Nýsköpun?

Er allt orðið nýsköpun, hversu gamalt og tuggið það er?  Eða opna matvörubúð, er það nýsköpun?

Ég tek undir með Haraldi Haralds.  Jón Sullen á að hætta þessu væli!  Annaðhvort opnar hann þessa matvörubúð á heiðinni eða ekki!

Ég var nú að spá í að skrafa soldið um viðtalið við Friðrik, lúser í búðarrekstri, en ég nenni því varla.  Það er varla eyðandi orðum á fólk sem telur viðskiptavini Bónuss Maóista, Stalínista eða Nazista svonu upp til hópa.  Eftir þá romsu hans steinhætti ég að taka mark á einu orð, sem frá hans kjafti kom!

Ég veit ekki hverslags "manía" er skollin hér á í sambandi við Bónus.  Mér er slétt sama hversvegna ódýrara er að versla hjá Jóa.  Og mér finnst með ólíkindum að kenna vinnu brögðum  hans um hátt vöruverð á Íslandi.  Ef einhver getur boðið betra verð, hversvegna í skollanum gerir hann það ekki?  Og án þess að væla!

P.s.  Ég heyrði það í útvarpinu í gær, að verð í Krónunni væri hækkað eftir lokun hjá Bónus.  Ætli geti verið að þetta sé rétt?  Ef svo er, er það löglegt?  Eða má Krónan allt?  Kannski er það löglegt en siðlaust, einsog flest í þessu þjóðfélagi auðhyggjunnar!

Alvarlegt fyrir nýsköpun

Almælt tíðindi í samantekt Seðlabankans og tilkynningu Jóhönnu!

Í Ekki Fréttum var þetta helst: Seðlabankinn setur saman
i álitsgerð almælt tíðindi um stöðu mála! Jóhanna gefur út yfirlýsingu/tilkynningu sem innheldur þessi almæltu tíðindi! Og hvað gerist? Það verður allt vitlaust í boði ábyrgðarlausustu stjórnmálamanna á Íslandi, fyrr og síðar, þeirra Bjarna Ben. og Sigmundar Davíðs! Þeir skamma Jóhönnu fyrir að hafa gefið út tilkynningu almæltra tíðinda! Þeir vildu sem sagt halda þessum almæltu tíðindum leyndum fyrir almenningi og Bretum og Hollendingum! Þetta eru mennirnir sem hafa heimtað allt uppá borðið til þess. Nú vilja þeir halda almennum tíðindum leyndum!
Jón og Gunna sem vinna hjá Granda og Krónunni vissu þetta allt saman. Jerry og Geraldine sem vinna hjá Tesco vita þetta líka, jafnvel og hún Erica Ljósaljós á búllunni í Amsterdam. Ríkisstjórnir Breta og Hollendinga vissu þetta allt saman. En ekki Bjarni Ben og Sigmundur Davíð. Það hlýtur að minnsta kosti að vera ástæðan fyrir því að þeir vilja halda þessum almæltu tíðindum svona rosalega leyndu!!!
Um daginn afhjúpaði Bjarni Ben fáfræði sína, Þegar hann hélt sig vera fyrstan manna til að uppgötva að AGS er handrukkari m.a. Breta og Hollendinga. Og upplýstu okkur um það í fréttaviðtali ábyrgum og fræðandi tón!. Þetta voru almælt tíðindi löngu áður en Bjarni Ben kveikti á perunni í málinu. Sigmundur Davíð átti svo sitt útspil á svipuðum nótum með blaðri sínu um hið ímyndaða norska lán. Og fylgismenn Litla og Stóra í íslenskri pólitík éta uppeftir þeim vitleysuna! Ja, hérna hér!

Athyglisverð færsla http://larahanna.blog.is/blog/larahanna/entry/962176/?fb=1 um ferðafélaga Sigmundar Davíðs í Noregsreisu!

Alvarlegar afleiðingar af frekari töfum

Héðan í frá...

...eru allir ákærðir beðnir um að játa, beint og milliliðalaust!  Enda lögfræðingastéttin upptekin við að maka krókinn í rústunum eftir "auðmennina."

108 milljóna kostnaður vegna Baugsmáls

Styttist nú í ASÍ-þing?

