BB og ótrúverðugur fréttamaður, sem ráðherra notar til að réttlæta gerðir yfirvalda í máli Pauls Ramses.

      Góð síða fyrir þá sem vilja kynna sér ástandið, meðal annars í Kenya, sem Björn Bjarnason hefur eftir Ómari Valdimarssyni fréttamanni að sé svo ljómandi gott. www.kiva.org/  Ætli trúverðugleikinn fréttamannsins minnki ekki eitthvað hjá þeim sem lesa um ástandið þarna.  En það virðist ljóst af málflutningi BB að hann hefur ekki í hyggju svo mikið sem að skoða mál hælisleitenda.  Skítt með mannúð og mannréttindi.  Hann hefur jú lögin og reglugerðirnar sín megin!

Alveg sjálfsagt!

Auðvitað er alveg sjálfsagt að mismuna Suðurnesjamönnum!  Þetta veit Árni jafnvel og allir aðrir góðir og gegnir Sjálfstæðismenn.  Árni veit ósköp vel, að Flokkurinn hefur ekkert að athuga við mismunun hverskonar, enda talið sjálfsagt að stuðla að sem mestri mismunun í þjóðfélaginu.  Því ber Árna Sigfússyni að fagna þessum merka áfanga Flokksbræðra sinna í rikisstjórninni.  Og Árni, sem ég veit að er vel siðaður Flokksmaður, á þakka ráðherrunum fyrir, að Suðurnesjamenn fá að njóta stefnu Flokksins í heilbrigðismálum með því að verða aðnjótandi mismunar!  Það er sælt að vera í Flokknum og njóta mismunar hans!  Ekki satt, Árni Sigfússon?

Óviðunandi mismunun segir bæjarstjóri Reykjanesbæjar

BB við sama heygarðshornið!

Það virðist ekki breyta neinu hvort fólk er í bráðri lífshættu eða er "að leita að betri lífsskilyrðum".  Sama svarið: Nei!  Annars hélt ég í einfeldni minni að sá sem leitaði hælis í einhverju landi til að bjarga lífi sínu væri einmitt "að leita að betri lífsskilyrðum."  Allavega skilyrðum þar sem hann er ekki drepinn af valdsbólgnum valdsmönnum.  En hér á landi mæta honum einmitt svör hins valdsbógna valdsmanns, sem segir að ekkert sé að í heimalandinu.  Og ber fyrir sig fréttamann!  Og segir, að eitthvert annað land geti hýst hælisleitandann.  Og ber fyrir sig reglugerðir!  Og segir að allt hafi verið gert rétt og allt sé rétt og slétt!  Og ber fyrir sig lög, sem hann mælti fyrir sjálfur á þingi!  Hann segir, að mannúð og mannréttingi séu tilfinningasemi!  Og ber fyrir sig skynsemi sína!  Einsog ekki megi bera brigður á hana!  Einsog ekki megi bera brigður á siðferðilegt réttmæti laga og reglugerða, rétt einsog gerðir valdsmanna og skynsemi þeirra!

Dublinarákvæðið mikið notað