Loksins eitthvað að viti?

Eftir allan áliðjuáróðurinn koma loksins fréttir af einhverju, sem til framfara horfir.  Allt tal um stóriðjuna,sem á að ganga fyrir orku sem ekki er til, einsog t.d. Helguvíkurverksmiðjan, hefur kæft umræðu um allt annað.  Það er einsog stóriðjudraumurinn hafi breyst í þráláta þráhyggju. Nánast ekkert annað hefur verið rætt af sumu fólki.  það hefur ekki séð neitt annað sem geti horft til framfara í atvinnulífinu.

Talandi um Helguvík, hvaðan á öll þessi orka, sem fyrirtækið þarf, að koma?  Það væri gott, ef þeir sem hafa lýst sig svona fylgjandi þessu álveri upplýsi okkur um það sundurliðað eftir virkjunum.

Eftirfarandi er listi úr skýrslu iðnaðarráðuneytisins um þá orku, sem hugsanlegt er að virkja fyrir áliðjudrauminn.  Þegar þessi orka hefur verið virkjuð, eru virkjunarmöguleikar á suðvesturlandi uppurnir.  Þá verður engin virkjanleg orka eftir til að sinna öðrum verkefnum í þessum landshluta!  Helguvíkurálbræðslan þarf 625 MW í endanlegri stærð.  90 MW eru frátekin fyrir Norðurál í Hvalfirði!

625 MW +  90 MW = 715 MW

Virkjanir í neðri hluta Þjórsár:  Hvammur 80 MW, Urriðafoss 120 MW, Holt 50 MW=250 MW

(Búðarháls 75 MW.  Orkan frá Búðarhálsi er víst frátekin fyrir RioTintoAlcan, sem nú hótar öllu illu vegna væntanlegra skatta.)

Reykjanes 50 MW, Krýsuvík (Trölladyngja) 100 MW, Hellisheiði 300 MW=450 MW

Samtals eru þetta  700 MW.  Frekari rannsóknir þarf að gera á háhitasvæðum á Reykjanesi.  Ekki er fullvíst að hægt sé að fá alla þessa orku frá háhitasvæðunum vegna breytinga, sem orðið hafa á þeim vegna þeirra virkjana sem þegar hafa verið reistar.

Skóflustunga metanólverksmiðju

Athugasemdir

[Ingólfur Skúlason (IP-tala skráð) 16.10.2009 kl. 13:55]

Þetta er nú allt gott af hverju skildi þetta ekki hafa komið fyrr.Svo er annað hvað vinna margir í Álveri Þessi verksmiðja mun veita 5 manns vinnu þegar hún verður tilbúinn

[Auðun Gíslason, 16.10.2009 kl. 19:11]

Nú ætla ég að spyrja þig einnar spurningar um ævintýri fyrir börn, sem ég held að flestir kannast við. Í ævintýrinu fóru héri og broddgöltur í kapphlaup.  Hvor vann?

Íslenska þjóðin hefði nú kannski gott af að fara sér hægt eftir hruni, sem stafaði fyrst og fremst af græðgi og gleypigangi!  Hvað ætla menn að gera, þegar og ef búið verður að selja orkuna langt fram í tímann á spottprís langt undir heimsmarkaðsverði?  Í orkutölunum hér að ofan í færslunni er ekki tekið netþjónabúið  í Reykajnesbæ.  Einhverja orku tekur það.  Hvað stærðina varðar, þá er hún ágæt í sjálfu sér, gallarnir eru fleiri.  Allur hagnaður rennur rakleiðis til útlanda.  2008 skiluðu þrjár álbræðslur og eitt járnblendi 16 milljörðum alls til þjóðarbúsins.  Það telst nú varla stórsneið af stórri köku.  Gallarnir eru fleiri, t.d. gríðarleg skuldsetning orkufyrirtækjanna!