Kemur okkur við! Friður eða ófriður? Sumir munu fagna fari viðræðurnar útum þúfur! Og að ráðist verði á Íran!

Hvað myndi gerast ef BNA eða Ísraelsríki gerði árásir á Íran í stöðunni, einsog hún er í dag?  Ég hef séð ýmiskonar öfgmenn hér á plogginu með yfirlýsingar um að gera verða árás Íran.  Þeir eru sjálfsagt ekki að hugsa um hinn almenna borgara í því landi, konur, karla, börn og gamalmenni, heimsfriðinn né samskipti Vesturlanda við heim Múslima/löndin fyrir botni Miðjarðarhafsins.  Eða hver staða ísraelsríkis yrði.  Nei, þeir vilja bara stríð.  Allir sem ekki vilja stríð eru "naívistar". Þeir vilja stríð vegna þess að þeir eru þeirrar skoðunar, að aðeins sé hægt að jafna ágreining með vopnavaldi.  Annað sem einkennir stríðsæsingamennina er, að þeir vilja frekar trúa fordómum sínum og hindurvitnum, en staðreyndum.  Þess vegna, m.a. skrifa þeir pistla sína og athugasemdir um Gunnar Pétursson, sem reynir að vinna að líknarstörfum fyrir Palestínumenn og draga orð hann og athafnir í efa.  Svo dæmi sé tekið af innræti þessara manna.  Dæmi er um lækni með dauða bloggsíðu, sem skrifar í athugasemdir með yfirlæti um Gunnar, að það sé eðlilegt að ungum manni blöskri hegðun hermanna í hernaði, og gerir lítið úr Gunnar.  Stéttarbræðrum læknisins með dauða bloggið, í Samtökunum Læknar án Landamæra, blöskrar, einsog Gunnari sjúkraflutningamanni, en sjálfsagt má gera litið úr þeim líka.  Þessi læknir lætur sér hinsvegar vel líka, að því er virðist.  Eitt virðast stríðsæsingamennirnir, og þeir sem láta sér vel líka mannréttindabrotin, eiga sameiginlegt og það er að þeir eru ekki "naívistar".  Sem þýðir, að þeirra eigin mál, án umbúða, að Arabar og Múslimar eiga allt vont skilið og eiga að drulla sér heim til sín.  Og að Ísraelsríki og BNA eiga að drepa allt kvikt í löndum þeirra.  Hversvegna finnst þeim þetta?  Jú, þetta eru Arabar og Múslimar.  Hér komast menn upp með endalaust að halda úti allskyns kjaftæði um hluta mannkyns, sem þeim hugnast ekki,  svo lengi sem þeir gæta tungu sinnar og setja málflutning sinn í gjafapappír.  Þeir vilja, að heilu ríkin verði sprengd aftur á steinöld, einsog það var kallað á dögum Vietnamstríðsins, og segja það fullum fetum, reyndar í gjafaumbúðum,  nú er það Íran og Múslimar (ekki Víetnam og kommúnistar). 

   Hina stundina þvaðra þessir sömu menn um Jésú krist og kærleikann.  Frelsið og lýðræðið. 

Annar fundur í ágúst