Ekki óþekktur ættbálkur...

...heldur íslenskir bókstaftrúarsmenn í leit að Paradís? Jón, Rósa og  .....

Myndir nást af óþekktum ættbálki í Brasilíu

Hér á landi...

... þykir það eitt það hallærislega af öllu hallærislegu að standa í að mótmæla.  Það er svo sem sama hvað það er; eldsneytisverð, matvælaverð, mannréttindabrot af ýmsu tagi, stríðsrekstur, nefndu það.  Það er hallærislegt!  Að safna undirskriftalistum til að mótmæla einhverju eða krefja yfirvöld um réttlæti þykir jafn hallærislegt.  Kannski eru við svona miklar lúpur og aumingjar eða það þykir merki um einhverskonar karlmennsku eða manndóm að láta allt yfir sig og aðra ganga.  Mótlæti og ofbeldi eigi maður að taka af æðruleysi.  Mikilmennskubilun okkar er kannski svona mikil.  Okkur þykir óþarfi og aumingjaskapur, að mótmæla háu vöruverði og yfirgangi valdsmanna hér og annarsstaðar.  Þetta gengur svo langt, að mótmælaendur (þessir sárafáu furðufuglar og nöldrar) gera jafnvel grín að öðrum mótmælendum og undirskriftasöfnurum gegn ranglæti heimsins!

 

 

Mótmæli vegna hækkandi eldsneytisverðs víða í Evrópu

Sunnlenskar fyllibyttur...

...þurfa þá ekki að þynnast upp!  Gott mál!  Nógur er nú víst skjálftinn samt...

Vínbúðirnar á Selfossi og í Hveragerði opnaðar á morgun

Stjórnborð bloggsins með geðhvarfasýki?

Ýmist birtast færslurnar ekki og hverfa í haf gleymskunnar eða sama færslan birtast 2x!

Og afturgöngurnar (Republicanarnir) úr kaldastríðinu...

...eru gersamlega á kantinum yfir að Alþingi skuli gera athugasemdir við "vinaþjóðina" og taka til við að endursegja gamlar æsingafréttir frá því pabbi B. var þar ritstjóri! Ég rakst meðal annars á uppvakning, sem ég hélt að væri raunverulega dauður, hér á blogginu.  "Atómstríð vild'ann hafa í Keflavík...."

Og afturgöngurnar (Republicanarnir) úr kaldastríðinu...

...eru gersamlega á kantinum yfir að Alþingi skuli gera athugasemdir við "vinaþjóðina" og taka til við að endursegja gamlar æsingafréttir frá því pabbi B. var þar ritstjóri! Ég rakst meðal annars á uppvakning, sem ég hélt að væri raunverulega dauður, hér á blogginu.  "Atómstríð vild'ann hafa í Keflavík...."

Glæpalýður!

Hvernig er það, er ekki verið að tala um að sporna við því að glæpalýður komi hér til landsins?  Hvað er þá verið að veita þessu glæpahyski opinbera móttöku, sem hefur tekið þátt í því að brjóta alþjóðalög og sáttmála?  Og svo kemur þetta hingað og hefur uppi móðgandi ummæli um Alþingi Íslendinga!  Það er eflaust einhverjir hægrileppar hrifnir!  Innrásin í Írak er brot á alþjóðalögum og meðferðin á föngum, sem teknir hafa verið brot á Genfar-sáttmálanum.  Ég mótmæli því að svona hyski sé hleypt inní landið, og einnig því að íslenskir ráðamenn hafi samskipti við svona "fólk".  Var ekki ISG að tala eitthvað um breytta stefnu í utanríkismálum?  Hvar er friðarsinninn ISG?  Gufaði hann upp í bröltinu til valda!  Íslenskir ráðamenn eru ekki vandir að virðingu sinni þegar kemur að því að velja sér vini og bandamenn, ekki frekar en fyrridaginn!

Rice tók ásakanir um mannréttindabrot óstinnt upp

Hreint út sagt ótrúlegt! En því miður satt!

