Axlar-Villi?

  Er nokkuð annað í stöðunni?

Yfirlýsing frá Vilhjálmi Þ. Vilhjálmssyni

Er einhverjum að treysta?

Merkilegt!

Stýrihópurinn ræddi ekki við lykimennina í málinu.  Haukur Leósson, Björn Ingi og Axlar-Villi voru ekki kallaðir fyrir nefndina.  Kannski skiljanlegt með Villa, enda hefði nefndin þurft lygamæli til að eitthvað kæmi útúr því.  Mest hefði sjálfsagt verið upplýsandi að Haukur hefði fengið að upplýsa nefndina, og um leið okkur borgarbúa, um sína sýn á málið.  Haukur býr yfir upplýsingum, sem eru lykilatriði í málinu.  Hvernig/og hvað fór Villa og Hauki í milli, hvað ræddu þeir, hvaða upplýsingar veitti Haukur Villa og hvenær.  Þess vegna er óskiljanlegt, hvers vegna ekki var talin ástæða til að kalla Hauk Leósson fyrir nefndina.  Var það Sjálfstæðisflokkurinn sem stoppaði það af?  Og hvers vegna?  Hvað þolir ekki dagsljósið í samskiptum þeirra "vina", Hauks Leóssonar og Vilhjálms Þ. Vilhjálmssonar?

Hamagangur á Hóli

Sakbendingum væntanlega fylgt.

Kannski var það það sem Kjartan átti við.  En Axlar-Villi syngur:  Ekki benda mig...Minni spámönnum verður væntanlega refsað og ekki hlíft.  Haukur Leósson fékk heldur betur að kenna á því og ekki var honum hlíft við að taka á sig ávirðingar annarra, þó hann væri besti vinur Axlar-Villa til áratuga.  Ekki spyr maður að tryggðinni.  Hefði Vilhjálmur ekki verið maður að meiru hefði hann ekki látið einn af sínum bestu vinum og trúnaðarmönnum taka fyrir sig skellinn.  En hvernig er það?  Á Vilhjálmur Þ. Vilhjálmsson einhverja vini eftir?  Ef svo er, er þá ekki ráðlegast forða sér og slíta vinskapnum. En kannski eru bara pólitískir samherjar og samtryggingarhópurinn eftir.  Og það er nú fólk sem gengur með hnífa í ermunum.

Kjartan Magnússon: Ábendingum væntanlega fylgt

Axlar-Villi/Ófeigur.

Það hefði í rauninni verið dálítið fyndið, hefði Svandís ekki sett þennan umboðslausa(?) gjörning uppí loft með því að rífa kjaft.  Samningar hefðu allir runnið hljóðlega í gegn.  OR er hefði verið strippað af eignum, starfskröftum og framtíðinni.  Auðlindirnar lent í höndum einkaaðila(?).  REI hefði verið selt fyrir slikk í hasti.  Axlar-Villi hefði staðið með pálmann í höndunum og talinn mikill stjórnvitringur og snillingur í gerð viðskiptasamninga.  Bjarni Ármannsson og Hannes Smárason hefðu getað hlegið að öllu saman og glaðst yfir góssinu.  Ýmsir smákallar hefðu getað glaðst yfir vel unnu verki og einhverjum smáaurum.  Almúginn hefði svo setið gapandi á rassinum og kosið Villa sinn og djélistann, enda bara prógrammeraður svoleiðis.

Samtryggingarloðdýrið/skýrsluna sem stýrihópurinn gat af sér verður svo bara að lesa milli línanna.  Við getum þó altént glaðst yfir því að Axlar-Villa mistókst það sem honum var ætlað (þó hann hafi ekki vitað af því sjálfur), sem sé að hafa eignir og möguleika af Reykvíkingum og fleirrum.

 

Áhersla verði lögð á opin og lýðræðisleg vinnubrögð

Hver er munurinn? 100 konur á framabraut.

