Sómi Íslands? Sverð þess og skjöldur? Eða bara skítapakk?

Ég ætlaði nú ekkert að vera að blogga um þetta mál, en einhvernveginn get ég ekki á mér setið, frekar en oft áður!  Ég varð bara svo fjári fúll að lesa nokkrar athugasemdir frá einhverjum óskrifandi strákskröttum.  Með leyfi úr hvaða holum skríður þetta "rasista" skítapakk.  Þetta er einsog hver önnur plága og óværa í mannlegu samfélagi.  Rakst á einhverja síðu sem er sett á netið af einhverjum vesalingum.  Þvílíkt rugl!  Og miðað við mannalætin gæti maður haldið að þetta hyski ætti eitthvað undir sér eða hefði afrekað eitthvað í lífinu.  En er það svo?  Ég veit það svo sem ekki, en mér finnst einhvern veginn að það segi sig sjálft, að svo er ekki.  Ég hef áður skrifað um þessa svokölluðu "racista" og útlendingahatara, og skilgreint þá svona frá mínu sjónarmiði.  Ætla ég að láta það duga svona að mestu, enda nenni ég varla að eyða orði á svona ruglukolla.  Einu sinni las ég bók sem heitir að mig minnir "Hvítt skitapakk og hvítur svertingi".  Fjallaði um tilveru fátæklinga og fenjalýðs í Flórída að mig minnir.  Allt saman ágætis fólk og átti sína spretti í tilverunni einsog við öll.  En oft dettur mér í hug titill þessarar bókar þegar íslenskir racistar, les: minnipokalýður, taka til við að "blurpa".

Einu sinni tók sig til svona facistalýður og ætlaði að setja á laggirnar eitt stykki 1000 ára ríki.  Þeir skilgreindu stóran hluta mannkyns sem hálfmenni og fenjalýð;  Gyðingum reyndu þeir að útrýma, ásamt fleirrum sem þeir töldu sér óæðri!  Á endanum fór nú svo fyrir þessum "ofurmennum" að hálfmennin lögðu draum þeirra að í rúst, sem betur fer.  Ýmislegt virðist þetta lið í þessu hreyfingum, Combat18, ífí og félagi gegn Pólverjum, eiga sameiginlegt með þessum fyrrnefndu facistum.  Vonandi að okkur takist að kveða þetta í kútinn áður en verra hlýst  af.  Svona vitleysa verður að taka enda!

Undiralda útlendingahaturs

Athugasemdir

[Brjánn Guðjónsson, 14.2.2008 kl. 21:50]

málið er að þeir/þau hvorki eiga neitt undir sér, né hafa neitt undir sér.

lúserar!

[Gunnlaugur Halldór Halldórsson, 17.2.2008 kl. 10:02]

 jæja Auðun minn við unnum Arsenai 4  0

manchester u eru besti í dag og vera það

Guð blessi þig og Ásu

[Geir Ágústsson, 19.2.2008 kl. 18:31]

Ég persónulega er mjög ánægður með allt þetta fólk sem kemur hingað í leit að betra lífi (eða tímabundið hærri tekjum), er alveg sama um sviðasultu, íslensk verkalýðsfélög og þjóðsönginn, og lætur gott af sér leiða með frjálsum samningum og ofbeldislausu vinnuframlagi, öllum til hagsbóta.

[Auðun Gíslason, 19.2.2008 kl. 19:45]

Hvaða frjálsu samninga ertu að tala um? Og er eitthvað um ofbeldisfullt vinnuframlag?  Hvað varðar verkalýðsfélög og samninga, þá eru samningar sem verkalýðshreyfingin gerir við viðsemjendur sína, og öfugt, lögbundnir lágmarkskjarasamningar.  Öll launakjör, sem eru lakari en þessir samningar segja til um eru lögbrot skv. lögum, sem Alþingi Íslendinga hefur sett.  Það er kannnski það sem þú átt við með frjálsum samningum: Ólöglegir samningar sem tryggja ekki lágmarkskjör skv. kjarasamningi!