27.5.2010. Verður það hlutskipti Vg undir forystu Steingríms og leiðsögn AGS að láta alla drauma nýfrjálshyggjumanna rætast á Íslandi?

Verður það hlutskipti Vg undir forystu Steingríms og leiðsögn AGS að láta alla drauma nýfrjálshyggjumanna rætast á Íslandi?  Ekki virðist vera mikil viðspyrna hjá ríkisstjórninni gegn kröfum og hugmyndafræði AGS.  Steingrímur kýs að sparka frekar í eigin liðsmenn en að sporna við fótum gegn frjálshyggjuáætlunum AGS og ESB!  Lilja Mósesdóttir fær að kenna á því fyrir að standa föst fyrir og minna Steingrím á tilmæli þingflokksins í Magma-málinu.  Árni Þór syngur svikasönginn með Steingrími.  Þrír viðstaddra á fundi þingflokksins hafa staðfest orð Lilju.  Þorleifur Gunnlaugsson, Ögmundur Jónasson og Guðfríður Lilja. 

Hvaða trakteringar fær Svandís Svavarsdóttir eftir útspil sitt í auðlindamálum þjóðarinnar?  AGS og ESB gera kröfur um að einkaaðilar eignist þær allar.  Leið Norðmanna má reyna en sjálfsagt verður sprenging innan Samfylkingarinnar.  Hjólar Steingrímur í Svandísi?  Er hún gengin í lið með órólegudeildinni?  Auðlindir þjóðarinnar eru í hættu. 

Allsstaðar þar sem AGS kemur elta sjóðinn hýenurnar til að hirða auðlindir þjóða.  Reynt er að þrengja sem mest að þjóðum og fyrirtækjum þeirra.  Koma almúganum á hnén og skera niður samfélagsþjónustuna.   Einkavæða heilbrigðis- og menntakerfið,  einkavæða auðlindirnar, selja fyriritækin og brytja þau niður. Þegar þessu er lokið hefur AGS hefur unnið sitt verk og getur yfirgefið landið í rúst og almúgann á vonarvöl.  Einsog alltaf var ætlunin með komunni. 

Og yfirstéttin, auðvaldið og stjórnmálaelítan, flýtur ofaná einsog kúkurinn í ræsinu.   Með bitlinga sína og mútufé. 

Nú er ekki réttlætanlegt lengur að styðja þessa leppstjórn AGS!


« Síðasta færsla | Næsta færsla »

Athugasemdir

1 Smámynd: Árni Gunnarsson

Nú er komið að því að halda AGS kveðjuhóf með sviðum, hákarli og súrum hrútspungum og gefa þeim miðlungsgóðan landa á vasapelann í kveðjuskyni.

Árni Gunnarsson, 26.7.2010 kl. 00:46

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband