‎"Einsog öllum er ljóst er aðeins Sjálfstæðismönnum treystandi fyrir fjármálum sveitarfélagsins/borgarinnar/ríkisins etc."

Kratahrellir aftur í stjórn!

Vonandi að Ögmundur verði aftur ráðherra.  Krötum er að vísu órótt, einsog lesa má á öðrum stað á blogginu.

Þessa ráðherra vil ég endilega losna við úr stjórninni:  Jóhönnu, Össur, Árna Nápál, Kristján vegalausa, Katrínu Júl. og Gylfa.  Þetta er að vísu öll Hersingin, so vott!  Kristi munað ekkert um að steypa Hersingu fyrir björg í líki svína!   Samfylkingin hlýtur að luma á einhverju skárra en þessu í stólana! 

Álfheiður mætti svo fylgja Hersingu.  Alveg spurning hvort Steingrímur fengi að lafa inni.  Sennilega of mikið vinnudýr til að vert sé að losna við hann strax!  Hann á líka eftir að standa við öll stóru orðin

Ögmundur bíður eftir Jóhönnu

..."þetta á sér langan aðdraganda í þeim skilningi,..."

Hvað þýða þessi orð nákvæmlega!   Sérkennilegt þetta  ..."í þeim skilningi"..., en í stíl við annað moð úr þessari átt.  Verst að menn, einsog Óli blaðasala er dauður.  Hann hefði getað tekið við af Gylfa.  Og farið létt með það!

Gylfi: Aðdragandinn langur

40 milljarðar í hvað?

Í hvað í ósköpunum hafa þessir 40 milljarðar farið?  Hvað á þetta dæmi allt að kosta?  1000 milljarða? 2000 milljarða?  Fyrir 120 störf?  Og þó þau væru 300!

Búið að verja 40 milljörðum í verkefnið

Sjávarútvegsráðuneytið ísað! Og moka vel yfir, Jón!

Ekki væri nú vænlegt að Katrín Júl. væri yfir sjávarútvegsmálum!

Sigur fyrir Jón Bjarnason

Sannleikurinn mun gera yður frjálsa!

Ég hef nú tilhneigingu til að trúa frekar Sigrúnu Pálínu en æðstuprestum.  Yfirklórið er einfaldlega þannig.  Karl hefur hrakist úr einni lyginni í aðra. Með uppgerðar lítillæti!

Ýmsar kellingar af báðum kynjum líta svo á að verið sé að veitast að líkinu af Ólafi fyrrum biskupi.  Og vilja af þeirri ástæðu ekki að málið sé yfirleitt rætt.  Þetta er rangt.  Málið snýst í dag ekki um umrætt lík, heldur hina kölkuðu gröf forneskju og yfirlætis, sem æðstuprestar og prestlingar hafa valið sé að íverustað.  Fyrir ofan og úr tengslum við lífið og fólkið!  Öfugt við frelsarann, sem þeir segjast hafa að leiðtoga lífs síns! 

Sannleikurinn mun gera yður frjálsa! 

Vísar á bug gagnrýni

Hver gleymdi nú að lesa heima?

   Össur Skarpa?  Ekki var það Jón.  það er alveg víst!

Sótt um styrki til að breyta stjórnsýslunni

Nýtt gildismat heilgrar Jóhönnu!

"Segja má að ríkisstjórnin byggi á samkomulagi um nýja byrjun, nýtt gildismat. Það hefur orðið viðhorfsbreyting meðal almennings í landinu. Það hefur myndast samstaða um önnur gildi en þau sem mest hafa verið í hávegum höfð á undanförnum árum. Það hefur myndast samstaða um samábyrgð fólks, við erum öll á sama báti.“

Hvenær fór Jóhanna svona illilega útaf?

Af Smugunni: "Magmað í mysunni." e. Agnar Kr. Þorsteinsson. Hin undarlega tengslaspillingarsaga, sem ekki má rannsaka!

