Á sandi byggði heimskur maður hús!

Þegar fjármálakerfi lands býr ekki við traust regluverk og eftirlitskerfi, þá er ekki von á góðu!  Ekki hefur mátt setja neinar skorður við starfsseminni og Fjármáleftirlitið hafði engin tök á að fylgjast með og fylgja eftir athugasemdum sínum.  "Hlutverk stjórnvalda er að búa fyrirtækjum gott umhverfi."  Hver kannast ekki við svona frasa?  Ekki mátt setja reglur og lög til að trufla kapítalistana ekki við vinnu sína,  sem sé við að græða peninga, mikla peninga með öllum ráðum, hvað sem það kostar! 

Sem er nákvæmlega það sem kapítalismi snýst um.  Að hámarka gróðann!  Og það mátti sem sagt ekki trufla gangverkið með því að setja því heilbrigðar skorður og reglur!  Markaðurinn skyldi ráða!

Hér situr því hnípin og skömmustuleg þjóð vegna þess að hún byggði allt fjármálakerfið á kviksyndi græðginnar!

Verða að svara til saka

Athugasemdir

[Sævar Einarsson, 15.10.2008 kl. 08:09]

Voðalega eru þeir á hinu háa alþingi duglegir að berja sér á brjóst og benda á aðra sem þurfi að svara til saka, þeir ættu að líta sér nær og minna þá á það að það eru þeir sem setja lögin í landinu. Þingmenn eiga að hætta að eyða púðri í draga bankamenn til ábyrgðar og einbeita sér að fullum krafti og hjóla í Breta, því Bretland lýsti yfir stríði á hendur Ísland, og ég spyr, hvað ætlar íslenska ríkisstjórnin að gera í því ?

[Árni Gunnarsson, 15.10.2008 kl. 12:33]

Alltaf er leitað að bótaábyrgð eftir árekstur bifreiða.

[Auðun Gíslason, 15.10.2008 kl. 15:50]

Árni minn!  Eiga þá fyrrum hluthafar Kaupþings að lögsækja Seðlabankann og ríkisstjórnina.  Og eiga fyrrum hluthafar Glitnis og Landsbankans að gera slíkt hið sama.  Á fótboltamáli, þá tæklaði Seðlabankinn Glitni og allt fjármálakerfið.  Seðlabankastjóri, Davíð Oddsson, tæklaði fjármálakerfið og Kaupþing í beinni útsetningu. Ekki er hægt að vita hvað Árna Matt og Darling fór á milli.  Sagði Árni Darling að við Íslendingar myndum ekki standa við skuldbindingar sínar í útlöndum?  Það vitum við ekki.  Hann getur þessvegna hafa sungið:  Honey, will you marry me!  Ég vil benda þér á hverjir eru ábyrgir í málinu, skv. áliti bestu sérfræðinga, erlendra og innlendra.  Það eru stjórnvöld, fjármálaeftirlitið og Seðlabankinn.  Þessir aðilar settu reglurnar og áttu að fygjast með að eftir þeim væri farið.  Draga má í efa að bankamenn/stjórnendur og fjármálamenn,  svokallaðir óreiðumenn (DO), hafi brotið lög!  Þeir teljast allavega saklausir, þar til annað sannast.  Sekt stjórnvalda, fjármálaeftirlitsins og Seðlabankans liggur fyrir.  Og þessir aðilar starfa enn óáreittir,  innmúraðir og innvígðir!