"Maður sér það bara á honum..."

Ómerkilegri gerist nú málflutningur manna ekki!  Ég ætla ekki að segja neinum skoðun mína á Þór Saari, sem ég gæti rökstutt þannig!  Það væri alveg fáránlegt!

þingmenn Borgarahreyfingarinnar eru í óða önn að afhjúpa sig þessa dagana.  Birgitta með misskilning sinn á aðildarviðræðum við ESB.  Verslun með atkvæði sín:  Ef Icesave verður samþykkt ætla þrjú þeirra að greiða atkvæði með tvöfaldri þjóðaratkvæðagreiðslu um ESB.  Ef Icesave verður fellt greiða þau atkvæði með einni þjóðaratkvæðagreiðslu um málið.

Mér finnst nú óþarfi að brjótast alla leið á þing til að leika hálfvita!  Geta þau bara ekki gert þetta heima hjá sér einsog við hin?

Svavar fullkomlega vanhæfur

Athugasemdir

[Einar Björn Bjarnason, 15.7.2009 kl. 12:38]

Persónulega, finnst mér þetta vera áhugaverð leið, sem þingmenn Borgarahreyfingarinnar hafa nú komið fram með, enda er vitað að ef Icesave deilan, stendur enn yfir þegar umsókn um ESB, væri sett in á fund utanríkisráðsherra ESB, þá væri ráðherrum Breta og Hollendinga, mjög í lófa lagið, að koma í veg fyrir afgreiðslu umsóknarinnar.

Flóknara er það ekki.

Það, er ekki hægt að láta eins, og þessi mál hafi enga tengingu. Samfylkingin, vill ekki hrófla við Icesave samningnum, vegna ótta við, nákvæmlega þ.s. ég er að lýsa.

Síðan, í kjölfar þessa tiltekna fundar, utanríkisráðherra aðildarríkjanna, hafa ríkin 2. mjög mörg önnur tækifæri, til að þvæla, tefja eða stöðva málið - nokkurn veginn, hvar sem er í ferlinu.

Með öðrum orðum, Icesave verður að leysa, til þess að innganga sé yfirleitt möguleg.

Sýnt hefur verið fram á að Icesave samningurinn, sé það slæmur að semja beri upp á nýtt. En, sú aðgerð inniber þá áhættu, sem öllum ætti að vera ljós, að umsókn Íslands muni tefjast, meðan á ný samningalota um Icesave, muni standa yfir.

Hvað vilja menn gera?

Er, innganga í ESB, svo stórt mál, að það einfaldlega verði að gangast undir Icesave?

Ég bendi á nýlegar hagspár, dökka spá Framvkæmdastjórnar ESB, um framtíðarhorfur í efnahagsmálum ESB, og spá AGS um horfur í heiminum öllum. Spá AGS, gerir ekki ráð fyrir neinum hagvexti í ESB, á næsta ári. Spá, Framkvæmdastjórnarinnar, beinlínis spáir því að hagvöxtur á Evrusvæðinu verði skaðaður í kjölfar kreppunnar, um 50%, og síðan, muni það taka nokkur ár fyrir það ástand að lagast, sbr "lost decade scenario":

"The Commission of the European Union - Directorate General for Economic Affairs: : 1. Quarter Report 2009"

"IMF : Recession Loosens Grip But Weak Recovery Ahead "

Kynntu, þér þessar skýrslur.

[Guðmundur St Ragnarsson, 15.7.2009 kl. 12:48]

Þetta er með því fáránlegra sem ég hef lesið lengi Auðun. Af hverju kemurðu ekki bara með rökstuðning í staðinn fyrir að nota smjörklípuaðferðina.

[Auðun Gíslason, 15.7.2009 kl. 13:14]

Einar!  Það eina sem ég geri athugasemd við er að fólk sé hér að kaupskapast með atkvæði sitt á Alþingi.  Sjálfsagt þykjast menn geta fært rök fyrir því að gera það.  Og hafa alltaf gert!  Og Einar, "Sýnt hefur verið fram á Icesace samningurinn, sé það slæmur að semja beri upp á nýtt."  Mér þykir þú taka uppí þig!  Mér hefur sýnst sko'ðanir manna á samningi þessum fyrst og fremst byggjast á fyrirframskoðunum.  Ég vil benda þér á að enginn veit hvað fengist væri samningurinn tekinn upp!  Ég hef alla tíð verið á móti því að almenningur á Íslandi borgi fyrir afglöp stjórnmálamanna og fjármálamanna.  Ég hreinlega neita að taka á mig ábyrgð á hruni kapítalismans.  Hitt er svo annað að við sætum afarkostum; sætum fjárkúgun!  Þessi samningur er hreinn nauðungarsamningur.  Ég hef hinsvegar ekki séð að þú né aðrir bjóðið uppá betri lausn, þó svo þið segið það!

