Ruglið í manninum! Allt getur gerst í boltanum! 76,7% kjósenda skrifuðu EKKI undir!

Þessi formaður Framsóknarflokksins er sennilega einn skelfilegast lýðskrumarinn í íslenskum stjórnmálum, fyrr og síðar.

En þetta og Indefencedeild Framsóknarflokksins hafa undirskrifendur verið að elta á Bessastaði og víða.  M.a. hafa börn, sem fædd eru 2006-2008 skráðu nöfn sín í undirskriftasöfnun Framsóknarflokksins.

Það ætla ég bara að vona, að Framsóknarflokknum takist að skipta um formann áður en hann kemst í ríkisstjórn.  Ef völva DV hefur rétt fyrir sér, hrökklast Sigmundur frá á árinu og Guðmundur Steingrímsson verður formaður.  Vonandi að það rætist.

Hvað varðar þá spurningu, hvort forsetinn staðfestir lögin eða ekki, þá verður hann ekki í neinum vandræðum með að rökstyðja það.  Jafnvel gefinn og vanur rökræðum og hann er.  Það verður ekki byggt á ruglinu úr Sigmundi Davíð Gunnlaugsson!

Að lokum.  Það yrði skammgóður vermir fyrir stjórnarandstöðuna,  Indefence-deild Framsóknarflokksins og undirritendur neitaði forsetinn að staðfesta lögin.  Talsverður minnihluti kjósenda ritaði nafn sitt sannanlega á listann.  Látum það vera þó 56.000 manns  hafi  sett nafn sitt á hann, sem gerir ca. 23,3% kjósenda.  Þrátt fyrir mikinn trumbuslátt, áróður helmingaskiptaflokkanna og auðvelt aðgengi að því að skrifa undir, létu sem sagt 76,7% kjósenda það ógert.  Fjölmiðlamönnum þykir þetta afskaplega merkilegur árangur.  Þeir um það. 

1974, 15. janúar-20. febrúar safnaði hópur manna, svokallað Varið Land,  55,522 undirskriftum.  Undirskriftasöfnunin fór öll fram í höndunum.  Varið Land var hópur manna, sem þótti alveg afskaplega nauðsynlegt að hafa hér amrískt herlið.  Hermangið var ansi drjúgt í vasa ýmissa merkra Sjálfstæðismanna.  Fyrir utan náttúrulega, að þetta fólk trúði því alveg statt og stöðugt, að Rússarnir myndu ryðjast hér inn á hverju augnabliki og myrða hér hvert mannsbarn og senda vofurnar í Gúlakið, væri landið herlaust.  Reyndar fór herinn og við erum hér enn!  Það hefur verið ansi dapurlegt líf, að vera skíthræddur alla daga.  Já, með lífið í lúkunum.  Spyrjið bara Björn Bjarnason!

Það mætti segja mér, að staðfesti forsetinn lögin yrðu afleiðingarnar svona álíka afdrifaríkar og brottför hersins.  Þ.e. hér verður enginn drepinn og lífið haldi áfram.  Endurreisn íslensks samfélags mun geta hafist af fullri alvöru, siðbót mun geta átt sér stað, sekir verða dæmdir og saklausir sýknaðir, börnin ganga í skóla og fólk halda áfram að fæðast og deyja.

Ég óttast frekar þá framtíð, sem bíður staðfesti forsetinn ekki lögin.  Þó ótti minn sé ekki jafn ógnvænlegur og ótti VL-inga!

 

„Útilokað að hann geti staðfest lögin“

Athugasemdir

[Halla Rut , 2.1.2010 kl. 17:24]

Hver telur þú að vilji þjóðarinnar sé? Telur þú að færri en 50.000 Íslendinga vilji að forseti neiti IceSave?

[ÞJ (IP-tala skráð) 2.1.2010 kl. 17:37]

Þetta sem Sigmundur sér hljóta allir að sjá nema svona vitleysingar eins og þú.

[Auðun Gíslason, 2.1.2010 kl. 17:40]

Er það ekki alveg skýrt?  56 þúsund og eitthvað skrifaði undir!  23,3%  kjósenda.  Sem þýðir að 76,7% skrifuðu ekki undir!  Ég hef ekki hugmynd um vilja þjóðarinnar í þessu máli!  Ég er nærri viss um að nærri öll þjóðin vill ekki borga.  Sá valkostur er bara ekki í boði!

[Auðun Gíslason, 2.1.2010 kl. 17:50]

Þakka þér fyrir innlitið ÞJ.  Mjög elskulegt!

