frá 2006 beri að afnema strax. Það sem flækir málið er klúður iðnaðarráðherra sem er ekki tilbúin með frumvarp að þeim lögum sem eiga að koma í staðinn, þrátt fyrir að svokölluð vatnalaganefnd 2 hafi skilað frumvarpsdrögum 1. desember s.l. Sjálfstæðisflokkurinn og Framsókn sáu sér leik á borði með því að hóta málþófi nú í þinglok verði gildistöku laganna frá 2006 ekki frestað í þriðja sinn frekar en að þau séu afnumin alveg. Ég hugsa að lendingin verði að þeim verði frestað einu sinni enn en svo afnumin þegar ný koma í staðinn. Mér finnast lögin frá 2006 stórhættuleg og miður að þau skuli ekki vera afnumin strax. Ég er á áliti meirihluta iðnaðarnefndar vegna þessa, reyndar með fyrirvara vegna ömurlegra vinnubragða iðnaðarráðherra. Álitið má sjá hér: http://www.althingi.is/altext/138/s/1299.html

Bestu kveðjur,

Margrét

Einkavæðingar plan AGS

11. There are headwinds to the recovery, although some upside is also possible. The

main short-run risks are further delays in investments in energy-intensive sectors, high fiscal

multipliers (to the extent that the

distressed private sector cannot

offset the impact of necessary fiscal

restraint on domestic demand), and

possible emigration. Constraints on

the reallocation of resources from

non-tradable to tradable sectors—

lack of financing and certain aspects

of regulatory policies—may impede

recovery in the medium term. On

the other hand, there is ample

potential for higher FDI in response

to the improvements in competitiveness. And program projections for current account related

income receipts are very conservative (and to the extent they are higher, this would mean less

pressure for adjustment through the trade balance, more real appreciation, and a balance

sheet related boost).

Dularfulla fésbókarsíðan "Strikum Sóleyju Tómasdóttur út á laugardag."

Rétt fyrir kjördag stofnaði ég fésbókarsíðu "Strikum Sóleyju Tómasdóttur út á laugardag."  Halla Gunnarsdóttir snaraði sér að Ágústi Valves á kjördag og taldi hann stofnanda síðunnar, sem hann er að sjálfsögðu ekki.  Þar sem ég er ekki pólitíkus er mér enn svolítið annt um sannleikann:  Halla Gunnarsdóttir hefur beðið Ágúst afsökunnar, en það virðist ekki ljóst fyrir hvað hún var að skamma hann.  En rétt skal vera rétt!

"Á sama hátt fríaði hann (Þorleifur innsk.mitt) sig algerlega ábyrgð þegar helstu stuðningsmenn hans úr forvali VG í Reykjavík, sem fram fór í febrúar sl., notuðu fésbók skömmu fyrir borgarstjórnarkosningar til að níða skóinn af framboði VG og hvetja til útstrikana á Sóleyju Tómasdóttur" höf. Halla Gunnarsdóttir

Ágúst Valves skrifaði þessa athugasemd við grein Höllu"Ýmsir og sumir.":