Guðmundur!  Smjörklípuaðferð?  Hver er smjörklípan?  Hvað findist þér , ef ég segði:  Þessi Guðmundur er nú alveg vonlaus.  Maður sér það bara á honum?  Það væri náttúrulega bull!

[Auðun Gíslason, 15.7.2009 kl. 13:27]

Já, ég gleymdi að tala um hinn stóra kratadraum ESB!  Ljótt!  Ég hef mínar efasemdir um ESB.  Og þær efasemdir hafa heldur farið vaxandi, án þess að það tengist Icesave-málinu.  Mér hefur virst ESB vera valdabatterí auðmanna, kapítalista.  Flóknara er það ekki.  Og síst vil ég að við flækjum okkur enn frekar í hinn alþjóðlega kapítalisma.  Með öllu því sem því fylgir.  Við virðumst hinsvegar vera varnarlaus gagnvart þessari ásókn.  Íslendingar, margir hverjir, virðast álíta ESB vera einhverskonar félagsmálaapparat, samhjálpar og bræðralags þjóða. Í mínum huga er það aðeins bræðralag arðráns og kúgunar!

[Einar Björn Bjarnason, 15.7.2009 kl. 13:29]

<ég set inn mína eigin færslu sem svar - &#39;point&#39; okkur er um megn að borga þetta>

Við skuldum, of mikið, til að ráða við Iceave, ofan á aðrar skuldir!

Samkvæmt nýjasta hefti peningamála, eru samanlagðar skuldir innlendra aðila og hins opinbera, 3.100 milljarðar króna, sem samsvarar 2,2 VLF (vergum landsframleiðslum).

Ef, ég miða við útreikninga Gylfa Magnússonar, sem gerir ráð fyrir að greiðslubyrði af einungis 415 milljörðum jafngildi - góð spá 4,1% af útflutningstekjum - eða - vond spá 6,9% af útflutningstekjum, sem jafngildir þörf fyrir samsvarandi afgang af gjaldeyrisjöfnuði Íslands; þá eru samsvarandi útreikningar fyrir 3.100 milljarða, - góð spá 31,5% útflutningstekna - en - vond spá 51,75% útflutningstekna.

Ef Icesave er tekið út, þá er skuldin 2.700 milljarðar, samt. Þá verður sami útreikningur - góð spá 26,65% útflutningstekna - en - vond spá 44,85% útflutningsekna.

Mér lýst alls ekki á hugmyndir, að fórna gjaldeyrisvarasjóðnum, því hugsanlega sé það hægt, né erlendum eignum Lífeyrissjóðanna, sem standa undir öldruðum hér á landi, sama hvað á gengur - svo fremi að þær eignir fá að vera í friði. Að mínum dómi, eiga þær eignir að vera algerlega heilagar.

En, ef þ.e. rétt, að til séu seljanlegar erlendar eignir í eigu þrotabúa gömlu bankanna, upp á 500 milljarða króna, þá má hugsanlega lækka upphæðina um þá  500 milljarða, í 2.200 milljarða - liðleg 1,5 landsframleiðsla. Þá verður sami útreikningur - góð spá 21,73% útflutningstekna - en - vond spá 36,67% útflutningsekna.

Það er alveg sama, hverni ég sný málinu - til og frá. Alltaf, kemur fram þörf fyrir afgang af útflutningstekjum, sem mjög erfitt verður að kalla fram. Þörfin fyrir afgang af útflutningstekjum, er langt yfir því, sem hann nokkru sinni hefur verið, á lýðveldistímanum.

Við erum hér að tala um stærðir, sem ekki verður með nokkru móti náð fram, nema með mjög drakonískum aðgerðum, eins og t.d. algeru innflutningsbanni, en síðan undantekningum í gegnum leyfakerfi, sbr. &#39;Haftakerfið&#39; sáluga. Slíkt bann, gæti þurft að vera við lýði í rúman áratug, hið minnsta.

Það er því, verið að fara með þjóðina, marga áratugi aftur í tímann, hvað innflutningsverslun og aðgengi að, erlendum varningi, varðar. Athugið, að þá er ég að miða við betri spárnar. Ef, miðað er við þær verri, þá yrðu slíkar drakonískar aðgerðir að vera alveg á ystu þolmörkum þess mögulega, í reynd er ég ekki viss að þá myndu slíkar aðgerðir duga til.

