Hvert verður framhaldið?

 

  Nú stendur uppá Svandísi og, að því er virðist, djélistann að klára REI-málið, þannig að ekki verði minnsti grunur eftir um pukur og spillingu!  Mér virðist, og vil benda nýja meirihlutanum á það, að besta niðurstaðan fyrir alla yrði, að félaginu REI væri slitið.  Síðan verði farið ofaní saumana á rekstri OR og rannsakað hvort eitthvað er til þeim ásökunum um spillingu, sem fram hafa komið í umræðunni um OR og REI.  Þetta mál virðist þannig vaxið, að útilokað verður að telja, að hægt verði að ljúka sameiningu REI og GGE án þess að málið allt haldi áfram að lykta af spillingu og pukri.  Allar þessar grunsemdir munu halda áfram að loða við REI sama hvað.  Sama hvort sameiningin næst, og loða þá við hið sameinaða félag, eða hvort hætt verði við hana.  Grunur mun loða við stjórn OR; grunur um spillingu og pukur, og grunur um að stjórnendur fari á bak við borgarstjórn, og þar með borgarbúa.  Grunur um að borgarfulltrúar tengist spillingunni.  Við það verður einfaldlega ekki unað.  Borgarfulltrúar verða að láta alla sína persónulegu og pólitísku hagsmuni til hliðar, hvort heldur eru skammtímahagsmunir eða langtíma.  Ef ekki vill betur, verður að kalla til Efnahagsbrotadeild Ríkislögreglustjóra.  Það verður einfaldlega ekki við það unað, að borgarfulltrúar, embættismenn og stjórnendur stærsta fyrirtækis borgarinnar liggi undir grun um spillingu, sem þýðir einfaldlega misferli í starfi.  Allt þetta verður að komast á hreint

Einsog ég sagði, nú stendur uppá Svandísi.  Hefur Svandís hugrekki til að leiða málið til lykta.  Málinu verður ekki lokið með pólitískri umræðu, yfirborðslegri skoðun eða í atkvæðagreiðslum í borgarstjórn.  Það þarf að hreinsa andrúmsloftið!

 

Ný borgarstjórn sökuð um heigulshátt

Athugasemdir

[Gunnlaugur Halldór Halldórsson, 16.10.2007 kl. 21:35]

já hún Svandís  hún retta  þessu

Gulli Dóri

[Árni Gunnarsson, 16.10.2007 kl. 22:21]

Allir atburðir þessa vandræðamáls eru ofvaxnir skilningi borgarfulltrúanna. Þeirra fyrsta verk er að skilja það. Til að skilgreina svona samninga þarf sérfaglega þekkingu og hún er bara ekki fyrir hendi hjá þessu fólki.

Þessvegna ætti enginn borgarfulltrúi að gera sig uppvísan að meiri aulahætti en nú hefur birst okkur.

Harðsvíraðir og gráðugir viðskiptaruddar eru ofjarlar þessa fólks og allar gáfulegar ályktanir eiga bara að bíða eftir gáfunum.

Kannski koma þær, ég er þó ekki of bjartsýnn.

[Auðun Gíslason, 17.10.2007 kl. 14:11]

Einmitt þessvegna ætti að leggja niður REI og rannsaka OR ofaní kjölinn af utanaðkomandi sérfræðingum.  Helst frá útlöndum.