Ég fór að velta því fyrir mér, hvort það breytti í raun einhverju hvort stjórnarmenn í fyrirtækjum eru karlar eða konur.  Eru konur betri vinnuveitendur?  Eru konur heiðarlegri?  Eru konur á einhvern hátt á hærra siðferðisplani?  Er einhver munur t.d. á Hildi Petersen og Hannesi Smárasyni?  Nema að Hildur er kona og Hannes karl.  Ég get nú ekki séð það svona úr fjarlægð.  Eitt veit ég, að konur eru ekki betri yfirmenn en karlar, svona í heildina.  Ekki get ég séð, að Hildur sé neitt á hærra siðferðisplani en aðrir járnharðir gróðapungar kapítalismans.  Og hún hefur nákvæmlega sama viðhorfið.  Það er í lagi, ef það löglegt, jafnvel þó það sé siðlaust.  Jafnvel þótt lagalega sé það alveg við strikið.  Henni er alveg sama, þó efast megi stórlega um gerðir hennar; svona siðferðislega.  Hún sér ekkert athugavert við gerðir sínar.  Ekki frekar en sauðirnir svörtu í REI/OR málinu eða Glitnisforstjórinn sem hefur hyglað sjálfum sér með lánum til hlutabréfakaupa.  Ef það er löglegt, er það í lag, jafnvel þó það sé siðlaust.

Ég fór svona að velta þessu fyrir mér vegna listans fræga, 100 konur á framabraut?  Þar sem 100 konur bjóðast til að setjast í stjórnir fyrirtækja.  Ég efast um, að þetta uppátæki verði konum svona almennt til framdráttar.  Reyndar held ég að þessar 100 konur hafi heldur ekki hugsað þetta þannig.  Þær eru allar í stjórnunarstöðum í karlaheiminum og ánægðar með það sem slíkar, og ætla sér stærri hlut.  Og þar kemur listinn til sögunnar.  Hvernig er það? Höfðu engar konur áhuga á að vera á listanum, sem ekki eru nú þegar í stjórnunarstöðum í þessum meinta karlaheimi?  Eða stóð það ekki til boða.  Aðeins konur í stjórnunarstöðum í karlaheiminum?  Karlar með píku og brjóst?  Þessi listi hefði verið trúverðugur, ef á honum hefðu verið konur, sem ekki eru í ofangreindri stöðu.  Konur úr öllum stéttum þjóðfélagsins með ólíkan bakgrunn.  Ekki bara karlar með píku og brjóst!  Ég er bara svona að velta þessu fyrir mér.

Launahækkanir???

Athyglisvert að enn, árið 2007, er verið að semja um laun sem enginn getur lifað á.  Dettur einhverjum þarna inní Karphúsi að skaffa sjálfum sér þessi laun?  Tæpast.  En það væri gaman að fá að vita, hvort þeir treystu sér til að lifa á þessum launum, sem þeir ætla öðrum.  Svar óskast.

P.s.  Gulli vinur minn benti mér á að það væri 2008.  Auðvitað er það alveg rétt, en miðað við þessi laun sem verið er að ræða mætti alveg eins halda að það væri 1908.  En að sjálfsögðu voru kjör láglaunafólks enn verri þá.  Ekki hefur nú samt mikið þokast fyrst verið er að ræða laun sem ekki er hægt að lifa af!

Launahækkanir ákveðnar eftirá

Ekki á Íslandi!

Það væri nú gaman að fá að sjá svona vaxtastríð á Íslandi, bæði í inn- og útlánum.  Að ég tali nú ekki um íbúðalánum.  Hugsaðu þér, ef lánið þitt væri á 3,5% vöxtum, óverðtryggt og með lánstíma, sem hæfði raunverulegri greiðslugetu, t.d. 60-80 ár eða 20, bara eftir því sem hentaði þér.  Og engu uppgreiðslugjaldi, ef þú skyldir vinna í lottóinu.  En núlifandi Íslendingar sjá víst ekki vaxtastríð á Íslandi, heldur bara áfram sama samráðið og okrið!  Sennilegra að geta kreist vatn úr steini en að það gerist á næstunni!