Það sem við Íslendingar, stöndum grammi fyrir er val á framtíð. Ef við reynum, að standa við núverandi skuldbindingar, þá er það ávísun á langvarandi stöðnun, og fólksflótta á skala sem ekki hefur sést, sem hlutfall af fólksfjölda, síðan milli 1875 og 1890.

Ég held, að ég hafi sett hlutina fram, með nægilega skýrum hætti.

Fyrir neðan, á hverju ég byggi þessar niðurstöður:

Icesave samningarnir:

Samingurinn við: Holland

Samningurinn við: Bretland

 

Gylfi Magnússon, segir (Morgnbl. 1/7 09)

Að ef, útflutningstekjur vaxa un 4,4%, sem sé helmingur af vexti útflutningstekna á liðnum áratug, og ef, 75% nást upp í höfuðstól Iceave þannig að eftir verði 415 (sjá: Lagafrumvarp um: Icesave) milljarða, þá verði greiðslubyrði af Icesave rétt liðlega 4% af útflutningstekjum. En, ef vöxtur útflutningstekna, verði enginn á næstu árum, þá verði greiðslubyrðin 6,9% af útflutningstekjum. Athugið, að útreikningar hans, eru einungis fyrir 415 milljarða, skuld í erlendri mynnt!

Samkvæmt nýjasta hefti Peningamála

Samantekt skulda:

Skuldir innlendra aðila við erlend: 2.500 millj. kr. = 1,75 landsframleiðslur.

Erlendar skuldir sveitarfélaga, 830 millj. kr.

Erlendar skuldir innlánsstofnana, 300 millj.kr.

Erlendar skuldir opinberra fyrirtækja: 500 millj. kr

Samtals, erlendar skuldir hins opinbera: 1.630 milljarðar. kr.

Þessi upptalning, gerir ekki ráð fyrir Icesave: 600 millj. kr.

Heildardæmið gæti þá numið um 3.100 ma.kr. eða um 220% af VLF ársins.

Útreikningar: 

3100/415 = 7,5 

7,5 * 4,1 = 31,5% af útflutningstekjum

7,5*6,9 = 51,75% af útflutningstekjum

Mínus Icesave: 2700/415 = 6,5

6,5*4,1 = 26,65% af útflutningstekjum

6,5*6,9= 44,85% af útflutningstekjum

Mínus erlendar eigur bankanna:  2.200/415 = 5,3

5,3*4,1 = 21,73% af útflutningstekjum

5,3*6,9 = 36,67% af útflutningstekjum

Eignir á móti:

Gjaldeyrisforði Íslands:  430 m.kr.

Erlendar eignir lífeyrissjóða: 500 m.kr.

Þessar eignir dregnar frá, skuld lækkar í: 2.170 milljarða = 1,5 landsframleiðslur.

Eignir gömlu bankanna erlendis, sem hægt er að selja: 500 milljarða kr.

