Random í DOS!

Ég legg til að við spörum alla  peningana sem það kostar að halda kosningar.  Valið verði að handahófi úr símaskránni hverjir verði  þingmenn á næsta kjörtímabili!

Ungliðar vilja opin prófkjör

Fjölgum þingmönnum.

Það eru 7600 atvinnulausir í landinu.  Ég skora á þá alla að gefa kost á sér í annað sætið í Norðausturkjördæmi!  En er Sigmundur ekki að gefa kost á sér í sæti fyrir vitlausan flokk?  Ég hélt að sjálfgræðisflokkurinn hentaði honum betur.  Hélt alltaf að hann væri flokksbundinn í délistanum!

Sigmundur Ernir í pólitíkina

Gæsluvarðhald til 26. apríl?

  Davíð hefur ekki brugðist!

Eiríkur og Ingimundur hafa svarað

En bætur almannatrygginga...

... hækkuðu ekki svona mikið!  Hvernig stendur á því?  Spyr sá sem ekki veit.

Grunnfjárhæðir fjárhagsaðstoðar hækka um 16,35%

Bjarni Harðar og Davíð Oddsson.

Bjarni Harðar sendir út skilaboð um að hann hafi verið ódrukkinn þegar hann skrifaði færslu sína um Davíð Oddsson, og hitalaus!  Mér er nú alveg slétt sama um það.  Hann virðist þeirrar skoðunar að lagt hafi verið fram frumvarp um DO, ófullur og hitalaus.  Það finnst mér merkilegt!  Ég hélt nefnilega í fávisku minni, að lagt hefði verið fram frumvarp um Seðlabankann!  Hvað varðar DO er ljóst burtséð frá téðu frumvarpi að DO verður að víkja úr bankanum! Ástæðurnar eru svo ljósar að ekki þarf að ræða þær neitt frekar!  Bjarni má bera blak af DO, og allur söfnuður Nýfrjálshyggjukirkjunnar.  Þó ástæður þeirra fyrir því séu mér alveg huldar.  Hversvegna DO er mönnum svona kær er mér gersamlega hulin ráðgáta!

Þingmenn Nýfrjálshyggjukirkjunnar nötra og skjálfa.  Það er að mínu viti vegna þess að þeir óttast DO og hugsanlega endurkomu hans stjórnmálin!  Það er þeim skelfileg tilhugsun, að þegar Flokkur þeirra er að ná saman hinu hundtrygga fylgi sínu 25-30%, þá megi búast við að DO verði kominn á kreik, jafnvel í forystuna, fyrir væntanlegar kosningar.  Bæði er, að þeir þekkja þá áþján og það ófrelsi sem fylgir því að starfa undir forystu DO, og svo annað, að aðeins 2-3% þjóðarinnar vill sjá DO aftur í stjórnmálum.

Ég veit svo ekki við hverja er átt þegar talað er um hatur og heift stjórnmálamanna útí DO.  Alkunna er vinátta Jóhönnu og DO.  Steingrímur var vinveittur DO á sínum tíma og var það gagnkvæmt að ég held.  Í síðustu kosningabaráttu DO mátti sjá að þeir felldu hugi saman, pólitískt a.m.k reyndar svo mikinn að sumum blöskraði!  Kannski Bjarni og Davíð séu á leið saman í framboð utan flokka en Bjarna vegna vona ég ekki.

Ég vil svo lýsa því yfir samúð minni með öllum í Nýfrjálshyggjusöfnuðinum!

 

 

Ásta Möller og forseti lýðveldisins!

Merkilegt að í öllu orðaflóði sjálfgræðis-nýfrjálshyggjusafnaðarins minnist Ásta Möller ekkert á "óvin lýðræðisins."  Og enginn annar úr söfnuðinum hefur tekið svo stórt uppí sig, þó ýmsar misgáfulegar athugasemdir hafi heyrst!  Kannski það hafi kviknað ofurlítið ljós hjá þessum söfnuði sem lengst af þóttist eiga einhverskonar einkarétt á lýðræðinu!

"Við voru ekki nógu dugleg að tala TIL þjóðarinnar." Þorgerður Katrín.

Henni datt ekki í hug að tala VIÐ Þjóðina!  Og svo þykist þetta geta rifið kjaft!

Borgum ekki óreiðumönnum biðlaun!

Einkum þessum sem sváfu á vaktinni milli þess sem þeir rifu kjaft við þjóðina eða svöruðu henni með úrúrsnúningum!

 

Músasaga Kristins H. og stærilæti hans.

 

Stærilæti Íslendingsins, og Kristins H. Gunnarssonar í umræðum á Alþingi!