Kaupþing í vaxtastríði í Bretlandi

Enginn útúrsnúningur!

Ástæðuna fyrir þessum skætingi BB útí fréttastofu er aðeins að finna í höfðinu á honum sjálfum.  Ekki er minnst einu orða á það í fréttinni að BB hyggist lögfesta skyldu björgunarsveitanna til varaliðsstarfa, einsog BB heldur fram.  Kvöldfréttir rúv má heyra á ruv.is.

Dómsmálaráðherra segir snúið út úr orðum hans

Rafmagnsbyssur og varalið!

Hvað er í gangi?  Nú á að afhenda sérsveitinni rafmagnsbyssur, og hvað svo?  Fyrstir til að fá piparúða var sérsveitin, nú bera allir lögreglumenn slíkt á sér.  Verður það eins með rafmagnsbyssurnar?  Sennilega.  Gallinn við þessar rafmagnsstuðbyssur er sá, að þeir sem beita þeim vita yfirleitt ekki neitt um heilsufar fórnarlambsins.  Þónokkuð margir hafa látist vegna þess að þessu vopni hefur verið beitt á þá.  Allir eiga að vita, að hér verður þessu vopni beitt á sama hátt og annars staðar, og sömu mistökin verða gerð.  Sama misbeiting mun eiga sér stað.  Vopninu verður beitt þar sem það á ekki við, og manneskjur munu láta lífið.  Hversvegna eigum við að vita þetta?  Vegna þess, að við erum einsog annað fólk, og íslenskir lögreglumenn eru nákvæmlega einsog aðrir lögreglumenn.  Þeir gera mistök og misjafn sauður er í öllu fé!  Og hvað ætla yfirvöld að segja, þegar mistökin verða ,og einhver misbeitir valdi sínu og verður einhverjum að bana  "Shit happens."  Verða það viðbrögðin?  Og svo látið sem ekkert hafi gerst?  Ég vísa hér til mistaka sem gerð voru af yfirmanni í íslensku "friðargæslunni".  Viðkomandi lét vald sitt stíga sér til höfuðs, fólk dó og hann sagði, "shit happens."  Málið var "rannsakað" og ekkert gerðist.

Varalið.  Nú vilja menn varalið, sem eigi að starfa við sérstakar aðstæður, og vísa til leiðtogafundarins 1986.  Þar hafi björgunarsveitarmenn gegnt miklu hlutverki við gæslu.  Og það er alveg rétt!  En munurinn er sá að "kvaðning" þeirra til starfa við þá gæslu fór fram fyrir opnum tjöldum.  Verði lögreglan með þjálfað og fastráðið varalið mun "kvaðningi" ekki fara fram fyrir opnum tjöldum.  Yfirmaður lögreglumála er stjórnmálamaður, sem sagt ráðherra.  Hvernig verður tryggt að varaliðið verði ekki kallað út í einhverri pólitískri taugaveiklun og beitt á borgarana í pólitískum tilgangi.  Annað eins hefur gerst, bæði hér og annarsstaðar.  Varaliði er hægt að beita öðruvísi, en fastalið lögreglunnar.  Hefur sagan kennt okkur, að stjórnmálamönnum sé treystandi fyrir því valdi sem fylgir því að ráða yfir hálf leynilegu varaliði, em hægt er að kalla út án fyrirvara.  Varaliði sem hefur verið látið skrifa undir einhverskonar hlýðniseiða við yfirvöldin.

