Fáránleg skattalækkun!

Þetta hlýtur að teljast ein fáránlegasta stjórnvaldsaðgerð seinni tíma á Íslandi!  Ekki er það einsog fyrirtæki hangi hér á horriminni, nema þá helst!  Ríkissjóður er aðeins að greiða niður samningana fyrir fyrirtækin.  Hefði nú ekki verið nær að bæta við í fjárveitingum til heilbrigðiskerfisins.  En að sjálfsögðu samræmist það ekki "stjórnmálaskoðunum" hrossalæknisins Matthísens!  Eru íslensk fyrirtæki svo aum að þau geti ekki borgað skatta.  Víðast hvar í heiminum, "í löndum sem við viljum bera okkur saman við", borga fyrirtæki hærra hlutfall í skatta.  Meira að segja í "guðs eigin landi", sjálfri paradís hægriöfgamanna á Íslandi. 

Fagna lækkun skatta á fyrirtæki

Sómi Íslands? Sverð þess og skjöldur? Eða bara skítapakk?

Ég ætlaði nú ekkert að vera að blogga um þetta mál, en einhvernveginn get ég ekki á mér setið, frekar en oft áður!  Ég varð bara svo fjári fúll að lesa nokkrar athugasemdir frá einhverjum óskrifandi strákskröttum.  Með leyfi úr hvaða holum skríður þetta "rasista" skítapakk.  Þetta er einsog hver önnur plága og óværa í mannlegu samfélagi.  Rakst á einhverja síðu sem er sett á netið af einhverjum vesalingum.  Þvílíkt rugl!  Og miðað við mannalætin gæti maður haldið að þetta hyski ætti eitthvað undir sér eða hefði afrekað eitthvað í lífinu.  En er það svo?  Ég veit það svo sem ekki, en mér finnst einhvern veginn að það segi sig sjálft, að svo er ekki.  Ég hef áður skrifað um þessa svokölluðu "racista" og útlendingahatara, og skilgreint þá svona frá mínu sjónarmiði.  Ætla ég að láta það duga svona að mestu, enda nenni ég varla að eyða orði á svona ruglukolla.  Einu sinni las ég bók sem heitir að mig minnir "Hvítt skitapakk og hvítur svertingi".  Fjallaði um tilveru fátæklinga og fenjalýðs í Flórída að mig minnir.  Allt saman ágætis fólk og átti sína spretti í tilverunni einsog við öll.  En oft dettur mér í hug titill þessarar bókar þegar íslenskir racistar, les: minnipokalýður, taka til við að "blurpa".

Einu sinni tók sig til svona facistalýður og ætlaði að setja á laggirnar eitt stykki 1000 ára ríki.  Þeir skilgreindu stóran hluta mannkyns sem hálfmenni og fenjalýð;  Gyðingum reyndu þeir að útrýma, ásamt fleirrum sem þeir töldu sér óæðri!  Á endanum fór nú svo fyrir þessum "ofurmennum" að hálfmennin lögðu draum þeirra að í rúst, sem betur fer.  Ýmislegt virðist þetta lið í þessu hreyfingum, Combat18, ífí og félagi gegn Pólverjum, eiga sameiginlegt með þessum fyrrnefndu facistum.  Vonandi að okkur takist að kveða þetta í kútinn áður en verra hlýst  af.  Svona vitleysa verður að taka enda!

Undiralda útlendingahaturs

Samráð á samráð ofan! Og neytendur hafðir að fíflum af fyrirtækjum og ríkisvaldinu!

Einsog margir hafa vitað lengi er kapítalistum ekki treystandi.  Þarf því sífellt að hafa með þeim vakandi auga og eftirlit, einsog óþekkum pörupiltum!  Þeim duga nefnilega ekki lögmætar aðferðir í gróðabralli sínu öllu.  Olífélögin og iðnaðurinn þurfa nú að greiða sektir vegna þessara þjófnaðatilburða sinna úr vasa okkar hinna.  Bankar og tryggingafélög leika enn lausum hala.  Nú er það spurningin, hvort ekki þarf að finna aðrar aðferðir til að refsa fyrirtækjum og samtökum gróðapunga fyrir þessa  tilburði þeirra.  Þeir þurfa að borga sektir vegna þjófnaðatilburða sinna.  Til að borga sektirnar okra þeir á okkur viðskiptavinunum.  Sem sagt þeir fá sekt fyrir að stela af okkur og við borgum svo sektina.  Væri ekki nær að við fengjum að hía á þá og kasta í þá skemmdu grænmeti nokkrar dagsstundir á Lækjartorgi!  Allavega leyfið okkur að losna við að borga sektina fyrir þá sem eru nýbúnir að ræna okkur!

