Steingrímur Sigfússon.

Heldur þótti mér formaðurinn lágfleygur í kvöld.  Virtist sem honum þætti nauðsynlegast að réttlæta tilveru sína og reyna að þvo af sér þá staðreynd, að hann klúðraði sigri VinstriGrænna á síðustu metrum kosningabaráttunnar, en einkum þó eftir kosningarnar.  Kannski gerir hann sér grein fyrir, og væri til mikilla bóta, að eftir frammstöðu hans þurfa VinstriGræn virkilega að réttlæta tilveru sína og berjast fyrir stöðu sinni í íslenskri pólitík sem aldrei fyrr!  Í kvöld var hreinlega vandræðalegt að hlusta á Steingrím.

Guðríður Lilja...

...bar af þingmönnum í kvöld, eins og gull af eiri. 

Flatneskjan í ræðuhöldum annarra þigmanna var þvílík, að líkast var að komið væri að síðustu dögum íslenskrar tungu.  Hvergi var neisti af mælsku eða fallegri hugsun og frumleika í beitingu tungunnar. VgLiljan gnæfði yfir aðra þingmenn í orðfæri og hugsun! 

Siðareglur hins siðlausa meirihluta.

Nú ætlar ríkisstjórnin að setja þingmönnum siðareglur.  Óljóst er hvaðan hún þiggur umboð til þess.  Ríkisstjórnin er sett undir þingið en ekki yfir, þ.e. skv. stjórnskipuninni, en ætlar greinilega að setja sig yfir það.  Það er ljóst að blekkinguna miklu um þingræðið verður taka útúr stjórnaskipuninni og setja inn reglur sem er í takt við raunveruleikann.  Annar kostur er að endurreisa sjálfstæði þingsins og stöðva yfirgang ráðherra gagnvart því.  Það er komið nóg af ráðherraræðinu, sem er hættulegt lýðræðinu, sbr. yfirgang ríkisstjórnarinnar/forsætisráðherra í fjölmiðlamálinu og í Íraksmálinu.

Þess saknaði ég svo mest í kvöld, að Árni Johnsen var ekki einn af ræðumönnum stjórnarinnar, þessarar sem ætlar að siðvæða Alþingi Íslendinga.

Félagsleg mannréttindi!

Það er merkilegt, ef satt er, að Borgþóri Kærnested finnist Ólafur Ólafsson vera of harður í baráttunni.  Þetta er undarlegt, en kannski finnst Borgþóri Eldri borgarar vera ölmusufólk, sem eigi að skrifa fallega orðuð bænaskjöl til yfirvalda.  Þetta er aðferð sem búið var að reyna og viðhorfið er úrelt.  Eldri borgarar eru ekki ölmusufólk sem sjálfsagt á að vera að búi við skert lífskjör.  Það er til svolítið sem heitir félagsleg mannréttindi, en Borgþór hefur sjálfsagt aldrei heyrt um neitt svoleiðis, enda íhaldsmenn verið síðastir manna til að viðurkenna mannréttindi. Ólafur hefur barist fyrir sjálfsögðum réttindum eldri borgara, en íhaldsmanninum Borgþóri finnst hann ganga of langt. Á nú að hefja vælu- og afsláttarstefnu til vegs hjá félagi eldri borgara líkt og hinn nýji formaður Öryrkjabandalagsins hefur gert. Honum fannst fyrrverandi formaður of harður.

Mannréttindi fást aldrei aukin með bænaskjölum. Til að fá félagsleg mannréttindi viðurkennd þarf markvissa baráttu, ekki fallega orðuð bænaskjöl.

 

Segist hætta verði formaður Landssambands eldri borgara endurkjörinn

Árni Matt.

Enn einu sinni fótumtreður ríkisvaldið einkaeignaréttinn undir forystu Sjálfstæðismannsins Árna Matt. fyrir peningamenn og erlent auðvald.

Óbyggðanefnd úrskurðar í þjóðlendumálum á Norðausturlandi

Hafa vit fyrir stjórn Strætó!

  Ellefu ára börn hafa greinilega betra vit á rekstri þessa "þjónustufyrirtækis" en meintir stjórnendur þess.  Þeir virðast sem sagt álíta, að verri þjónusta bæti reksturinn.  Því til sönnunar má benda á hið undarlega leiðakerfi sem innleitt var á sínum tíma.  Það er mun verra en það gamla, þar sem það tekur minna tillit til aðstöðu og þarfa notendanna, sbr. skiptistöðina í Ártúnsbrekku.  Og ekki er nú sumar áætlunin betri.  Ferðir á hálftíma fresti er nú varla til þess að bæta þjónustuna og fjölga þannig farþegum. Mér er til efs, að nokkur stjórnarmanna hafi reynslu af því að þurfa að nota strætó til langstíma til að komast til og frá vinnu eða í allar sínar útréttingar.  Til þess að stjórna þessu fyrirtæki þurfa stjórnendurnir að þekkja og hafa reynslu af þjónustu þess.  Það hafa börnin, en ekki stjórnendurnir.  Það er ljóst.  Þessa reynslu og þekkingu öðlast þeir ekki með því að skoða bókhaldið!

„Kostnaður við strætósamgöngur myndi skila sér í umhverfis- og slysavernd"

Össur leiðir Einar.

Einsog venjulega finnst Sjálfstæðismanninum ekki tímabært að grípa til aðgerða!  Þeir eru trúir sannfæringu sinni að best sé að gera ekki neitt.  Össur verður því sennilega að rugga báti hins værukæra samráðherra síns.  Kannski opnast þá augu Einars fyrir því, að það er ætlast til að hann grípi til aðgerða.  Það fylgir því nefnilega fleira að vera ráðherra en ráðherrabíll. 

Ráðherrum falið að fylgjast með þróun mála á Flateyri

Skattamálin og lífeyrisþegarnir.

Prýðilegt að taka á sérstaklega á málum lágtekjufólks samkvæmt stefnuyfirlýsingunni.  Skattamál okkar verða lagfærð sérstaklega með hækkun persónuafsláttar.  Barnabætur til tekjulágra verða hækkaðar sérstaklega.  Og síðan á að fara ofaní saumana á öllu skerðingafargani tryggingabóta.  Allt horfir þetta til betri vegar, en Sjálfstæðismenn sitja á ríkiskassanum, svo róðurinn verður erfiður.  Jóhanna Sigurðardóttir hefur þó sennliega bein í nefinu til að láta ekki hægriöfgamennina í stjórninni kúga sig.  Hún er nú reyndar eini ráðherrann í stjórninni sem á traust mitt.  Þegar ég skoðaði ráðherralistann í gær var hún sú eina sem mér fannst traustvekjandi, allavega fyrir okkur lágtekjufólkið.  Ég vona svo að Íbúðalánasjóður verði henni ekki laus í hendi við frjálhyggjumennina.  Íbúðalánasjóður er eina von margra til að komast í eigið húsnæði, þar sem talsvert mikill munur er á því hvernig greiðslumat er unnið þar og bönkunum.  Bankarnir gera ráð fyrir mun hærri framfærslukostnaði en Íbúðlánasjóður.  Þeir reikna m.a. með því að venjulegt fólk eyði 25.000-40.000 krónum á veitingahúsum á mánuði! O.s.frv.

En athygli vekur í yfirlýsingunni stefnan í skattamálum og barnabótum, svo og í málefnum aldraðar og öryrkja.  Höfðu þá Stefán Ólafsson og Indriði H. Þorláksson rétt fyrir sér?  Stefnuyfirlýsingin styður það allavega!  Hvað segir Hannes H. um það?

Jákvæð viðbrögð við stefnuyfirlýsingu

Gaman saman!

 Og þessi á fimm!

Danskur múslimaklerkur segir karla mega eiga allt að 4 konur

Ótrúlegt...

...en það er svo sem ágætt, ef einhver trúir því að þessi stjórn komi til með að endurreisa velferðarkerfið!  Það er aftur á móti ágætis útspil hjá Starfsgreinasambandinu að setja strax þrýsting á stjórnina í málinu.  Nú verður verkalýðshreyfingin að taka stjórnina á hné sér og sjá til þess að unnið verði í málinu af alvöru og hratt og örugglega.  Án þrýstings og forystu verkalýðshreyfingarinnar gerist ekkert.  Hvernig er það með hagdeildina, ASÍ, gera starfsmenn verkalýðshreyfingarinnar hjá ASÍ ekkert annað en reikna og reikna.  Það eina sem heyrist frá ASÍ nú orðið er hagtölur og spár.  Á ekki ASÍ að vera í forystu í málefnum verkalýðshreyfingarinnar og annarra sem minna meiga sín, svo sem öryrkja og slíkra?  Formaður ÖBÍ er kominn í fyrirsvar fyrir stefnu sem mun skerða kjör öryrkja í framtíðinni.  Dæmi: Nú eiga öryrkjar með 75% skerta starfsorku að vinna 25% vinnu.  Veit einhver um vinnuveitenda sem mun ráða öryrkja í vinnu 2 klst á dag?  Það þarf einhver að hafa vit fyrir svona skýjaglópum og þá hlýtur að verða horft til verkalýðshreyfingarinnar

Eina vonin til að velferðarkerfið verði endurreist er að Verkalýðshreyfingin sýni frumkvæði og stýri gangi mála með þrýstingi á stjórnina.  Annars gerist ekkert í málinu!