 "Á laugardaginn sl. ákvað ég ásamt bróðurpart úr nánustu fjölskyldu minni að taka kosningaskrifstofurölt um miðbæinn í glampandi sólskini. Fyrst kíktum við á Besta flokkinn, þar var mikið stuð og gaman. Grillaðar pylsur og trúðar. Eftir að hafa tjattað við frambjóðendur og gesti þar tókum við labb á kosningaskrifstofu Vg. Þar voru kræsingar á borðum og Svavar Gestsson labbandi milli borða að segja "lifi byltingin". Helvíti gaman og fyndið. Þegar við höfðum hámað í okkur(aðallega systur mínar) þá lá leiðin út. Ákvað ég að skrifa í gestabók þar sem ég lærði það í æsku að það væri dónaskapur að skrifa ekki í gestabók þegar hún lægi á borðinu. Þegar ég var búinn sagði ég takk fyrir mig og var á leiðinni út þegar greinarhöfundur kom þjótandi inn um dyrnar, sá að henni var mikið um og byrjaði að blása framan í mig hversu"ómerkilegur ég væri að stofna fésbókarsíðu um strika út félaga sína" Þar ákvað Halla að henda smá dylgju á mig þar sem ég hafði hvorki stofnað né hvatt einhvern að stofna slíka síðu. Reyndar hafði ég fengið boð um að verða meðlimur þessarar umtöluðu síðu og þáði ég það þar sem ég hef allan tímann talið að Sóley væri mikill atkvæðafælir og einfaldlega ekki nægilega fær í sínu fagi og hefði Þorleifur að mínu mati að hreppa oddvitasætið. Auðun Gíslason stofnanda síðunnar er ég farinn að kannast svolítið við. Höfum við talað saman þegar við höfum hisst og er þetta vænsti maður. Hvað varðar hvort hann og Þorleifur séu tengdir veit ég ekki. Að mínu mati gerir þú þig Halla með þessari grein að minni manneskju."



Halla biður Ágúst Valves afsökunar: 4.Halla Gunnarsdóttir skrifar:

"Ágúst, mér þykir leiður sá misskilningur varðandi hver stofnaði síðuna, afsakaðu það. Ég sagði ekki að þú værir ómerkilegur, heldur að þessi verknaður þætti mér ómerkilegur. Og það eru engar dylgjur fólgnar í því.

Hitt er svo annað að þú hlýtur að ráða við það að talað sé við þig í raunheimum, svona í ljósi þess að þú notar netheima mjög til að ráðast á fólk. Ég hefði líka haldið að þú gætir svarað fyrir þig í raunheimum en þegar ég talaði við þig nefndirðu ekkert um að annar stofnandi væri af síðunni."

Auðun Gíslason skrifar:

Sæl veriði! Ekki ætla ég mér að blanda mér í innangarðsróstur í Vg hér, enda hef ég sagt skilið við þennan flokk! Hef aldrei ekki tekið þátt í starfi flokksins! Aðeins mætt á einhverja fundi í Suðurgötunni.
Mér þykir Halla láta hvína í sér. Kannski er það dæmigert fyrir gassaganginn og æsinginn, hvernig Halla, skv. lýsingu, veittist að Ágústi Valves alsaklausum á kosningakaffi Vg. Ég, sem þetta skrifa, stofnaði umrædda fésbókarsíðu að kvöldi fimmtudags fyrir kjördag. Ég hef vonandi allan rétt til að hafa skoðanir, líka á framgöngu svokallaðra femínista, hvar í flokki sem þeir eru. Mikill er máttur andskotans, ef síðan hafði stórfelld áhrif á niðurstöður kosningarinnar í Reykjavík! Er apeins miður að þó voru ekki meiri!
Ég legg áherslu á, að Þorleifur, og hans nánustu stuðningsmenn, höfðu ekkert með síðuna að gera. Þorleif þekki ég ekki persónulega, aðeins einsog hver annar borgari í landinu telur sig \"þekkja\" stjórnmálamenn. Hann er að vísu náfrændi eldri dóttur minni (svo því sé haldið til haga), sem telst vonandi ekki mjög tortryggilegt. Þorleifur hefur komið mér fyrir sjónir sem traustur maður og víðsýnn.
Ég tók þátt í forval Vg á sínum tíma. Stóð þar í röðinni með m.a. Samfylkingarfólk og ungri konu, sem mér heyrðist helst, á tali hennar, vera stuðningsmaður Sjálfstæðisflokksins.
Ég verð að játa á mig þann \"glæp\" að hafa ekki krossað við Sóleyju. Ég valdi þann kost að setja Þorleif í fyrsta sæti, unga konu í annað sæti, karl í annað sæti, konu í þriðja o.s.frv. Valdi ég þetta fólk við lestur á kynningabæklingi Vg. Þorleif valdi ég vegna reynslu hans, og vegna þess að ég hef fengið á honum traust við að hlusta á hann, m.a. á fundi Rauðs Vettvangs í október síðastliðinn!
Sjálfsagt, og það hefur gerst fyrr, verð ég ásakaður fyrir að vera á móti sjálfsögðum mannréttindum kvenna. Það verður að hafa það! Ég vil samt taka það fram, að ég er afskaplega hlynntur því að allir menn njóti fullra mannréttinda. Og að jafnrétti allra manna séu virt. Jafnrétt þýðir nefnilega ekki bara jafnan rétt kvenna, heldur jafnan rétt allra manna og stétta! Og vonandi heldur enginn, að ég vilji ekki að dætur mínar tvær njóti  fullra mannréttinda á við aðra menn!