Þær eignir dregnar frá: 1.670 milj. kr. = 1,2 landsframleiðslur

Nýjasta hefti (bls. 49):  Peningamála

"Áætlun um erlenda stöðu þjóðarbúsins í dag Samkvæmt bráðabirgðatölum um stöðu erlendra lána innlendra aðila í lok fyrsta ársfjórðungs á þessu ári, þ.e. eftir að Straumur-Burðarás, SPRON, Sparisjóðabankinn og Baugur voru sett i greiðslustöðvun eða gjaldþrotameðferð, námu skuldir innlendra aðila við erlenda 2.500 ma.kr. eða sem nemur 175% af VLF ársins 2009 samkvæmt þjóðhagsspánni. Af þessum skuldum námu erlendar skuldir Seðlabanka, ríkissjóðs og sveitarfélaga 830 ma.kr., skuldir innlánsstofnana sem nú eru að mestu í opinberri eigu 300 ma.kr. og skuldir opinberra fyrirtækja um 500 ma.kr. Samtals námu skuldir þessara aðila um 1.630 ma.kr. Erlendar skuldir einkaaðila, þ.m.t. fyrirtækja í eigu erlendra aðila, námu 870 ma.kr. Búast má við að þessar skuldatölur hækki um u.þ.b. 600 ma.kr. síðar á þessu ári vegna lána sem...ríkissjóður mun taka vegna greiðslna innlánstrygginga í nokkrum Evrópulöndum. Heildarskuld íslenskra aðila gæti þá numið um 3.100 ma.kr. eða um 220% af VLF ársins. Rétt er að geta þess að búist er við að hægt verði að endurgreiða stóran hluta af þessu 600 ma.kr. láni með andvirði erlendra eigna Landsbankans sem hægt verði að selja á næstu árum. Í greinargerð sem fjármálaráðherra kynnti 17. mars sl. er gerð grein fyrir áætlunum skilanefndar Landsbankans um að hægt verði að fá 527 ma.kr. fyrir eignir bankans sem hægt verði að nota til að endurgreiða þetta lán. Gangi þetta eftir verða hrein útgjöld vegna innlánstrygginganna því 73 ma.kr.4 Eins og bent er á
í greinargerðinni eru allar slíkar áætlanir augljóslega mjög óvissar. Á móti þessum skuldum eru erlendar eignir. Mikið af þeim eignum sem enn eru skráðar sem erlendar eignir íslenskra aðila eru væntanlega ekki mikils virði. Sumar aðrar eignir ættu hins
vegar að vera nokkuð tryggar og rétt skráðar, t.d. gjaldeyrisforði Seðlabankans sem nemur 430 ma.kr. og erlendar eignir lífeyrissjóðanna sem nema 500 ma.kr. Þessir tveir liðir eru samtals 930 ma.kr. Ef þessar eignir eru dregnar frá 3.100 ma.kr. skuld fæst hrein skuld sem nemur 2.170 ma.kr. eða sem svarar rúmlega 150% af áætlaðri
VLF ársins. Ef bætt er við eignum gömlu bankanna í Evrópu sem verða seldar til að greiða niður lán vegna innistæðutrygginga í þessum löndum sem nema 500 ma.kr., fæst hrein skuld sem nemur 1.670 ma.kr. eða sem svarar tæplega 120% af áætlaðri VLF ársins. Rétt er að geta þess að hrein erlend staða þjóðarbúsins er um 300
ma.kr. eða rúmlega 20% af VLF lakari vegna eigin fjár í fyrirtækjum á Íslandi sem eru í eigu erlendra aðila. Þetta gefur hreina erlenda stöðu sem nemur -140% af VLF ársins. Rétt er að líta á þessar tölur sem efri mörk skuldabyrðarinnarþví sennilegt er að hér séu einhverjar eignir vantaldar og gera má ráð fyrir að einhverjar skuldir til viðbótar muni falla brott vegna frekari gjaldþrota. Í grunnspá þessa heftis Peningamála er gert ráð fyrir um 2% viðskiptahalla á þessu ári en að jafnvægi verði í viðskiptum við útlönd á því næsta. Frá og með þeim tíma fer að myndast vaxandi afgangur á viðskiptajöfnuði. Hrein skuldabyrði mun því lækka hratt á næstu árum. Áætlað er að skuldin hafi lækkað um 100 ma.kr. árið 2011 eða um 8% af VLF og lækki hratt eftir það. Allar slíkar áætlanireru auðvitað mjög viðkvæmar fyrir þeim vaxtaforsendum sem miðað er við." 

 

Kv. Einar Björn Bjarnason,

[Auðun Gíslason, 15.7.2009 kl. 13:49]

Færsla dagsett 7/7?  Skuldir brúttó?  Ekki nettó!

[Einar Björn Bjarnason, 15.7.2009 kl. 14:06]

Ef þú lest færsluna á ný, sérðu að ég reikna dæmið nokkrum sinnum, og tek þá mið af mismunandi skuldastöðu.

Lægsta talan er nettóskuld okkar.

Kv.

[Auðun Gíslason, 15.7.2009 kl. 14:09]

Skv. SÍ er nettó skuldastaðan rúmir 500 milljarðar?

[Einar Björn Bjarnason, 15.7.2009 kl. 14:12]

OK.

"

Eignir á móti:

Gjaldeyrisforði Íslands:  430 m.kr.

Erlendar eignir lífeyrissjóða: 500 m.kr.

Þessar eignir dregnar frá, skuld lækkar í: 2.170 milljarða = 1,5 landsframleiðslur.

Eignir gömlu bankanna erlendis, sem hægt er að selja: 500 milljarða kr.

Þær eignir dregnar frá: 1.670 milj. kr. = 1,2 landsframleiðslu"

Skv. þeirra útreikningum, er nettó staðan 1.670 milljarðar.

En, ég tel það algert glapræði að gera ráð fyrir að fórna erlendum eignum Lífeyrissjóðanna - og dreg þær því ekki frá og ekki heldur gjaldeyris-varasjóð - - enda er hans þörf, til að halda genginu stöðugu.

Þess vegna, geri ég ráð fyrir nettó stöðu upp á 2.200 milljarða.

Kv.

[Einar Björn Bjarnason, 15.7.2009 kl. 14:14]

"Skv. SÍ er nettó skuldastaðan rúmir 500 milljarðar?"

"Seðlabankinn, telur hana vera 1.670 milljarða, eins og þú getur sjálfur lesið."

Þá, eru þeir að sleppa einhverju, sem gert er ráð fyrir af Seðlabankanum.

