Þetta sagð'ann líka síðast!

Eru þetta ekki nákvæmlega sömu orðin, og Geir lét falla, þegar samningurinn við Kanann var undirritaður núna síðast. Varnirnar eru sem sagt tryggðar á friðartímum, og hvað svo? Ég legg til að við gerum næst varnarsamningum við Kínverska Alþýðulýðveldið, en ekki einhverjar hallærislegar smáþjóðir! Eða er þetta eitt stórt samsæri?

Forsætisráðherra segir varnir Íslands tryggðar

Ljóska eða ekki ljóska?

 

Ekkert má nú lengur! Kall greyið hann Jón Baldvin missti útúr sér einhverja ljósku fyndni í Silfrinu og allt verður vitlaust! Hann er kannski ekki alveg einn um þessa skoðun á hæstvirtum menntamálaráðherra. Kannski hefði verið betra að hann hefði kallað hana, hvað hún nú heitir, kerlingarskaft? Eða kerlingarálft?

 

Lögin brotin!

Og blaðafulltrúinn segir, að það sé alveg sjálfsagt mál! Það er aðeins Landlæknisembættið, sem getur ákveðið, hvort gögn heilsugæslunnar skuli afhent. Verður málið ekki kært? Er þetta lið alveg í vasanum á verktakanum?

Starfsmaður heilsugæslu afhenti Impregilo lista yfir veika starfsmenn

Atkvæðatalning á kirkjuþingi?

Það var og...

Gaman að vera öryrki í atvinnuleysinu, sem er framundan? Það þarf þá sennlega bara að borga þeim lágmarks atvinnuleysisbætur enda ríkissjóður blankur!

Vilja aukna þátttöku öryrkja

Lögmálið. Hvað um lögmálið?

Er ekki verið að brjóta lögmálið? Spyrjið Jón val?

Kynin vígjast jafnt til preststarfa en mun fleiri konur til djákna

Birgir Ármannsson.

 

Einsog einhverjir hafa tekið eftir, þ.e.a.s. ef einhver les bloggið mitt, hef ég ákveðið að birta opinberar tilkynningar á blogginu mínu eftirleiðis, þegar mikið er í húfi!

Það tilkynnist hér með að ég hef sótt um að verða bloggvinur Birgis Ármannssonar!

Hvað er að, þegar ekkert er að?

 Landsfundurinn hefur ákveðið að ekkert sé að!

Brýnasta hagstjórnarverkefnið að ná stöðugleika í þjóðarbúskapnum

Vestfirðir, velkomnir!

 

Sem fyrrum íbúi Patreksfjarðar gleður það mig að Vestfirðir hafa að eigin ósk gerst bloggvinir mínir. Takk fyrir!

 

Stjórnin fallin í Reykjavík suður

 

Nú er það svart! Von að Geir Haarde væri pirraður. Stjórnin fellur í hans kjördæmi. VinstriGræn og Samfylkingin eru með 10% stigum meira fylgi en ríkisstjórnarflokkarnir! 'Afram nú! Fellum afturhaldið!

 

VG bætir við sig í Reykjavík suður samkvæmt könnun

Gaman, gaman!

Loksins fékk maður að sjá Geir H. Haarde skipta skapi. Það gerðist í kosningasjónvarpi stöðvar2 í kvöld. Það er greinilegt, að Geir er vanari því að ræða málin við  jámenn sína en einhver fól, sem ekki eru sammála honum í einu og öllu!

Fjárlagahallinn framundan!

