Ofborgaðir læknar að sliga heilbrigðiskerfið?

Miklar sögur fóru af launum lækna við þessa stofnun.   "...segir Sigurjón að fjármagn til læknisverka á spítalanum á  þrotum..."  Er ekki þetta fjármagn ákvarðað til árs í senn?  Hvernig stendur á að féð er uppurið nú í september?  Er taxti læknanna kannski eitthvað hærri en áætlunin gerir ráð fyrir?  Hversvegna ættu læknar að vera á ofurlaunum?  Þurfa þeir endilega að bera laun sín saman við t.d. laun lækna í óskilvirkasta heilbrigðiskerfi heims, í BNA?  Er rökrétt að bera ástandið nú saman við stöðuna þegar Gulli vildi loka spítalanum?  Ekki var efnahagskerfi landsins hrunið þá, einsog nú, í kjölfar 18 ára stjórnarsetu SjálfstæðisFLokksins!

St. Jósefsspítala lokað hægt og hljótt

Athugasemdir

[Blahh (IP-tala skráð) 20.9.2009 kl. 16:29]

Ég kaupi það nú ekki að læknar séu á ofurlaunum miðað við vinnuna sem þeir leggja í þetta nám sitt. Það tekur læknanema 7 ár að komast út á vinnumarkaðinn, þetta eru 7 ár af tapaðri vinnu. Það eru um 11 milljónir af töpuðum tekjum sé gert ráð fyrir 200.000 krónum í mánaðarlaun og 35% skatthlutfalli. Eftir þetta 7 ára nám hækkar taxti nýútskrifaðra læknanema í 270.000 í grunnlaun. Þessi 70.000 króna munur er 156 mánuði að borga upp tapaðar tekjur, það eru 13 ár. auðvitað er þetta mikil einföldun hjá mér en að sama skapi er það mikil einföldun hjá þér að segja að læknar séu eitthvað sérstakt hátekjufólk.

[Sigga (IP-tala skráð) 20.9.2009 kl. 17:33]

Bendi á að nám lækna er mikið lengra en 7 ár.  Eftir 7 ár þurfa þeir að fara í sérfræðingsnám og því er óhætt að bæta nokkrum árum við, allt eftir sérsviði.  Ekkert óeðlilegt við að launin séu hærri en hjá öðrum heilbrigðisstéttum

[Kristin Þ. Magnúsdóttir (IP-tala skráð) 20.9.2009 kl. 17:35]

Það eru nú fleiri en lækna sem leggja stund á langskólanám án þess að fá viðlíka launagreiðslur eins og þeir.  Í þessu tilviki erum við að tala um sérfræðinga sem eru að vinna verktakavinnu og hún er ekki gefins.  Einhverstaðar las ég að Ögmundur væri alveg til í að ráða þá á launataxta???? 

[SH (IP-tala skráð) 20.9.2009 kl. 18:49]

Bara svona til gamans Kristín, nefndu eina starfsstétt sem hefur jafnlangt nám að baki og læknar

[Carl Jóhann Granz, 21.9.2009 kl. 09:26]

Efnahagskerfi landsins var hrunið þegar Gulli fór af stað með lokun þarna. Þetta var eitt af sparnaðarleiðum hans. Og gerði hann þó gott betur en Ögmundur, hann lofaði óbreyttri þjónustu við sjúklingana, bara fært á aðra staði þar sem nýting gæti verið betri og þar af leiðandi kostnaðarminna.

Hvað ætli væri búið að spara mikið þarna ef haldið hefði verið áfram með tillögur Guðlaugs í stað sandkassaleiks og augnaryks Ögmundar sem eftir allt saman endar á svipuðum stað nema þjónustan versnar hjá Ögmundi.

[Sigga (IP-tala skráð) 21.9.2009 kl. 11:45]

Carl.  Hvernig er hægt að lofa óbreyttri þjónustu við sjúklingana?  Hvert eiga þeir að fara í aðgerðir ef St. Jós lokar annað en á Landspítalann eða á "hina St. Jósefsspítalana" úti á landi?  Lansinn tekur ekki inn fleiri aðgerðir og á ekki fækkar sjúklingunum. Þar af leiðandi hefði aðgerð Guðlaugs kostað lengri biðlista með vinnutapi og auknum lyfjakostnaði. 

[Auðun Gíslason, 22.9.2009 kl. 15:21]

