Pétur og heimildin (minnir á Önnu og útlitið)

Heimildarmaður Péturs Gunnarssonar er farinn að þynnast ansi mikið. Hafði semsagt sagt á bar að Geir og Steingrímur J. hefðu hist á fundi. Nú er fundurinn ekki lengur leynifundur, heldur e-r fundur og óvíst hverjir aðrir hafa verið staddir á fundinum eða hvort Geir og Steingrímur voru bara tveir. Heimildarmaðurinn tjáði sig í hópi blaðamanna, en ekki undir fjögur augu við Pétur eins og skilja mátti í upphafi. Heimildarmaðurinn taldi að stjórnarsamstarf hefði borist í tal. Ég held nú það, ég segi nú ekki meir. En mér er spurn: hversu mikið drukknir voru Pétur og heimildarmaðurinn? Mér er líka spurn: Var Pétur nokkuð staddur á sama bar og meintur heimildarmaður? Og: Hver tekur mark á drukknum manni? Ég vil minna á, að Pétur fullyrti upphaflega að Geir H. Haarde og Steingrímur J. hefðu hist á leynifundi útí bæ og hefðu farið fram stjórnarmyndunarviðræður á fundinum. Hafði Pétur þetta eftir traustum heimildarmanni sínum (væntanlega einkamoldvarpa Péturs innan Vg). Hversu traust eru nú svona vinnubrögð og hver er tilgangurinn?

Athugasemdir

[Pétur Gunnarsson, 28.3.2007 kl. 17:26]

Mér fannast það nú kýrskýrt í þessum texta mínum, Auðun, að ég var ekki á staðnum heldur maður sem hlustaði á Hugin Frey lýsa þessu og ég treysti þeim heimildum algjörlega. Þér að segja hef ég ekki komið á bar frá því á síðustu öld en ég skal láta þig vita ef svo illa fer. Lifðu heill.

[Auðun Gíslason, 28.3.2007 kl. 20:24]

Kæri Pétur! Þú verður að fyrirgefa mér, ef ég hef misskilið þig svona hrapalega! Kannski hef ég gróflesið of hratt og því hrapað að niðurstöðunni. Svona er lífið.  En ég biðst afsökunar og vona að þú fyrirgefir mér flumbruganginn, Kær Kveðja og gangið þér allt í haginn í lífinu!

[Pétur Gunnarsson, 29.3.2007 kl. 11:30]

Allt í góðu, Auðun, sömuleiðis.