Báknið burt???

Einn af hátekjumönnunum á launaskrá ríksins var mikill baráttumaður fyrir því, sem hann kallaði "Báknið burt."  Þá var þessi ríkisstarfsmaður í stjórnarandstöðu fyrir Sjálfgræðisflokkinn.  Þingmaður og ráðherra var hann og svo forstjóri Landsvirkjunar. 

Nú rís uppá lappirnar annar Sjálfstæðismaður á launaskrá ríkisins og  segir að ekki sé rétti tíminn til að setja á stofn nýjar stofnanir.  Og að þær eigi það til að þenjast út með tímanum.

En þetta segja þeir nú alltaf í stjórnarandstöðu. Og hvað gerist svo, þegar þeir komast í stjórn.  Þá þenst starfsemi ríkisins út sem aldrei fyrr.  Og það er einmitt á tímum délistans í ríkisstjórn, sem ríkisstofnanir eiga helst til að þenjast út.  Sjálfstæðisflokkurinn er jú stór.  Og hann þarf að koma meðlimum sínum, vinum þeirra og ættingjum í vinnu einhversstaðar! Sama hvort þeir eru hæfir eða vanhæfir eða óhæfir...

Merkilega mikið af Sjálfstæðismönnum á launaskrá ríkisins, og það er ekki bara vegna þess að hann sé svona stór!  Og svo segjast þeir vera svo mikið á móti miklum umsvifum hins opinbera.  Spyrjið hugmyndafræðing Flokksins,  Hannes Hólmstein Gissurarson.  Hann er mikið á móti umsvifum ríksins og vill einkavæða allt.  Og hann er einmitt ríkisstarfsmaður og hefur verið alla sína starfsævi!

Og hvert fara þingmenn Sjálfstæðisflokksins í vinnu, þegar þeir missa þingsætið eða hætta í pólitík?  Jú, í vinnu hjá ríkinu.  Spyrjið Friðrik Sófussons og Sigurð Kára Kristjánsson og .... 

Báknið Burt?  Á móti ríkisumsvifum?  Ég held ekki!

Ekki tími nýrra stofnanna

Athugasemdir

[Valsól (IP-tala skráð) 21.6.2009 kl. 00:11]

Það sem ég undrast mest er hvers vegna kýs stór hluti þjóðarinnar flokka eins og Sjálfstæðisflokk og Framsóknarflokk, eftir allt sem á undan er gengið? Hvað hugsaði fólkið sem verðlaunaði t.d. Sjálfstæðisflokkinn með atkvæði sínu í kosningunum? Já ég ætla sko að kjósa Sjálfstæðisflokkinn af því hann hefur staðið sig svo vel. Er hey í hausnum á fjórðungi þjóðarinnar? Hvernig getur sómasamt og heiðarlegt fólk stutt svona spilltan flokk eins og sjálfstæðisflokinn? Þetta er algjörlega með ævintýralegum ólíkindum.

[Auðun Gíslason, 22.6.2009 kl. 22:12]

Það eru sjálfsagt margvíslegar skýringar á því, af hverju fólk kýs Sjálfstæðisflokkinn!