Eftiráviska Davíðs Oddssonar!

  Sjá hér fyrir neðan!

Ekki fundið neina slíka skýrslu

Eftiráviska Davíðs Oddssonar¨! Veruleikafirrtur og í afneitun!

 

Skjöl, gögn og fundargerðir? Eða "eftiráviska" Davíðs í refskák Sjálfstæðisflokksins?

Hvar voru möppurnar með þessum skjölum, þegar Geir, Davíð og Árni voru að semja um Icesave í október? 

Hversvegna stoppaði Seðlabankinn Landsbankann ekki af með því að hækka bindiskylduna í stað þessa að afnema hana?

Hvar voru þessar möppur 3.október 2008, þegar Davíð sagði, að auðvitað væri innistæður í íslenska bankakerfinu tryggðar?

Eða 11.10. 2008, þegar Árni Matt sagði, að mikilvægast væri að lausn væri fundin?

Hvar voru möppurnar þegar flokksráðs- og formannafundurinn var haldinn 11.10.2008?  Vissu menn ekkert í sinn haus á þeim fundi?  Lykilmenn flokksins!

22.10. 2008  Var það þann dag, sem Geir hringdi í ofboði til Hollands til að tilkynna, að íslenskir ráðamenn ætluðu ekki að standa við orð sín og undirskriftir?  Sama dag og hann las bréf hans Davíðs?  Það hefur þá verið meira bréfið!  Má ekki birta þetta bréf?

Hvað um samkomulagið frá 16.11.2008 við Evrópusambandið?

Það er nú alveg greinilegt að Davíð ferst ýmislegt betur en að búa til flóknar sögufléttur í seinni tíð.  Er honum eitthvað farið að förlast?

Ég held ég verði að taka undir með visi.is.  Davíð ætti að snúa sér að garðrækt!  Tæpast er það þjóðinni til heilla að fyrrverandi forsætisráðherra geysist nú fram með svona uppsuður!

Ósvífin og ódýr afgreiðsla

16.11.2008 Fréttir Forsætisráðuneytisins: Samkomulag um Icesave.

 

 

Fréttir

Samkomulag næst við Evrópusambandið

fyrir hönd Hollendinga og Breta

- Greiðir fyrir láni frá Alþjóðagjaldeyrissjóðnum

(IMF)

16.11.2008

Mikilvægur áfangi hefur náðst til lausnar deilunnar um innstæðutryggingar vegna íslenskra bankaútibúa á Evrópska efnahagssvæðinu og stöðu sparifjáreigenda í þeim. Viðræður Íslands við nokkur Evrópusambandsríki, sem komust á fyrir tilstilli Frakklands sem nú fer með formennsku í Evrópusambandinu, leiddu til samkomulags um viðmið sem lögð verða til grundvallar frekari samningaviðræðum.

Samkomulagið felur í sér að íslensk stjórnvöld ábyrgjast lágmarkstryggingu þá sem EES-reglur mæla fyrir um til innstæðueigenda í útibúum bankanna erlendis. Endanlegur kostnaður ríkissjóðs vegna þessa mun ráðast af því hvað greiðist upp í innstæðutryggingar af eignum bankanna. Einnig er kveðið á um að Evrópusambandið, undir forystu Frakklands, taki áframhaldandi þátt í að finna lausnir sem gera Íslandi kleift að endurreisa fjármálakerfi og efnahag.

Aðilar eru ásáttir um að hraða fjárhagslegri aðstoð við Ísland, þar með talið samþykkt lánafyrir­greiðslu sem beðið hefur samþykktar stjórnar Alþjóðagjaldeyrissjóðsins (IMF) undanfarnar vikur. Erindi Íslands hjá IMF verður tekið til afgreiðslu hjá sjóðnum miðvikudaginn 19. nóvember.

Umsamin viðmið

1. Ríkisstjórn Íslands hefur átt viðræðufundi með stofnunum Evrópusambandsins og hlutaðeigandi aðildarríkjum þess um skuldbindingar Íslands samkvæmt samningnum um Evrópska efnahagssvæðið að því er tekur til tilskipunar um innstæðutryggingar 94/19/EB. Aðilar komu sér saman um að tilskipunin um innstæðutryggingar hafi verið felld inn í lög­gjöf­ina um Evrópska efnahagssvæðið í samræmi við samninginn um Evrópska efnahags­svæð­ið og gildi því á Íslandi með sama hætti og hún gildir í aðildarríkjum Evrópusambandsins.
2. Viðurkenning allra aðila á þessari lagalegu stöðu greiðir fyrir skjótri niðurstöðu samninga­viðræðna þeirra sem nú standa yfir um fjárhagsaðstoð við Ísland, þ.m.t. við Alþjóða­gjald­eyris­sjóðinn. Þessar samningaviðræður skulu fara fram með samhæfðum og samræmdum hætti og skal þar tekið tillit til hinna erfiðu og fordæmislausu aðstæðna sem Ísland er í og knýjandi nauðsynjar þess að ákveða ráðstafanir sem gera Íslandi kleift að endurreisa fjármála- og efnahagskerfi sitt.
3. Stofnanir Evrópusambandsins og Evrópska efnahagssvæðisins munu taka áframhaldandi þátt í þessu ferli sem fer fram í samráði við þær.