Starfsgreinasambandið býður samsarf við endurreisn velferðarkerfisins

Guðfinna bullar!

Kaupir einhver að það sé svona mikill munur á einkarekstri og einkavæðingu?  Það verður algert slys, ef það nær fram, að heilbrigðiskerfinu verði breytt þannig að fjármagn fylgi sjúklingi.

Stóriðjustefna ekki til í orðabók?  Það er Þingvallarstjórn ekki heldur!

Stefnuyfirlýsingin stjórnarinnar.

Stjórnin vill að fjármagn fylgi sjúklingi.  Var það ekki einmitt það sem skaðaði breska heilbrigðiskerfið svo, að nú telst það eitt það versta í heimi.  Einar Oddur vildi á sínum tíma bera það íslenska saman við það breska og sagði að það íslenska væri á við það besta sem þekktist í hinu breska!  Segir allt sem segja þarf um þekkingu íslenskra stjórnmálamanna á heilbrigðismálum (Einar er lykilmaður í þingflokki djélistans).

Kostnaðargreina á heilbrigðiskerfið.  Það er löngu búið að kostnaðargreina aðgerðir á Landspítanum.  Samt er nú ekkert tillit tekið þess í fjármögnun spítalans, enda hefur Sjálfstæðismaður setið í ráðuneyti fjármála og verður þar áfram.  Eða einsog Jón Baldvin sagði, Það gengur ekki að hafa dýralækni í fjármálaráðuneytinu!

Stjórnin.

 

Strax er ljóst að Samfylkingin hefur gefið verulega eftir.  Sjálfstæðismenn fá fjármálaráðuneytið, heilbrigðisráðuneytið, menntamálaráðuneytið, dómmálaráðuneytið og sjávarútvegs- og landbúnaðarráðuneytið auk forsætisráðuneytisins.  Einhverjir höfðu búist við að Solla nældi í fjármála- og menntamálaráðuneytin.  Nú má búast við að heilbrigðiskerfið verði skorið í anda Thatcher-ismans, verði okkur að góðu.  Frjálshyggjusinninn Guðlaugur Þór mun örugglega láta hendur standa fram úr ermum í einkavæðingu og auknum beinum greiðslum notenda heilbrigðiskerfisins. Ég get nú ekki betur séð en Sjálfstæðismenn hafi allt í hendi sér í stjórninni.  Hvernig verður nú um efndir í málum aldraðra og öryrkja?  Halli á ríkissjóði strax á næsta ári og atvinnuleysi mun láta á sér kræla á því næsta.

Fjármálaráðuneytið er enn í höndum dýralæknisins sem hafur sýnt áberandi mikla vanþekkingu sína á skattamálum og efnahagsmálum yfirleitt í kosningabaráttunni.

Menntamálin í höndum sama ráðherra og áður, sem vill skera niður í menntamálum. Lengja skólaárið og fækka námsárum. Skólagjöld? Hver veit? Framtíðin byggir á menntakerfinu. Hvað felur sú framtíð í sér? Það er allavega áhyggjuefni.

Heilbrigðisráðuneytið í höndum öfgafulls frjálshyggjumann!

Thatcherisminn blasir við.

 

Hádegisviðtalið á Stöð 2 og Hannes

Hannes: Það má enginn missa af mér! 

"Kossinn" tekur við!Framsókn farin í fríið! ZERO-Framsókn!

  Það eru víst ekki allir jafn glaðir með þessa yfirvofandi ríkisstjórn, en kannski er þetta skásti kosturinn.  Því miður!

  Stjórnarmyndunarinnar verður sennilega mest minnst fyrir kossaflensið.  Kannski er þá komið nafnið sem leitað hefur verið að: Kossinn!  Menn geta svo verið ósammála um hverskonar Kossinn er.  Dauðakoss, Júdasarkoss, mömmukoss, ástarkoss, franskurkoss...