Jóhanna Sigurðardóttir vildi ekki skipa Svein Margeirsson í nefndarómyndina, sem á að fara yfir feril Magma-málsins.  Sveinn mun glúrinn í að rekja allskyns tengsl.  Var það raunverulega ástæðan fyrir því að Sveinn fékk ekki skipun frá formanni Samfylkingarinnar, þó aðrar ástæður væru gefnar upp? 

"Þann 30. Apríl 2009(nákvæmlega tveimur árum eftir sölu ríkisins á hlutnum til HS) þá fara fulltrúar Magma og GGE á fund með iðnaðarráðuneytinu til að vita hvernig Magma geti farið að til að kaupa HS Orku. Í framhaldi af því þá er stofnuð skúffa í Svíþjóð sem ætluð er til að fara á svig við lög...."

OR og Reykjanesbær virðast hafa tapað milljörðum á viðskiptum sínum, sem svo mikil áhersla var lögð á, að hagsmunir eigendanna voru fyrir borð bornir.  Þar voru enn og aftur á ferð hin undarlegu hagsmunatengsl stjórnmálamanna og fjármálalífs.  Atburðarrásin bendir til að aldrei hafi aðrir en Magma komið til greina.  Og auðvitað vill Leyndarráðuneytið á bak við heilaga Jóhönnu ekki láta rekja tengslin í málinu.  Þar á Leyndarráðið sameiginlega hagsmuni með fjáraflamönnum Sjálfstæðisflokksins.  Jóhanna virðist vera ótrúlega óheppin með val sitt á ráðgjöfum, hvort sem er í ráðuneytinu hennar eða öðrum ráðuneytum, og í flokknum.  Leitt til þess að vita, að svona sé þessu farið á síðustu metrum hennar í stjórnmálum.

http://www.smugan.is/pistlar/fastir-pennar/nr/3701

Hér má svo lesa umföllun Ögmundar um nefndarskipunina og vandræðaganginn kringum hana:  http://www.smugan.is/frettir/nr/3687

"Lögfræðileg fatahönnun og vanhæfi." Af Smugunni e.Þóru Kristínu Ásgeirsdóttur

Margt í kringum nefndarskipunina virðist löðrandi í spillingu.  Fingraför Leyndarráðuneytisins á bak við Jóhönnu leyna sér ekki. Það virðist sem sagt ekki eiga að rannsaka tengslin við stjórnmálamennina (í SF).    

Niðurlag greinari Þóru er einkar athyglisvert:

"Niðurstaðan er sú að maðurinn sem var valinn til að stýra þeim þætti af rannsókninni sem snýr að einkavæðingu orkugeirans, tengslum við stjórnmálamenn og viðskiptalíf, það er spillingu, er úti í kuldanum á afar hæpnum forsendum.

Og Forsætisráðuneytið ætlar ekki að skipa neinn í hans stað eða aðhafast frekar í málinu."

http://www.smugan.is/fra-ritstjorn/allt/nr/3702

 

"Vanhæfni eftir pöntun." Hvað hefur stjórnin að fela í Magma-málinu?

Hvaða tengsl í Magma-málinu vill Leyndarráðuneyti Jóhönnu ekki að verði afhjúpuð? Er eitthvað svipað í gangi þar og í Verne Holding hneykslinu, þar sem einn makkarinn í SF situr bæði í stjórn Verne Holding og í Iðnaðarráðuneytinu! Hver leiðbeindi Ross Beaty í ráðuneytinu? Hvert er leyndarmálið? 

http://www.pressan.is/pressupennar/Lesa_Gunnar_Skula/vanhaefni-eftir-pontun

Fát og taugaveiklun í Leyndarráðuneyti Jóhönnu Sigurðardóttur.

Eftir því sem teygist á sögunni um dularfullu lögfræðiálitin verður fáránleikinn öllum ljósari, nema ríkisstjórninni, fylgismönnum hennar (einu sinni var ég einn af þeim) og embættismönnunum.  Vitleysan verður æ ískyggilegri.

