Fari þeir sem fara vilja...

RioTintoAlcan er nú komið á kaf í innanlandspólitíkina.  Nú stendur uppá Landsvirkjun að upplýsa landslýð um það raforkuverð, sem álfurstarnir borga hér.  Samanburður við heimsmarkaðsverð má fylgja.  Það er hámark ósvífninnar að erlendir auðhringir skuli ekki geta látið það ógert að vera með svona hótana-spuna á hendur ríkisstjórn Íslands, hver sem hún er hverju sinni!

Ef RioTintoAlcan vill ekki beygja sig þegjandi og hljóðalaust undir þær reglur, sem réttkjörinn yfirvöld landsins kjósa að setja má fyrirtækið einfaldlega fara.  Það  eru væntanlega einhverjir aðrir í heimi hér sem vilja reka álbræðsluna, sem væntanlega yrði yfirtekin af ríkinu vegna samningsbrota, fari svo að RioTinto vilji ekki vera hér lengur!  Hótana-spunameistarinn fylgir væntanlega húsbændum sínum frekar en þjóð sinni!

...og veri þeir sem vera vilja!

Kipptu að sér höndum

Athugasemdir

[BRYNJAR (IP-tala skráð) 16.10.2009 kl. 16:05]

Hvað er málið, beygja sig þeigjandi...þetta snýst bara um breyttar forsendur.  Ég hef ekki orðið var við neinar hótanir, frekar hitt.  Menn bíða bara og sjá til, fyrirtækið var búið að ákveða að fjárfesta hér fyrir 13 milljarða sem var vísbending um að þeir vildu halda áfram veru sinni hér þrátt fyrir að álverið sé orðið gamalt og byggi á gamalli tækni. Það er eingöngu að þakka framúrskarandi starfsfólki í Straumsvík.  En það er auðvitað eðlilegt að þeir sem eru að fara að leggja út milljarðana 13 hugsi málið betur þegar verið er að breyta forsendunum.  Vertu ekki með þessa bö... ókurteisi til fyrirtækja sem eru að brauðfæða fullt af heimilum og hafa gert skammarlaust í 40 ár.

[Þorsteinn Hilmarsson, 16.10.2009 kl. 18:03]

Sæll Auðun,

það hefur margoft komið fram samanburður á raforkuverði til álvera hér og annars staðar í heiminum. Samningur Landsvirkjunar við Fjarðaál gerir t.d. ráð fyrir verði sem er nokkuð yfir meðalverði rafmagns til álvera á heimsvísu.  Einnig hafa verið birtar  upplýsingar um arðsemi þeirra viðskipta.  Arðsemin er umfram arðsemiskröfu eigenda Landsvirkjunar  en sú krafa var álíka há og gerð var til sambærilegra  fyrirtækja á Vesturlöndum á þem tíma.  Þetta segir  miklu meira en eitthvert verð. 

Staðreyndin er að það eru fjölmargir raforkusölusamningar á milli fyrirtækja í íslenskri eigu sem eru trúnaðarmál.  Árið  2003 gengu í gildi ný raforkulög sem markaðsvæddu raforkugeirann og opnuðu fyrir samkeppnisviðskipti sem fela í sér að  verðið liggur ekki á lausu.  Viðskiptaleyndin á því ekki aðeins við um stóriðjuna. Og hún er viðtekin í viðskiptum hérlendis.  Við sem kaupum eitthvað í smásölu vitum ekkert um heildsöluverðið.  Ég  veit ekki heldur hvort þú nýtur einhvers afsláttar (t.d. í Byko) sem ég nýt ekki.

Sem betur fer er afkoma Landsvirkjunar góð.  Fyrirtækið skilaði rúmlega 6 milljarða hagnaði á fyrri  6 mánuðum þessa árs og um 15 milljörðum í fé frá rekstri sem nýtast til að greiða niður skuldir fyrirtækisins. Arðsemi Landsvirkjunar undanfarin ár er sambærileg við arðsemi orkufyrirtækja á Vesturlöndum eins og sjá má á eftirfarandi hlekk en þar  er m.a. byggt á upplýsingum úr skýrslu sem unnin var fyrir fjármálaráðuneytið fyrr á þessu ári.  Sjá hér.

[Auðun Gíslason, 16.10.2009 kl. 19:23]

Þorsteinn!  Okkur er sagt að orkuverð sé þetta og hitt!  Það fer nú að verða tímabært að þessar tölur komi einfaldlega fram í ársskýrslu Landsvirkjunar.  Hvert er leyndarmálið?  Að benda á aðra er engin vörn!

Fullyrðingar þínar um arðsemi Landsvirkjunar standast ekki skoðun, skv. upplýsingum af síðu Fjármálaráðuneytisins.  Finnst þér ásættanlegt að 4 málmbræðslur skili alls 16 milljörðum til þjóðarbúsins (2008)?

Brynjar!  Þetta er bara öðruvísi orðuð hótun en var sett fram af Elínu Hrist, þegar baráttan um atkvæðin fóru fram í Hafnarfirði!

Þið báðir:  Öll fyrirtæki allsstaðar í heiminum, sem búa við eðlileg skilyrði, verða að sætta sig við lög og reglur þeirra landa, semþau starfa í.

Eini dónaskapurinn í þessu máli er sá, að erlent fyrirtæki skuli blanda sér í stjórnmálalíf landsins með þessum hætti!  Má ég svo spyrja ykkur einnar eða tveggja spurninga:  Eru Íslendingar að finna upp hjólið hér í þessu máli?  Eru hvergi í heiminum innheimtir orku- og mengunarskattar?