Euro pris og lof og dýrð forseti ASÍ bara með læti?  Eftir að hafa bugtað sig og beygt fyrir auðvaldinu, síðan honum var lætt í forsetastólinn lætur Gylfi loks í sér heyra. Nú þykir honum sæma að láta heyra í sér svo um munar.  Þegar verið er að reyna að bjarga því sem bjargað verður eftir hrun góðærisins sem honum tókst ekki að nýta fátækasta hluta ASÍ til hagsbóta, þessa hóps á launum undir fátæktarmörkum.  Það hlýtur að vera ASÍ-þing í vetur!

Ef þið viljið stríð þá fáið þið stríð

Eru Norðmenn betri lánardrottnar en aðrir?

Ein helsta hættan fyrir þjóð sem lendir í efnahagshruni, er skuldagildran!  AGS og Alþjóðabankinn hafa lengi leikið þann leik, að lána og lána þjóðum sem lenda í efnahagskröggum stórfé.  Á endanum verða svo skuldirnar það miklar, að engin von er til þess að nokkurn tíma sé hægt að greiða þær.  Þessvegna þarf að umgangast öll lán með töngum.  Freistast alls ekki til að nota það fé sem fengið er að láni.

Mig grunar að hér sé Sigmundur í ævintýraför aðeins til að slá sjálfan sig til riddara.  Hingað til hafa Norðmenn ekki verið neitt sérlega viljugir.  Létu t.d. undan þrýstingi AGS og afgreiddu ekki 100 milljarða lán til okkar í haust.  Stoltenberg hefur sagt að ekki sé von til að breyting verði á stefnu Norðmanna.  En kannski hér hafi orðið breyting á?  Hver veit?

Það setur að manni ugg, þegar maður veltir fyrir sér þeim möguleika, að helmingaskiptaflokkarnir með þessa popularista í formannssætum komist til valda.  Með allt þetta lánsfé til að "kaupa" sér vinsældir kjósenda og þó sérstaklega til að útdeila til nýrra S-hópa og manna "í talsambandi við flokkinn."  Flokksgæðingar helmingaskiptaflokkanna eru nefnilega enn á kreiki!

--------------

Þeir eru að  verða svolítið kostulegir, þessir kumpánar formenn helmingaskiptaflokkanna, þeir Sigmundur Davíð og Bjarni Ben.  Sigmundur minnir á uppreisnargjarnan ungling á erfiðu mótþróaskeiði.  Bjarni Ben slær úr og í, og segir eitt í dag og annað á morgun.  Lengst af hefur hann haldið því fram að AGS-endurskoðunin og afgrreiðslan á láninu strandaði á að ríkisstjórnin hefði ekki staðið við áætlunina fyrir sína parta.  Ekki hefur hann orði hallað á AGS.  Nú er hann skyndilega búinn að fá altalaðar upplýsingar um AGS, að AGS vinni fyrir stórþjóðirnar sem eiga aðild að honum, og sé einskonar handrukkari þeirra.  AGS sé að rukka fyrir Breta og Hollendinga!  Sjaldan lýgur almannarómur! 

Frá því í vetur er Barni búinn að endurtaka aftur og aftur að ríkisstjórnin sé ekkert að gera og  að ástandið sé bara að versna og versna.  Í Kastljósinu hér um kvöldið kvað alltíeinu við annan tón, þegar Bjarna vantaði rök fyrir að óhætt sé að reka AGS (hann trúir því sem sagt ennþá að AGS sé alþjóðleg félagsmálastofnun).  Nú varr landið farið að rísa og gott ef ekki atvinnulífið farið að taka við sér!  Hvort er það?  Og er þá ekki ríkisstjórnin þó eitthvað að gera?  Eitthvað smá?

 

Mikill velvilji í garð Íslands

Til lítils að biðjast fyrirgefningar?

Hér svara flestir afsökunarbeiðni Jóhönnu Sigurðardóttur með skætingi.  Sem kannski getur sagt manna, að Jóhanna hefði betur látið þetta ógert! 

Ég ætla að gerast svo djarfur að þakka Jóhönnu fyrir mína hönd og minnar fjölskyldu.  Jóhanna sýnir hér eina ferðina enn, að hún er stærri manneskja en ýmsir samferðamenn hennar undanfarin ár.  Hún telur augljóslega ekki lítilmannlegt að biðjast fyrirgefningar.  Við það verður Jóhanna enn stærri!

