Markaðurinn spáir að yfir 100% af Ivesave innheimtist!

Markaðurinn telur að yfir 100% af Icesave endurheimtist, 11% umfram Icesave nú!

Þeir sem kaupa Landsbankabréfin eru sennilega að veðja á að eitthvað fáist úr þrotabúi bankans umfram forgangskröfur þ.e. Icesave-skuldirnar.

Alþjóðamarkaðurinn með skuldabréf virðist telja að endurheimtur úr þrotabúi Landsbankans mun nema töluvert meir en sem nemur Icesave-skuldinni. Skuldabréf í Landsbankanum halda áfram að hækka og er gengi þeirra nú komið í 11, það er markaðurinn telur að 11% muni fást upp í kröfur á hendur þrotabúinu.  http://www.visir.is/article/20100415/VIDSKIPTI06/780809771

Önnur endurskoðun AGS samþykkt

Fátækt á Íslandi er pólitísk ákvörðun allra flokka!

 Ég hlustaði á Hörpu Njáls tala um fátækt á RÚV.  Hafi ég skilið hana rétt, þá er fátækt á Íslandi einfaldlega afleiðing af pólitískri stefnumótun nákvæmlega einsog sífelldur peningaskortur í heilbrigðiskerfinu.  Í eina tíð urðu allir stjórnmálaflokkar sammála um að "aðvitað" þyrfti að spara   (skera niður) í heilbrigðsiskerfinu.  Öfugt við Skandínava, sem forða þjóðfélagshópum með lágar tekjur frá fátækt, höfum við samþykkt fátæktina með þögn, aðgerðum og aðgerðarleysi!  Við höfum ekki beitt skattakerfinu til tekjujöfnunar!  Það er til marks um áhugaleysið hér á landi um þessi mál, að ég þurfti að leita lengi að bloggfærslum um málið.  Fréttir af þessu máli er ekki að finna á Smugunni.  Vinstrigrænir bloggarar eru áhugalausir um málið!  Hvað segir það okkur?  Jú, sá flokkur er lika búinn að samþykkja ástandið!  Meirihluti svokallaðra jafnaðarmanna á íslandi hefur ekki hugmynd um hvað jafnaðarstefna er, og hefur heldur ekki áhuga á að vita það!  Sósialistar eru vandfundnir og undir sömu sök seldir!  Hér ríkir Thatcher-ismi:  Markaðurinn sér um fátæklingana!  Og stjórnmálaelítan er öll sammála um að hafa það þannig!  Fátæktin er ekki hennar mál, heldur mál góðgerðafúsra kellinga!

Næst eru það baðspeglar, og aðrir heimilisspeglar!

Eða kannast engin við að hafa séð nakið fólk í þeim?

VG félög álykta um nektardans

Kannski nefndarmenn séu bara fífl?

Viðbrögð þessarar nefndar/nefndarmanna eru þannig, að mér dettur helst í hug að þar sitji fífl ein!  Hér er verið að skapa 150 manns vinnu, 1,2 milljarð í þjóðarbúið og allt að 240 milljónir í tekjur í ríkissjóð af leigu á kvótanum!  Þetta kalla nefndarmenn að hafa sig að fíflum.  Sérstökust eru náttúrulega viðbrögð verkalýðselítunnar, talsmanna sjómanna og forseta ASÍ.  Spurning hvort þeir hafi gleymt hverjir það eru, sem þeir eiga að vera að vinna fyrir!  Í stað þess að gerast hlaupatíkur atvinnurekenda-auðvaldsins!

„Nefndarmenn eru hafðir að fíflum“

Málaliðaher?

Eitthvað var þetta skúffukompaní að brölta með sitt fólk í Afganistan og víðar.  Varla verið að aðstoða við "heræfingar"  Kannski  hafa þeir verið að aðstoða BNA í stríðinu gegn hinu illa.  Stríði sem felst í því að stráfella alþýðufólk.

VG hafnar alfarið einkaflugher

Frænka Hanoi-Jane?