Þjóðhagsspá fjármálaráðuneytisins (sem ef til vill er kosningabrella að hluta) staðfestir það sem Einar Oddur sagði í vetur. Ástand ríkissjóðs er orðið þannig eftir 16 ára samfellda stjórn Sjálfstæðisflokksins, að hann  er orðinn háður þensluástandi í efnahagslífinu. Einar Oddur sagði, að símapeningana þyrfti líklega að nota til að rétta af hallann á ríkissjóði á næstu árum. Þannig er sem sagt búið að fara með tekjuöflunarleiðir ríkisins á undanförnum árum til að hygla hinum efnameiri í þjóðfélaginu. Tekjurnar í eðlilegu ástandi efnahagslífsins, þ.e. í jafnvægi, duga ekki til að standa undir útgjöldunum. Ekki það að ríkisstjórnin hafi ekki verið að undirbúa sig fyrir þetta. Niðurskurður og fjársveltið í velferðarkerfinu bendir jú til þess. Aðhaldið er slíkt, að vandamálin hrannast upp. Svo er, rétt fyrir kosningar, rokið af stað. Það á að redda öllu með loforðum um útgjöld og fjárstreymi úr ríkissjóði. Loforð hér og loforð þar. Skóflustungur og áætlanir. Hvernig verður ástandið á ríkissjóði, ef sú ríkisstjórn sem við tekur eftir kosningar á að standa við öll loforðin og fylgja öllum áætlununum sem settar hafa verið af stað. Þeir vita það sjálfir, stjórnarherrarnir, að þeir hafa ekki umboð til að skuldbinda ríkissjóð með þessum hætti. Stjórnarandstaðan er þó aðeins að segja, hvað hún vill gera komist hún til valda. Ríkisstjórnin er að skuldbinda ríkissjóð á  mörgum sviðum langt fram í tímann. Það er alveg klárt, að sama hvernig ríkisstjórn tekur við, að skattahækkanir eru framundan. Það fer svo eftir því, hvort við fáum yfir okkur hægri stjórn eða vinstri stjórn, hvar skattahækkanirnar lenda, og hvort haldið verður áfram að skerða velferðarkerfið eða það byggt upp aftur. Áfram VinstriGræn! Áfram Samfylkingin! Sameinum kraftana og fellum þessa afturhaldsríkisstjórn!

Kosningasjónvarpið. Vanræksla ríkisstjórnarinnar.

Ég tek undir það, að uppstillingin á frambjóðendum er dálítið sérkennileg í sjónvarpinu, nema hún eigi að undirstrika að stjórnarflokkarnir ganga ekki óbundnir til kosninga. Óskýr orð um eitthvað annað tekur enginn alvarlega, síst þeir sjálfir. Það er alveg víst að framsókn lítur á það sem sína einu von að vera áfram í skjóli íhaldsins. Íhaldið getur hinsvegar ekki hugsað sér betri samstarfsflokk, leiðitamur sem framsóknarflokkurinn er.

Það hefur verið kostulegt að hlusta á stjórnarherrana verja vanrækslusyndir sínar í dag. Geir Haarde í morgunútvarpinu og svo undirsátana í sjónvarpinu. Heilbrigðiskerfið er meira og minna í molum, biðlistar hér og biðlistar þar. Hundruðir sjúklinga og aldraðra húsnæðislaus og vegalaus. Öryrkjar og aldraðir hafa verið látnir sitja á hakanum hvað varðar bætt lífskjör. Vitanlega hafa lífskjör þeirra batnað en ekki nóg til þess að þeir komist almennt upp fyrir fátæktarmörkin. Stjórnarherrarnir viðurkenna að þetta sé búið að vera svona lengi, en segja svo að allt sé í lagi vegna þess að loks er byrjað að greiða úr vandamálunum, sem hafa fengið að bíða óleyst í góðærinu. Skattamálin eru þannig að Geir Haarde fullyrðir, að það kæmi lágtekjufólki ekki betur ef skattleysismörk hefðu hækkað eðlilega með verðbólgu. Betra sé fyrir alla að skattprósentan lækki frekar. Þetta er ekki í takt við verileikann. Og Geir H. Haarde skilur greinilega ekki hvernig kerfið virkar eða vill ekki skilja það! Hækkun persónuafsláttar og þar með skattleysismarka er aðgerð sem kæmi sér best fyrir þá tekjulægstu, en snertir þá tekjuhærra minna. Lækkun skattprósentunnar kemur sér vel fyrir hærri tekjufólk, en skiptir þá tekjulágu minna. Þetta vilja stjórnarliðar ekki viðurkenna; it's a flat earth society! Biðlistarnir á BUGL skipta heldur ekki máli vegna þess að um daginn var tekin skóflustunga! Siv lýgur uppí opið geðið á þjóðinni og þráspurð endurtekur hún þvæluna, sem er í engu samræmi sannleikann. Allt er þetta rugl og vanræksla er svo í fínu lagi vegna þess að kaupmátturinn í efri lögum þjóðfélagsins hefur aukist svo mikið! Hverslags rugl er þetta nú? Ég var svo hættur að fylgjast með lýginni og veruleikafirrtu blaðrinu í stuttbuxnabófanum í sjónvarpinu. Það er takmörk fyrir öllu. En hann var ósvífinn að venju! Ég spyr nú bara, hvernig eiga samviskulausir menn að geta fylgt samvisku sinni sem þingmenn? 