[Auðun Gíslason, 2.1.2010 kl. 17:51]

Já, og þakka þér,  Halla Rut!  Vonandi að ég hafi gefið þér svar við spurningunni!

[Halla Rut , 2.1.2010 kl. 17:57]

Spurningin var svona meira hvað þú teldir sjálfur. Ef þú ættir að skjóta á hvort fleiri eða færri vildu að forsetinn skrifaði undir hverju mundir þú svara?

[Svarar Jónsson (IP-tala skráð) 2.1.2010 kl. 18:08]

Þessi rökræða segir nákvæmlega í hvaða farvegi Icesave er. Þetta mála var afráðið þegar neyðarlögin voru sett en ekki núna. Það að fjöldi manns hafi skrifað undir að þeir vilji ekki borga er engin mælikvarði á hvað er rétt eða nauðsynlegt að gera. Ef þessi sami hópur yrði spurður hvort hörundslitur eða þjóðerni þeirra sem eiga peniunga í banka ætti að ráða hvort þeir fengju innistæður sínar þá yrði niðurstaðan allt önnur. Það er ég viss um. Ef ég hef rangt fyrir mér þá hefur nasistaflokkurinn meiri grunn hér en áður var talið. Það er ekkert val en að klára þetta mál. Hrein heimska að ætla forsetanum að stoppa mál sem var í raun afgreitt strax eftir fall bankanna.

[Jóhannes Ragnarsson, 2.1.2010 kl. 18:29]

Það versta við Sigmund Davíð er hvað hann er alltaf syfjaður. Ég er dauðhræddur um að hann verði sofnaður fyrir mitt ár í fjóshaugnum hjá blessaðri Framsóknarmaddömunni, sem aðeins örfáir vita hvort sé lífs eða liðin. 

[Auðun Gíslason, 2.1.2010 kl. 19:07]

Halla Rut!  Ég hef bara ekki hugmynd.  Og hef ekki velt því fyrir mér!  Vilji þjóðarinnar er mér hulinn!  Ég er einsog áður hefur komið fram ekki í vafa sjálfur.  Ég vil ekki borga, en það er kostur sem ekki stendur til boða. Við verðum að ganga frá þessu máli, og ég er viss um að betri kostur en þessi samningur muni ekki standa til boða, verði þessi felldur.

Svavar!  Svo má benda á skoðanir samtaka atvinnulífsins.

Jóhannes!  Er ekki ráð að bjóða kallgreyinu í nefið?

[Jóhannes Ragnarsson, 2.1.2010 kl. 19:34]

Bjóða honum í nefið? Það verður þá að vera eitthvað sterkara en venjulegt neftóbak. Af neftóbaki myndi hann bara kafna því ég hef ekki trú á að hann hafi rænu á að snýta sér á sómasamlegan hátt.

[Halla Rut , 2.1.2010 kl. 20:06]

Auðun, þú segir: "Ég vil ekki borga, en það er kostur sem ekki stendur til boða" Því er það ekki til boða og hver segir að það sé það ekki? Jú, eru það ekki einmitt Bretar? Eigum við að borga af því að þeir segja það? Þeir segja okkur skyldug til að greiða þetta en neita okkur um leið að setja það í dóm dómstóla?  Þetta er nú einmitt svona sem Bretar haga sér, kúga og pína þá er eiga eitthvað sem þeir ásælast.  Finnst þér ekki merkilegt að í samningnum þá verðum við að afsala okkur rétt til að fara með þetta fyrir dómsstóla síðar? Af hverju ætli það sé svona mikilvægt fyrir þeim?

Annað sem má spyrja að er:

Hvar stendur í samningum og lögum, að ríkissjóður sé ábyrgur fyrir því, sem Tryggingarsjóður innstæðueigenda ræður ekki við að greiða? Og  hvers vegna þessir vextir þegar vextir bæði í Hollandi og Bretlandi eru langt um minni eða 0 til 1,5%. Bara það eitt segir manni að hér er algjöra kúgun að ræða þar sem stórt ríki kúgar sér minni ríki með stærð sinni og valdi. 

[áhugasamur (IP-tala skráð) 2.1.2010 kl. 20:50]

Halla Rut, hvað áttu við með þessari vitleysu:

"Og  hvers vegna þessir vextir þegar vextir bæði í Hollandi og Bretlandi eru langt um minni eða 0 til 1,5%"

Svona kjör eru kannski í boði fyrir innlánsfé (þ.e. peningar sem þú lánar bankanum). Útlánsfé til margra ára er mikið dýrara. Og ef lántakandinn er frekur og leiðinlegur, og hefur ekki uppá neinar tryggingar að bjóða, þá er þetta Icesave boð alveg frábært. Sjálfur bý ég erlendis, og þekki vel lánavexti í mörgum löndum Evrópu.