Enn kemur í ljós að í lögreglunni eru einstaklingar, sem einfaldlega eru ekki starfi sínu vaxnir vegna andlegs ójafnvægis.  Í gangi hefur verið undirskriftalisti á netinu (settur þar af háskólanema) gegn því að lögreglan fái í hendur rafbyssur.  Er lögreglumönnum treystandi fyrir svoleiðis verkfæri?  Ekki virðist svo vera miðað við frammistöðu lögreglumannsins á myndskeiðinu.  Nýlega fengu landsmenn að horfa á lögregluofbeldi í sjónvarpsfréttum, þegar lögreglan hélt sýnikennslu í því hvernig ekki á að bregðast við mótmælendum.  Hér er ég að tala um trukkamótmælin.  Náttúruverndarsinnar fengu svo að kenna á því á sínum tíma.  Þetta er gömul saga og ný.  En þetta mál verður að fá sína eðlilegu meðferð hjá yfirvöldum.  Ofbeldi gegn börnum og unglingum af hálfu lögreglu er ólíðandi!

Eitt hefur vakið athygli mína í sambandi við andmælin gegn rafbyssunum.  Hægrisinnar á trúarbragða blogginu gera stólpagrín að öllum undirskriftalistum.  Og meðal annars þeim sem beinist gegn rafbyssunum.  Spurning hvort þeim finnst óþarfi að þegnarnir geri kröfur til yfirvalda. 

Lögregla fer yfir atvik í 10/11

Hann er kommúnisti...

...Og þess vegna telur Björn að það hafi verið alltílagi að brjóta á honum mannréttindi.  Og hvað með þessa sem ekki voru kommústar, heldur í Flokknum, var alltílagi að brjóta á þeim.  Af því að það var svokallað "kalt stríð" gátu þá stjórnvöld brotið mannréttindi á hverjum sem þeim datt í hug?  Hvaða afsökun/skýringu á að nota í dag, ef svo skyldi vera að enn sé verið að fylgjast með þegnunum með sama hætti og áður?  Einsog marga grunar!

En það er ljóst, að kommúnistar verða ekki beðnir afsökunar!

Dómur sögunnar á einn veg

Ísrael. Ýmis kort sem segja sögu.

 

1940 voru  gyðingar 30% af íbúum landsins og talið að þeir hafi átt 28% landsins. 

 

   Gyðingar fengu 55% af landinu.  Palestínumenn 45%  Gyðingar voru á þessum tíma um 30% íbúanna.  Nú búa Palestínumenn á 22% landins á Gaza of Vesturbakkanum.  Mismuninn hafa Gyðingar tekið með hernaði.   Ekki þarf að tíunda við hvernig aðstæður hinn almenni borgari býr.  Hertekið svæði er merkt sem Ísraels land á opinberum kortum, enda stendur ekki til að skila þessu landa til fólksins, heldur á það að verða Ísraelskt land til frambúðar.  Til eru menn í Ísrael og annarsstaðar, sem segja að nú muni styttast í að Ísraelsmenn hefji skipulega að myrða íbúana (þjóðarmorð).  Það sé aðeins rökrétt framhald af því sem á undan er gengið og í samræmi við það að landið eigi að vera land Gyðinga.  Meðal þeirra sem hafa nefnt þetta er Jón Baldvin Hannibalsson á Speglinum á RÚV.  Ilan Pappé er Íraelskur ríthöfundur og Gyðingur af þýskum foreldrum fæddur í Haifa 1954.  Hann hefur skrífað um þessi mál, þ.e.  þjóðernishreinsanir og þjóðamorð Ísraela  á Palestínumönnum á Gaza og Vesturbakkanum.

 

Frelsisást Lýðræðiseigendanna í Flokknum!

