Litlu skila þessar málmbræðslur til þjóðarbúsins! Ekki á það bætandi? Með viðbót!

Borga þessir greifar svona mikla skatta?  Nei!  Málmbræðsluiðnaðurinn greiddi 2,4 milljarða í skatta 2006.  Það voru heil  0,43% af tekjum  hins opinbera!  Nei, það er satt,  skattpínd eru þessi grey, svei mér þá!  Og skiluðu heilum 2% af hreinum þjóðartekjum, eða innan við 16 milljörðum, mest launum! Það eru sem sagt álverin öll þrjú í eigu Norðuráls, Alcoa (hóf reyndar ekki rekstur verksmiðju fyrr en í apríl 2007), Járnblendiverksmiðja Elkem og RioTintoAlcan!  Og varla er þrautin þyngri hjá Sementinu.

Skattar 2,4 milljarðar 0,43% af tekjum hins opinbera. 2006.

Skila nær 16 milljörðum af hreinum þjóðartekjum eða 2%.  2008.                                          Það ár var Kárahnjúkaskrímslið komið í fullan rekstur og Alcoa farið að telja!  Fjórar málmbræðslur ná ekki að skila meiru en tæpum 2% af þjóðartekjum!

Mengunarskattur 0 krónur.

 

Boða fund um stóriðjuskatta

Athugasemdir

[Gunnar Th. Gunnarsson, 5.10.2009 kl. 17:20]

Það er vond skilboð til erlendra fjárfestingaraðila sem hyggjast athafnast hér að á þeim geti dunið eftirá-skattar, þegar búið er að skrifa undir samninga.

Þegar álverð hrapaði í fyrra, þá titruðu mörg álfyrirtæki og talað var um "óvinveittar yfirtökur" í geiranum.  Ástandið hefur reyndar skánað mikið síðan en hluthafar í þessum fyrirtækjum eru ekki að setja áhættufjárfestingar í góðgerðarmál á Íslandi.

[Auðun Gíslason, 5.10.2009 kl. 17:39]

Er ekki Ísland eitt fárra landa sem ekki innheimtir einhverskonar mengunarskatta.  Og ekki hefur skattpíning á Íslandi verið að ríða þessum fyrirtækjum á slig, eða er það!  Eftirá skattar?  Er Ísland eina landið sem leggur á svoleiðis skatta?  Kannski skattalög ættu að liggja frammi á fæðingarstofnunum landsins!  Hverskonar aumingjagæska er þetta gagnvart erlendum fjárfestum?  Ekki láta þeir svona sjálfir.  Hér er einhversstaðar að finna grein um undirgefni gagnvart útlendum fjárfestum.  Ættum við ekki að fara að standa í lappirnar og sýna smá sjálfsvirðingu?  Fake it, till you make it!

[Auðun Gíslason, 5.10.2009 kl. 17:44]

Geturðu útskýrt fyrir mér eftirfarandi:  ..."að setja áhættufjárfestingar í góðgerðarmál á Íslandi."   Eru það kannski framlög til stjórnmálaflokka?

[Árni Gunnarsson, 6.10.2009 kl. 17:42]

Ég held að þeim fjölgi hratt sem trúa því að stóriðjan sé sett í gang með mútum til lykilmanna í stjórnmálum og réttra embættismanna.

[Auðun Gíslason, 6.10.2009 kl. 18:01]

Heyr!  Heyr!   Einhver er ástæðan fyrir undirgefninni við hið útlenda auðvald!