Hrannar B. Arnarsson sigar lögreglunni á konu eina sem vogar sér að mótmæla fyrir framan ráðuneytið.  Og hverju var hún að mótmæla?  M.a. var það brot á stjórnsýslulögum!  Hrannar hefur greinilega farið á taugum, sem er skiljanlegt í því ástandi sem hlýtur á ríkja á stjórnarheimilinu.  Nýjasta vitleysan er að frú Rafnar bendir nú á nýjan sökudólg.  Fyrrum ráðuneytisstjóra sem farin er í aðra vinnu!

Svein Margeirsson mátti ekki skipa í nefnd um Magma-málið.  Ástæðan er trúlegust sú, að hann hefur sérhæft sig að rekja tengsl.  Getur verið að einhver tengsl séu í því máli falin, sem ekki má rekja!  Að vanhæfi og tengslanet Samfylkingarmanna innan ráðuneytanna þoli ekki dagsljósið, hliðstæð hinum furðulegu tengslum Verne Holding inní Samfylkinguna og Iðnaðarráðuneytið.  Þór Saari hefur gert athugasemdir við þessi tengsl án þess að vera ansað.  Eru einhver viðlíka tengsl í Magma-málinu sem ekki mega koma fram.

Og að lokum.  Væri ekki ráð fyrir Jón Bjarnason að ganga í Framsóknarflokkinn, eða er hann kannski orðinn of nútímalegur?  Er ekki laus einhversstað kaupfélagsstjórastaða fyrir Jón?       

 

Upplýsti yfirmenn sína

Lög um vexti og verðtryggingu voru þverbrotin. Vissu stjórnmála- og embættismennirnir ekki neitt allan tímann?

 

 

126. löggjafarþing 2000–2001.

 

Frumvarp til laga um vexti og verðtryggingu.

(Lagt fyrir Alþingi á 126. löggjafarþingi 2000–2001.)

 

http://www.althingi.is/altext/126/s/0872.html

VI. KAFLI
Verðtrygging sparifjár og lánsfjár.
13. gr.

    Ákvæði þessa kafla gilda um skuldbindingar sem varða sparifé og lánsfé í íslenskum krón um þar sem skuldari lofar að greiða peninga og þar sem umsamið eða áskilið er að greiðsl urnar skuli verðtryggðar. Með verðtryggingu er í þessum kafla átt við breytingu í hlutfalli við innlenda verðvísitölu. Um heimildir til verðtryggingar fer skv. 14. gr. nema lög kveði á um annað.
    Afleiðusamningar falla ekki undir ákvæði þessa kafla.

14. gr.

    Heimilt er að verðtryggja sparifé og lánsfé skv. 13. gr. sé grundvöllur verðtryggingarinnar vísitala neysluverðs, sem Hagstofa Íslands reiknar samkvæmt lögum sem um vísitöluna gilda og birtir mánaðarlega í Lögbirtingablaði. Vísitala sem reiknuð er og birt í tilteknum mánuði gildir um verðtryggingu sparifjár og lánsfjár næsta mánuð á eftir.
    Í lánssamningi er þó heimilt að miða við hlutabréfavísitölu, innlenda eða erlenda, eða safn slíkra vísitalna, sem ekki mæla breytingar á almennu verðlagi

Um 13. og 14. gr.

