Staðið verði við yfirlýsingu um fyrningarleið!

Ég tala fyrir hönd meirihluta þjóðarinnar (sjá niðurstöður skoðanakannana), þegar ég krefst þess að ekki verði horfið frá fyrningarleiðinni.  Að öðrum kosti krefst ég þess að þjóðin fái að greiða atkvæði um málið í þjóðaratkvæðagreiðslu.  Og þar gildi reglan einn maður eitt atkvæði.

Varðhundar hagsmuna útgerðarauðvaldsins gæta aðeins hagsmuna þess, en ekki hagsmuna meirihlutans.  Allt þetta væl um að útgerð leggist af eða fari á hausinn er gamalkunnugt kjaftæði.  Útgerðarauðvaldið, og varðhundar þess í helmingaskiptaflokkunum, tefldu fram þessu sama kjaftæði þegar kvótakerfið skildi sett á.  Og það gerðu samtök fiskvinnslunnar líka, þegar breytt var verðmyndunarkerfi á fiski, fiskverð ákveðið á markaði í stað verðlagsnefndar.  Og varðhundar auðvaldsins, þingmenn helmingaskiptaflokkanna, sungu með.  Það fer allt á höfuðiðð segja þeir nú, og það sama sögðu þeir þá.  En hvernig er það, er ekki meirihluti útgerðafyrirtækja landsins kominn á hausinn fyrir tilverknað "eigenda" sinna.  Sumir reyna að vísu að forða sjálfum sér frá hruninu með því að skrá eignirnar í nýjum fyrirtækjum og skilja skuldirnar eftir í gömlu fyrirtækjunum.  Og skellurinn lendir á þjóðinni.

Hvernig er það með þingmenn Sjálfstæðisflokksins og Framsóknar, eru þeir ekki kosnir á þing til að gæta hagsmuna allrar þjóðinnar?  Eða eru þeir bara kosnir til að gæta hagsmuna auðvaldsins, þessa auðvalds sem sett hefur þjóðina á hausinn? 

Þessi svokallaða einkarekstur átti víst að gera betur en fyrirtæki í samfélagslegum rekstri.  Hér sjáum við niðurstöðuna af allri einkavæðingunni og einkarekstrinum, sem helmingaskiptaflokkarnir vilja standa vörð um fram í rauðan dauðann.  Sama hver niðurstaðan er!

Vilja yfirlýsingu um að hætt verði við fyringarleið

Athugasemdir

[Jakob Falur Kristinsson, 19.6.2009 kl. 18:50]

Ég get tekið undir hvert orð sem þú skrifar, það á ekki að hlusta á þennan hræðsluáróður LÍÚ.  Þetta er gömul þvæla að allt fari til fjandans ef eigandi auðlindarinnar ætlar að fara að ráð því hvernig hún er nýtt.  Það hefur ekki eitt einasta útgerðarfyrirtæki farið á hausinn þótt þorskkvótinn væri skorinn niður í 130 þúsund tonn en nú eiga allir að fara á hausinn við 5% árlegan niðurskurð.

[Auðun Gíslason, 19.6.2009 kl. 18:53]

Sennilega best að þjóðnýta þetta drasl á einu bretti án þess að bætur komi fyrir!

[Silvía (IP-tala skráð) 19.6.2009 kl. 19:13]

Talar þú fyrir meirihluta þjóðarinnar? Í hvaða heimi býrð þú? Þú talar fyrir sjálfan þig og engan annan.

[Auðun Gíslason, 20.6.2009 kl. 10:06]

3  sjá niðurstöður skoðanakannana!