Yfirkvalarinn í Guantanamo á Íslandi í boði Ingibjargar Sólrúnar!

  John Craddock skipuleggjandi, stofnandi og fyrsti yfirfangavörður í Guantanamo.  Ekki þarf að fjölyrða um þau mannréttindabrotin, sem þessi maður er sekur um.  Hér eru nú staddir á landinu um 300 manns á Nato ráðstefnu í boði Ingibjargar.  Skattgreiðendur borga.  Og svo eru sumir að sjá eftir fyrirsjáanlegum kosnaði af stjórnlagaþinginu fyrirhugaða.  Ja, hérna hér!

Athugasemdir

[Auðun Gíslason, 30.1.2009 kl. 12:26]

þú mátt nú ekki gera fangaverðinum of hátt undir höfði, þó vondur sé!

[Árni Gunnarsson, 30.1.2009 kl. 17:56]

Viðkvæmni, væmni eða smámunasemi á eiginlega ekki við núna Auðun minn góður. Þetta er nú einu sinni fulltrúi okkar herraþjóðar. Mér leið t.d. óvenjuvel í nótt. Það streymdi um mig öryggiskennd þegar ég lagðist til hvílu í gærkvöld og kíkti ekki einu sinni undir rúmið áður til að athuga hvort þar leyndist ekki kommadjöfull. Nú gat ég lagt allt mitt traust á 300 manna öryggisráðstefnu. Það fer dálítið fyrir brjóstið á mér að eftir að við fundum þetta "loftrými" utanum okkur að þurfa að treysta á einhverja Dani eða Nossaraskratta í því ábyrgðardæmi að passa okkur fyrir loftsteinum. Mér er ekki launung á því að þarna treysti ég engum nema Kananum. Skítt með Guantanamo!

P.s. Ég sá þennan Craddock í sjónvarpinu í gærkvöld. Mér sýndist hann hafa afskaplega góða áru. Og ég er viss um að Bjössi bomm bomm er á sama máli.

[Auðun Gíslason, 31.1.2009 kl. 12:08]

"Atómstríð vild'ann hafi Keflavík....."  Nú, þegar kanar ætla að rýma Guantanamo af "hryðjuverkamönnum" er kannski ráð að vista þar í framtíðinni afdankaða íslenska afglapa úr stjórnmálum og fjármálalífi.  Sumir þessara afglapa hafa verið  einstaklega sáttir við þá starfsemi.  Þeir hljóta því að þiggja vistina þar með þökkum fyir sig!