Jane Fonda, friðarsinni. leikkona og heilsubótarfrömuður, fékk þetta viðurnefni á sinni tíð.  Var mikið hötuð í BNA vegna baráttu sinnar gegn árásarstríðinu gegn Vietnamskri alþýðu.  Dvaldi í Hanoi ein jólin.  Jólin sem BNA hélt heilög með því að "teppaleggja" N-Vietnam með sprengjuregni!  Í þann tíð var þetta stríð BNA gegn hinu illa.  Nú berst BNA stríðinu gegn hinu illa með því að stráfella alþýðufólk í Afganistan og Írak.  Sérkennileg heimsýn!

JihadJane segist saklaus

Og hvað með það?

Þetta er svo gömul frétt, að hún er eiginlega "ekki frétt."  Það hefur komið skýrsla áður, gott ef ekki tvær, sem sögðu frá víðtækum skattsvikum í hagkerfinu.  Þáverandi fjármálaráðherra og þáverandi forsætisráðaherrar, ráðherrar efnahagsmála, gerðu ekkert í málinu!

Ekki nema von, að Björn Bjarnason léti skera niður hjá Efnahagsbrotadeild Ríkislögreglustjóra strax í kjölfar hrunsins!  Auðvitað er voðinn vís, ef þetta verður rannsakað!  það vita innmúraðir best!

Bankarnir veittu ekki upplýsingar og skiluðu ekki alltaf staðgreiðslu

Best að gleyma þessu?

Vona bara að málið gufi upp?

Skelfing er nú fólk illa af guði gert, svo ekki sé meira sagt, sem talar um að hér á landi sé fólk, sem vinni fyrir Breta og Hollendinga!  Varla hægt að leggjast lægra!

Erfitt að hefja viðræður aftur

Óábyrgum og trúgjörnum lántakendum bjargað! Hvað um tekjulágu heimilin?

Það hefur greinilega haft forgang í stjórnkerfinu og bankakerfinu að bjarga þeim, sem tóku ekki ákvarðanir sínar á eðlilegum forsendum, heldur trúðu bönkum og allskyns fjármálaspekingum.  Þeim sem á að hjálpa nú töldu hag sínum best borgið með gengistryggðum lánum annarsvegar og hinsvegar með 100% lánum af kaupverði.  Sama sagan er um íbúðalán.  Þeir sem eru með gengistryggð lán eða keyptu svo stórar eignir að ekkert minna en 80-100% lán af kaupverði dugði til, þeim skal bjargað.  Reyndar er búið að bjóða uppá niðurfærslu hjá þeim sem tóku 80-100% lán.  Þeim er boðið uppá niðurfærslu höfuðstóls niður í 110% af fasteignamati (1.1.2010).  Hvert mannbarn, sem orðið er lögráða mátti vita að gengi krónunnar gat fallið hvenær sem er!  Og sama má segja um verðtryggðu lánin.  Eða vorum við farin að trúa að hin svokallaði stöðugleiki í efnahagslífinu myndi haldast?  Ég trúði því reyndar sjálfur að greiðslubyrði láns, sem var að höfuðstóli á bilinu 55-60% af markaðsvirði, gæti ekki breyst svo að yrði illkljúfanleg.  Fannst ótrúlegt að stjórn landsins yrði nokkurtíma svo aum, þó aum væri.  En það ótrúlega gerðist.  Stjórn landsins var svo aum, að hér fór efnahagskerfið á hvolf fyrir augunum á stjórnmálaelítunni.  Og það gerðist ekki svona alltíeinu, einsog haldið hefur verið fram af sömu elítu (með örfáum heiðarlegum undatekningum).  Aðdragandinn var langur og lengi hefði verið hægt að snúa við gangi mála.  Það var ekki gert vegna þess að það hefði strítt gegn þeirra hugmyndafræði, sem hér réð ríkjum í boði helmingaskiptaflokkanna, Sjálfstæðisflokks og Framsóknarflokks!

Áfram að skuldamálum heimilanna.  Tveir hópar eru í verstri stöðu.  Það eru yfirskuldsett heimili og svo heimili með lágar tekjur.  Hinir tekjulágu áttu, og eiga enn, eðli málsins skv. aðeins lánamöguleika hjá Íbúðalánasjóði.  Þessum hópi hafa aðeins staðið til boða bráðabirgðalausnir, sem miða að því að gera þeim kleyft að fljóta meðan ekki sekkur.  En það kemur að því skúta sekkur hjá flestum slíkra heimila.  Sérstaklega í ljósi þess að endurreisn efnahagslífsins hefur verið látin mæta afgangi vegna karps um mál sem skipta í raun minna máli fyrir þjóðina!  Niðurfærsla á höfuðstóli húsnæðislána þessara heimila virðist aðeins fjarlægur draumur í öllum bægslaganginum kringum hina óábyrgu og trúgjörnu!