Takk fyrir!

Biður þjóðina afsökunar

Litlu skila fjórar málmbræðslur til þjóðarbúsins! Tæpum 2% af þjóðartekjum!

Borga þessir greifar svona mikla skatta?  Nei!  Málmbræðsluiðnaðurinn greiddi 2,4 milljarða í skatta 2006.  Það voru heil  0,43% af tekjum  hins opinbera!  Nei, það er satt,  skattpínd eru þessi grey, svei mér þá!  Og skiluðu heilum 2% af hreinum þjóðartekjum, eða innan við 16 milljörðum, mest launum! Það eru sem sagt álverin öll þrjú í eigu Norðuráls, Alcoa (hóf reyndar ekki rekstur verksmiðju fyrr en í apríl 2007), Járnblendiverksmiðja Elkem og RioTintoAlcan!  Og varla er þrautin þyngri hjá Sementinu.

Skattar 2,4 milljarðar 0,43% af tekjum hins opinbera. 2006.

Skila nær 16 milljörðum af hreinum þjóðartekjum eða 2%.  2008.                                          Það ár var Kárahnjúkaskrímslið komið í fullan rekstur og Alcoa farið að telja!  Fjórar málmbræðslur ná ekki að skila meiru en tæpum 2% af þjóðartekjum!

Mengunarskattur 0 krónur.

Baggalútur: Þetta er búið! "...meiddin verði örugglega kysst."

 

 

 Kannski kominn tími til að taka upp annan og léttari snúning á hruninu?

 

Hlusta: http://baggalutur.is/mp3/Baggalutur_Thetta_Er_Buid.mp3

Texti:   http://eyjan.is/blog/2009/10/06/vid-skulum-bleyta-hja-theim-buxurnar-binda-tha-%e2%80%93-og-gleyma-hvar/

Ræður Bjarna og Sigmundar! Er þeim treystandi?

Það er greinilegt, að Bjarni Ben og Sigmundur Davíð hafa það eitt í huga að fella ríkisstjórnina.  Það er einsog þeir átti sig ekki  á því á hverskonar tímum og á hvaða stað við, íslensk þjóð, erum stödd!  Við erum stödd í miðjum rústum efnahagskerfis, sem er alfarið á ábyrgð helmingaskiptaflokkanna, Framsóknarflokksins og Sjálfstæðisflokksins.  Þeir reistu það í þágu helmingaskipta sinna, þeir umturnuð því í skrímsli hamfaramarkaðskerfis, í anda frjálshyggjunnar.  Græðgivæðing, auðhyggja, spilling og skortur á lýðræðislegum vinnubrögðum, sem óheft markaðskerfi felur í sér, leiddi svo til hrunsins og nú erum við stödd í rústunum.  Í þessu ástandi er það þeirra helsta markmið að blása að glæðum ósáttar í samfélaginu og grafa undan ríkisstjórninni.  Þeir telja, að einmitt núna sé rétti tíminn til að flokkar þeirra taki við!  Nú spyr ég:  Í ljósi sögunnar, er Framsóknarflokknum og Sjálfstæðisflokknum treystandi til að reisa við íslenskt samfélag á rústum hins gamla?  Ég segi nei!

Litlu skila þessar málmbræðslur til þjóðarbúsins! Ekki á það bætandi? Með viðbót!

Borga þessir greifar svona mikla skatta?  Nei!  Málmbræðsluiðnaðurinn greiddi 2,4 milljarða í skatta 2006.  Það voru heil  0,43% af tekjum  hins opinbera!  Nei, það er satt,  skattpínd eru þessi grey, svei mér þá!  Og skiluðu heilum 2% af hreinum þjóðartekjum, eða innan við 16 milljörðum, mest launum! Það eru sem sagt álverin öll þrjú í eigu Norðuráls, Alcoa (hóf reyndar ekki rekstur verksmiðju fyrr en í apríl 2007), Járnblendiverksmiðja Elkem og RioTintoAlcan!  Og varla er þrautin þyngri hjá Sementinu.

Skattar 2,4 milljarðar 0,43% af tekjum hins opinbera. 2006.

Skila nær 16 milljörðum af hreinum þjóðartekjum eða 2%.  2008.                                          Það ár var Kárahnjúkaskrímslið komið í fullan rekstur og Alcoa farið að telja!  Fjórar málmbræðslur ná ekki að skila meiru en tæpum 2% af þjóðartekjum!

