Réttlætinu úthlutað.

Þú skrifar undir hér og hér!  Svo getum við rætt skilmálana!

Hannes Hólmsteinn hinn frumlegi varar við Islamistum!

Meðan íslenska þjóðarbúið brennur stingur hugmyndafræðingur brennuvarganna niður penna, eða þannig.  Í ljósi nýfallins hæstaréttardóms hefur hugmyndafræðingurinn snúið sér að glænýju viðfangsefni, sem sé Múslimum meðal nýrra Íslendinga.  Nýbúar eru ólíklegir til að hefja málarekstur gegn málsmetandi Íslendingum.  Nú hefði mér getað dottið í hug að Hannes teldi sér renna blóðið til skyldunnar í þeirri kreppu sem frjálshyggjan hefur leitt yfir okkur Íslendinga, og heimsbyggð alla.  Hann tæki fram fræðin og leiddi okkur útúr kreppunni með markaðshyggjuna að vopni eða að minnsta kosti að hann tæki til varna fyrir þá hugmyndafræði, sem hann og vinir hans hafa boðað.  En kannski er það of sárt  fyrir hann að viðurkenna, að forysta Kinverska Kommúnistaflokksins hefur hreðjatak á öllu efnahagskerfi, og þar með stjórnmálalífi, Vesturlanda (fjármagna m.a. þetta svokallaða stríð gegn hryðjuverkum).  Ástæðuna er að finna í blindri græðgi markaðskerfisins. Lærifeður Hannesar eru hugmyndafræðinga þessa kerfis, sem hefur leitt okkur í klær hugmyndafræðilegs höfuðóvinar þessara galvörsku hægrimanna.  En skrifar Hannes um brennuna, sem hann tók þátt í tendra og afleiðingar hennar.  Nei, heldur rennir hann sér í huglausasta hjólfarið og atast í nýbúum.

Og á  meðan snæða nemendur Austurbæjarskóla Bæjonskinku með rauðkáli!