Ónýt hugmynd Sjálfstæðisflokksins um AGS og upptöku Evru! Dæmi um málflutning Sjálfstæðisflokksins. Rugl og meira rugl!

 

AGS skaffi Íslendingum ekki evruna

 

Percy Westerlund, sendiherra Evrópusambandsins gagnvart Noregi og Íslandi, segir það mikinn misskilning hjá Sjálfstæðisflokknum á Íslandi að halda að Alþjóðagjaldeyrissjóðurinn geti komið því til leiðar eða haft milligöngu um að Íslendingar geti tekið upp evru.

Joaquín Almunia, sem fer með peninga- og efnahagsmál fyrir Evrópusambandið, tekur í sama streng. Framkvæmdastjórn Evrópusambandsins hefur oftar en einu sinni lýst því yfir að hún sé andvíg einhliða upptöku evru, segir Almunia. Nánar um málið á speglunum eftir kvöldfréttir útvarps.

[e-mail]

Sjálfstæðisflokkurinn flýtur á lyginni! Innantóm kjaftamaskína í fyrsta sæti og dæmdur þjófur í öðru!

Auglýsingaóhróður Sjálfgræðisflokksins, sem með stjórnarstefnu sinni setti þjóðfélagið á hausinn, bæði fyrirtækin og heimilin, virðist ætla að ganga í suma kjósendur.  Göbbelskur kosningaáróður hans, að endurtaka lygina nógu oft, ætlar sem sagt að virka!  Sorglegt fyrir þessa þjóð!

D og S listi stærstir

Ómerkilegar lygar Sjálfstæðisflokksins í kosningabaráttunni!

 

Auglýsingar hins óábyrga smáflokks Sjálfstæðisflokksins eru allar byggðar á ómerkilegum lygum!

Dæmi um slíkt er augl. þar sem Délistinn talar um að núverandi stjórnarflokkar tali niður 6000 atvinnutækifæri í uppbyggingu í áliðnaði.  Fyrir það fyrsta var það í stjórnartíð Sjálfstæðisflokksins sem ákvörðun var tekinn um heildarumhverfismat á framkvæmdir tengdar álveri á Bakka! Í öðru lagi kæmi uppbygging í Helguvík aldrei til með að skapa  3000 störf, einsog haldið hefur verið fram.  Fyrsti áfangi myndi "aðeins" skapa 1.500 störf í mesta lagi.  Og hann einn var áætlaður.

Aðalatriðin varðandi hugsanleg álversbyggingar eru efnahagsástandið í heiminum,  orðspor Íslendinga og staða þjóðarbúsins,  en fyrst og fremst ástandið í áliðnaðinum í heiminum.  Norsk Hydro hefur ákveðið að draga saman álframleiðsluna um 30% í ár miðað við 2008. UC Rusal hefur ákveðið að fresta gangsetningu risa álvers í Boguchany til ársins 2012. Þar er áætlað að framleiða 1.000.000 tonna á ári, sem samsvarar ca ársframleiðslu á Íslandi.  Kínverjar auka framleiðslu sína innanlands og greiða sínum fyrirtækjum 10-20% hærra verð en útlendingum.  Með þessu hafa þeir nær lokað markaðnum í Kína.  Álbyrgðir hlaðast upp í heiminum.  Rio Tinto dregur saman vinnslu á bauxíti í Wipa Ástralíu um 23%.  Og hægir á byggingu álvers í Yarwun. 

Það er mikill misskilningur, að eitthvert álfyrirtæki sé með áætlanir um að byggja áver á Íslandi næstu 3-4 árin.  Century-fyrirtækið hefur endurskoðað áætlanir sínar um Helguvík og óvíst um niðurstöðuna.  Áætlanir um uppbygginu á næstu mánuðum eru ekki fyrir hendi, og allt óvíst um framtíðina, og reyndar framtíð fyrirtækisins.

Fréttir af álþynnuverksmiðju í Grindavík og raunverulegar áætlanir um byggingu gagnavers á Íslandi eru miklu líklegri til að komast í framkvæmd en draumur délistans um álver.  En fréttir af þeim framkvæmdum hafa einhvernveginn ekki farið hátt.  Sennilega gleymst í öllu þessi glamri um væntanleg álver!

Enn bullar Bjössi!

Af hverju ekki að viðurkenna það, að alsherjar getuleysi Sjálfgræðisflokksins fleytti Jóhönnu í stólinn!  Konunni sem þjóðin treystir, öfugt við Bjössa og félaga, sem eru rúnir traust!  Délistinn, sem áður var flokkurinn með stórum staf og greini er á góðri leið til að verða áhrifalaus smáflokkur á stærð við Framsókn!  Hvernig skyldi standa á því?  Og hvernig ætli standi á því að þessi flokksræfill byggir kosningabaráttu sína alla á ómerkilegum lygum og útúrsnúningum?  Getur  verið að getuleysi Sjálfstæðisflokksins sé öllum ljós nema frammá mönnum flokksins og fyrrverandi þingmönnum?

Þvermóðska Jóhönnu gerði hana að forsætisráðherra

VinstriGræn stærsti flokkurinn í skoðanakönnun Háskólans á Bifröst!

Og ekki orð um það meir, eða hvað?  Fréttastofa Bylgjunnar og visir.is eru einu fréttastofurnar sem minnast á þessa stórfrétt!  Mbl.is þegir þunnu hljóði, einsog ruv.  Er þetta dæmi um þöggunina?