Mengunarskattur 0 krónur.

 

Boða fund um stóriðjuskatta

Baráttudagar í október - ár frá hruni. Helgina 10.-11. október.

Baráttudagar í október - ár frá hruni

Helgina 10.-11. október heldur Rauður vettvangur ráðstefnuna "Baráttudaga í október - ár frá hruni". Á henni verður farið yfir stöðuna í þjóðfélaginu í fjórum málstofum.

"Bankahrunið og reynslan af fyrsta ári kreppunnar",

"Hver fer með völdin á Íslandi?" og

"Átök og verkefni framundan" verða á laugardeginum og sameiginlegur kvöldverður um kvöldið.

Á sunnudeginum verður fjórða málstofan, "Ný stefna fyrir Ísland", og eftir hana opinn umræðufundur um skipulag nýrrar byltingarhreyfingar.

Frummælendur eru Andrea Ólafsdóttir, Gunnar Skúli Ármannsson, Helga Þórðardóttir, Herbert Sveinbjörnsson, Héðinn Björnsson, Jakobína Ólafsdóttir, Kolbeinn Stefánsson, Lilja Mósesdóttir, Vésteinn Valgarðsson, Þorleifur Gunnlaugsson, Þorvaldur Þorvaldsson, Þórarinn Hjartarson og Þórður Björn Sigurðsson.

Rauður vettvangur er félag sósíalista. Það var stofnað í árið 2008 og hefur haldið reglulega og óreglulega fundi, Rauðan fyrsta maí og Rauða daga í Reykjavík í júlí sl. Tilgangur félagsins er að leggja sitt af mörkum í endurskipulagningu íslensks þjóðfélags út úr og upp úr kreppu.

Nánari upplýsingar:
www.raudurvettvangur.blog.is

Mat á arðsemi orkusölu til stóriðju.

Mat á arðsemi orkusölu til stóriðju
http://www.fjarmalaraduneyti.is/media/Utgefin_rit/Mat_a_ardsemi_orkusolu_til_storidju_1.pdf
Formáli
Í apríl 2009 samdi Fjármálaráðuneytið við Sjónarrönd ehf. um að framkvæma mat á afrakstri
orkusölu til erlendrar stóriðju fyrir íslenska þjóðarbúið. Verkefnið greinist í tvo
meginverkþætti: Annars vegar skal leggja mat á arðsemi orkusölu til stóriðju; hins vegar skal
meta þjóðhagsleg áhrif af erlendum fjárfestingum í stóriðju. Samkvæmt verkáætlun skyldi
skila áfangaskýrslu í maí á þessu ári og endanlegum niðurstöðum síðar á árinu. Þessi
áfangaskýrsla er í samræmi við þessa kvöð. Lögð er áhersla á að auk þess sem hér er aðeins
tekið á vissum verkþáttum eru þær niðurstöður sem hér eru teknar saman til bráðabirgða og
gætu breyst í lokaútgáfu skýrslunnar.
Fyrir hönd Sjónarrandar hafa eftirtaldir unnið að gerð þessarar skýrslu: Þorsteinn Siglaugsson
hagfræðingur, Dr. Sigurður Jóhannesson hagfræðingur, Dr. Ásgeir Jónsson lektor við Háskóla
Íslands og Dr. Ragnar Árnason prófessor í hagfræði við Háskóla Íslands.
29. maí 2009
Fyrir hönd Sjónarrandar ehf.

……………………………………………………..
Skatttekjur af stóriðju:
Skattar á málmframleiðslu sveiflast nokkuð frá ári til árs, en árið 2005 voru þeir 765 milljónir
króna (eða 0,14% af tekjum hins opinbera) og 2006 2,4 milljarðar (0,43% af tekjum hins
opinbera (www.hagstofa.is, ársreikningar fyrirtækja).

Umfang stóriðju í hagkerfinu:
Tekjur Íslendinga af rekstri stóriðju, sem eru fyrst og fremst laun, nálguðust sennilega 16
milljarða árið 2008, eða 2% af hreinum þjóðartekjum alls (hreinar þjóðartekjur eru tekjur
íslenskra framleiðsluþátta, vinnuafls og fjármagns, en afskriftir af fjármagni eru hér ekki taldar með).