Greiða sekt vegna samráðs

Þeir villast þá ekki!

Starfsmenn ferðist ekki einir í bíl

Embætti byggingarfulltrúa í vasa verktaka? Þarf rannsókn á starfsemi byggingafulltrúa og borgarverkfræðingi?

Þetta eru alveg ótrúleg vinnubrögð sem byggingarfulltrúi viðhefur.  Það virðist ekki flókið fyrir verkttaka að fá leyfi til hvers sem er.  Þessar framkvæmdir eru mjög umdeildar og hefur verið mótmælt ítrekað af íbúum hverfisins.  Því hefði maður haldið að menn pössuðu sig og hefðu öll leyfi í lagi.  Ó, nei, ekki, byggingarfulltrúinn gefur út ólöglegt leyfi fyrir sprengingum og uppgreftri, auk annars undirbúnings fyrir framkvæmd sem ekki er búið að samþykkja.  Og það er ekki í fyrsta skipti sem verktakar eru stöðvaðir við þessar framkvæmdir.  Þegar niðurrif stóð yfir á lóðinni fóru verktakar ekki eftir reglum um umhverfisvarnir.  Við sprengingarnar, sem nú hafa verið stöðvaðar, hafa rúður brotnað í nærliggjandi húsum.  Ekki hefur verið hægt að kvarta við starfsmenn á svæðinu því þeir tala ekki íslensku.  Viðvörunarflauta á að vara nágrannana við og flauta 3svar fyrir sprengingar og einu sinni þegar að sprengingu er lokið.  Ekki er nú alltaf flautað 3svar, en alltaf þegar sprenging hefur farið fram!  Verktaki þessi hefur reynt að fría sig ábyrgð á öllu hugsanlegu tjóni sem framkvæmdir þessar hafa í för með sér.  Hefur formaður Húseigendafélagsins séð sig tilneyddan að leiðrétta bullið í verktakanum opinberlega. Fyrir ekki löngu síðan stóðu yfir við líka framkvæmdir við Borgartún.  Við sama opna svæði eru byggingafulltrúi til húsa og svo borgarverkfræðingur.  Þarna rigndi grjótinu yfir nágrennið og hús skemmdust vegna titrings frá sprengingunum.  Ekki virtist embættismönnum fyrrnefndra stofnana hafa dottið í hug að verktakinn gæti farið sér hægar við verkið.  En hann kom með barnalegar yfirlýsingar um að það væri ekki hægt.  Yfirgangur verktaka er orðinn svo mikill hér í borginni að ótrúlegt má heita.  Heilu göturnar eru undirlagðar og ófærar mánuðum saman vegna minniháttar byggingaframkvæmda.  Íbúar heilu hverfanna mega búa við það að leyfislausar framkvæmdir fara fram í skjól embættis byggingafulltrúans.  Eignir manna eru í hættu, bæði hús og farartæki.  Spurning hvenær/ekki hvort þeir drepa einhvern með þessum vinnubrögðum!

Ég spyr því:  Þarf ekki að fara fram stjórnsýsluúttekt á þessum embættum:  Skrifstofu borgarverkfræðings og byggingafulltrúanum í Reykjavík.  Annað embættið gefur út löglaus leyfi og hitt gegnir ekki eftirlitshlutverki sínu!  Svo ekki sé talað um framgöngu borgarfulltrúa allra flokka í þessum málum.  Eitthvað borga verktakar og gróðapungar í sjóði flokkanna.  Ekki hlusta fulltrúar þeirra á borgarbúa þegar þeir gera athugasemdir í skipulagsmálum.  Þarfir gróðapunganna hafa forgang.

Byggingarleyfi verktaka fellt úr gildi

Var staðan auglýst?

Eða er þetta ein af þessum stöðum sem ekki þarf að auglýsa?  Þessi er í þannig stöðu!

Markús Örn skipaður forstöðumaður Þjóðmenningarhúss

Made in the USA.

Alltaf svolítið kostulegt að sjá bandaríkjamenn tala einsog pyntingar, og fleirri fólskuverk, séu lögvernduð bandarísk starfsgrein!

Stríðsfangar í Víetnamstríðinu fengu iðulega slæma meðferð, en það  einhversstaðar grafið í minningunni, að vopnabræður McCain hafi ekki hagað sér einsog nýþvegnir sunnudagaskóladrengir.  Og svo sem lítið um það að segja.  En hvern fjandann voru þeir að flækjast í Víetnam?  Varla hafa þeir búist við að heimamenn pökuðu handa þeim pönnukökur og helltu uppá könnuna til að fagna innrásarliðinu.

