Eru hægrimenn að ganga af göflunum?

Ruglið og bullið í ýmsum hægrimönnum hér á  blogginu er alveg ótrúlegt.  Forsetinn þetta... Stjórnin hitt... Stjórnin að gera forsetann að fífli.  Forsetinn að hafa stjórnina að fífli.  Björn Valur hefði átt að halda áfram að glamra á gítarinn sinn... Forsetinn hefur ekki neitunarvald...Forsetinn á að neita að skrifa undir... Icesave-reikningarnir eru Jóhönnu og Steingrími að kenna.  Við verðum að losna við kerlingarálftina.  Steingrímur er kommúnisti...Kerlingin er á lyfjum.  Hún er lítilsigld.  Ætlar að selja þjóðernið.  Icesave er Steingrími að kenna, hann sendi sko Svavar.  Og svo vita menn ekki haus né sporð á því sem þeir er að tala um  Og minna mest á Ingva Hrafn þegar málæðisrunan stendur útúr honum einsog Dettifoss í úrhellisrigningu!  Þessi og hinn er vanhæfur!  Forsetinn er Barbiedúkka!  Bla, bla, bla....

Eru menn gersamlega farnir á geði og gengnir af göflunum?  Hvað eru menn eiginlega að setja ofaní sig?  Skítkast og aðdróttanir og brigslyrði!  Málefnin; þeim er snúð á haus.  Staðreyndir umgangast álíka frjálslega og  KSÍ-menn súlumeyjar! Átu menn úldinn hund á Nýjársdag?

P.s.  Steingrímur er þá vinsælasti kommúnisti, sem Ísland hefur alið.  Hann varð í öðru sæti í vali á maður ársins!

Björn Valur takur stjórnarandstöðuna á beinið! "Sáttatónn þeirra var falskur frá fyrsta degi!

Þessa stjórnarandstöðu sem hljóp frá málinu í sumar, þegar kom að atkvæðagreiðslunni.  Sjálfstæðismenn skrifuðu undir nefndarálitið, en greiddu ekki atkvæði með í þinginu.  Settu þá sátt sem hafði ríkt í vinnu þingsins uppí loft.  Ekki gekk Hreyfingunni betur að fóta sig með "keypt og selt" taktík sinni.  Um Framsóknarmenn hirði ég ekki að ræða.  Vona bara þeirra vegna, að þeir losni sem fyrst við Sigmund og Höskuld úr flokknum.  Það eina sem vakir fyrir þessum þrem stjórnmálaöflum er að komast til valda.  Og reynslan sýnir, að þá mun hagur þjóðarinnar ekki verða í fyrirrúmi!

„Sáttatónn þeirra var falskur frá fyrsta degi. Þeirra er ábyrgðin og þannig hafa þau skrifað sína pólitísku sögu, sem óábyrg stjórnmálaöfl sem brugðust þjóð sinni á einum erfiðustu tímum í sögu lýðveldisins.“ skrifar Björn Valur Gíslason. 

http://bjoval.hexia.net/faces/blog/list.do?face=bjoval