Mat á arðsemi orkusölu til stóriðju. Efnið er tekið af vef Fjármálaráðuneytisins!

Mat á arðsemi orkusölu til stóriðju
http://www.fjarmalaraduneyti.is/media/Utgefin_rit/Mat_a_ardsemi_orkusolu_til_storidju_1.pdf
Formáli
Í apríl 2009 samdi Fjármálaráðuneytið við Sjónarrönd ehf. um að framkvæma mat á afrakstri
orkusölu til erlendrar stóriðju fyrir íslenska þjóðarbúið. Verkefnið greinist í tvo
meginverkþætti: Annars vegar skal leggja mat á arðsemi orkusölu til stóriðju; hins vegar skal
meta þjóðhagsleg áhrif af erlendum fjárfestingum í stóriðju. Samkvæmt verkáætlun skyldi
skila áfangaskýrslu í maí á þessu ári og endanlegum niðurstöðum síðar á árinu. Þessi
áfangaskýrsla er í samræmi við þessa kvöð. Lögð er áhersla á að auk þess sem hér er aðeins
tekið á vissum verkþáttum eru þær niðurstöður sem hér eru teknar saman til bráðabirgða og
gætu breyst í lokaútgáfu skýrslunnar.
Fyrir hönd Sjónarrandar hafa eftirtaldir unnið að gerð þessarar skýrslu: Þorsteinn Siglaugsson
hagfræðingur, Dr. Sigurður Jóhannesson hagfræðingur, Dr. Ásgeir Jónsson lektor við Háskóla
Íslands og Dr. Ragnar Árnason prófessor í hagfræði við Háskóla Íslands.
29. maí 2009
Fyrir hönd Sjónarrandar ehf.

……………………………………………………..
Skatttekjur af stóriðju:
Skattar á málmframleiðslu sveiflast nokkuð frá ári til árs, en árið 2005 voru þeir 765 milljónir
króna (eða 0,14% af tekjum hins opinbera) og 2006 2,4 milljarðar (0,43% af tekjum hins
opinbera (www.hagstofa.is, ársreikningar fyrirtækja).

Umfang stóriðju í hagkerfinu:
Tekjur Íslendinga af rekstri stóriðju, sem eru fyrst og fremst laun, nálguðust sennilega 16
milljarða árið 2008, eða 2% af hreinum þjóðartekjum alls (hreinar þjóðartekjur eru tekjur
íslenskra framleiðsluþátta, vinnuafls og fjármagns, en afskriftir af fjármagni eru hér ekki taldar með).

 

Höfundarréttarvarið efni á mbl.is!

Í morgun barst mér, og kannski fleirum, póstur frá blogg-ritskoðuninni um að bannað væri að  nota höfundarréttarvarið efni á blogginu, og við sem  brytum þá reglu ættum lokun yfir höfði okkar!  Mbl.is býr greinilega ekki við þessar sömu reglur, eða hafa þeir leyfi til að birta efni af vef Ögmundar.  Kannski telur hann óþarfi að verja efni sitt með höfundarrétti?  Kannski er hann ekki jafn mikill aðdáandi einkaeignarréttarins og AMX og blogg-ritskoðunin!

Ögmundur: Var stillt upp við vegg

"Lokum öllum álverum og björgum Íslandi." Grein á AMX.

Varla verður AMX bendlað við Vinstrigræn, en hér koma fram hin efnahagslegu rök!

http://www.amx.is/pistlar/10187/

Þetta verða Sjálfstæðismenn að lesa!

Eitruð sending frá þingmanni

Helgi Hjörvar, þingmaður Samfylkingarinnar, skrifar stutta athugasemd í Morgunblaðið í dag og vekur athygli á að stærsta einstaka skuldin sem Íslendingar þurfi að greiða vegna bankahrunsins sé vegna afskriftareiknings Seðlabanka Íslands frá stjórnartíð Davíðs Oddssonar. Þessi 300 milljarða skuld dynji á almenningi af fullum þunga nú þegar ólíkt Icesave-skuldinni.