Kv.

[Auðun Gíslason, 15.7.2009 kl. 16:21]

·         Ljóst er að erlendar og innlendar skuldir ríkissjóðs og Seðlabanka Íslands hafa aukist í kjölfar bankaáfallsins. Á móti hefur eignastaðan styrkst m.a. vegna styrkingar gjaldeyrisforða og nýrra eigna. Alls nema eignir ríkissjóðs og Seðlabankans um 1,840 ma.kr. fyrir árið 2009 en skuldir nema 2,418 ma.kr. Hrein staða er því neikvæð um 580 ma.kr. eða sem nemur um 40% af VLF.

Fjaðrafoksskýrsla Seðlabankans.

[Einar Björn Bjarnason, 15.7.2009 kl. 16:31]

Ég skil, ekki alveg, hvernig þeir eignfæra gjaldeyris-varasjóð, sem að mestu er byggður upp af lánalínum. Undarlegt, bókhald.

Síðan, er ég alls ekki til í að láta, eignir lífeyrissjóða erlendis, renna upp í skuldir.

Það eru greinilega, miklar sviptingar, í þessum útreikningum, frá því að heildar-skuldir eru taldar - 3100 milljarðar m. Icesave og nettó, 1.650 milljarðar.

Verð, greinilega að lesa þessa nýju skýrslu, og sjá hvernig þeir fara að því, að fá lægri skuldatölu en skömmu áður, og á sama tíma hærri tölur fyrir eignir.

Kv.

[Auðun Gíslason, 15.7.2009 kl. 16:43]

Þetta er úr skýrslunni sem birt er í dag.  Aðeins tekið með skuldir/eignir Seðlabankans og ríkissjóðs.  Heildaskuldir þjóðarbúsins 2.800 milljarðar rúmir.

[Einar Björn Bjarnason, 15.7.2009 kl. 16:56]

OK, en gera þarf ráð fyrir skuldum, sem ríkissjóður ber ábyrgð á, þó svo hann borgi ekki beint af þeim.

Síðan, skipta skuldir óskyldra aðila einnig máli, því þær skuldir eru að keppa um bitann, sem er sá gjaldeyrir sem verður til staðar.

Þannig, að þegar verið er að meta greiðslustöðu - þarf að hafa til hliðsjónar greiðslusttöðu alls þjóðarbúsins, því hún getur sannarlega, haft áhrif á greiðslustöðu ríkissjóðs.

Kv.

[Auðun Gíslason, 16.7.2009 kl. 16:23]

www.sedlabanki.is

[Einar Björn Bjarnason, 16.7.2009 kl. 21:38]

Þetta gengur ekki upp hjá Seðlabankanum

Mikið af upplýsingum, hafa dúndrast yfir okkur, undanfarið. En, vandi hefur verið á, að þær hafa ekki verið sjálfar sér samkvæmar, þannig að örðugt hefur verið að átta sig á, hver er sannleikur máls.

Þetta, hefur einkum átt við svokallað Icesave samkomulag, og þá nánar tiltekið, til að svara spurningunni, hvort ríkissjóður geti yfirleitt staðið við það samkomulag; þ.e. hverjar skuldir ríkisins og þjóðarinnar, eru akkúrat?

Ég hef heyrt og séð, svo margar ólíkar útlistanir, á því hverjar þær skuldir eru, að það væri að æra óstöðugann, að telja það allt upp. 

En, nú er komið að nýjustu, og vonandi, loka-útgáfu, þeirrar sögu; þ.e. Umsögn Seðlabanka Íslands, um Icesave samkomulagið, sem inniheldur útlistanir, töflur og aðra útreikninga, sem eiga að staðfesta, að sannarlega sé hægt að standa við Icesve samkomulagið, án þess að það leiði til ríkisgjaldþrots.

Umsögn Seðlabanka Íslands

"Seðlabanki Íslands : Umsögn Seðlabanka Íslands, um Icesave samkomulag ríkisstjórnarinnar, við Breta og Hollendinga.

Samkæmt henni, getum við andað rólega, og vissulega mun vera hægt að standa við samkomulagið. 

"Alls nema eignir ríkissjóðs og Seðlabankans um 1,840 ma.kr. fyrir árið 2009 en skuldir nema 2,418 ma.kr. Hrein staða er því neikvæð um 580 ma.kr. eða sem nemur um 40% af VLF."

Svo mörg voru þau orð. Hér fyrir neðan, kemur tafla sem finna má einnig, ef hlekkurinn er opnaður. Allar tölur eru gefnar upp í milljörðum króna, og þetta ku vera staðan, í ár 2009.

