Á hlaðinu heima í sveitinni minni í afdalnum.

Þar fljúgast á menn og hundar í hlandforinni og þykjast menn að meiru!  Og trúa því að allt sé best í afdalnum.  Allt vont kemur að utan!  Og eiga við með því, að allt sem kemur í dalinn yfir fjallið sé af hinu vonda.  Ekkert gott kemur að utan, segja menn og halda svo áfram að fljúgast á í hlandfor heimsku sinnar!  Hér er allt best, og við af úrvalskyni kiðfættra víkinga, sem ekki voru sjálfráðir ferða sinna sakir lúsar.  Og við.  Við náum ekki andanum af sjálfsaðdáun yfir mikilleik okkar í afdalnum.

Tileinkað Einari Einarssyni og Magnúsi Þór Hafsteinssyni, og skoðanabræðrum þeirra nær og fjær!

Lýsa yfir stuðningi við Magnús Þór Hafsteinsson

Athugasemdir

[Auðun Gíslason, 15.5.2008 kl. 13:15]

Einar!  Hversvegna hefur Magnús Þór Hafsteinsson ekki tekið á þessum vandamálum í Akranesbæ?  Hann hefur jú verið formaður félagsmálaráðs í bænum ekki satt.  Og Einar:  Þín er heimskan!  Okkur er flestum ljósar þær hvatir, sem liggja að baki hjá Magnúsi Þór og þeim sem hann styðja!  Þið hafið verið sjálfum ykkur til skammar í málinu.  Annars var ágætis viðtal við Guðrúnu Ögmundsdóttur í hádeginu í dag um málið.

[Auðun Gíslason, 15.5.2008 kl. 17:20]

Einar!  Það verður þá að vera umræða á plani sem hægt er að nota til að ræða málið.  Það eru ekki rök í málinu, að Akranesbær sé ekki aðili að alþjóðasamningum.  Peningar í verkefnið koma ekki úr bæjarsjóði.  Þeir koma frá ríkinu og verkefnið verður unnið að mestuleyti undir umsjá utanaðkomandi aðila, s.s. Rauða Krossinum.  Hvað varðar getuleysi bæjarfélagsins til að leysa félagsleg vandamál í bænum væri kannski nær að tala um viljaleysi, skort á pólitískum vilja.  Það er nefnilega þannig, að menn geta velta sér fram og til baka í vandamálunum í stað að lifa og starfa í lausnum!