Tekjulág heimili eru greinilega í þeim vanda, að þeir sem hæst láta um hagsmuni heimilanna, eru í hópi þeirra stétta,  sem höfðu aðgang að lánum í bönkum til húsnæðiskaupa vegna góðra tekna og svo þeirra, sem töldu hag sínum best borgið með gengistryggðum lánum og vilja nú að aðrir bjargi þeim, þegar dæmið gekk ekki upp.  Hvorugir græddu nefnilega á öllu saman einsog þeir trúðu á sínum tíma og til stóð!

Man einhver þegar allskyns viðurkenndir álitsgjafar voru að mæra hin gengistryggðu lán (t.d. Egill Helgason) eða þegar menn djöfluðust á Íbúðalánasjóði? Töldu honum allt til foráttu og vildu leggja hann niður?  Hið frjálsa bankakerfi einkaframtaksins gæti sko gert miklu betur en það ríkisbatterí!

Óttast ekki lögsókn

Þurfti nú ekki erlenda sérfræðinga til að segja Íslendingum þetta!

Þetta hefur verið rætt síðan síðasta sumar af innlendum sérfræðingum í efnahagsmálum, hagfræðingum, m.a. af Lilju Mósesdóttur!  Ýmsir leikmenn hafa verið á þessari skoðun jafn lengi!

Það hefði verið gott að vera búin að rétta við efnahag heimilanna, og koma atvinnulífinu á  einhverja siglingu, áður en lýst verður yfir greiðsluþroti íslenska þjóðarbúsins!  Stjórnmálastéttin, og reyndar obbi þjóðarinnar, hefur verið upptekin við annað.  Vandræðamálið Icesave.  Ekki kom til greina að afgreiða það mál, svo að þessi einkennilega þjóð gæti snúið sér að hinu mikilvægasta:  Endurreisn samfélagsins,  endurreisn fyrirtækjanna og heimilanna!  það hefur mátt bíða!

Aðeins dagsetninguna á yfirlýsingu um greiðsluþrot þjóðarinnar hefur vantað!  Það hefur verið nokkuð ljóst nógu lengi til að svigrúm væri til endurreisnarstarfanna. En, nei, þessi einkennilega þjóð lét hið mikilvægasta sitja á hakanum!  Sjálft samfélag sitt.  Meðan rifist var um eina risaupphæðina af mörgum!  Upphæð sem breytir engu til eða frá um þrot þjóðarinnar!

 

Sérfræðingar segja að ríkið þurfi að leita til Parísarklúbbsins

Pilsfaldakapítalisminn!

Nú rísa þeir upp hver um annan þvera, kapítalistarnir og frjálshyggjupésarnir, og heimta að ríkið reddi málum!  Öll samtök vinnumarkaðarins og viðskiptalífsins jarma á ríkið, einsog rammvilt lömb!  Svo sem ekki nýtt!  Alltaf viljað hanga á spenanum!

Fyrr frýs í Hel

Næsta ríkisstjórn Íslands?

Verður næsta ríkisstjórn svona: Bjarni Ben forsætisráðherra, Sigmundur d. utanríkisráðherra, Birgitta Jónsdóttir fjármálaráðherra, Höskuldur menntamálaráðherra, Ásbjörn landbúnaðar og sjávarútvegráðherra, etc. etc.?

Hvað segir Sigmundur Davíð nú?

Þetta hljóta að vera verstu fréttir sem hann, og framsóknardeildin Indefence, hefur fengið lengi!

Bretar vilja sýna sveigjanleika

Kosning um hvað? Ég sit heima! Ástæðan: Niðurstaðan hefur engin áhrif á stöðu málsins, sem kosið er um!

 Ég alveg hjartanlega sammála forseta vorum, "að kjósa er helgasti réttur hins lýðræðislega samfélags og í rauninni grundvöllur þess." 