 

Fíll og mús voru á ferðalagi.  Á ferð sinni komu þau að brú sem ganga þurfti yfir.  Og þau gengu útá brúnna og brúin tók að sveiflast.  Og fíllinn sagði:  Það er nú meira, hvað brúin sveiflast!  Og músin svaraði:  Við erum líka tvö!

Álverið heim á Bakka. Hin fánýta umræða!

 

Álver heim á Bakka.  Það virðist vera hinn stóri draumur margra.  Nú er ástandið þannig að verð á áli stendur ekki undir fjárfestingu þjóðarinnar í Álverinu á Reyðarfirði.  Það vantar ca. 150 $ uppá per framleitt tonn!  Hver borgar það?  Það er sölutregða og lækkandi verð á áli!

Alþjóðlegar álsamsteypur draga saman seglin.  Sú stærsta, Rio Tinto, á í miklum erfiðleikum, gott ef samsteypan rambar ekki á barmi gjaldþrots!  Hin smærri í þessu bransa eiga líka í miklu basli.

Lánsfjármarkaðir eru frosnir.  Lánsfé fæst ekki til nýrra stórframkvæmda í áhætturekstri sem auk þess stendur höllum fæti.

Sá aðili, sem ætlaði/ætlar að byggja álverið á Bakka, hefur lýst því yfir að endanleg ákvörðun um verkið sé ekki á dagskrá næstu 12 til 18 mánuði.

Og nú hnakkrífast sumir um hvort eigi að reisa álver.  Þeir sem segja nei eru skammaðir fyrir að standa gegn sjálfsögðum framförum.  Jafnvel þeir, sem vilja láta náttúruna, og komandi kynslóðir, njóta vafans eru álitnir ullarsokkar og afturhöld.

En miðað við það, sem að ofan er skrifað um umhverfi umrædds máls, má undrum sæta, að nokkur skuli eyða tíma sínum og annarra í að minnast á Álverið á Bakka

 

Meira, hvað þúfan er merkileg í augum þess sem á hana mígur!

Við borgum ekki...! Við ætlum að veiða hval!

 

Það er aungvu líkara en að ýmsir stjórnmálamenn, og ekki stjórnmálamenn líka, séu harðákveðnir að segja umheiminum stríð á hendur.  Í upphafi hruns íslensks samfélags lýsti Davíð Oddsson, hinn raunverulegi leiðtogi dé-listans, því yfir að við myndum ekki standa við skuldbindingar okkar:  Við borgum ekki...

Einar K. Guðfinnsson notaði tækifærið í síðustu viku ráðherratíðar sinnar til að segja umheiminum, að við Íslendingar ætluðum að hefja hvalveiðar í atvinnuskyni í stórum stíl.  Þetta gerir Einar á þeim tíma í sögu þjóðarinnar að við eigum allt okkar undir velvilja umheimsins.  Einar veit ósköp vel að hvalveiðar erum umdeildar innanlands, sem utan.  Fjöldi ríkisstjórna er beinlínis alfarið á móti hvalveiðum.  Fjöldi frjálsra, þrælskipulagðra félagasamtaka er tilbúin að hefja harðan áróður gegn þeim sem veiða hval og berjast jafnvel fyrir því að fólk kaupi ekki vörur frá ríkjum sem stunda hvalveiðar.  Sölutregða og verðfall á sjávarfangi á mörkuðum er staðreynd sem liggur fyrir.  Vill Einar K. auka á tregðuna og lækka verðið enn meir? Vill Einar K. kalla jafnvel yfir okkur viðskiptabann?  Vill hann auka atvinnuleysið í landinu enn meir?  Aðeins til að ca 200 manns geti veitt og unnið hvalaafurðir, sem er alveg óvíst að hægt sé að selja nokkur staðar eða nokkur tíma á næstunni.  Sjómenn í Noregi eru farnir að draga úr fiskveiðum vegna sölutregðu á mörkuðum.  Allar frystigeymslur eru fullar.  Það er líklegt að þetta bíði okkar líka.  Telja þeir sem vilja hefja hvalveiðar undir þessum kringumstæðum það heppilegt?

Sjálfur er ég hlynntur hvalveiðum.  Það er vegna þess að mér finnst gott að éta hvalket.  Mér finnst það samt ekki svo gott að ég vilji fórna heildarhagsmunum þjóðarinnar, mínum hagsmunum, til að ég geti étið hval!  Hvalur, einkum hrefna étur fisk á fiskimiðunum, það er ein röksemd fyrir hvalveiðum.  En kringumstæðurnar eru bara þannig að sú röksemd er ekki nógu sterk.

