ENRON-ískar aðfarir ACTAVIS á lyfjamarkaðnum.

Frést hefur að lyfjafyrirtækið ACTAVIS beiti sérkennilegum aðferðum í meiralagi til að hámarka gróða sinn af sjúklingum á Íslandi.  Ódýr lyf séu tekinn af markaðnum undir allskyns yfirskini og dýrari lyf sett inn í staðinn.  Lyf sem eru 3x til 5x dýrari en þau sem fyrir voru. Meðal þessara lyfja séu fúkkalyf og blóðþrýstingslyf.  Þau munu vera flutt inn frá útlöndum, þó framleidd séu af ACTAVIS. Segiði svo að ekki sé hægt að græða hér eftir hrunið...Minnir svolítið á skipulagða rafmagnsleysið í Kalíforníu, sem ENRON stóð fyrir á sínum tíma...  "Græðgi er góð."

Þess má geta að Björgólfur Thor Björgólfsson er aðaleigandi ACTAVIS.

P.S. Gaman væri að vita, hvort Samkeppniseftirlitið og Talsmaður neytenda eru til í að hjóla í kauða!

Athugasemdir

[Árni Gunnarsson, 7.3.2009 kl. 19:15]

Það er víst líka þekkt gestrisni að bjóða læknum í "gala" ferðir til lyfjaverksmiðja og ekkert sparað til að gera ferðina ánægjulega! Græðgin er orðin landplága á Íslandi og lítill bati í augsýn.

[Auðun Gíslason, 7.3.2009 kl. 21:34]

Sæll, Árni!  Rétt er það!  Svona ferðir  og boð til lækna eru ósiðlegar.  Þessar "frétt" hef ég eftir lækni, sem var í þætti á Útvarpi-Sögu.  Einn fárra á vinstri vængnum í þeirri stétt!

Það er sorglegt að starfsmönnum Samkeppniseftirlitsins er kunnugt um málið, en hvað gera þeir?  Eitthvað?  Ekkert?

[Ólafur Þórðarson, 8.3.2009 kl. 01:53]

Það er greinilegt að eins og mann grunaði stóð ekki steinn yfir steini í síbyljunni sem dásamaði útrásarliðið og markaðs-trúarnöttarana. Að braska með lyfjakostnað landsmanna er agalegt. Eitt er að leggja á eðlileg gjöld vegna innflutnings, en mannorð virðast engu máli skipta ef menn búa ekki á landinu. Ímyndið ykkur ef erlendingar komast yfir íslensku fyrirtækin, Landsvirkjun, virkjanirnar, fiskinn... þá verður lénskerfið hið síðara fullkomnað.