Ég skora á ríkisstjórnina að ganga frá borðinu eftir þessa forkastanlegu ákvörðun forsetans!

Sem stuðningsmaður núverandi ríkisstjórnar legg ég til að ríkisstjórnin segi af sér nú þegar í kjölfar forkastanlegrar ákvörðunar forsetans!

Ég er þeirrar skoðunar, að ríkistjórnin eigi að gangi frá borði nú þegar og láti hægrimönnum eftir að endurreisa íslenskt samfélag. Þessum sömu flokkum, sem reistu það samfélag, sem gat af sér Icesave-svindlið allt.  Flokkana, sem með innleiddu hér það græðgisamfélag, sem leiddi til hrunsins!  Samfélag spillingar, einkavinavæðingar, svika og pretta! Verði ykkur að góðu!  Eftir það sem gengið hefur á,  þá held ég rétt að leyfa Sigmundi Davíð og Bjarna Ben að spreyta sig.  Þeir búa væntanlega báðir yfir þeim mannkostum og reynslu og þekkingu sem til þarf, eða hvað?  Milljarðaerfingjarnir hljóta að geta búið almúganum betri lífskjör en áður hefur þekkst í heiminum!

Varðandi Icesave málið er rétt að eftir farandi sé á hreinu!

Í fyrsta lagi var ríkisábyrgð á innistæðunum á evrópska-efnahagssvæðinu fyrst samþykkt haustið 2008 í tíð ríkisstjórnar Sjálfstæðisflokksins. 

Í öðru lagi voru undirritaðar yfirlýsingar/samningar bæði við Hollendinga og við ESB fyrir hönd Breta og Hollendinga um að greiða innistæðusjóðum landanna útlagðar fjárhæðir vegna Icesave-reikninganna!  Þessar yfirlýsingar/samningar hafa þjóðréttarlegt gildi og gilda því einsog hverjir aðrir milliríkjasamningar.  Óskhyggja breytir engu í þessum málum!

Núverandi stjórn fékk Icesave-málið í fangið frá ríkisstjórn Sjálfstæðisflokksins.  Engar líkur á að betri samningar bjóðist en þessi sem er á borðinu nú!

Ræðir ekki framtíð stjórnarsamstarfsins