Reykjavík 16. nóvember 2008

Davíð: Menn tali varlega!

 

Davíð Oddsson, seðlabankastjóri, sagði í fréttum Útvarpsins, að mikilvægt væri að menn töluðu varlega um efnahagsástandið vegna þess hve allt væri kvikt bæði hér og annarstaðar. Afar þýðingarmikið sé að menn, sem teknir séu alvarlega vegna fræðaþekkingar sinnar, tali eins varlega og þeir geti án þess að tala sér þvert um hug.  Heilu hagkerfin hristust ef rangar fréttir bærust.

Davíð sagði að þrengingar væru gjaldeyrismarkaði en vonir stæðu til að úr þeim þrengingum dragi þegar frá liði. Búast mætti við að sá markaður verði höktandi en hann væri opinn.

Davíð sagði að mikil tortryggni væri í kerfinu og ef greiðslur milli banka tefðust byrjaði kerfið að hiksta. Hann sagði að auðvitað væri innistæður í íslenska bankakerfið tryggðar og mikilvægt væri að menn héldu ró sinni, stæðu saman.  Ekki stæði hins vegar til að koma með neinar yfirlýsingar nema beinharðar staðreyndir lægju að baki. 

Þá sagði Davíð  hér á landi væri einhver mesti  gjaldeyrisforði sem nokkur þjóð búi yfir. Starfað hafi verið eftir þeirri reglu lengi að eiga fyrir 3 mánaða innflutningi án þess að fá nokkrar nýjar tekjur á móti.  Nú sé til gjaldeyrir fyrir innkaupum í 8-9 mánuði án þess að nokkrar nýjar tekjur séu til staðar. Seðlabankinn geti því tryggt allar þarfir ríkissjóðs og allan innflutning sem þurfi án þess að nokkur útflutningur komi á móti í 9 mánuði samfellt. Allt tal um þurrð sé því ofmælt.

16.11.2008. Samkomulag íslenskra stjórnvalda og Evróðusambandsins vegna Icesave reikninganna.

 

  Björn Bjarnason skrifar:

Sunnudagur, 16. 11. 08.

Tilkynnt var undir kvöld, að samkomulag hefði tekist milli íslenskra stjórnvalda og Evrópusambandsins vega IceSave reikninganna. Um það hefur verið deilt, hvernig háttað er ábyrgðum á innistæðureikningum samkvæmt Evrópugerð, sem snertir bankaviðskipti yfir landamæri. Evrópusambandinu er mikið í mun, að enginn vafi ríki um þessa ábyrgð. Vandi okkar Íslendinga er, að Evrópugerðin er óljós og þar er alls ekki tekið mið af því, að heilt banka- eða fjármálakerfi hrynji eins og hér gerðist.

Sé vafi um ábyrgð á grundvelli þessarar gerðar, vegur hann að trausti á allri bankastarfsemi á evrópska efnahagssvæðinu. Samningsstaða Íslands er því sterk í málinu, þótt þrengt sé að hagsmunum landsins með því að tengja IceSave óskyldum málum. Þeir, sem til slíkra ráða grípa, treysta ekki á eigin málstað.

Þegar samið er, hafa báðir nokkuð til síns máls. Ég hef aldrei hallast að þeirri skoðun, að samningar séu svik, þegar deilur milli ríkja eru leystar. Mér heyrist örla á því sjónarmiði í gagnrýni stjórnarandstöðu á samninginn um IceSave.

Það er siðaðra þjóða háttur að ljúka deilum með samkomulagi - hins vegar má ekki greiða samninga of dýru verði eða afsala sér rétti til að halda lagaskilyrðum til haga og nýta lögfræðilega

 

Skjöl, gögn og fundargerðir? Eða "eftiráviska" Davíðs í refskák Sjálfstæðisflokksins?

Hvar voru möppurnar með þessum skjölum, þegar Geir, Davíð og Árni voru að semja um Icesave í október? 

Hversvegna stoppaði Seðlabankinn Landsbankann ekki af með því að hækka bindiskylduna í stað þessa að afnema hana?

Hvar voru þessar möppur 3.október 2008, þegar Davíð sagði, að auðvitað væri innistæður í íslenska bankakerfinu tryggðar?

Eða 11.10. 2008, þegar Árni Matt sagði, að mikilvægast væri að lausn væri fundin?

Hvar voru möppurnar þegar flokksráðs- og formannafundurinn var haldinn 11.10.2008?  Vissu menn ekkert í sinn haus á þeim fundi?  Lykilmenn flokksins!

22.10. 2008  Var það þann dag, sem Geir hringdi í ofboði til Hollands til að tilkynna, að íslenskir ráðamenn ætluðu ekki að standa við orð sín og undirskriftir?  Sama dag og hann las bréf hans Davíðs?  Það hefur þá verið meira bréfið!  Má ekki birta þetta bréf?

Hvað um samkomulagið frá 16.11.2008 við Evrópusambandið?

Það er nú alveg greinilegt að Davíð ferst ýmislegt betur en að búa til flóknar sögufléttur í seinni tíð.  Er honum eitthvað farið að förlast?

Ég held ég verði að taka undir með visi.is.  Davíð ætti að snúa sér að garðrækt!  Tæpast er það þjóðinni til heilla að fyrrverandi forsætisráðherra geysist nú fram með svona uppsuður!