Geir H. Haarde í morgunútvarpinu, og ríkisfjármálin.

 Geir H. haarde var í drottningarviðtali í morgunútvarpinu. Þar var farið um hann silkihöndum einsog vænta mátti á Ríkisútvarpinu.                                                                                                            

Undir lokin á viðtalinu sagði Geir eitthvað á þessa leið:"Það er liðin tíð að stjórnmálamennirnir ráði för í atvinnulífinu." Þá er sem sagt allur áróður stjórnarliða um að það sé hættulegt að hleypa stjórnarandstöðunni í stjórnarráðið, vegna atvinnumálanna, byggður á lygi. Stjórnmálamenn hafa sem sagt ekki þau tök á atvinnulífinu sem þeir höfðu áður. Það er annað sem ég hef áhyggjur af.  Þær áhyggjur eru sprottnar af orðum Einars Odds í Kastljósinu síðastliðinn vetur. Ég skildi hann þannig, að ríkisfjármálin væru í þannig ástandi, að líklega þyrfti að nota símapeningana til að bjarga stöðu ríkissjóðs að loknu þessu þensluskeiði, sem senn líkur. Er nema von, að Jóni stopp og öðrum stjórnarliðum sé um og ó. Það komst nefnilega upp um strákinn Tuma! Ríkisfjármálin eru í slíkum ólestri, að ríkissjóður er orðinn háður þenslunni. Hvort það er vegna nýlegra breytinga á skattalögum veit ég ekki , en orð Einars Odds eru allrar athygli verð. Sérstaklega hljóta þau að vera íhugunarverð fyrir stuðningsmenn núverandi ríkisstjórnar, sem hefur haldið því fram að þeim og þeim einum sé treystandi fyrir ríkisfjármálunum.

 

 

Ósmekklegur málflutningur frambjóðanda framsóknarflokksins!

Helga Sigrún Harðardóttir bloggar um málefni BUGL. Sérstaklega fer í taugarnar á henni að  Samfylkingarfólk skuli tjá sig um þetta mál. Reynir hún að gera Samfylkinguna og R-listann ábyrgan fyrir biðlistunum á BUGL. Einsog fleiri framsóknarmenn gleymir hún að framsóknarflokkurinn stóð að R-listanum með Samfylkingunni og VinstriGrænum. Það ósmekklega í þessu máli er, að Helga Sigrún notar þetta grafalvarlega mál til að fara í pólitískar hártoganir með það. Það er greinilegt að þjáning þessara barna og fjölskyldna þeirra skipta hana engu, bara að hún geti klórað andstæðinginn aðeins. Það er líka alvarlegt að fagmaður, Helgi Viborg, skuli tjá sig með þessum hætti um þetta mál, einsog hann gerir. Fróðlegt væri að vita, hvaða þjónustu hann veitir sjúkum börnum og foreldrum þeirra á Miðgarði milli þess sem hann tjáir sig um málefni þeirra í fjölmiðlum...  Þessi staða er ekki ný á BUGL. Biðlistar hafa verið þar lengi. Árum saman hafa framsóknarmenn setið í heilbrigðisráðuneytinu og jafn lengi hafa sjálfstæðismenn setið í fjármálaráðuneytinu. Jafn lengi hafa vandamál BUGL verið í dagsljósinu, en ekkert verið aðhafst. Sennilega hefur skipt meiru að sýna afgang á ríkissjóði, en að sinna vanda BUGL, sem og fleiri vandamálum í velferðarkerfinu. Málefni BUGL eru á ábyrgð ríkisins en ekki Reykjavíkurborgar, þeim hefur ekki verið sinnt, heldur verið fjársvelt. Húsnæðisvandi og rekstrarfjárvandi BUGL skrifast því á ríkisstjórnina. Miðgarður er ein af hverfamiðstöðvum Reykjavíkurborgar. R-listinn jók við þá þjónustu sem borgin veitir á þessum miðstöðvum (sem eru líka verk R-listans), bæði sálfræðiþjónustu og félagsráðgjafaþjónustu.  Síðan legg ég til að Helga Sigrún Harðardóttir kynni sér málefnin áður en hún tjáir sig um þau annars staðar en í einrúmi. Einnig væri gott að vera minnugur þess, að aðgát skal höfð í nærveru sálar! Munum að hér eiga börnin og fjölskyldur þeirra um sárt að binda. Það er of alvarlegt mál til að vaða í með skítkasti, bæði hér og annarsstaðar! 

