Hæstaréttardómari?

Ég verð nú að segja, að það er ekki við hæfi að hæstaréttardómari skuli vera mikið að tjá sig um það sem gerist á öðru dómstigum og í tengslum við það. En kannski hefur honum fundist hann yrði að reyna að bera þetta af sér. En svona miðað við allt og allt held ég að það hafi ekki tekist mjög vel. Svona orðbragð notar ekki siðað fólk, svo ekki sé meira sagt

Hefur eftir Jóni Steinari að þrýst hafi verið á hann

Hækkun gjalda hafin!

Nú er búið að ákveða að hækka sorphirðugjaldið, og fyrst það rennur svona ljúflega í gegn kema sjálfsagt fleirri hækkanir í kjölfarið, Sem sagt skattahækkanir skv. orðabók Villa frá í fyrra.  Svo á að hækka skuldir borgarinnar um 40% per haus á næstu 3 árum. Úr 971.000 krónum í 1.364.ooo. Hækkun sem nemur 393.000 á mann,börnin líka. 40,47% hækkun. Fjármálasukk hét það í fyrra, og heitir enn. Athugið skv. áætlun á föstu verðlagi, eitthvað verður það í raun.

Nauðsynlegt að fjölga borgarbúum

Sjónhverfingar borgarstjórnar fyrir þá trúgjörnu!

Borgarstjórn segist ætla að borga langtímaskuldir, en hvernig lítur þetta út í áætluninni, sem borgarstjórn virðist treysta að borgarbúar lesi ekki:

Heildarskuldir borgarinnar 2007:  128,786 milljarðar.  2010: 168,502 milljarðar. Hækkun um 40 milljarða.  Skuldir án lífeyrisskuldbindinga 2007: 113,963 milljarðar. 2010: 166,094 milljaðrðar. Hækkun um 52 milljarða. Var einhver að tala um fjármálasukk í kosningarbaráttunni. Hér hafa menn fjármálasukk og skuldasúpu. Athugum að hér er aðeins um áætlun að ræða og á föstu verðlagi ársins 2007. Áætlanir stjórnmálamanna eiga til að fara úr böndunum eins og allir vita, og svo er það blessuð verðbólgan. Veruleikafirringin er svo mikil, að þó fjölga eigi leikskólum og grunnskólum vegna fjölgunar borgarbúa um ca 4300, þá er gert ráð fyrir lækkun launakostnaðar hjá borginni. Og að lokum: skuld pr. borgarbúa mun hækka um 393.000 krónur á þriggja ára tímabili. Fer úr 971.000 í 1.364.000 árið 2010 á föstu verðlagi. Það þætti nú óráðssía á mínu heimili að hækka skuldirnar um 40,47% á 3 árum.  Ekki  hækka tekjur né eignir borgarinnar svo mikið á móti. 

Segja gráan lit á þriggja ára áætlun Reykjavíkurborgar

Einkennilegar fréttir af borgarstjórn!

Ágætt að greiða niður langtímaskuldir, en það segir ekki alla söguna. Ég legg til að bloggarar lesi þessa áætlun yfir áður en þeir blogg og visti jafnvel áætlunina til upprifjunar síðarmeir.

Heildarskuldir A og B hluta:                           2007                                      2010

                                                                    128,786 milljarðar               168,502 milljarðar

Heildarsk. að slepptum líf eyrissk.            113,963        "                       166,094         "

Skuld pr. íbúa                                              971.000                              1.364.000

Það er alveg ljóst að stóru orðin eru gufuð upp, loforðin að engu orðin. Hér á að fjölga íbúum um ca. 4300 byggja leikskóla og grunnskóla, þrátt fyrir það á að draga saman í launakostnaði á föstu verðlagi. Það vantar fólk til starfa við þjónustu við borgarbúa, samt á að fækka starfsfólki en jafnframt fjölga íbúunum. Var ekki búið að lofa að auka þjónustuna og lækka skuldirnar. Ekki er neitt slíkt að finna í þessari 3ja ára áætlun borgarstjórnar. Það kemur kannski allt á næsta kjörtímabili, eins og umbætur ríkisstjórnarinnar?

 

 

 

 

 

 

 

 

 

 

 

 

Reykjavíkurborg stefnir að því að greiða niður langtímaskuldir

Bush

 Hver þarf svo sem upplýsingar

Home alone.