    Það er slæmt að ekki skuli hægt að fá það sannað eða afsannað, að svona "skemmtilegheit" séu ekki enn stunduð af valdamönnum þeim, sem belgja sig af lýðræðisást sinni.  Hér er að sjálfsögðu átt við forystumenn Sjálfstæðisflokksins og þeirra tengdalið, einsog Ríkislögreglustjóra.  En illan bifur hef ég á öllu þessi liði.  Einsog maðurinn sagði, þeim er ekki treystandi fyrir tíkalli yfir götu!  Valdið spillir!  Embætti Ríkislögreglustjóra vex og virðist lifa og dafna alveg óháð vilja og vitundar fjárveitingarvaldsins,  Alþingis.  Mig grunar, að Lúðvík Bergvinsson hafi túlkað skoðun margra (sem kosið hafa að þegja) á þessari hræðilegu stofnun:  Leggjum niður embætti Ríkislögreglustjóra!  Og það áður en það er um seinann!

32 heimili voru hleruð á árunum 1949-1968

Í skuldafenið?

Dýrt spaug, en afleiðing þess að hafa ekki aukið gjldeyrisforðann á undangengnum árum, einsog ýmsir hagfræðingar hafa bent á að þyrfti að gera.  Nú þarf að taka risalán á risavöxtum til að bjarga því sem bjargað verður.  Afleiðingin verður stórfelld skuldasöfnun Seðlabankans og ríkissjóðs.  Hvernig er það með þessa yfirstjórn Seðlabankans?  Þarf hún ekki að fara að taka pokann sinn?

Frumvarp um lánsheimild lagt fram í vikunni

Að gefa það sem maður ekki á! 60 ára hernám Palestínu!

Svona lítur Palestína út í dag.  Landamæri Ísrael hafa lítið breyst síðan 1999.  En svona sýna Ísraelar skiptingu Palestínu.  Hertekin svæði teljast Ísraelskt land (hvítt)!

Skv. samþykkt Sameinuðu Þjóðanna 1947 skyldu Gyðingar fá 55% af landi Palestínu.  Gyðingar voru 30% af íbúum svæðisins, flestir aðfluttir flóttamenn vegna ofsókna í Evrópu og ekki bara í Nazistaríkinu.  Palestínumenn voru 70% íbúanna og áttu að fá 45%.  Þeir höfðu verið búsettir þarna gegnum aldirnar eða allt frá því byggð hófst á svæðinu.  Gyðingar höfðu að vísu búið þarna fyrir um 2000 árum, en verið brottreknir þaðan um 70 e.kr.  Samþykkt SÞ var gerð í skugga hroðalegra atburða í Heimstyrjöldinni.  Þýska þjóðin í Nazistaríkinu hafði verið alveg einstaklega afkastamikil við  að útrýma Gyðingum.  Svo mjög að það gekk jafnvel fram af þjóðum sem höfðu dundað sér við það gegnum aldir að níðast á þessari landlausu flökkuþjóð, hvar sem þetta fólk setti sig niður.  Þegar afköst Nazistaþjóðarinnar voru dregin fram í dagsljósið fylltust Evrópuþjóðir og Ameríkanar þvílíku samviskubiti, að rokið var í að samþykkja stofnun Gyðingaríkis í landi Palestínsku þjóðarinnar.  Þessar sömu þjóðir höfðu lokað augunum fyrir ofsóknum gegn Gyðingum í Þýskalandi fyrir stríð og sent flóttamenn rakleiðis til baka til Þýskalands, þar sem þeir voru myrtir!  Þetta gerðum við Íslendingar.  Þess má geta að það var íslenski sendiherra hjá SÞ sem lagði fram tillöguna um stofnun Ísraelsríkis á þingi SÞ.  Á þessum tíma var Palestína hersetin af Bretum.  Gyðingar á svæðinu ráku hryðjuverkastarfsemi gegn Bretum til að fá sínu framgengt og til að hrekja Breta burt af svæðinu.  Foringjar þessara hryðjuverkamanna urðu síðar leiðtogar Ísraelsríkis.