Þessvegna tek ég ekki þátt í kosningunni.  Hún er móðgun við þennan helgast rétt og jafnframt móðgun við lýðræðislegt samfélag okkar.

Ástæðan:  Niðurstaðan hefur engin áhrif á stöðu málsins, sem kosið er um!

Kosningarétturinn er heilagri en svo, að sjálfsagt mál sé að misnota hann í svona grín!

Lengi lifi lýðveldið Ísland og forseti vor á Bessastöðum!

Ólafur Ragnar ætlar að kjósa

Skiptir þjóðaratkvæðagreiðsla á Íslandi sköpum fyrir heimsbyggðina? Lítill áhugi á rökræðum á vef Economist um hvort Íslendingar eigi að greiða Icesave eður ei!

Óþarfi fyrir Sigmund Davíð að látast vera meiri kjáni en hann er!  Stjórnarandstaðan á fulltrúa í samninganefndinni.  Stjórnarandstaðan tafði framlagningu á svari við tilboði um heilan sólarhring!  Sigmundur og Bjarni ofmeta áhrif þessarar atkvæðagreiðslu!  En þjóðin er látin hlaupa Apríl í Marz í boði stjórnarandstöðunnar!

Skiptir þjóðaratkvæðagreiðsla á Íslandi sköpum :

Sýn okkar Íslendinga á okkur sjálf er oft í undarlegri kantinum.  Ef aðeins er litið til síðustu ára koma nokkur tilvik uppi hugann, þar sem þetta sýnir sig.

Fyrsta skal nefna stuðningsyfirlýsingu Davíðs Oddssonar við forseta Bandaríkjanna í beinni útsendingu, þegar sá síðari var að leggja í stríð við svokallaða hryðjuverkamenn í Írak:  You have our full support,Mr. President, sagði hann, og fréttaþulir Sky urðu ansi langleitir og örlítið furðu- og efasemdabros færðist yfir andlit þeirra. 

Davíð Oddsson og Halldór Ásgrímsson fengu þá flugu í höfuðið að Sameinuðu þjóðirnar mættu ekki við því, að Ísland væri ekki í Öryggisráðinu.  Það kom svo í hlut Ingibjargar Sólrúnar að spandera 18 mánaða ferli sínum sem utanríkisráðherra í að agítera fyrir því og smala saman atkvæðum (milli þess sem hún ferðaðist um og laug til um efnahagsástandið á Íslandi).  Nær daglega sagði hún af því fréttir í fjölmiðlum, hversu vel gengi.  Þessi þjóðin og hin myndi örugglega kjósa "stóra" Ísland.  Ekki komumst við í Öryggisráðið og Sameinuðu Þjóðirnar eru enn starfandi!

Í hinu svokallaða góðæri trúðu flestir Íslendingar, að hér væri risið einhverskonar efnahagsundur, íslenska undrið!  Íslenskir fjármálamenn stæðu öðrum framar.  Talað var um íslenska viðskiptamótelið og hversu undrasnöggir Íslendingar væru að landa stórviðskiptum.  Svo hrundi efnahagsundrið og fjármálaséníin reyndust flestir fjárglæframenn, svindlarar og bófar!

Og nú trúa víst ýmsir því, að þjóðaratkvæðagreiðslan á laugardaginn muni skipta sköpum.  Ekki bara fyrir þjóðina!  Nei, líka fyrir gervalla heimsbyggðina!

 Og til að bæta gráu ofan á svart er rétt að segja frá því,að komið hefur í ljós að íslendingar eru nánast sambandslausir við alþjóðasamfélagið eftir allan bægslaganginn.  Utanríkisþjónustan hefur ekki unnið sín verk, sem eru að afla og viðhalda tengslum við umheiminn!

Lítill áhugi á rökræðum á vef Economist um hvort Íslendingar eigi að greiða Icesave eður ei

Hvar er allur þessi áhugi á Icesave?  Meira um málið:

http://eyjan.is/blog/2010/03/04/litill-ahugi-a-rokraedum-a-vef-economist-um-hvort-islendingar-eigi-ad-greida-icesave-edur-ei/

http://www.economist.com/node/15603167/comments

http://www.economist.com/world/europe/displaystory.cfm?story_id=15603167

„Tek þetta ekki til mín“

Einsog að mæta á tónleika, sem búið er að aflýsa!