Annars er ég þeirrar skoðunar að Icesave hafi ekkert að gera í þjóðaratkvæðisgreiðslu. Svona mál er einfaldlega ekki til þess fallið. Annaðhvort að borga eða borga? Já eða já?

[Halla Rut , 2.1.2010 kl. 21:01]

Ekki rétt hjá þér áhugasamur...þetta eru þeir vextir sem Bretar og Hollendingar taka sjálfir á lánum sínum til innstæðusjóða sinna.

[áhugasamur (IP-tala skráð) 2.1.2010 kl. 21:11]

haha, hvernig í ósköpunum vilt þú fara að setja samasemmerki milli íslenska ríkisins og þeirra eigin innistæðusjóða? Seðlabanki Þýskalands lánar peninga til banka í Þýskalandi á 1% vöxtum, til að halda þeim lifandi.

 Hefurðu forvitnast um á hvaða kjörum Grikkland mun fá lán? Grikkland er bara í ca. 1/3 vanda Íslands, og lán til þeirra verða dýrari með hverjum deginum, núna ca. 4-6%. Vextirnir aukast með áhættunni! Ósköp einfalt. Og ef Ísland samþykkir ekki Icesave eykst áhættan, því þá verður öllum í Evrópu ljóst að um mikla óreiðumenn og stjórnleysingja er við að eiga uppá skeri. Og þetta hefur ekkert með hræðsluáróður að gera.

[Halla Rut , 2.1.2010 kl. 21:30]

Það er ekki Íslenska ríkið sem skuldar þessa peninga heldur innistæðusjóðurinn. Ef innistæðusjóðurinn er tómur þá er hann gjaldþrota.

[Jóhannes Ragnarsson, 2.1.2010 kl. 21:30]

Hver ætli þessi ,,helgi" sé, sem segist þekkja svona lið eins og Jóhannes? Það er megn kúaskítsfýla af helvítis draugnum. Sennilega veltir dýrið sér alla daga uppúr flórnum í Framsóknarfjósinu.

[Árni Gunnarsson, 2.1.2010 kl. 21:38]

Aldrei að vita nema ég hefði reynt að leggja hér orð í belg en,..þegar ég sá að hingað var komin greiningardeild Vitsmunabankans sem enginn er víst óhultur fyrir þassa dagana þá féll mér í það minnsta hálfur ketill í eld.

[Auðun Gíslason, 2.1.2010 kl. 21:42]

Halla Rut!  Menn eru búnir að vera ræða þetta, og rökræða, síðan í október 2008, hvort við erum skyldug að greiða eða ekki.  Ég nenni ekki að fara taka snúning á máli sem er útrætt.  Niðurstaða hefur verið fundin, og hún breytist ekkert þó einhverjir vilji ræða hana lengur.  Það eru margir vinklar á þessu máli.  1.  Lögfræðilegur.  2.  Alþjóðaréttarlegur.  3. Siðgerðilegur.  Ýmsir pappírar hafa verið undirritaðir.  M.a. samningur Íslands við ESB fyrir hönd Breta og Hollendinga.  Skv. þjóðarrétti gilda þessir pappírar, segir Helgi Áss Grétarsson.  Það er það sama með þetta og greiðsluskylduna.  Menn eru búnir að ræða þetta fram og til baka síðan í upphafi hruns.  Og komist að niðurstöðu.  Henni verur ekki breytt.  Alþingi Íslendinga er búið að ræða þetta mál mánuðum saman.  Ríkisábyrgðin var samþykkt og það aamþykkt gildir , sama hvað.  Þú og fleiri getið verið í afneitun á þá staðreynd, að innistæðusjóðurinn er á ábyrgð íslenska ríkisins.

Það getur vel verið, að þér og okkur öllum finnist þetta óréttlátt.  En svona er þetta bara.  Sama hvað manna þykir afdalurinn fagur og grænn!!!

[áhugasamur (IP-tala skráð) 2.1.2010 kl. 21:42]

Halla, þú virðist vera besta dæmið um ástæðuna fyrir því að ekki sé hægt að setja Icesave í þjóðaratkvæði.

Það er stór munur á að "redda" eigin bönkum og eigin sjóðum, og að lána fé til févana bankakerfis norður í hafi. Eða heldur þú að íslenska ríkið hefði boðið hollenskum og breskum innistæðarsjóðum sömu kjör og þeir buðu Glitni, Kaupþing osfrv.???