Jón stopp og Samtök Atvinnulífsins.

 

Nú hlýtur Jón stopp að anda léttar. Áfram skal haldið! Þá lækka ekki þeir vextir sem við þurfum að borga í þessu landi. Hvað segja Samtök atvinnulífsins? Eiga þau ekki að standa vörð um hagsmuni atvinnulífsins. Samtökin studdu stækkun í Hafnarfirði og þar með áframhaldandi þenslu, sem er andstætt hagsmunum íslensks atvinnulífs. Kannski álverið borgi svo feitt í sjóðina að ekki megi styggja þeirra fólk, þó það gangi gegn hagsmunum íslenskra fyrirtækja? Þurfa Samtök atvinnulífsins ekki að fara að gera upp hug sinn? Þensla er ekki íslenskum fyrirtækjum til hagsbóta til lengdar. Vilja Samtökin draga úr þenslu eða eru aðrir hagsmunir ríkari? Þ.e. hagsmunir Sjálfstæðisflokksins og útlendra auðhringja. Hið sama þarf Jón stopp líka að gera! Eða hvort vill hann frekar gæta hagsmuna íslensks atvinnulífs eða erlendra álfyrirtækja? Hér fara þeir hagsmunir ekki saman!

 

Hitaveita Suðurnesja og Norðurál undirrita orkusamning vegna álvers í Helguvík

"Framkvæmdavald hinna ríkjandi stétta!"

 

"Ríkisvald vorra tíma er aðeins framkvæmdavald ríkjandi stétta." Þessi setning er enn í gildi. Marx gamli vissi hvað hann söng uppúr miðri 19. öldinni og er enn í fullu gildi.  Dómsvaldið er aðeins hluti ríkisvaldsins, ásamt framkvæmda- og löggjafarvaldinu.  Stöku sinnum lýkst þetta upp fyrir manni.  En oftast heldur kapítalisminn þétt að sér sauðagærunni. Stöku sinnum afhjúpar valdakerfi hans sig.  Það gerðist með þessum dómi.

 

Máli vegna Sparisjóðs Hafnarfjarðar vísað frá

Spurningar til allra framboða. Tekjuskerðingar Tryggingastofnunar.

Verða eftirtaldar skerðingar á lífeyri frá Tryggingastofnun afnumdar á næsta kjörtímabili?

Greiðslur frá lífeyrissjóðum: Ekki var hugmyndin í upphafi að greiðslur úr lífeyrissjóðum skertu lífeyri frá Tryggingastofnun. Þær voru upphaflega hugsaðar sem hrein viðbót við greiðslur frá almannatryggingakerfinu. Nú skerða þessar greiðslur allt nema grunnlífeyri. Verður þetta leiðrétt á næsta kjörtímabili?

Tekjur maka. Tekjur maka skerða greiðslur frá Tryggingastofnun. Fullyrt er að þetta sé stjórnarskrárbrot, fyrir nú utan ósanngirnina sem þetta felur í sér. Verður þetta leiðrétt á næsta kjörtímabili?

Atvinnutekjur. Þar til nú nýverið skertu allar atvinnutekjur greiðslur frá Tryggingastofnun. Nú er lífeyrisþegum boðið að vinna fyrir heilum 25.000 krónum á mánuði án þess að lífeyrir skerðist. Og setur nú hlátir að ýmsum! Verður þessi upphæð hækkuð á kjörtímabilinu eða skerðingin alveg afnumin?