Halla Gunnarsdóttir skrifar:

"Svo að það sé á hreinu þá var ég ekki að vísa til þinna skrifa eða hópa á fésbók, Auðunn, í grein minni. Og það að konfronta mann í raunheimum heitir ekki að "veitast að" honum."
 

*

 Lokaorð mín eru þessi:  Það virðist vera eitthvað erfitt fyrir Höllu að átta sig á að þessi grein hennar er ekki vandamálið hér, heldur það að hún telur sig þess umkomna að skammast í alsaklausu fólki útí bæ vegna fésbókasíðna.  Ýmislegt telur framapotarinn Halla Gunnarsdóttir sér koma við.  Ég verða að segja það! Konfronta hvað.

Fátækt á Íslandi er pólitísk ákvörðun allra flokka!

  Fátækt á Íslandi er afleiðing af pólitískri stefnumótun á sama hátt og sífelldur peningaskortur í heilbrigðiskerfinu.  Í eina tíð urðu allir stjórnmálaflokkar sammála um að "auðvitað" þyrfti að spara/skera niður í heilbrigðiskerfinu.  Öfugt við Skandínava, sem forða þjóðfélagshópum með lágar tekjur frá fátækt, höfum við samþykkt fátæktina með þögn, aðgerðum og aðgerðarleysi!  Við höfum ekki beitt skattakerfinu til tekjujöfnunar!  Þessu þarf að breyta!  Það verður að útrýma fátækt.  

Til vitundar gegn fátækt

Ég skal taka jobbið að mér!

Og ég lofa miklu meiri spillingu í Kópavogi!  Allskonar spillingu fyrir alla bæjarbúa!  Líka Geira feita!

Viðræður í uppnámi

Höfuðstóll verðtryggðra lána lækkaður?

Nei, ekki er það nú, því miður!  Leppstjórnin hefur beygt sig fyrir kröfu AGS um að heimilunum verði fórnað á altari fjármagnsins.  Bankarnir yfirtóku húsnæðislán gömlu bankanna með 44% afskriftum.  Heimilin fá ekki að njóta þess.  Aðeins kröfuhafarnir sem tóku við bönkunum.  Svona vill AGS hafa þetta og "Norræna Velferðarstjórnin" hlýðir.  Þó hefur verið bent á, að það auki líkurnar á tapi af verðtryggðum húsnæðislánum verði höfuðstóll þeirra ekki færður niður!  Leppstjórnin hefur samþykkt kröfu AGS um að aðgerðir í vanda almennings kosti ríkissjóð ekki neitt í peningum talið!  Leið Lilju Mósesdóttur hefði kostað ríkissjóð ca. 80 milljarða.  Sú upphæð hefði ekki fallið á ríkissjóð öll í einu, heldur smátt og smátt.  Þetta mátti AGS ekki heyra nefnt.  Fyrr skildi gengið að húsnæði heimilanna, og stjórnin hlýðir!  Svona er eignaupptaka framkvæmd a la AGS.