Sólvangur St.Jósefsspítali Göngudeildir Stoðdeildir 2. júlí 2008 09:06 Ristilkrabbameinsleit – undirbúningur hafinn Ár hvert deyja fleiri en 50 Íslendingar úr ristilkrabbameiniSkipulögð leit að ristilkrabbameini verður undirbúin á þessu ári og stefnt að því að leitin sjálf hefjist á næsta ári. Alþingi hefur samþykkt 20 milljóna króna fjárveitingu til undirbúningsins. Kostnaðurinn við sjálft leitarstarfið gæti numið árlegu framlagi eitthvað á annað hundrað milljónir króna.Árlega greinast um það bil 136 Íslendingar með ristilkrabbamein, þar af um 76 karlar og 60 konur.  Ár hvert deyja 54 Íslendingar úr þessum sjúkdómi, 30 karlar og 24 konur. Þessar tölur eru frá krabbameinsskránni og Hagstofunni, úttekt áranna 2002-2006 og er þá átt við krabbamein í ristli og endaþarmi. Margra áratuga barátta Leit að krabbameini í ristli og endaþarmi hefur verið til umræðu hérlendis í nokkra áratugi og tilraun var gerð til leitar árið 1986.  Ásgeir Theodórs meltingarsérfræðingur og yfirlæknir Meltingarsjúkdómadeildar St Jósefsspítala-Sólvangs, hefur verið einn helsti talsmaður þess að hefja slíka leit og hefur ásamt hópi fulltrúa Landlæknisembættisins, heilbrigðisyfirvalda og Krabbameinsfélagsins fylgt málinu eftir . Í framhaldinu lagði Landlæknisembættið fram tillögu um tilhögun leitarstarfsins.Sveinn Magnússon, skrifstofustjóri í heilbrigðisráðuneytinu segir að fullur áhugi sé að að hefja þessa leit þegar undirbúningi er lokið og fjárveiting hefur fengist.  Hér á landi er gert ráð fyrir að í upphafi verði fólki á aldrinum 60-69 ára boðin þátttaka í leitinni en síðar verði aldursmörkin víkkuð. Að sögn Sveins hófu Finnar slíka leit árið 2004 í aldurshópnum 60-69 ára. Í upphafi tóku þar 22 sveitarfélög þátt, núna bjóða 175 af 444 sveitarfélögunum fólki á þessum aldri þátttöku. Í Noregi hafa heilbrigðisyfirvöld ekki talið tímabært að hefja leit. Í Svíþjóð hefur eitt lén af tuttugu ákveðið að hefja leit í aldurshópnum 60-69 ára.  Í Bretlandi er verið að hefja leit í þessum sama aldhurshópi.Mikilvægt að hefjast handaSigurður Guðmundsson, landlæknir segir það fagnaðarefni að málið sé komið í þennan farveg.  Fyrsta skrefið í undirbúningnum sé að ákveða í hvaða aldurshópi eigi að leita.  Landlæknisembættið hefur lagt til að miðað verði við 55-69 ára en heilbrigðisráðuneytið íhugar að hefja leitarstarfið hjá aldurshópnum 60-69 ára.  Sigurður segir notagildið vera minna ef leitarhópur verður takmarkaður og telur æskilegast að leitin nái til stærri hópsins.  Hins vegar sé mikilvægast að hefjast handa en stækka megi hópinn þegar fram í sæki.  Þá segir hann að leitin muni þurfa að ná til allra landsmanna, þó ef til vill verði að hefja leitarstarfið hjá afmarkaðiri hópi í upphafi. „Annað sem þarf að ákvarða er hvar leitin muni fara fram en þar höfum við nokkra möguleika“, segir landlæknir. „Ég veit að krabbameinsfélagið er tilbúið til að taka verkefnið að sér enda er þar áratuga reynsla af leitarfstarfi.  Aðrir kostir hafa komið til álita, svo sem að heilsugæslan sinni leitinni, eða jafnvel að hún verði boðin út.  Í þessu sambandi bendi ég áð að við þurfum ekki að finna upp nýtt hjól og þess vegna tel ég Krabbameinsfélagið besta kostinn“.Landlæknir telur engan vafa leika á þvi að leit að ristilkrabbameini muni bera árangur.“Það er löngu tímabært að hefja þetta starf og við höfum að minnsta kosti sex erlendar rannsóknir sem sýna ótvírætt að leitarstarf sem þetta ber árangur. Með skipulögðu leitarstarfi er hægt að grípa fyrr inní og koma í veg fyrir að sjúkdómurinn gangi of lagnt og leiði til dauða“.Göngum hreint til verksÁsgeir Theodórs segir það brýnt að leita skipulega að ristilkrabbameini, helst frá 55 ára til 69 ára. „Ég minni á að samkvæmt ráðleggingum nefndar á vegum landlæknis var mælt með að leitað yrði meðal aldurshópsins 55-69 ára.  Sá hópur er um 26 þúsund manns og væri honum skipt á tvö ár þýðir það 13 þúsund manns á ári og myndi það leiða af sér um þúsund ristilspeglanir á ári.  Við ráðum auðveldlega við það og það gefur bestan árangur ef við greinum krabbameinið á forstigi“.„Nýgengi þessa krabbameins fer hækkandi hér á landi og segja má að sjúkdómurinn greinist of seint þegar einkenni eru komin fram.  Ástæðan fyrir þvi að Finnar leita aðeins meðal 60-69 ára er meðal annars sú að tíðni hjá þeim er lægri en hérlendis og þeir eru illa settir varðandi ristilspeglanir.  Við hðöfum kunnáttuna og við eigum að ganga hreint til verks í þessum efnum.  Þannig björgum við mannslífum“, segir Ásgeir Nokkrum mánuðum eftir að þessi frétt birtist á heimasíðu St. Jósefs hóf Gulli undirbúning að lokun spítalans!!!