Öryrkjar. Eins og dæmin sanna eiga öryrkjar erfitt með að komast aftur útá vinnumarkaðinn, þ.e. þannig að það bæti stöðu þeirra. Mörg dæmi eru um öryrkja sem hafa aflað sér menntunar, en ekki haft erindi sem erfiði þegar kemur að því að fá vinnu sem bætir stöðu þeirra fjárhagslega, samræmist reynslu þeirra og menntun og þeir ráða við/hafa getu til stunda. Er nýlegur dómur hæstaréttar (29/3 2007) dæmi um þetta. Lög sem tryggja eiga rétt öryrkja til vinnu hjá sveitarfélögum og ríki eru brotin. Annað sem er í veginum er skerðing sú sem strax kemur til framkvæmda fái öryrki vinnu. Örorkumat er jafnvel fellt úr gildi, einsog um eitthvert samband sé þar á milli. Þessu þarfað breyta. Verður eitthvað raunhæft gert til að auðvelda öryrkjum að komast aftur til starfa á vinnumarkaði? Þ.e.a.s. þannig að það bæti stöðu þeirra í lífinu, því til lítils er unnið ef svo er ekki. Þá eru öryrkjar betur komnir þar sem þeir eru, ef það að fara í vinnu bætir ekki stöðu þeirra. Það sem er í farvatninu varðandi þetta eru draumórar einir, ef ekki koma til raunhæfar lausnir á þeim vandamálum sem mæta öryrkjum sem vilja reyna fyrir sér á vinnumarkaðnum.

  

"Heimskan í góðærinu." Með öðrum orðum: Kjósendur eru fífl!

Nú er loks komin skýring á slæmu gengi Framsóknarflokksins. Lesi maður pistil Bjarna Harðarsonar "Heimskan í góðærinu" rennur upp fyrir manni, að undir niðri álítur hann kjósendur vera fífl. Þeir eru svo sljóir og firrtir að þeir vita ekki hvað þeir gera. Þeir kjósa ekki Framsóknarflokkinn vegna þess að þeir eru fífl. Má búast við, að frambjóðendur sem hugsa svona, dragi til sín atkvæðin. Nei, sem betur fer ekki.

Bjarni, það er ekki nýtt, að fólk álíti það jafngilda hlutleysi í pólitík að styðja ríkjandi öfl þjóðfélagsins. Þannig hefur það alla tíð verið. Þeir "ópólitísku og hlutlausu" styðja ríkjandi skoðanir eða viðteknar skoðanir með öðrum orðum. Í því felst líka meint hlutleysi eða hlutlægni Morgunblaðsins. Það er ekki hlutleysi eða hlutlægni. Það er stuðningur við þær skoðanir sem eru ríkjandi!

Hvað viðkemur "firringunni" sem kemur kommunum (sic!) til góða. Kannski eru einhverjir ekki hallir undir ríkjandi skoðanir, kannski eru einhverjir orðnir langeygir eftir "kaupmáttaraukningunni", kannski einhverjir sem trúa ekki á meðaltölin og kannski einhverjir sem trúa ekki lengur hagvaxtarþulunni. Ég fyrir mitt leyti, er orðinn verulega áhyggjufullur yfir afdrifum velferðarkerfisins, skólakerfisins og ,síðast en ekki síst, ég er orðinn verulega áhyggjufullur yfir afkomu þess heimilis og þeirrar litlu fjölskyldu sem ég er í forsvari fyrir, þess vegna kýs ég ekki Framsóknarflokkinn og ekki Sjálfstæðisflokkinn.

Þeir sem þekkja mig vita, að ég myndi reyndar undir engum kringumstæðum kjósa Framsóknarflokkinn eða Sjálfstæðisflokkinn. Kannski er ég fífl?

 

Íbúðabyggð í Lönguskerjum!

Gaman að Ómar skuli tala um þetta. Hér var bloggað um þetta þann 19. En þegar allt kemur til alls snýst málið um peninga og hagnað og ágóða. Hver græðir á þessu? Jú, verktakabransinn! Og við borgum!