    Í 13. gr. frumvarpsins er fjallað um gildissvið kafla um verðtryggingu sparifjár og lánsfjár.
    Í 1. mgr. er lagt til að heimildir til að binda skuldbindingar í íslenskum krónum við gengi erlendra gjaldmiðla verði felldar niður. Frá 1960 var almennt óheimilt að binda skuldbinding ar í íslenskum krónum við gengi erlendra gjaldmiðla. Þessi almenna regla var tekin upp í lög nr. 13/1979, um stjórn efnahagsmála o.fl. („Ólafslög“). Með breytingum á þeim árið 1989 var þó heimilað að gengisbinda skuldbindingar í íslenskum krónum með sérstökum gengis vísitölum, ECU og SDR, sem Seðlabankinn birti. Þessi breyting var liður í auknu frelsi í gjaldeyrismálum á sínum tíma. Gengisbinding á grundvelli þessara vísitalna hefur notið tak markaðrar hylli.
    Samkvæmt 13. gr. og 1. mgr. 14. gr. frumvarpsins verður ekki heimilt að binda skuldbind ingar í íslenskum krónum við dagsgengi erlendra gjaldmiðla. Er talið rétt að taka af allan vafa þar að lútandi. Talið er að samningar með viðmiðun við gengisvístölu á grundvelli ákvæðisins í vaxtalögum séu mjög fáir. Í bráðabirgðaákvæði IV er kveðið á um hvernig farið skuli með innstæður og samninga af þessu tagi sem þegar eru í gildi.

***

Meðflutningsmenn þskj. 1211 á 126. löggjafarþingi. 1. Vilhjálmur Egilsson4. þm. NV, S 2. Einar Oddur Kristjánsson5. þm. VF, S 3. Einar K. Guðfinnsson1. þm. VF, S 4. Hjálmar Árnason10. þm. RN, F 5. Jóhanna Sigurðardóttir5. þm. RV, Sf 6. Ögmundur Jónasson13. þm. RV, Vg

Efnahags- og viðskiptanefnd 2001. 

Í lögunum sjálfum er þetta orðað svona:

VI. kafli. Verðtrygging sparifjár og lánsfjár.

13.gr.  Ákvæði þessa kafla gilda um skuldbindingar sem varða sparifé og lánsfé í íslenskum krónum þar sem skuldari lofar að greiða peninga og þar sem umsamið eða áskilið er að greiðslurnar skuli verðtryggðar.  Með verðtryggingu er í þessum kafla átt við breytingar í hlutfalli við innlenda verðvísitölu.  14. gr. Heimilt er að verðtryggja sparifé og lánsfé skv 13. gr. sé grundvöllur verðtryggingarinnar vísitala neysluverðs sem Hagstofa Íslands reiknar samkvæmt lögum........

http://www.althingi.is/altext/stjt/2007.051.html

Getur þetta nokkurn tíma orðið skýrara?  Samt eru menn að rífast um þetta eftir að brot á lögum þessum hafa viðgengist í skjóli stjórnmálamanna, Seðlabanka Íslands og Fjármálaeftirlitsins.

Ég verð að játa, að vera orðinn alveg rosalega þreyttur á þvarginu í íslenskum stjórnmála- og embættismönnum.  Og eftir að hafa skoðað þetta mál um gjaldeyrislánin, sbr það sem sjá má hér að ofan, hef ég komist að þeirri nánast óhjákvæmilegu niðurstöðu, að allt frá árinu 2001 hefur stjórnmála- og embættismönnum verið eftirfarandi ljóst:  Gengistrygging lána er óheimil. 

Allt þeirra þras og röfl um lög og lögfræðiálit er yfirklór gerspilltra stjórnmála- og embættismanna.  Ég er ekki að ætlast til að menn muni skýrt og skilmerkilega það sem gerðist 2001, en eitthvað hlýtur þá  að óra fyrir hvað þeir höfðu fyrir stafni á því herrans ári.  Og hefðu því auðveldlega með góðri hjálp getað rifjað upp og fundið gömlu frumvörpin og ræðurnar sínar.  Og ummæli hagsmunasamtaka sem voru send Efnahags- og viðskiptanefnd.  Og auðvitað mundu þau eitthvað af þessu, en kusu að þegja um það vegna þess að í skjóli þeirra höfðu lögbrotin fengið að viðgangast.  Hin samansúrraða samtryggingarspilling stjórnmála- og embættismannastéttanna hefur valdið þjóðinni stórtjóni og mun halda því áfram meðan spilling þeirra fær að þrífast.     .