Næst á dagsskrá að kröfu AGS er einkavæðing auðlindanna.  Starfsmenn AGS kvarta undan hindrunum við einkavæðinguna.  Til þess að þriðja endurskoðun fari fram, þarf að ryðja þessum hindrunum úr vegi.  Breyta lögum og þagga niður í þingmönnum sem gagnrýna einkavæðinguna, sem hófst með Magma, en lauk ekki þar.  Magma gerir sig nú strax líklegt til að færa út kvíarnar í samstarfi við íslensk orkufyrirtæki.  Áður en þriðja endurskoðun á efnahagsáætlun AGS á Íslandi fer fram þarf að opna allar gáttir fyrir kaupum og aðgangi  einkafjármagnsins að auðlindum þjóðarinnar.  Það einkafjármagn er fyrst og fremst útlent, og þar með mun allur arður af auðlindum þjóðarinnar renna úr landi.  Svona er eignaupptaka framkvæmd a la AGS.

Á það hefur verið bent að af 41 þjóð, sem AGS hefur komið til "aðstoðar"(endurskipulagt samfélagið), eru 31 verr staddar eftir en fyrir komu AGS.  Samfélög þeirra hafa verið endurskipulögð með hagsmuni annarra en viðkomandi þjóða í huga!  Hagsmuni einkafjármagnsins en eftir sitja þjóðirnar í viðvarandi fátækt og skorti á samfélagslegri þjónustu, einsog heilbrigðisþjónustu og menntun!  Fyrir þessa þjónustu þurfa þegnarnir að borga fullu verði beint úr eigin vasa, og aðeins hinir efnameiri hafa burði til þess!

Þannig er þetta þegar AGS er boðið heim!

Mælti fyrir frumvarpi um bílalán

Ekki frammistöðu ríkisstjórnarinnar?

Ég hefði nú frekar haldið það!  Þessi ríkisstjórn Samfylkingarinnar og Steingríms er ekkert annað en leppstjórn AGS, einsog lesa má um í þessari grein Gunnars Skúla:

 http://www.smugan.is/pistlar/adsendar-greinar/nr/3411. 

Og hér má svo lesa viljayfirlýsingu Leppstjórnarinnar:

http://www.efnahagsraduneyti.is/media/Acrobat/Letter_of_Intent_2nd_review_-_o.pdf

Hvar þessi margumtalað Skjaldborg heimilanna!  Felst hún í að fresta endalaust aftökum á almenningi?  Og umsaminni hlýðni við AGS?  Að þrengja kost almennings?  Ræna heimilum almennings? Selja auðlindir þjóðarinnar í hendur einkaaðilum?  Einkavæða samfélagsþjónustuna, s.s. heilbrigðis- og menntakerfið?  Ferill AGS er ljós.  AGS sleppir ekki hendi af þjóðum fyrr en allt þetta hefur verið gert.  Heilu samfélögin hafa verið lögð í rúst, og við skulum bara gjöra svo vel og horfast í augu við það!  Verði þessi leppstjórn AGS öllu lengur við völd endurtekur sagan sig hér:  Íslenskt samfélag verður lagt í rúst!  Af AGS og leppstjórn hans!  Ekki af Jóni Gnarr eða Níumenningunum sem nú hafa verið dregnir fyrir dómstól yfirstéttarinnar!

Lifi Fokkíng Byltingin!  Bless Jóhanna!  Farðu með AGS í fúlan...

Fylgið of lítið í Reykjavík

27.5.2010. Verður það hlutskipti Vg undir forystu Steingríms og leiðsögn AGS að láta alla drauma nýfrjálshyggjumanna rætast á Íslandi?