Er BB að byggja hér upp einhvern vísi að lögregluríki?  Fyrirmyndin er ekki langt undan.  BNA hefur verið breytt í slíkt ríki án þess að hinn almenni borgari hafi orðið þess var.  Hann hefur vaknað upp við vondan draum og getur sig hvergi hrært án vitundar yfirvölda, sem vita allt um hann og athafnir hans.  Yfirvalda sem geta án minnstu ástæðu sigað allskyns "varaliðum" á hann.  Kaupi borgarinn t.d. tilbúinn áburð geta yfirvöld handtekið hann, því það má nota áburðinn til sprengjugerðar.  Fjöldan allan af öðrum dæmum má tína til.

Er það þetta sem við viljum?  Varalið undir stjórn stjórnmálamanna?  Viljum við lifa í skugga óttans í lögregluríki?  Ef ekki eigum við að bregðast við öllum svona tilburðum, einsog stofnun varaliðs, vopnun lögreglunnar, stofnun eftirlitsstofnana o.s.frv., af fyllstu tortryggni.  Og alltaf efast um gerðir og fyrirætlanir stjórnmálamanna í þessa veru.  Það á reynsla annarra að hafa kennt okkur!  Ef gerum það ekki, þá vöknum við einn daginn upp við að við búum í lögregluríki!  Eða bara bak við lás og slá vegna skoðana okkar!

Kiddi þó!

Ekki hefði ég trúað því, fyrr enn það liggur fyrir, að Kristinn Ólason biði öðrum eins ....... og ........... til stofu, sem þessi Deshowitz virðist vera skv. skrifum manna sem kynnt sér hafa feril hans og skoðanir.  Tek það fram að ég er að lesa um hann hér á blogginu og víðar, og fæ ekki betur séð en Kristinn Ólason sé að gera sorgleg  mistök með því að ljá máls á nærveru þessa manns á Skálholti!  Ég er alveg undrandi, því ég veit að Kristinn er mikið góðmenni og mannvinur!

Verjandi O.J. Simpson með námskeið á Íslandi

Sunday Telegraph og Mogginn.

Undur og stórmerki.  En sum "stór"blöðin virðast sækja ritstjórnarstefnu sína til dýraríkisins, nefnileg jótrandi klaufdýra.  Nú tyggur Sunday Telegraph gamalt Extrablað.  Um daginn jórtraði Morgunblaðið á gamalli andúð sinni á einum óvina sinna,  Bakkavararbræðrum.  Þeir eru ásamt Bónusfeðgum og Kaupþingi (þarsem þeir eru meðal stórfjárfesta) helstu óvinir Moggans í fjármálalífinu á Íslandi  Sumir þessara blaðasnepla renna í allt það, sem vekur þeim pirringi, með sama greindarskorti og sama illýðgi og mannýgur nautpeningur er þekktastur fyrir.  Nú skilst mér að Styrmir muni heyra sögunni til eftir 1. október.  Kannski rennur þá æðið af málgagninu  með nýrri ritstjórnarstefnu.

Verst er að sjálfsögðu, að til eru menn á fjármálamarkaðnum, sem taka mark á þessu bulli.  Annars væri þetta ekki til annars en að kíma yfir því.

 

Er allt á niðurleið á Íslandi?

Hóað saman á fund á fund ofan. Allt fyrir völdin!

Þorgerður Katrín reynir að berja í brestina og þjappa liðinu saman.  Hóar saman á fund.  Nú er nýbúið að berja borgarstjórnarflokkinn saman til hlýðni á ný með miklum fundarhöldum.  Styrmir Gunnarsson skammar þingsflokksformann flokksins opinberlega.  Þingmenn eru óánægðir og með uppisteyt, segir Mogginn.  Þetta er nú meiri martröðin.  Flokkur sem einn flokka á vesturhveli jarðar hefur haldið uppi Lenínískum flokksaga nötrar allur og skelfur vegna innbyrðis flokkadrátta og flokksmenn láta ekki almennilega að stjórn lengur.  Hlaupa út og suður einsog sauðir.  Það verður nóg að gera hjá Þorgerði Katrínu á næstunni, að hóa saman liðinu! Hlýðið eða hafið verra af!

