27.5.2010. Verður það hlutskipti Vg undir forystu Steingríms og leiðsögn AGS að láta alla drauma nýfrjálshyggjumanna rætast á Íslandi?

Verður það hlutskipti Vg undir forystu Steingríms og leiðsögn AGS að láta alla drauma nýfrjálshyggjumanna rætast á Íslandi?  Ekki virðist vera mikil viðspyrna hjá ríkisstjórninni gegn kröfum og hugmyndafræði AGS.  Steingrímur kýs að sparka frekar í eigin liðsmenn en að sporna við fótum gegn frjálshyggjuáætlunum AGS og ESB!  Lilja Mósesdóttir fær að kenna á því fyrir að standa föst fyrir og minna Steingrím á tilmæli þingflokksins í Magma-málinu.  Árni Þór syngur svikasönginn með Steingrími.  Þrír viðstaddra á fundi þingflokksins hafa staðfest orð Lilju.  Þorleifur Gunnlaugsson, Ögmundur Jónasson og Guðfríður Lilja. 

Hvaða trakteringar fær Svandís Svavarsdóttir eftir útspil sitt í auðlindamálum þjóðarinnar?  AGS og ESB gera kröfur um að einkaaðilar eignist þær allar.  Leið Norðmanna má reyna en sjálfsagt verður sprenging innan Samfylkingarinnar.  Hjólar Steingrímur í Svandísi?  Er hún gengin í lið með órólegudeildinni?  Auðlindir þjóðarinnar eru í hættu. 

Allsstaðar þar sem AGS kemur elta sjóðinn hýenurnar til að hirða auðlindir þjóða.  Reynt er að þrengja sem mest að þjóðum og fyrirtækjum þeirra.  Koma almúganum á hnén og skera niður samfélagsþjónustuna.   Einkavæða heilbrigðis- og menntakerfið,  einkavæða auðlindirnar, selja fyriritækin og brytja þau niður. Þegar þessu er lokið hefur AGS hefur unnið sitt verk og getur yfirgefið landið í rúst og almúgann á vonarvöl.  Einsog alltaf var ætlunin með komunni. 

Og yfirstéttin, auðvaldið og stjórnmálaelítan, flýtur ofaná einsog kúkurinn í ræsinu.   Með bitlinga sína og mútufé. 

Nú er ekki réttlætanlegt lengur að styðja þessa leppstjórn AGS!

The Big Sell-out of Iceland! Ársgamlar færslur um Magma málið.

3.7.2009 

Geysir Green Energy er í eigu ríkisbanka og fyrirtækja í greiðslustöðvun.  Þannig er heilbrigðisvottorð þess.

Magma Energy Corp.hefur verið nefnt sem fjárhagslegur bakhjarl GGE.  Þetta fyrirtæki var stofnað, að mig minnir í, febrúar 2008.  Það er fjármagnað með lánum og vellukkaðri markaðssetningu á hlutabréfamarkaði.  19. janúar var lán í fréttum uppá 26,3 milljónir dollara.  MEC hefur lýst því yfir að það hyggist ná samtals 100 milljóna dollara fjármögnun með lánum og sölu á hlutabréfum.  Ekki gat ég fundið upplýsingar hvort Ross Beaty forstjóri hefur lagt peninga í fyrirtækið.  Hann seldi koparnámufyrirtæki sitt rétt fyrir hrunið.  Hann hefur auk þess rekið silfurnámur.  Eignir MGC eru 1 gufuorkuver uppá 23 mw,  Það framleiðir þó aðeins 8 mw,  og landareignir í Nevada fyrst og fremst.  Bent er á að þessi rekstur er áhættusamur. 

Förum við Íslendingar ekki strax að kannast við viðskiptamódelið, því er hér ekki mætt sjálft viðskiptamódel útrásarinnar!

Þarf ekki að fara ofaní saumana á þessum gerningi?  Hvort  hann sé lögum samkv. og þó fyrst og fremst ekki gersamlega siðlaus??? 

Reynsla þjóða sem misst hafa auðlindir sínar og veitufyrirtæki í hendur einkafyrirtækja er ekki góð!

 

                                                               

8.9.2009

Hann talar mjúklega!  Og upplýsir, að fyrirtækið Arctic Finance hafi sent 30 aðilum upplýsingar um HS Orku.  Að Arctic Finance hafi hluti OR og Hafnarfjarðarbæjar í HS Orku til einskonar sölumeðferðar.  Og þá spyr maður sig:  Er verið að selja hæstbjóðandi orkuauðlindir landsins?  Stjórn OR og bæjarstjórn Hafnarfjarðarbæjar hljóta því að hafa gefið AF umboð til þess!  Hér er sem sagt verið að kasta hagsmunum eigenda OR og Bæjarsjóðs Hafnarfjarðar í hendurnar á gróðapungum!

Ross Beaty er sjálfsagt hinn besti maður, en eina markmið hlutafélags einsog Magma Energy Corp. er að hámarka arðinn af hlutafé eigendanna,  Magma Energy Corp. er ekki líknarfélag.  Og heldur ekki félag sem er rekið áfram af hugsjónum, eða með hag neytenda í huga!  Sama á við um Geysir Green Energy.

Orkuframleiðslu- og veitufyrirtæki hafa lengst af, og af mestu leyti, verið rekin á samfélagslegum grunni.  Hér virðist eiga að verða breyting á.  Nú á að færa þennan rekstur í hendurnar á  einkahlutfélögum.  Hvað þýðir það fyrir kaupendur á orku hér?  Margfaldast verð rafmagns-, heitavatns- og neysluvatns?  Það er ekki ólíklegt miðað við reynslu annarra þjóða af því að koma þessum auðlindum í eigu alþjóðkapítalismans, hins blinda gróðaafls!

Annars vísa ég á síðu Láru Hönnu hér á blogginu.  www.larahanna.blog.is 

Hér er svo frétt af stofnun Arctic Finance.  Takið eftir hvaðan þessir menn koma, jú úr Landsbankanum.  Og hafa möndlað mörg af stærstu fyrirtækjaviðskiptum á landinu undanfarin ár:

 

Viðskipti | mbl.is | 24.11.2008 | 14:48

Nýtt ráðgjafarfyrirtæki

Bjarni Þórður Bjarnason, fyrrverandi forstöðumaður fyrirtækjaráðgjafar Landsbanka Íslands, hefur ásamt sex öðrum sett á fót fyrirtækið Arctica Finance. Framkvæmdastjóri félagsins, og einn stofnendanna, er Stefán Þór Bjarnason, sem starfaði einnig hjá Landsbankanum.

Aðrir stofnendur og starfsmenn hins nýja fyrirtækis eru Ólafur Finsen, Baldur Stefánsson, Aðalsteinn Jónsson, Jón Þór Sigurvinsson og Gunnar Jóhannesson.

Samkvæmt upplýsingum frá Bjarna Þórði mun Arctic Finance byggja þjónustu sína á því að veita fagfjárfestum og öðrum fjársterkum aðilum ráðgjöf, svo sem við kaup og sölu fyrirtækja og eða rekstrareininga, fjármögnun, fjárhagslega endurskipulagningu og annað því tengt.

Ætlunin er að starfsemi Arctica Finance verði fyrst og fremst á Íslandi, en tengslanet starfsmanna fyrirtækisins teygir sig víða.

Starfsmenn Arctica Finance hafa komið að mörgum af stærstu viðskiptum sem átt hafa sér stað hér á landi á undanförnum árum.