Hælisleitendur í lífshættu. Mótmælasvelti og yfirvofandi brottrekstur! Er mannúðin dauð?

 

    Í upphafi síðustu viku hófu þrír hælisleitandur mótmælasvelti vegna stöðu mála sinna hjá Útlendingastofnun og hjá Dómsmálaráðuneytinu.  Þeir hafa dvalið hér í þrjú og fjögur ár án þess að fá dvalaleyfi.  Tveir þessara einstaklinga eru frá Íran, og að minnsta kosti annar þeirra á dauðann vísan verði hann sendur heim.  Í Íran eru trúskiptingar hálshöggnir. Hinn mun líklegast verða líflátinn.  Í Íran ríkir ástand trúarofstækis í allri stjórnsýslu og hafa menn Sharia lög í hávegum.  Tvennum sögum fer af því hvort búið er að kveða upp endanlegan úrskurð um að senda mennina til heimalands síns.  Skv upplýsingum frá fréttastofu RÚV og frá Mannréttindaskrifstofu Íslands er búið að ákveða að senda mennina heim.  Það er skv uppl. Úlendingastofnunar  Nákomnir vinir mannanna hafa aðra sögu að segja.  Þeim er sagt að þeir verði ekki sendir heim.  Þessi stofnun hefur í gegnum tíðina ekki verið alltof elsk að sannleikanum, þannig að óvíst er um örlög þeirra.  Í gærkvöldi voru tveir af þessum þriggja manna hópi sendir á sjúkrahús vegna vannæringar og ofþornunar.

    Það segir sína sögu um áhuga Ríkissjónvarpsins, að ekki hefur birst frétt af málinu í fréttum þess.  Samt var tekið viðtal við mennina laugardaginn 8.nóvember.

    Kannski er fréttastofan svona upptekinn af sjálfsvorkun okkar Íslendinga og leit okkar að sökudólgum að efnalegri ógæfu okkar?  Kannski höfum við glatað svo miklu að jafnvel mannúð og mannkærleikur eru okkur glötuð?  Kannski skipta okkur engu tvö mannslíf eða þrjú?.  Eða jafnvel fleiri?  Því víst eru mannslíf líka hér í hættu vegna glæfraspils stjórnmálamanna, háttsettra embættismanna og fjármálamanna (að ég segi ekki fjárglæframanna).

    En eigum við ekki að minnsta kosti að bjarga þeim mannlífum sem við getum, hvort heldur þau eru íslensk  eða ekki?  Í nafni kærleikans? 

Athugasemdir

[Helgi Jóhann Hauksson, 14.11.2008 kl. 17:31]

„Mannúðin“ er það sem Íslendingar verða að endurvekja í þjóðarsálinni til að eiga sér réttlætanlega framtíð sem þjóð eftir að ekkert nema græðgin hefur komist að í mörg ár og nú loks sett þjóðina á hausinn.- Og „mannúð“ er eitthvað sem við verðum að vera tilbúin að sýna öðrum í verki sé hún raunveruleg, en ekki bara heimta fyrir okkur sjálf enda er það bara andstaða mannúðar þ.e. eigingirni og græðgi.

- Það er ótrúlega merkilegt að sjá hvernig Rúv og fjölmiðlar vinna undanfarið og jú það er eins og fréttir af hælisleitendum séu afmáðar villist þær inná upptökuvélar Rúv.

[Svanur Gísli Þorkelsson, 14.11.2008 kl. 20:05]

Liggja fyrir einhverjar ástæður fyrir að þeim er ekki veitt landvist Auðun?

[Auðun Gíslason, 14.11.2008 kl. 20:59]

skv. fréttamanni RUV er "ástæðan" sem upp er gefin sú,  að þeir hafi farið til Svíþjóðar einhvern tíma.  Hvort það var á leið til Íslands eða hvað liggur ekki fyrir.  Auðvitað kokkar Útlendingastofa upp einhverjar ástæður hverju sinni til að fela mannúðarleysi sitt.  Ef einhver ætlar að bjarga lífi manneskju fer hann ekki eftir því hvaða ástæður liggja að  baki lífsháskanum.  Það gerir maður bara þegar maður ætlar ekki að bjarga viðkomandi.

[Sigrún Jóna (IP-tala skráð) 14.11.2008 kl. 23:08]

Ég veit ekki alveg fyrir víst hvernig lögin eru um svona mál. en grun hef ég um að menn verða sendir til þess lands sem þeir komu frá, á leið sinni hingað. Það er ekki flogið beint frá Íran hingað, svo þeirra mál fer eftir lögum þess lands sem þeir komu fyrst til frá föðurlandi sínu.

Þ.e. ef það land er í sama lagaumhverfi og við erum.

Þarna sést að við erum ekki sjálfstæð þ´jóð. Heldur erum við orðin hluti af alheimsvæðingunni sem meirihluti þjóða heims vilja að sé.

Svo við getum lítið gert við þessu, frekar en að verja börn okkar og barnabörn fyrir að vera að þræla sér út fyrir glæpsamlega frjálshyggju á peningasviðinu.

Eina sem við getum gert, er að veita þeim eins gleðilega dvöl og hægt er að veita, meðan þeir bíða úrlausnar sinna mála.

En vonandi hef ég rangt fyrir mér í þessu.

[Þórarinn Þ Gíslason (IP-tala skráð) 16.11.2008 kl. 13:58]

Sæll Auðunn minn.

Mér finnst þessi mál oft okkur til skammar,vegna þess að það er ekki rétta að þessu staðið og hjá okkur er ekki manngæzkunni fyrir að fara Í þeim efnum erum við sýndarmennskan ein.

Og einn maður í eftirlitinu lengi vel,það er líka til skammar.Mér finnst þetta allt ömurlegt, segi og meina.ég get og geri hér með að biðja  fyrir þessum blessuðum mönnum.

Kærleikskveðja.

[Auðun Gíslason, 16.11.2008 kl. 17:37]

Svo virðist sem ekkert hafi verið slakað á klónni.  Hælisleitendur virðist yfir höfuð ekki vera veitt hæli af mannúðarástæðum!  Það virðist ekki koma til greina í regluverkinu!  Sem sagt engin mannúð!