Erlendar eignir:                                   1.625    (1625/1.427 = 1,14 VÞF)
Icesave-eignir (75% endurheimtur)       376
Gjaldeyrisstaða í lok árs (reiknuð)          673
Aðrar erlendar eignir (FIH)                        81
Erl. eignir annarra aðila (lífeyrissjóða)    496

Augljós óvissa, er mikil í tengslum við Icesave eignirnar, sjálfar. Ekki, einungis það að óvissa sé um raunverulegt virði, heldur að auki að: ekki er víst að Tryggingasjóður innistæðueigenda muni halda fyrsta veðrétti, og einnig er óvíst að hvaða marki þessar eignir hafi verið veðsettar - en slík veð hafa þá hærri forgang. 

Síðan, er sannarlega mjög umdeilanlegt, að gera ráð fyrir að erlendar eignir lífeyrissjóða, séu ef til vill settar upp á móti; enda eru það nákvæmlega þær eignir sem eru öruggasta trygging landsmanna, fyrir áframhaldi lífeyrisgreiðslna ef allt fer á versta veg hérlendis. Að mínu mati, eru þetta heilagar eignir sem ekki má snerta.

Ef þær eignir eru dregnar frá, verður heildareign, 1.130 milljarðar.

1.130/1.427=0,8 - sem sagt, 0,8 Vergar þjóðarframleiðslur (VÞF)

Erlendar skuldir hins opinbera: 1.520
Icesave-skuld . 575
Erlendar skuldir vegna gjaldeyrisforða 584
Aðrar erlendar skuldir í erlendri mynt 59
Erlend skuld SÍ utan forða (ISK) 97
Aðrar ISK-skuldir hins opinbera 206

Mjög margar útgáfur, hafa komið fram, af skuldastöðu ríkisins. Hér, er enn ein. Þetta, er þó ekki heildar-skuldastaða, heldur einungis erlend skuldastaða.

1.520 / 1.427 = 1,07 VÞF  Erlend skuldastaða ríkisins, eins er þá rétt liðleg þjóðarframleiðsla, skv. mati Seðlabankans.

Opinber fyrirtæki og einkaaðilar: 1.312
þar af Forex-eignir útlendinga  886
þar af ISK-eignir útlendinga 426

Þessir liðir, standa fyrir skuldir ríkisins í formi &#39;krónubréfa og svokallaðra Forex bréfa, sem ríkið þarf að standa undir, þar til þau hafa verið borguð út. Persónulega, myndi ég reyndar telja þessi skuldabréf með öðrum skuldum ríkisins, fyrir ofan. 

Ef þ.e. gert verður erlend skuldastaða rétt tæpar 2 þjóðarframleiðslur:

1.520 + 886 + 426 = 2.832   2.832 / 1.432 = 1,98 VÞF

Skuldir í erlendum gjaldeyri alls 2.104
Skuldir í ISK alls 728
Erlendar skuldir alls  2.832
Hrein skuld (umfram tilgr. eignir) 1.207

Fyrir ofan, kom fram 2.832 talan þ.e. cirka 2 VLF. Þar kemur einnig fram, að 2.104 milljarðar af þeirri upphæð sé í erlendum gjaldeyri en restin í krónum.

Síðan, er eignatalan, dregin frá. En, þ.s. ég var búinn að lækka þá tölu, þá er best að miða við þ.s. kemur út þegar ég dreg hina lækkuðu eignatölu frá:

2.832 - 1.130 = 1.702 milljarðar  1.702 / 1.427 = 1,19 VLF (Nettó-erlend-skuldastaða)

Athugið, þessar tölur eru einungis yfir skuldir, ríkisins sem slíks. Ekki er tekið tillit til skulda annarra aðila, svo sem sveitarfélaga - er geta í einhverjum tilfellum fallið á ríkið ef sveitarfélög reynast ekki getað borgað - og innlendra einka-aðila. Þær skuldir, eru þó ekki áhrifalausar á gang mála, þ.s. þær keppa einnig um takmarkaða auðlind, þ.e. erlendan gjaldeyri. En, að sjálfsögðu þarf einnig að borga af þeim skuldum.

Væntingar um hagvöxt hérlendis

Þær eru greinilega verulegar. Á 9 árum, virðist skv. þessu þjóðarframleiðslan aukast um 62%. Það gerir meðaltal upp á 7% á ári, ef rétt er að deila einfaldlega með 9. Hagvöxtur af þessari stærðargráðu, finnst mér hljóma æði fjarstæðukenndur.