Verður það hlutskipti Vg undir forystu Steingríms og leiðsögn AGS að láta alla drauma nýfrjálshyggjumanna rætast á Íslandi?  Ekki virðist vera mikil viðspyrna hjá ríkisstjórninni gegn kröfum og hugmyndafræði AGS.  Steingrímur kýs að sparka frekar í eigin liðsmenn en að sporna við fótum gegn frjálshyggjuáætlunum AGS og ESB!  Lilja Mósesdóttir fær að kenna á því fyrir að standa föst fyrir og minna Steingrím á tilmæli þingflokksins í Magma-málinu.  Árni Þór syngur svikasönginn með Steingrími.  Þrír viðstaddra á fundi þingflokksins hafa staðfest orð Lilju.  Þorleifur Gunnlaugsson, Ögmundur Jónasson og Guðfríður Lilja. 

Hvaða trakteringar fær Svandís Svavarsdóttir eftir útspil sitt í auðlindamálum þjóðarinnar?  AGS og ESB gera kröfur um að einkaaðilar eignist þær allar.  Leið Norðmanna má reyna en sjálfsagt verður sprenging innan Samfylkingarinnar.  Hjólar Steingrímur í Svandísi?  Er hún gengin í lið með órólegudeildinni?  Auðlindir þjóðarinnar eru í hættu. 

Allsstaðar þar sem AGS kemur elta sjóðinn hýenurnar til að hirða auðlindir þjóða.  Reynt er að þrengja sem mest að þjóðum og fyrirtækjum þeirra.  Koma almúganum á hnén og skera niður samfélagsþjónustuna.   Einkavæða heilbrigðis- og menntakerfið,  einkavæða auðlindirnar, selja fyriritækin og brytja þau niður. Þegar þessu er lokið hefur AGS hefur unnið sitt verk og getur yfirgefið landið í rúst og almúgann á vonarvöl.  Einsog alltaf var ætlunin með komunni. 

Og yfirstéttin, auðvaldið og stjórnmálaelítan, flýtur ofaná einsog kúkurinn í ræsinu.   Með bitlinga sína og mútufé. 

Nú er ekki réttlætanlegt lengur að styðja þessa leppstjórn AGS!

Fátækt á Íslandi er pólitísk ákvörðun allra flokka!

  Fátækt á Íslandi er afleiðing af pólitískri stefnumótun á sama hátt og sífelldur peningaskortur í heilbrigðiskerfinu.  Í eina tíð urðu allir stjórnmálaflokkar sammála um að "auðvitað" þyrfti að spara/skera niður í heilbrigðiskerfinu.  Öfugt við Skandínava, sem forða þjóðfélagshópum með lágar tekjur frá fátækt, höfum við samþykkt fátæktina með þögn, aðgerðum og aðgerðarleysi!  Við höfum ekki beitt skattakerfinu til tekjujöfnunar!  Það er til marks um áhugaleysið hér á landi um þessi mál, að ég þurfti að leita lengi að bloggfærslum um málið.  Fréttir af þessu máli er ekki að finna á Smugunni.  Vinstrigrænir bloggarar eru áhugalausir um málið!  Hvað segir það okkur?  Jú, sá flokkur er líka búinn að samþykkja ástandið!  Meirihluti svokallaðra jafnaðarmanna á íslandi hefur ekki hugmynd um hvað jafnaðarstefna er, og hefur heldur ekki áhuga á að vita það!  Sósíalistar eru vandfundnir og undir sömu sök seldir!  Hér ríkir Thatcher-ismi:  Markaðurinn sér um fátæklingana!  Og stjórnmálaelítan er öll sammála um að hafa það þannig!  Fátæktin er ekki hennar mál, heldur mál góðgerðafúsra kellinga!

Thatcherismi=Blairismi=Þriðja leiðin:  Stefna Samfylkingarinnar undir forystu Ingibjargar Sólrúnar.  Árni Páll Árnason, félagsmálaráðherra, er fulltrúi þessarar stefnu í núverandi ríkisstjórn.  Jóhanna og Steingrímur hafa samþykkt þessa stefnu nú, ef marka má aðgerðarleysi ríkisstjórnarinnar í málefnum heimilanna!