Einkennilegt hvað könum finnst alltaf að þeir eigi að fá einhverja aðra meðhöndlun, en þeir skenkja öðrum!

Er ekki kominn tími til að einhverjir skrái glæpaferil bandarískrar utanríkisstefnu  á einn stað?  Til þess þarf að vísu her manns.  En samt sem áður...

P.S.  Ég ætla að frábiðja mér smjörklípu-komment kanadindla vegna þessarar færslu!

Kastró sakar McCain um lygar

Valdhroki!

Æðsta valdamanni þjóðarinnar finnst að þjóðinni komi þetta ekkert við!  Það er náttúrulega alveg rétt, en okkar er mátturinn og dýrðin.  Það erum nefnilega við sem kjósum í næstu kosningum!  Ekki gleyma því, Geir Hilmar!  Hver ræður eiginlega heima hjá þér?

Geir: „Tek afstöðu þegar þar að kemur“

Það ætla ég að vona...

...að þessi kerling verði aldrei forseti!  Sjálfhverft skítapakk!

Clinton reynir að stöðva sigurgöngu Obamas

"Það versta sem ég hef LENT í..."

  Vilhjálmur axlar ábyrgð...

Vilhjálmur: Hamrað á því sem mér kemur verst

Kynþátta- og útlendingahatur.

Þetta er undarleg minnipokamenning sem ungt fólk með framtíðina fyrir sér vill tileinka sér!  Ég hef lengi verið þeirrar skoðunar að fólk sem tileinkar sér hverskonar kynþáttahyggju og útlendingahatur sé haldið minnipokakomplex af verstu gerð!  Einhversstaðar á lífsleiðinni hefur læðst inní sálarlíf þessa fólks tilfinning um að hafa orðið að láta í minnipokann.  Að það sé vanhæft á einhvern hátt.  Því finni það þessa þörf hjá sér að upphefja sjálft sig á annarra kostnað.  Einhverjir aðrir verða að vera þeim óæðri svo að þeir losni við þessa tilfinningu um eigin vanmátt.  Öll finnum við til vanmáttar, en sem betur fer leysum við fæst málið  með þeim hætti að fara að hata annað fólk!  Það er einmitt þar sem kynþátta- og útlendingahatara láta í minnipokann fyrir lífinu og sjálfum sér.  Í því felst vanhæfni þeirra.

Vilhjálmur vill sitja áfram! Punkturinn yfir i-ið!

  Ætla þessi þrjú að styðja hann áfram?

Veruleikafirring Sjálfstæðismanna og valdhroki!

Það er stórkostlegt að lesa að Vilhjálmur hugsi sér að sitja áfram sem oddviti.  Kjósendur hljóta að velta því fyrir sér hvað álit Sjálfstæðismenn hafa á þeim fyrst verið er að ræða þetta af fullri alvöru.  "Ríkið það er ég."  virðist vera orðin lífssýn forystu Sjálfstæðismanna.  Hvað almúginn/kjósendur vilja eða eru að hugsa kemur þeim einfaldlega ekki við.  Valdhrokinn er orðinn gersamlega yfirgengilegur!  Aðeins tvö mál sem eru til umræðu í dag færa okkur heim sanninn um það:  dómaramálið og málefni borgarstjórnar.  Og það þarf ekki að fara langt aftur til að finna fleirri og þarf ekki að leita lengi og vandlega.  Valdhrokinn kemur allsstaðar við sögu.  Í embættisfærslum, í umræðunni og í umgegni um valdið og viðhorfi til þess.

Ríkið það er ég!  Ég fer með valdið einsog mér einum þóknast!  Engum kemur það við, nema mér!

Pólitísk staða Vilhjálms rædd

Tími til kominn!

Vilhjálmur Bjarnason er einn fára sem ekki hafa gengið um með stjörnur í augum yfir gulldrengjum íslensks fjármálalífs.  Sjálftaka og græðgi þeirra hafa undanfarin ár verið ótrúleg.  Og enn ótrúlegra að menn hafi komist upp með þetta árum saman án athugasemda til þess bærra aðila.  Á hinn bóginn hefur verið litið á athugasemdir einstaklinga sem tuð öfundsjúkra manna.  En loksins, loksins gerist eitthvað sem vonandi breytir viðhorfi samfélagsins til þessara auðsöfnunar, og sjálftöku auðs sem er á mörkum lagar og réttar, ef ekki gersamlega löglaus!

Undirbýr málshöfðun vegna starfslokasamnings

Ár músarinnar! Ekki rottunnar!