Eining: milljarðar kr.       2009  2010  2011  2012  2013 2014  2015 2016  2017  2018
Útfl &#150; innfl 154 135 151 189 222 200 167 135 134 141
Hreinar vaxtat.  .            -103   -105     -94   -100    -92     -87  -80   -75 -    90    -86
í hlutf. af útfl .-innfl(%) 68,3  69,9    66   48,8 39   40,2  44,8   66,5  64,3  46,2
Afborgun af Icesave.       0         0        0        0        0       0          0    -43      -43    -43
Lántaka og eignasala.  195    272   -192     14   -135    -79      -71     -54     -49   - 50
Gjaldeyrisvarasj.,          673     986    845    956    956   996  1.018    966    922    904
VLF (til viðmiðunar)     1.427  1.414 1.466 1.543 1.643 1.746 1.870 1.998 2.141 2.289

Ég vek athygli, á hinum feikn háu tölum yfir hlutfall útflutnings-tekna, sem fara í greiðslu vaxta og afborgana, þ.e. frá 40,2% upp í 69,9%. Mér, er hulin ráðgáta, hvernig menn geta án þess að blikna haldið því fram, að þvílíkt hlutfall útflutningstekna sé viðráðanleg stærð. Þetta hljómar eins og hvert annað grín, þegar haft er í huga, að þá er eftir að kaupa inn olíu og bensín, mat, lyf og allt annað hvað eina.

Menn þurfa, að skilja að erlend lán, eru borguð niður með afgangi af gjaldeyri. Seðlabankinn, gerir ráð fyrir háum gjaldeyrisafgang...

"Þarna er gert ráð fyrir mjög miklum afgangi í mjög langan tíma...Gert er ráð fyrir því að lágt raungengi leiði til þess að útflutningur verði umfram innflutning á spátímanum."

...sem náttúrulega hjálpar til, ef rétt reynist. Sama um, hinn mjög svo háa hagvöxt sem reiknað er með, sem forsendu.

En er þetta trúverðugt?

Hagvöxtur í Evrópu

Við erum svo heppin, að nýlega eru fram komnar hagspár, erlendar - sem geta ekki annað en skipt máli. Hér er um að ræða spá AGS fyrir hagvöxt í heiminum, og spá Framkvæmdastjórnar ESB um hagvöxt í Evrópu.

"Directorate General for Economic Affairs: : 1. Quarter Report 2009"

"IMF : Recession Loosens Grip But Weak Recovery Ahead "

Þ.s. menn þurfa að hafa í huga, að Ísland, er ekki eyland í skilningi alþjóða hagkerfisins, heldur hefur hringiða þess, alveg þráðbein áhrif á horfur hérlendis; sem allir urðu náttúrulega varir við þegar kreppan skall á landinu, allt í einu.

Punkturinn, er sá, að án þess að hagvöxtur fari af stað, í okkar helstu viðskiptalöndum, er erfitt að sjá að öflugur hagvöxtur geti átt sér stað hérlendis.

AGS: spáir samdrætti upp á  -4,8% á Evrusvæðinu á þessu ári, en -0,3% á næsta ári, 2010. Á sama tíma, hrynja Bandaríkin um -2,6% en fá hagvöxt á næsta ári, upp á +0,6%. Sama sagan, er um öll önnur svæði, í samanburði AGS, að kreppan endar í ár, og hagvöxtur hefst á næsta ári. Hægur hagvöxtur, en + er betra en - .

Framkvæmdastjórn ESB: Á sama tíma spáir "Directorate General for Economic Affairs" því að samdráttur á Evrusvæðinu verði 4% á þessu ári, en þ.s. mun verra er, að í kjölfar kreppunnar komi nokkur ár með sköðuðum hagvexti.

Potential Growth Stuctural unemployment Investment ratio as percentage of output

2007  1,8%                   8,7%                                       8,7%

2008  1,3%                  9,0%                                        9,0%

2009  0,7%                 9,7%                                         9,7%

2010  0,7%                10,2%                                        10,2%

Eins og sést á þessu, telur hún að meðal-geta hagkerfa Evrusvæðisins til hagvaxtar muni skaðast um ríflega 50% þ.e. niður í 0,7% á ári. Þetta tengist, fjölgun varanlegra atvinnulausra í 10,2% og einnig því, að kostnaður við að auka hagvöxt um 1% hækki í 10,2%. Með öðrum orðum, skilvirkni fjármagns til hagvaxtar minnki á sama tíma og fjöldi fólks fari varanlega af vinnumarkaði; sem dragi einnig úr skilvirkni hagkerfanna.

Þetta ástand, muni taka tíma að vinna úr; en afleiðingin verði að kreppan muni orsaka varanlegt tjón, þ.e. hreint tap í hagvexti sem aldrei muni skila sér til baka, en aftur á móti er reiknað með að getan til hagvaxtar muni skila sér til baka á endanum.