[Auðun Gíslason, 2.1.2010 kl. 21:55]

Krakkar mínir, komiði sæl!  Ég ákvað að "eyða" þessum Helga með gereyðingarvopnum.  Vil minna alla viðstadda um að gæta að orðfæri sínu!  Þetta við um mig líka!  Þó ég sjái um að ryðja bekkina, þegar við á!  Áhugasamur er beðin um að vera kurteis, sérstaklega við konur!

Komdu sæll og blessaður!  Árni minn!  Þar sem það er engum manni hulið hér þá telst ég með vitlausari mönnum, að minnsta kosti flón, þannig að ég verð að biðja þig um að útskýra fyrir mér, hver hún er þessi greiningardeild Vitsmunabankans?

[Auðun Gíslason, 2.1.2010 kl. 22:03]

Hvernig er það, hefur enginn áhuga á að ræða þessar tvær undirskriftasafnanir.  Muninn á þeim og innihald.  Hvor er meira afreka og svo framvegis.  Ég lagði á mig að gúgla Varið Land til afla mér þessara upplýsinga hér.  Mér finnst Varið Land hafa unnið meira afrek.  Undirskriftir eru miklu hærra hlutfall atkvæðisbærra, undirskriftum var safnað á pappír.  Var sem sagt "handmade."  RússaGrýlan hjálpaði að vísu til, dugmikil einsog hún var!

[áhugasamur (IP-tala skráð) 2.1.2010 kl. 22:09]

Kæra Halla Rut, fyrirgefðu að ég hafi hlaupið á mig með of sterkum athugasemdum. Þær eiga og áttu ekki að vera persónulegar. Og takk Auðun fyrir að benda mér á þá staðreynd að ég hafi ekki gætt nægs hófsemis í mínum færslum.

Málið er flókið, því miður of flókið fyrir þjóðaratkvæðagreiðslu. Því vildi ég koma á framfæri. Og umræður um svona skítt mál með engum möguleika á góðri lausn vekur upp ákveðnar aggressjónir hjá mér, því miður. Ef ég væri spurður, myndi ég auðvitað segja að við ættum ekki að borga. En ég þekki ekki öll gögn í þessu máli, og því "neyðist" ég til að treysta á þjóðkjörna fulltrúa.

Tékkaði sérstaklega hvort nafn mitt væri á þessum Indefence-lista. Svo er sem betur fer ekki.

[Halla Rut , 2.1.2010 kl. 22:23]

Þetta er nú einmitt það sem frú Vigdís sagði í viðtali nú nýlega eða að Íslendingar kynnu ekki að tala saman og virða skoðanir hvors annars. Þetta er svo rétt hjá henni enda bregða menn alltof oft fyrir sig dónaskap ef einhver er á öðru máli en þeir sjálfir.

Bestu kveðjur.

[Árni Gunnarsson, 3.1.2010 kl. 00:59]

Fulltrúi greiningardeidarinnar er búinn að gleyma hvað hann heitir sem ekki er fátítt þessa dagana. Hann merkir sig með Þ.j.

[Trítilóða öndin (IP-tala skráð) 3.1.2010 kl. 03:37]

Hygg að í lagi sé að benda Höllu Rut á að ef Tryggingasjóðurinn er tómur -án ábyrgðar-, er allur sparnaður landsmanna þar með farinn. Ekkert í kassanum. Núll. Nix. Nada!

Það gæti reynst skrambi erfitt að slá lán fyrir nokkrum sköpuðum hlut á slíkum forsendum. Því var tekinn Haarde á ástandið með Davíðsblessun í október 2008. Þeir í Framsókn (lesist; Indefence) eru hins vegar ekki að ná þessu.

Skrýtið...! Þeir hafa náttúrulega ekkert haft um málið að segja síðan, "döh!" 2007!? (Eftir 12 ára setu í forsvari bankamála...)

jonas.is segir að allt að þriðjungur þjóðarinnar séu fávitar. En miðað við undirskriftasöfnunina er það bara fjórðungurinn! Þökkum hamingjunni fyrir það!

[Auðun Gíslason, 3.1.2010 kl. 20:28]

Árni minn!  Sæll og margblessaður!  Lokað hefur verið á þessa greiningardeildarinnar/IP-tala bönnuð! Hér véla aðeins  um óbreytt almúgafólk, sem ratar bæði heim til sín og man enn nafnið sitt!