"Vilja að Vilhjálmur víki."

Skv. visi.is er loksins farið í að glitta í að Axlar-Villi axli sín skinn og axli ábyrgð á gjörðum sínum og borgarstjórnarflokksins í REI-málinu.  Þá munu hefjast hjaðningarvíg og valdabarátta innan borgarstjórnarflokksins.  Barátta sem mun enda með þessum venjulegu yfirlýsingum um að þessi eða hinn njóti fyllsta trausts borgarstjórnarflokksins og að full sátt og samstaða ríki innan hans um niðurstöðuna.  Verst að Villi er ekki lögfræðingur að mennt.  Hann gæti þá orðið næsti borgarlögmaður!   Það verður gaman að sjá hvað feita starf Flokkurinn skaffar honum!

Valdabaráttan í borginni verður æ meira spennandi!  Hvað gerist í Valhöll í næsta þætti?  Verður Hanna Birna beitt brögðum?  Verða Gísli Marteinn borgarstjóri á eftir Ólafi?  Hvað tekur við?  Við fylgjumst með með öndina í hálsinum!  Geir Haarde fundaði um borgarstjórnarmál Reykvíkinga á lokuðum fundi með Kópavogsbúum!  Verður Gunnar Birgisson næsti borgarstjóri?  Verður Ráðhúsinu lokað?  Borgarstjórnarflokkur Sjálfstæðisflokksins fer huldu höfði og svarar ekki í símann.  Gaman!  Gaman!  Allt komið í vitleysu!!!

Hvar er pólitísk ábyrgðtilfinning borgarstjórnarflokks Sjálfstæðisflokksins? Eða er allur sá flokkur siðlaust skítapakk?

Það má rifja það upp, að fyrstu viðbrögð borgarstjórnaflokks Sjálfstæðisflokksins, þegar REI-klúðrið kom uppá yfirborðið, var að samþykkja orðinn hlut (samning OR, REI og GGE) og selja REI sem fyrst.  Með öðrum orðum átti að láta sem ekkert hefði athugavert gerst og láta síðan málið hverfa með sölunni á REI.  Með öðrum orðum stinga höfðinu í sandinn.  Og ekki nóg með það.  Við áttum víst öll að stinga höfðinu í sandinn með þeim líka!  Þegar búið var að reyta eignir og þekkingu af OR, umbuna embættismönnum með dúsum (kaupréttarsamningum), ljúga að kjósendum átti að láta málið hverfa með því að einkavinavæða REI.  Ég spyr því:  Hefur borgarstjórnarflokkur og forysta Sjálfstæðisflokksins enga ábyrgðartilfinningu og enga siðferðiskennd!   Það er ekki nóg að Vilhjálmur Þ. Vilhjálmsson taki pokann sinn.  Það á allur borgarstjórnarflokkurinn að gera líka, svo og allt yfirmannasettið í OR og REI.  Það heitir að taka afleiðingum gerða sinna!

„REI - ætlar Sjálfstæðisflokkurinn ekki að axla ábyrgð?“

Óttinn við "valdið".

"Sagðist hún þá ekki vilja gefa svar "sem dregið gæti dilk á eftir sér,"  einsog hún komst að orði." Kristbjörg Stephensen borgarlögmaður þarf greinilega að gæta sín gangvart "valdinu" sem nú hefur kjaftað sig útí horn og er því til als víst!

Með öðrum orðum:  Haltu kjafti og vertu sæt!

Yfirlýsing frá borgarlögmanni

"Hin alræmda hlerunarætt". "Ríkið biður um FBI-skjölin um Laxvess". Frbl.

"Auðvitað er þetta ekki fallegt á að líta því njósnabeiðnin kom upphaflega frá Bjarna Benediktassyni og íslensku ríkisstjórninni.  Í dag myndi maður kalla þetta landráð. Að ráðherra skuli leggjast svona á einn listamann að hann geti ekki komið út verkum sínum í fimmtíu ár á einu stærsta málsvæðinu!"  Guðný Halldórsdóttir í Frbl.

Lögfræðingur útí bæ!

Hvernig er þetta?  Sagði Axlar-Villi ekki að hann leitaði ekki til lögfræðings útí bæ!  En bíðum við, er forstjóri Orkuveitunnar ekki maður útí bæ, sem þar að auki starfar ekki sem lögfræðingur.  Hann á að gæta hagsmuna OR (sem hann gerði augljóslega ekki), en ekki gefa góðvinum sínum ráð.  Og sérstaklega ekki vond ráð.

Er ekki hægt að moka yfir Villa í holunni, sem verður æ dýpri?

Forstjóri OR álitsgjafinn