 

 

 

 

 

 

 

 

 

 

Af Svipunni: Sannleikurinn um Alþjóðagjaldeyrissjóðinn!

Fékk þetta "lánað" af Svipunni.  Ágætis saman þjöppuð skrif um AGS.  

Sannleikurinn um Alþjóðagjaldeyrissjóðinn

Fréttir, Myndir, Svipufréttir, Svipunni beitt. 13. 7. 2010.

Alþjóðagjaldeyrissjóðurinn er engin hjálparstofnun. International Monetary Fund lánar einfaldlega peninga sem sjóðurinn vill fá greidda til baka. Með beinum peningagreiðslum eða með sölu auðlinda. Kerfið er einfaldlega svona, samkvæmt þeim sem varað hafa íslendinga við: Fyrst er byrjað á að rústa fjárhag landsins, svo er lánað til ríkissins meira en það getur greitt til baka. Þá er fjárhagur þjóðarinnar rústaður enn meira og svo eru aulindirnar keyptar á slikk af vel völdum einkavinum IMF. Það eru engir íslendingar í þeim hópi. Millistéttin er þurrkuð út og aðeins eru tvær eftir, yfirstétt spilltra og mútugreiddra pólítíkusa, embættismanna og fjármagnseigenda. Hin stéttin er illa launaður almenningur sem varla á fyrir nauðsinjum.

FLOW FOR THE LOVE OF WATER er margverðlaunuð heimildarmynd frá árinu 2008. Hún fjallar um það hvernig stórfyrirtæki, World bank og fleiri álíka siðlausir aðilar eru að koma hlutunum þannig að það þurfi að borga fyrir allt vatn, líka drykkjarvatn, allstaðar. Með íslensku vatnalögunum verður þessi stefna einnig tekin hér með Alþjóðagjaldeyrissjóðinn við stýrið.

Hér er stutt kynning á myndinni eða svokallaður “trailer”:
http://www.flowthefilm.com/trailer

Hér er hægt að horfa á myndina í minni upplausn eða kaupa hana á disk:
http://topdocumentaryfilms.com/flow-for-love-of-water/

HÉR ER MYND UM EFNAHAGSHRUN ARGENTÍNU, sem jafnvel Alþjóðagjaldeyrissjóðurinn hefur viðurkennt að sé sér að kenna. Argentína er eitt af auðugustu löndum heims, en var rænt innan frá.

Hér er stutt kynning á myndinni eða svokallaður “trailer”:
Það kemur margt kunnuglega fyrir sjónir.
http://www.youtube.com/watch?v=sUUoIxeppO0

Hér er hægt að horfa á myndina í minni upplausn eða kaupa hana á disk:
http://topdocumentaryfilms.com/argentinas-economic-collapse/

IMF hefur lofað að gera þetta ekki aftur, en samt er verið að gera sömu hlutina eins hér í dag. Það mun hafa í för með sér sölu allra auðlinda þjóðarinnar til nokkurra sterkefnaðra erlendra stórfyrirtækja. Tekjur íslenska ríkissins munu þar með sama sem hverfa. (Til dæmis mun MAGMA Energy borga sína skatta í Svíþjóð, en ekki hér.)

Hópurinn sem mótmælir AGS í hádeginu á hverjum degi, bendir Íslendingum á þessar heimildarmyndir um sannleikann um International Monetary Fund (IMF) eða Alþjóðagjaldeyrissjóðinn (AGS), eins og hann hefur verið kallaður á íslensku og meðreiðarsveina þeirra.

Íslendingar standa raunverulega frammi fyrir því í dag að glata öllum auðlindum sínum innan skamms, líka drykkjarvatninu.

ÍSLENDINGAR HAFA HÉR MEÐ VERIÐ VARAÐIR VIÐ.

Endilega setjið inn slóðir á fleiri álíka heimildarmyndir í athugasemdir hér fyrir neðan.

Með kveðju,
Íslenska Andspyrnuhreyfingin gegn AGS