Getur verið að Einar K. hafi tekið stundarhagsmuni sjálfstæðisflokksins fram yfir hagsmuni þjóðarinnar?  Hann hafi "aðeins" ætlað að skapa sundrungu í komandi stjórn og skora prik hjá ákveðnum hóp Íslendinga?

Það eru vissulega til menn, sem eru svo uppteknir af þúfunni sinni sem þeir míga á, að umheimurinn verður lítill og varla þess virði að vera  veitt athygli.  Eru þeir, sem ekki vilja borga/ og vilja ekki standa við skuldbindingar þjóðarinnar, og þeir sem vilja endilega veiða hval, þannig menn?  Að þeirra þúfa skipti þá meira máli en þjóðin, og að þúfan skipti þá svo miklu máli, að umheimurinn sé lítilvægari?  Getur verið að þeirra eigin persóna og þeirra eigin flokkur, þeirra eigin þúfa sé þeim mikilvægari en þjóðin og hagsmunir hennar?  Og umheimurinn sé bara lítilvægur og skipti ekki mál?  Þeirra eigin þúfa sé þeim allt?

Allt tal um pólitískar hreinsanir og heift er rugl!

Nauðsynlegt er að losna við núverandi stjórn Seðlabankans svo ávinna megi landinu traust í útlöndum.  Það að hinir ábyrgu sé látnir taka pokann sinn er spurning um réttlæti, ekki hefnd, ekki heift, ekki pólitískar hreinsanir!

Af hvaða fjöllum kemur Blöndal?

Veit Halldór Blöndal ekki að Seðlabankinn er rúinn trausti, bæði innan lands og utan?  Til að reyna að endurvekja traust landsins í útlöndum þarf að reka gervalla yfirstjórn bankans.  Það er hlegið að Davíð og mönnum þykir ótrúlegt að hann hafi yfirhöfuð verið gerður að Seðlabankastjóra.  Reyndar er nokkuð síðan menn fóru að hlægja að Davíð í útlöndum.  Ég tel mig vita hvenær sá hlátur hófst.  Horfði á það í beinni útsendingu á Sky-fréttastöðinni!  Þá  var Davíð forsætisráðherra!

Áfram með Seðlabankann.  Það  þarf að losna við þessa ótrúlegu heimsku og vankunnáttu í yfirstjórn bankans.  Mennirnir úr afdalnum, Davíð og Halldór t.d., eiga halda sig  í sínum andllega afdal!  Og skemmta sér og sínum með drykkjuskap og kviðlingum!

Yfirlýsingar jaðra við einelti

Davíð hafður að athlægi í útlöndum...

...og vinur hans gefur okkur öllum tilefni til að álíta að það sé ekki af ástæðulausu. 

En eru ekki flestir búnir að fá nóg af þessari gersamlega tilefnislausu persónudýrkun á Davíð.   Hverslags þráhyggja er þetta í Frjálshyggjusöfnuðinum? Gamla forstokkaða Kremlarklanið fölnar í samanburði! Er ekki hægt að fá eitthvað við þessu?  Eða er kannski einhverskonar atferlismeðferð lausnin?

Það segir alla söguna um atgervi DO og feril, að flestum ber saman um að til að bæta ímynd landsins, og öðlast traust, er forgangsverkefnið að losna við Davíð.  Og ekki seinna en strax!

Maðurinn sam kastaði stríðshanskanum framan í umheiminn, þegar síst skyldi, í upphafi hrunsins mikla:  Við borgum ekki...  Einmitt á því augnabliki í sögu þjóðarinnar, þegar við svo sannarlega þurftum að fara varlega og gæta þess að láta ekki hégómagirnd og heimsku skaða hagsmuni þjóðarinnar!  En ó ekki!  Þurfti þá ekki að slá saman í hausnum á Davíð:  Við borgum ekki...

Hannes Hólmsteinn: Óvinir Davíðs

Og Frjálshyggjusöfnuðurinn í öngum sínum!

Mikið á þetta lið bágt!  Þeim finnst þetta og hitt!  Rýrt og hefnigirni segja þau.  Og hafa allt á hornum sér, einsog unglingur sem hefur verið stoppaður af!  Vanstilling er þetta!