Í dag búa Palestínumenn á 20% af landi sínu.  Á landskikum sem eru girtir af með girðingum og múrum.  Þeir hafa aldrei samþykkt skiptingu lands síns.  Þeir hafa reynt að spyrna við fótum og barist gegn þessu ríki sem var stofnað á landi þeirra að þeim forspurðum.  Þeir hafa barist fyrir landi sínu og rétti til lífs í eigin landi.  Þeir hafa liðið fyrir að eiga ekki viðurkennt sjálfstætt ríki.  Og ekki hefur alþjóðasamfélagið stutt þá heldur innrásarmennina!

Ég veit ekki um neina þjóð sem myndi láta bjóða sér svona framkomu.  Er einhver þjóð tilbúinn til að afhenda 45% af landi sínu þegjandi og hljóðlaust til að einhver utanaðkomandi trúflokkur/"þjóð" geti stofnað ríki á því landi.  Þessu urðu Palestínumenn að sæta.  Nú er það spurning og hefur verið lengi.  Hvenær verður alþjóðasamfélaginu nóg boðið?  Verður það einhverntíma?

Þeim sem vilja fræðast um þessi mál er bent á Vísindavefinn.  Set hér inn link, þar sem verið er að fjalla um aðdragandann að stofnun Ísraelsríkis.  www.visindavefur.is/svar.php?id=6159  Neðst á þessari síðu eru svo linkar á fleirri svör á Vísindavefnum um þessi mál.  Þessar greinar eru skrifaðar af virtum fræðimönnum, sem þekkja vel til málefna svæðisins, en eru ekki fullir af kreddum og alskyns bábyljum um málefnið!

www.btselem.org/english   Þetta er vefsíða sem vert er að skoða.  Ísraelsk mannréttindasíða sem lætur sig varða mannréttindi Palestínumanna og Ísraela.

Eitt er að...

...gera athugasemdir og spyrja eðlilegra spurninga um framkvæmdina á móttöku flóttamanna.  Annað að reka áróður gegn þessum sömu flóttamönnum!  Styður miðstjórnin það?  Styður hún söfnun undirskrifta gegn móttöku flóttamanna á Akranesi?  Treystir Magnús Þór og miðstjórn Frjálslynda flokksins ekki Rauða Krossi Íslands til að vinna verkið sómasamlega?  Hvað er það sem vefst svona mikið fyrir Magnúsi Þór?  Ég hef nú reynt að fylgjast með, og meðal annars sá ég Magnús Þór í Silfri Egils.  Þar kom andúð hans alveg nógu vel fram, í mínum augum, til gera það dagljóst að Magnús Þór og stuðningsmenn hans í málinu eru á móti því að við Íslendingar tökum á móti þessum flóttamönnum!  Og í þeirra augum er það aukaatriði hvort þeir verða búsettir á Akranesi eða Svalbarðsströnd!  Það vill bara svo illa til að Akranes stendur Magnúsi Þór næst!

Og afsakið mig!  Stefna Magnúsar Þórs stríðir gegn  stefnuskrá Frjálslyndaflokksins, og þá væntanlega þessi stuðningsyfirlýsing.

Miðstjórn Frjálslynda flokksins styður Magnús

Herskárra hvað?

Það má nú deila um hver er herskár.  Innrásarherinn eða varnarsveitir andspyrnuhreyfingar hersetinnar þjóðar.  Það hefði sjálfsagt mátt lesa viðlíkt orðað fréttir í nazistaríkinu í denn.  "Herská samtök Norðmanna gera árásir á þýskar frelsishetjur.  Franskir hernaðarsinnar sprengja frelsandi hersveit þjóðernis-jafnaðarríkisins í loft upp."  O.s.frv.....

Vopnahlésviðræður að fara út um þúfur

Geðheilbrigðismál?

Rakst á blogg hér einhversstaðar um geðheilbrigði Guðs.  En afsakið, ætli geðheilbrigði sumra áhengenda Almættisins mætti ekki vera í betra lagi?  Annars er þetta nú ekki það galnasta sem ég heyrt eða lesið!  Mér skilst m.a. á sumum ofurtrúuðum að Guð hafi sérstakt dálæti á blóðugum glæpaferli Ísraelsmanna...

McCain hafnar ummælum prests

Verst þykir mér að flugvélin var EKKI skotin niður!