Helgi segir orðrétt: "Til að forða Seðlabanka Íslands frá gjaldþroti, þurfti ríkissjóður að leysa til sín tapaðar kröfur vegna fallinna fjármálastofnana að andvirði 300 milljarðar króna. Reikningurinn úr Seðlabankanum er 60 milljörðum hærri en fjárhæðin sem áætlað er að Icesave-reikningurinn endi í með vöxtum. Ólíkt Icesave-skuldbindingunum sem fyrst koma til greiðslu eftir sjö ár þarf almenningur á Íslandi þegar í dag að blæða fyrir reikninginn úr Seðlabankanum í formi hækkaðra skatta og niðurskurðar velferðarþjónustu ríkisins.
Skattahækkanir í fjárlagafrumvarpinu munu verða heilan áratug að vinna upp það tjón.
Hollt er að hafa þetta í huga við lestur Morgunblaðsins þessa dagana."

Smástráka-þroskastig skríp()anna á AMX, sem kallar sig "fremsta fréttaskýringavef landsins"!

 Textinn hér fyrir neðan er aðeins dæmi um ómerkilegan málflutning kjaftakallanna á hægri kanti stjórnmálanna.  Svipaður og ruglið í heimastjórninni á INN Ingva Hrafns!  Smástráka-þroski!  Of stórt uppí sig tekið að kalla þá skrípenta!

"Smáfuglarnir heyra, að 16 milljarða skatturinn, sem Katrín Júlíusdóttir, iðnaðarráðherra, vissi ekki um, fyrr en hann hafði verið kynntur í fjárlagafrumvarpinu, gangi undir heitinu „servíettuskattur Indriða H.“, af því að Indriði H. Þorláksson, aðstoðarmaður fjármálaráðherra, hafi hannað hann á servíettu einhvers staðar á opinberum vettvangi – kannski í flugvél, þar sem hann er hættur að þora að kveikja á tölvunni sinni.

Ótti Indriða H. við tölvur í flugvél á sér augljósa skýringu, þar lásu menn minnisblað hans til Steingríms J. um ICESAVE 2. september. Indriði H. segist ekki svara neinum spurningum um minnisblaðið, af því að hann hafi óbeit á „gluggagægjum“. Hann neitar örugglega einnig að svara öllum spurningum um servíettuskattinn. Katrín Júl. geti bara farið úr stjórnarráðinu, eins og Ögmundur, sætti hún sig ekki við ákvarðanir Steingríms J."

Strax! Strax, og aftur strax!

Fyrirsögnin á leiðara Fréttablaðsins inniheldur þetta orð strax.  Þjóðin þarf nýtt sóknarskeið strax.  Allt þarf að gerast strax.  Hvað höfum við ekki heyrt þetta oft uppá síðkastið, og á undanförnum árum, strax.  Frekjan í manni segir strax.  Ég vil þetta og hitt núna strax.  Stjórnmálamennirnir hafa unnið myrkranna á milli, já allan sólarhringinn við að vinna þau verk sem þeir hafa tekið að sér, og allir heimta úrlausn sinna mála strax.  Að þeirra þörfum sé sinnt strax, hversu nauðsynleg þau eru  svona yfirleitt og gagnslaus fyrir heildina.  Allt skal gerast strax. Frekjan ég!

Nýjasta dæmið úr stjórnmálaumræðunni er fjárlagafrumvarpið.  Sjálfstæðismenn ýmsir eru hissa að fjárlagafrumvarpið komi ekki alskapað úr ráðuneytinu.  "Þeir hafa nú einu sinni haft 8 mánuði til að vinna frumvarpið."  Já, já, "þeir" hafa náttúrulega ekkert haft annað að gera líka þessa 8 mánuði, eða hvað?  Nei, ég vil fá frumvarpið tilbúið alskapað strax!  Þetta er bara lélegt frumvarp og léleg ríkisstjórn, sem getur ekki einu sinni haft frumvarpið alskapað strax, af því að ég vil hafa það svoleiðis, og svo hafa þeir nú einu sinni haft 8 mánuði til að skapaða það!  Frekjan ég!