En það er von.  Heimsmynd frjálshyggjunnar er hrunin!  Reyndist hjóm eitt!  Draumurinn um hina alþjóðlegu fjármálamiðstöð, púff!  Bláfátækir skrifstofustrákar og stelpur voru uppfull af einhverri furðulegri ruglhugmynd um að öðlast hlutdeild í auðnum og héldu að einn daginn yrðu þau líka rík!  Og svo var um aðra stráka og stelpur í öðrum störfum.  Þau deildu þessri draumsýn blekkingarinar!  Og nú er draumurinn búinn, púff!  Rugluð og ráðþrota og án allra átta... Heimsmyndin hruninn  og Guðið fallið!  Óttaslegin og reið!  Framtíð án heimsmyndar, og ekkert Guð!  Dagurinn er einn skelfing og hyldýpið blasir eitt við!  Vegvilltir meðlimir Frjálshyggjusafnaðarins vita eiginlega ekki sitt rjúkandi ráð!  Mikið á þetta lið bágt!  Og vonandi rís frjálshyggjann aldrei upp aftur, okkar hinna vegna.  En söfnuðurinn verður að bjarga sér sjálfur, enda verið að reka Guðið!

Frumvörp um stöðu heimilanna

Steingrímur og Jóhanna í góðum gír!

Gamlar og góðar hugmyndir um jöfnuð hafa verið dregnar fram!  Frjálshyggjusöfnuðurinn er duglegur að tjá sig gegn þessum hugmyndum Steingríms.  Áður hélt þessi sami söfnuður því fram að Steingrímur og Vg hefðu engar tillögur fram að færa!  Ef maður sagði:  Nú?  Þá var röksemdarfærslan þessi:  Það segja það allir!  Nú grætur söfnuðurinn liðna tíð.  Og svo á að reka Guð! Alþjóðleg fjármálamiðstöð, hvað?  Það var æðsti draumur safnaðarins og Guðsins!

Þetta er gaman!  Svo ég noti orð barnsins á heimilinu.

Í öllum siðuðum þjóðfélögum hér í kringum okkur er þessi hugmyndafræði, sem Steingrímur dregur nú fram,  notuð við skattlagning.  Þetta eru þau þjóðfélög sem hafa "plummað" sig best gegnum tíðina.  Það sem meira er: þau hafa sloppið betur undan Frjálshyggjusöfnuðum heimsins en við, sem vorum ofurseld frjálshyggjutrúnni í tvo áratugi.  Með þessum líka afleiðingunum!  Það er vonandi að frjálshyggjutrúin nái aldrei aftur tökum á íslensku samfélagi aftur.  Og vonandi að þjóðin nái vopnum sínum undir leiðsögn Jóhönnu og Steingríms J. og þeirra flokka (reyndar þarf SF að hreinsa rækilega til í sinum ranni:  Burt með Blair-ismann).

En það er von að Frjálshyggjusöfnuðurinn sé hnípinn og óttasleginn:  Því nú á að koma á réttlæti og jöfnuði.  Og reka Guð!  

Lengi lifi socialisminn!  Lengi lifi hjartfólgnir leiðtogar alþýðunnar!  Steingrímur og Jóhanna!

 

P.s. Einföldum sálum til huggunar:  Þegar talað er um Guð hér í færslunni er auðvitað átt við Guð Frjálshyggjusafnaðarins, Davíð Oddsson!  Það er ekki átt við Guð almáttugan!  Hann er eilífur og verður ekki rekinn!  Do er hvorki eilífur né almáttugur!

Vill dreifa skattbyrðinni

Spældur, spældari, spældust!

Nú virðast brottreknir þingmann sjálgræðisflokksins komnir í samkeppni hvert við annað um hver er spældastur.

Fram til þessa hefur Þorgerður Katrín þótt sýna bestu taktana.  Hún er spældust!

Fast á hæla hennar fylgir Sigurður Kári.  Af kk flokksins er hann spældastur.  Hann þykir sína litla karlmennsku í mótvindi!

Minnstan árangur í spælingunni sýnir Guðlaugur Þór.  Hann er stilltur og bregst við  með óvæntri karlmennsku.  Hann er sem sagt minnst spældur!

En Geir er lagstur undir hnífinn!  Hann tekur því ekki þátt í keppni að sinni!  Gangi honum vel!  Og megi hann sigrast á veikindum sínum.

Fráfarandi ríkisstjórn kveður

Hin dulda ástæða Framsóknar. Dapurlegt hlutverk B-listans.

Hin dulda ástæða framsóknar fyrir því að verja stjórnina falli er dapurleg.  Á sínum tíma lagði Álfheiður Ingadóttir fram frumvarp um kyrrsetningu eigna auðmannanna, sem lögðu íslenskan efnahag í rúst undir vernd ríkisstjórnar Sjálfstæðisflokksins.  Raunverulegur  tilgangur hins nýja formanns gömlu framsóknar er að koma í veg fyrir að hróflað verði við auðmönnunum!  Allt annað er yfirvarp.

Framsókn ver nýja stjórn