  Steingrímur hefur haft hægt um sig þessa síðustu daga.  Sennilega að sleikja sárin og reyna að ná sér niður eftir æsinginn.  VinstriGræn sjá fram á  að vera í stjórnarandstöðu að minnstakosti þangað til Solla svíkur unnustann, Loverboy Geir!  Mogginn "spáir" að það gerist á miðju kjörtímabilinu og ekki klikkar Mogginn!  Solla verður að láta hendur standa fram úr ermum, ef eitthvað af loforðunum á að komast í verk á þessum 2-3 árum.

  Stundum eru Framsóknarmenn óvart fyndnir:  Siv lofar harðri stjórnarandstöðu! 

Letin...

...ku vera ein af dauðasyndunum sjö, en þær voru uppdiktaðar af munkgreyi einhvern tíma minnir mig á 3. eða 4. öld.  Hef ekki nent að blokka enda upptekinn af öðru. 

 Leiðinlegur tími svona eftir skemmtilegheitin fyrir kosningar.  Helst hægt að skamma Steingrím og Vg fyrir að halda, aftur og en, að þau séu stærri flokkur og eftirsóknarverðari en þau eru.  Það skýrir klúðrið nú, sem og afhverju þau "fokkuðu" upp R-listanum.

Kambsmál hin nýju efst á baugi.  Hverjum er um að kenna?  Hvað kusum við yfir okkur á síðustu árum?  Það er ekki eins og kvótakerfið hafi skapað sig sjálft, en við kusum.  Aldrei kaus ég framsókn, en þú?

Er Jón Sigurðsson að hætta? Who cares? Orðið ansi þreytt þetta framsóknardæmi. Hvenær ganga þau í hinn framsóknarflokkinn, þennan helbláa?

Og loksins hitti Geir sætustu stelpuna og meira að segja búinn að kyssa hana í fréttatímanum.  Vonandi gerir hún engar rósir í kvöld.  Hún gæti t.d. hringt í Steingrím á 3ja glasi og í Jón á því 4ða. Og þá er rjómatíkin á Þingvöllum fyrir bí. Hver veit?  Lítið fjör á þessu bloggi.

Rólegan æsing, stilla sig!

Það er nú óþarfi að fara úr límingunum, þó mönnum þyki gengið framhjá sér og sínum flokki í stjórnarmyndunarviðræðum.  Reiðin virðist sjóða í sumum og pirringurinn óþarflega mikill og útbreiddur.  Það er nú ekki, einsog öll nótt sé úti.  Það er ekki búið að mynda stjórn. Auk þess hefur stjórnarandstaðan hlutverk á þingi.  Yfirlýsingagleði og einhver óvild gagnvart Framsóknarmönnum er t.d. að einangra VinstriGræna og formann þeirra. Kolbrún pirruð á stöð 2 (nennti ekki að hlusta á þær stöllur).  Æsingur og svekkelsi er svo leiðinlegt á að hlusta. Formaður Framsóknar lætur, einsog svikin eiginkona og hreytir úr sér skætingi. Frjálslyndi formaðurinn einn heldur stillingu sinni enda sjálfsagt ekki búist við ráðherrastól fyrir sig og sína.  Enginn hefur verið svikinn í tryggðum!   

Steingrímur!

Á nú endanlega að spila rassinn úr buxunum?  Hugsaðu, maður, hugsaðu! 

Steingrímur: Ingibjörg hefur afsalað sér umboðinu til stjórnarmyndunarviðræðna

Ingibjörg Sólrún.

Nú reynir á hve hratt ISG getur kyngt kosningastefnuskrá Samfylkingarinnar.  Geir tekur hvorki mark á stefnusskránni sinni né samþykktum síns flokks, það er ekki til siðs á þeim bæ, og þarf því engu að kyngja!

   Og Geir með öngulinn í rassinum?

Geir falið að mynda nýja ríkisstjórn

Kæru Sjálfstæðismenn!

Geir með öngulinn í rassinum!  Það hlýtur að vera sárt fyrir flokksmenn að horfa uppá formann sinn ganga einsog beiningamann á fund forsetans, erkióvinar Sjálfstæðismanna.  Og þyrfa að biðja hann um umboð til að reyna stjórnarmyndun með Ingibjörgu Sólrúnu, öðrum erkióvini.  Hún hefur varla talist viðræðuhæf af innanbúðarmönnum Sjálfstæðisflokksins, hvað þá samstarfshæf.  It takes two to tango!

Fundi Ólafs Ragnars og Geirs lokið