Og nú eru allir vitlausir útaf umhverfismatinu á línustaurunum, sem leggja á til Helguvíkur!  SA er hneykslað á að fá ekki að gefa álit sitt eða andmæli þrátt fyrir að vera ekki umsagnaraðili í málinu skv lögum!  Frekjan ég!  Hversvegna, jú, þeir vilja staurana strax, og þeir vilja álverið strax.  Skítt með umhverfisáhrifin og skítt með þó rafmagnsframleiðsla til álversins skapi eintóm vandræði.  Eða hvaða rafmagn á að flytja með þessari línu til þess að knýja þetta álver strax.  Það er nefnilega búið að koma orkumálum þjóðarinnar í algert öngþveiti.  Verði álverin í Helguvík og á Bakka bæði reist og framleiðslan sett í fullan gang miðað við endanlega ætlaða stærð þeirra verða allir hagkvæmir virkjunarmöguleikar landsins uppurnir þar með, strax.  Um það mál má lesa í grein á Smugunni. http://www.smugan.is/pistlar/adsendar-greinar/nr/2327

Og þá erum við nefnilega komin að ástæðunni fyrir hversvegna menn vilja að þetta gerist svona hratt og strax.  Það er til þess að þjóðin komist ekki að því fyrr en of seint, að möguleikar hennar hafa verið skertir með þessu strax.  Einu virkjunarmöguleikar þjóðarinnar verða þá á hálendi landsins, óhagkvæmar smávirkjanir og svo fram vegis.  það verður búið að selja útlendingum alla hagkvæma rafmagnið í mengandi stóriðju fyrir spottprís.  Álver í Helguvík, í endanlegri stærð, þarf meira rafmagn en hægt er að framleiða á Reykjanesi og með þrem virkjunum í Þjórsá!  Og þá vantar enn uppá!  Þess vegna þarf að drífa þetta af strax!  Semja og selja strax.  Byggja álverin strax og reisa línustaurana strax.  Virkja strax.  Áður enn það er um seinann.  Því þegar allt hagkvæma rafmagnið hefur verið selt strax til mengandi stóriðju, og ekkert eftir annað, þá er of seint að snúa við.  Þess vegna þarf þetta að gerast strax.  Álverið í Straumsvík vill stækka strax.  Það kostar þjóðina virkjun uppá litla 25 milljarða.  Ég skil vel að það þurfi að skapa störf og það verða til 12 ný störf, en þessi nýju störf munu kosta 25 milljarða!  Strax!  Frekjan ég!

Ég á ekki til orð! Hvað vill Bjarni Ben uppá dekk?

Bjarni Ben ku vera formaður stærsta stjórnmálaflokks á Íslandi.  Var hann að fá upplýsingar um eðli alþjóðagjaldeyrissjóðsins í morgun?  Það er aungvu líkara!  Ég er búinn að velta þessari frétt fyrir mér meira og minna síðan um hádegið, og ég er enn orðlaus af undrun.  Ég hélt nefnilega að eðli AGS væri alþekkt og hefði verið um nokkurt skeið.  Í heilt ár hefur hvert mannsbarn á Íslandi áttað sig á að AGS er ekki alþjóðleg félagsmálastofnun, nema Bjarni og ráðgjafar.  Og það er einmitt sama fólkið og gerir hvað það getur til að velta ríkisstjórnunni úr sessi til þess að komast sjálf í stólana.  Skítt með hagsmuni þjóðarinnar.

Í heilt ár hafa Íslendingar talað og skrifað um AGS, og nokkrir mikið lengur.  Framferði hans, og sögu, allsstaðar þar sem hann hefur drepið niður fæti.  Allir nema Bjarni Ben og ráðgjafar hans.  Ferill AGS er á allra vitorði nema forystunnar í Sjálfstæðisflokknum og ráðgjafa hennar.

Hvað vill Bjarni Ben uppá dekk?

Hneisa fyrir Alþjóðagjaldeyrissjóðinn

Vissu fleiri en þögðu þó!

Að framkvæmdavaldið væri bundið af ákvörðunum Alþingis.  Það breyttist að vísu svolítið í síðustu stjórnartíð Sjálfstæðisflokksins.  Þá var nefnilega Alþingi gjarnan bundið af ákvörðunum formanna stjórnarflokkanna.

Það er einsog mig minni, að alltaf hafi staðið til að upplýsa stjórnarandstöðuna um stöðu mála.  Bjarni fellst á nauðsyn þess að halda sig við leyndina þrátt fyrir stóryrði um annað!  Í gær var það skylda stjórnarinnar að upplýsa stjórnarandstöðuna og þjóðina!

Hvað vill Bjarni Ben uppá dekk?

Fundi um Icesave lokið