Það hefði verið skemmtilegt að fylgjast með viðbrögðum Vesturlanda og þá sérstaklega Hvíta Hússins.  Og kannski hefðu einhver augu opnast?

 

Litlu munaði að Ísraelsher réðist á Blair

Toppurinn á lágkúru Ríkissjónvarpsins!

Átakanlega lágkúruleg hugmynd að plana að halda slíka samkomu í hernaðarmannvirki.  Og með leyfi að spyrja:  Hvað er Þórhallur að gera í Belgrad og hver borgar?  Væntanlega greiðendur afnotagjalda!  Á Þórhallur eitthvert erindi þarna út annað en að frísporta sig þarna á okkar kostnað?  Ekki tekur hann neinn þátt í þessu.  Annars ætla ég að vona að við vinnum ekki þessa "sönglagakeppni."  Allavega ekki fyrr en við getum haldið hana með sæmilegum sóma og það gerist ekki í yfirgefnum hernaðarmannvirkjum!

Evróvisjón á vellinum?

Að draga lappirnar einsog venjulega...

...þegar um réttlætismál er að ræða.  Það er ekki handagangur  í öskjunum hjá Sjálfstæðismönnum, þegar um réttlætismál er að ræða sem snúa að þeim sem minna mega sín.  Annað þegar skattabreytingar og skattaeftirgjafir til auðkýfinga er að ræða.  Þá er nú ekkert hik á mönnum.  Sama er upp á teningnum, þegar til stendur að afnema forréttindin sem Davíð Oddsson hafði forgöngu um til handa stjórnmálastétt landsins og hlaupatíkum hennar, embættismönnum.  Allt er það á einn veg forréttindahyskið og auðvaldið hefur forgang.  Við hin getum étið það sem úti frýs!  En svo tala menn fjálglega.  Jafnvel  fólk sem á ekki bót fyrir boruna á sér lætur glepjast til að kjósa Sjálfstæðisflokksins, flokk forréttinda og auðvalds.  Látum vera þó einhvern langi til að tilheyra yfirstéttinni...

Óljóst hvort frumvarp um bætur vegna Breiðavíkur kemur fram

Hortugur bankastjóri!

Fréttamaður spurði Davíð á fréttamannafundinum í morgun um gagnrýni hagfræðinga á bankann  fyrir að hafa ekki stækkað gjaldeyrisforðann.  Davíð Oddsson var sjálfum sér líkur.  Í stað þess að svara spurningunni var hann með sín venjulegu hortugheit.  Þorvaldur Gylfason hefur skrifað um þetta í nokkur ár og talið, réttilega, að nauðsynlegt væri að stækka gjaldeyrisforðann til að gera íslenskt efnahagslíf öruggara gagnvart ytri hættum.  Í hortugheitum sínum lét Davíð sem þetta hefði eitthvað með kreppuna í  alþjóða fjármálakerfinu að gera og að íslenskir hagfræðingar þættust hafa getað komið í veg fyrir hana.  Það er hinsvegar öllum ljóst, nema augljóslega Davíð Oddssyni, að íslenskt efnahagslíf væri ekki svona auðveld bráð skortsjóða og annarra fjárglæfrabraskara hefði Seðlabankinn og ríkisstjórn aukið gjaldeyrisforðann.  Geðvondi lögfræðingurinn hefur greinilega ekkert að gera í bankanum.  Einhverjir vilja að Seðlabankinn greini frá þeim umræðum sem fara fram í bankastjórn Seðlabankans við ákvarðanatökur um t.d. stýrivexti.  Ætli einhverjir yrðu ekki fyrir vonbrigðum.  Það er  greinilegt að helstu rök Davíðs eru, skv. venju hans, hundalókik, hortugheit og kjaftavaðall, ekki efnahagsleg rök, enda hefur hann ekki vit til að beita slíkum rökum.  En einsog fyrridaginn stendur mönnum einhver ógn af frekju og yfirgangi Davíðs...

Ótvíræð merki um að eftirspurn er að dragast saman