Samráð á samráð ofan! Og neytendur hafðir að fíflum af fyrirtækjum og ríkisvaldinu!

Einsog margir hafa vitað lengi er kapítalistum ekki treystandi.  Þarf því sífellt að hafa með þeim vakandi auga og eftirlit, einsog óþekkum pörupiltum!  Þeim duga nefnilega ekki lögmætar aðferðir í gróðabralli sínu öllu.  Olífélögin og iðnaðurinn þurfa nú að greiða sektir vegna þessara þjófnaðatilburða sinna úr vasa okkar hinna.  Bankar og tryggingafélög leika enn lausum hala.  Nú er það spurningin, hvort ekki þarf að finna aðrar aðferðir til að refsa fyrirtækjum og samtökum gróðapunga fyrir þessa  tilburði þeirra.  Þeir þurfa að borga sektir vegna þjófnaðatilburða sinna.  Til að borga sektirnar okra þeir á okkur viðskiptavinunum.  Sem sagt þeir fá sekt fyrir að stela af okkur og við borgum svo sektina.  Væri ekki nær að við fengjum að hía á þá og kasta í þá skemmdu grænmeti nokkrar dagsstundir á Lækjartorgi!  Allavega leyfið okkur að losna við að borga sektina fyrir þá sem eru nýbúnir að ræna okkur!

Greiða sekt vegna samráðs

Athugasemdir

[Hulduheimar, 14.2.2008 kl. 11:28]

Held þú ættir að lesa fréttina áður en þú ferð fram með stóryfirlýsingar. Þarna kemur skýrt fram að markmiðið með þessu var hagur neytenda. Það er miður að Samkeppniseftirlitið  virðist vera að breytast í einhvern draug sem binda sig í formgalla. Samkeppniseftirlitið á að sjálfsögðu að líta til þess hvert markmiðið er. Það er ljóst að aðgerð SI og SVÞ sem þarna fór fram var með hag neytenda í huga og Samkeppniseftirlitið er bara að ná sér í aur með þessu.

[Auðun Gíslason, 14.2.2008 kl. 14:30]

Held þú ættir að hugsa(?) málið.  Hvaðan kemur svo féð sem þessir kónar borga sektina með?  Úr okkar vasa!  Fyrirtæki seilast bara dýpra í vasa neytenda til að greiða þennan kostnað.  Form og reglur þjóðfélagsins eru til að fara eftir  þeim.  Þetta hafa kannski verið "tæknileg mistök" hjá þessum lögbrjótum?

[Hildigunnur Rúnarsdóttir, 18.2.2008 kl. 09:32]

þú hlýtur að vera tröll!