Fundað í Valhöll

Athyglisverð könnun!

Niðurstöður birtar 11.1.2008 og síðan kemur þessi könnun í dag.  Vonandi að djélistafulltrúarnir séu glaðir í hjarta sínu og haldi áfram að styðja lýðræðið!

58,5% styðja borgarmeirihlutann

Til hamingju Íslendingar!

Sumir vilja meina að forsetinn eigi að vera einskonar sameiningartákn þjóðarinnar.  Mér sýnist Ólafur Ragnar uppfylla þetta.  Enn aðrir telja Ólaf vera ógnun við lýðræðið (sjá hér fyrir neðan).  Þeir hinir sömu hljóta þá að draga þá ályktun að 80% þjóðarinnar séu á móti lýðræðinu (kannski skýrir það "áfall" Heimis Fjeldsteds).  Ætli Ásta Möller hafi frétt þetta?  Og hvað segja Staksteinar Moggans við þessu?  Það vakna ýmsar spurningar, en eitt er víst!

       Lengi lifi Forseti vor á Bessastöðum!

86% styðja Ólaf Ragnar

Jahá...

...og kjósendum Sjálfstæðisflokksins!

Fasteignakaupsamningum fækkar

skrýtið!

Og nú halda allir andsk... íhaldsbloggararnir kjafti á íhaldsblogginu!  Sem er ekki skrýtið.  En þegar þeir fara í gang, þá má bóka eftirfarandi:  Þeir skýra fylgisleysið með því, að  A) Nýji meirhlutinn/borgarstjórinn sé nýtekinn við og hafi ekki sannað sig, B)  illkvittnir Íslendingar hafi notað veikindi Ólafs og Ólaf sjálfan fyrir skítakamar illra þanka sinna, C)  það sé ekkert að marka skoðanakannanir,  D)  það sé eitthvað að úrtakinu, E)  það séu tómir kommúnistar sem vinna á RÚV,  F)  úrtakið allt búi í 101 og á Grímsstaðarholtinu,  G)  ekki hefur enn unnist tími til að halda fundi í flokksfélögum Sjálfstæðisflokksins (en þar fer heilaþvotturinn fram, sem María Kristjáns er stundum að tala um.  Eftir slíka fundi verða menn til augnanna eins og Illugi Gunnarsson þegar hann er að verja Flokkinn sinn og Ráðherrana  sína).  H)  fólk er fífl!

P.s.  Hvernig verður IG til augnanna við fyrrgreindar aðstæður?  Jú, einsog nýdauður þorskur.

Fáir ánægðir með nýjan meirihluta

Með fallbyssu í glerhúsi!

Orðalagið "að kasta grjóti í glerhúsi" dugar ekki til að lýsa þessu bulli!  Ráðherrann hugumstóri, sem á sér þann draum helstan, að eiturefnið alkahól verði selt í öllum búðarholum landsins, ætti einsog fleirri að hægja aðeins á sér.  Hvaða skaði er af því að hafa sérstök reykherbergi á veitingahúsum sem og annars staðar í opinberum byggingum?  Er ráðherrann ekki í flokki, sem er á móti forræðishyggju, reyndar ásamt öllum helst ofstækismönnum og  forræðishyggjusinnum landsins í tóbaksvörnum.  En þar má engan milliveg finna.  Hvað nú, ef þessir "fáu" alsgáðu Íslendingar heimtuðu áfengisbann í öllum opinberum byggingum landsins, já, virku brennivínsdýrkendurnir fengju ekki einu sinni sérherbergi til að taka inn eitrið, sem þeir virðast ekki geta verið án?  Væri það ekki kölluð forræðishyggja?  Og ofstæki?  Og frekja?  Kannski það sé svona "fínt" að veltast fullur um og allt í lag bara ef fylliraftarnir reykja ekki?

Heilbrigðisráðuneytið brýnir stofnanir vegna reykingabanns