Bush fær greinilega réttar upplýsingar eins og alltaf! En ljótt er það; mér skilst að meira að segja sé íslenska ríkisstjórnin ekki sammála honum. Írakar búa reyndar líka við annan veruleika en forseti BNA, en hverjum er svo sem ekki sama, hvað þeim finnst!

Bush ver stefnu Bandaríkjastjórnar í Írak

Léttvínið?

Var lagabreytingin um að leyfa sölu á léttu víni í matvörubúðum langmikilvægasta málið sem ekki náðist að klára á þingi fyrir þinglok?  Það mætti halda það svona miðað við bloggið.  Ég er bara ekki frá því að sumir ættu að panta sér viðtal hjá SÁÁ, já ef ekki bara pláss strax á Vogi.  Það er nú einsog mig minni að ýmis mál önnur hafi orðið eftir og önnur klúðrast.  Núna er t.d. vændi löglegt á Íslandi þvert ofaní vilja meirihluta þingmanna, skattamál Alcan eru óbreytt o. s.frv.  Ég er viss um að Björn Ingi borgarfulltrúi getur upplýst okkur um hvaða mál náðist ekki að afgreiða fyrir þinglok, önnur en þetta óþurftarfrumvarp, sem honum er af ókunnum ástæðum, svo annt um. 

"Kætumst meðan kostur er, kátra sveina flokkur".

Ótrúleg sveifla í fylgi helbláaflokksins. Ólíkleg niðurstaða, enda svarhlutfall aðeins 61-62%. Ég tek undir með Jóni Baldvin, að það er óbærileg tilhugsun ekki bara að fá þessa sömu ríkisstjórn yfir sig, heldur líka er það uggvekjandi að Helbláiflokkurinn tæki með sér Vg eða Sf í ríkisstjórn.

Fylgi Sjálfstæðisflokks eykst mikið frá síðustu könnun

Sannleikurinn ?

Það rifjaðist upp fyrir mér við lestur blaðanna í morgun að meðalmaðurinn lýgur að sjálfum sér að meðaltali ca. 150-200 sinnum á dag. Hvers vegna þetta rifjaðist upp læt ég ósagt!

Heimili og skóli-landssamtök foreldra? Einhvern veginn hefur mér alltaf fundist þessi samtök  vanmeta bæði börnin og foreldrana; sérstaklega börnin. Það sem ég hef kynnst þessum samtökum, sem foreldri, minnir óþægilega á frásagnir frá Austur-Þýskalandi í denn. Kórónan er  plagg sem lá frammi á foreldrakynningu 1. bekkjar (5-6 ára barna) haustið 2005. Þar áttu foreldrar að skrifa undir samning við börnin sín um að framfylgja reglum um útivistartíma barna (sem lögreglan setur). Samningur þessi skyldi síðan hanga uppi í skólastofu barnanna og börnin áttu að fylgjast með því hvort pabbi og mamma brytu lögreglusamþykkt Reykjavíkur. Sæll og blessaður, Ullrich, wo bist du, langt síðan þú hefur sést! Grínlaust þá birtist þetta félag mér, sem foreldri, í illagrunduð plöggum og yfirlýsingum þar sem talað er niður til fólks (barna og fullorðinna) í tilskipanastíl! Landssamtök foreldra? Eru einhverjir í þessu félagi sem skráðir félagar og af sjálfsdáðum? Eða er þetta eitthvert pelskerlingafélag, svona eins og vetrarhjálpin?

Vestfirðir. Vestfirðingar fá 10 milljónir á ári úr ríkissjóði til að laga hjá sér atvinnulífið, sem er að veslast upp vegna athafna  og þráhyggju stjórnmálamanna. Allt hefur drukknað í ofuráherslum á stóriðju í þessu volaða landi. Aðstoð við stofnun og uppbyggingu smáfyrirtækja, sem víðast hvar er vaxtarbroddurinn í atvinnulífi þjóða, er svo víðsfjarri í allri vitleysunni hér. Stóriðja og ótaldir milljarðar í styrki til landbúnaðar (já, vekjum geirfuglinn upp frá dauðum) er það sem steintröllunum dettur í hug. Nú eru þau búin að stofna nefnd um Vestfirði, því heimamönnum er ekki treyst til að vita hvað þeir vilja og þurfa.  Hvað verður það næst? Vinafélag Vestfjarða eða Styrktarfélag Atvinnulamaðra á Vestfjörðum?   

Af Baugsmálum.

So, so, það hlýtur að vera rosalegt að vera með bleikt, svínslaga æxli við heilann!

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.