Tíndur áratugur muni þó verða staðreynd, að mestum líkindum.

Framkvæmdastjórnin, varar þó við, að þó hún á þessum tímapunkti telji líklegra en ekki, að hagkerfi Evrópu nái aftur þeirri hæfni til hagvaxtar, sem þau höfðu fyrir kreppu, þá sé það alveg hugsanleg að minnkun hæfni til hagvaxtar, muni reynast varanleg, þ.e.

"Risks of a permanent downshift in potential growth should not be played down."

Niðurstaða

Það verður að segjast, að í ljósi þess hve efnahags-horfur eru svakalega neikvæðar fyrir Evrópu, þá sé erfitt að sjá að nokkrar umtalsverðar líkur séu til þess, að hagspá Seðlabankans muni rætast.

Hafið í huga, að Evrópa tekur við nær 70% af okkar utanríkis-viðskiptum. Augljósa ályktunin af því, er sú að framvinda efnahagsmála í Evrópu spili að svipuðu marki rullu, hvað okkar efnahags-framvindu varðar. Með öðrum orðum, það geti einfaldlega ekki verið að Ísland muni hafa hagvöxt langt, lang yfir því sem reyndin muni vera í Evrópu.

Sannarlega, má vera að hagvöxtur verði eitthvað meiri hér, en einhver takmörk eru fyrir hvað munurinn þar á milli getur verið mikill. Enda eftir allt saman, getur léleg efnahags framvinda í Evrópu ekki annað, en skilað sér í lægri verðum fyrir útflutningsvörur þ.e. minni útflutningstekjum.

Það eru að sjálfsögðu, mjög slæm tíðindi, fyrir þær áætlanir sem Seðlabankinn miðar við um að standa undir skuldum. En fyrir þeim þarf útflutningstekjur.

Seðlabankinn, tönnslast frekar mikið með greiðslu-hlutfall af VLF (vergri landsframleiðslu), en þ.e. villandi stærð, því við borgum ekki erlend lán með landsframleiðslu, heldur gjaldeyris-afgangi. Þannig, hjálpa innlendar skattahækkanir, ekki með neinum beinum hætti, þ.s. þær kapa ekki gjaldeyri.

Mín niðurstaða, er að greiðsluvandi, sem hlutfall útflutningstekna, sé alltof hátt til að vera viðráðanlegt.

Kv. Einar Björn Bjarnason

[Einar Björn Bjarnason, 16.7.2009 kl. 21:40]

Afsakið - aðaltaflan, fór öll úr skorðum, þegar færslan var vistuð inn, en þú getur séð hana á minni bloggsíður.

 Kv

[Auðun Gíslason, 16.7.2009 kl. 23:53]

Blessaður vertu, ég er alveg hættur að taka svona tölur alvarlega!  Þetta er allt svo mikil þvæla allt.  Ef satt er, eru afleiðursamningar/skuldbindingar nær 20x heimsframleiðslan!  Skuldir heimsbyggðarinnar allrar eru meira og minna einhverjir loftkenndir pappírar, sem engin innistæða er fyrir!  Er einhversstaðar ríkissjóður eða seðlabanki sem er skuldlaus?  Hrynur þetta ekki allt saman aftur?  Þetta hagkerfi heimsins er allt mjög absúrd verð ég að segja.  Og sú skoðun mín öðlast meiri fullvissu með hverjum deginum:  Gott að kíkja á www.vald.org til að skynja alla vitleysuna.

[Einar Björn Bjarnason, 17.7.2009 kl. 18:17]

Það má vera, að gömlu klassíkerarnir, frá seinni hluta 19. aldar og fyrri hluta 20., hafi haft það rétt, að halda mynntum á gullfæti - þannig að stuðst væri við raunveruleg verðmæti, og að ekki ætti að reyna að stjórna hruni, láta það gerast.

Kreppur væru einfaldlega nokkurs konar náttúrulögmál, og það að reyna að hafa stjórn á þessu, geri bara íllt verra.

Hver veit.

Kv.

[Auðun Gíslason, 18.7.2009 kl. 16:29]

Menn hafa talað fallega um að koma böndum á afleiðusamninga og vogunarsjóði, en ekkert skeður.  Hér eru vogunarsjóðir að eignast hluta bankanna. 

[Einar Björn Bjarnason, 18.7.2009 kl. 18:04]

Ekki mínir uppáhalds-viðskiptavinir, vogunarsjóðir.

Þ.s. slíkir sjóðir standa í áhættufjárfestingum, hlýtur að liggja að baki að með einhverjum hætti sjá þeir, mikla gróðavon.

En, ekki veit ég hvernig.

Kv.