Einsog að mæta á tónleika, sem búið er að aflýsa!  Og þeir sem mæta eru fyrst og fremst tveir ofbeldisfullir dyraverðir,  boltabullur og "skinheads"! 

Þegar mér blöskrar hrekkur stundum útúr mér:  Aumingja maðurinn og aumingja fólkið!  Og það er einmitt það, sem gerðist þegar ég las fyrirsagnir bloggfærslna við þessa frétt moggans.  Ofstopinn og ofstækið með slíkum ólíkindum að minnir mest á uppgang þjóðrembu-ofstækismanna á 4. áratugnum.  Hvenær má búast við að liðið fari að öskra á götum úti? 

Íslandi Allt!  Ísland fyrir Íslendinga!  Sieg Heil!  Sieg Heil!

Hæ!  Lilli!

http://skarfur.blog.is/blog/skarfur/entry/1025043/

Steingrímur: Ólíklegt að ég kjósi

Aumingja maðurinn! "Kannski er almenn skynsemi ekki nógu almenn á Íslandi."

Eitthvað lítur hann stórt á sig.  Telur sig þess umkominn að leggja þann dóm á almenning, að hann vanti leiðsögn!  Einsog almenningur sé ekki dómbær á  veruleikann!  Ja, hérna hér!  Hrokann og merkilegheitin vantar ekki.  Frekar að það vanti almenna skynsemi í ræðuna og ályktanir ræðumanns!  Nú spyr ég:  Hver eru hin eiginlegu niðurrifsöfl í þjóðfélaginu?  Almenningur eða fjárglæframennirnir?  Gerendurnir í bankahruninu eða almenningur. Auðmennirnir vinir Helga í SI og Sjálfstæðisflokknum, bera þeir einhverja ábyrgð?  Helgi talar einsog "bankakreppan"  hafi orðið til af sjálfri sér sisona.  Og allir saklausir einsog fyrridaginn! Hann hefur sjálfsagt æft sig vel og vandlega fyrir ræðu dagsins, þar sem hann vogar sér að hnýta í almenning og löglega kjörna ríkisstjórn landsins!  Kannski einhver hafi hlýtt þessum gasprara yfir? 

Að fortíð skal hyggja þá framtíð á að byggja:

 http://www.hafskip.is/myndir/1986-11-13-hp-grein-aefdu-upploginn-framburd-bls1og2.jpg

Frjór jarðvegur fyrir hefnigirni og hatur

Markaðssetning Morgunblaðsins.

   Er þetta nú ekki dapurlegt?

Nýja lánskjaravísitölu á öll verðtryggð lán! Hagstjórnin er vandamálið, ekki vísitalan!

Ég vil ræða tillögu að nýrri lánskjaravísitölu.  Kannski er tillagan tómt rugl, kannski ekki.

Tillaga mín er þessi:  Tekin verð upp ný lánskjaravísitala á verðtryggð lán.  Hin nýja vísitala verð bundin verðbólgumarkmiðum Seðlabanka Íslands.  Verði sem sagt sú sama.  Nú t.d. hún 2,5% með 2ja prósentustiga fráviki.  Vextir húsnæðislána verði bundnir með lögum.  Þannig myndi Alþingi þurfa að fjalla um allar vaxtabreytingar sem breytinartillögu laga.

Það er nefnilega ekki vísitalan sem er vandamálið, heldur hagstjórnin og óábyrg hegðun fjármálamarkaðarins, sveitastjórna og ríkisvalds!

Meinsemd hve verðtrygging er fyrirferðarmikil

Lítill áhugi á rökræðum á vef Economist um hvort Íslendingar eigi að greiða Icesave eður ei

Hvar er allur þessi áhugi á Icesave?  Meira um málið:

http://eyjan.is/blog/2010/03/04/litill-ahugi-a-rokraedum-a-vef-economist-um-hvort-islendingar-eigi-ad-greida-icesave-edur-ei/

http://www.economist.com/node/15603167/comments

http://www.economist.com/world/europe/displaystory.cfm?story_id=15603167