Eyðum áfram-Ekkert stopp.

Hvaðan koma allir þessir peningar sem framsókn er að nota í að kaupa sér fylgi?  Ekki þó úr vasa okkar skattgreiðenda?  Ég fyrir mitt borga ekki skatta til að risaeðlan geti keypt sér atkvæði. En þú?

Samið um reiðhöll í Hrunamannahreppi

Ef stjórnin fellur....

...ekki fæ ég mér harmónikku og fer í bæinn!

Og kaffibandalagið! ZERO FRAMSÓKN! Allt er betra en íhaldið?

Nú geta allir Íslendingar sannfærst um að Stefán Ólafsson hefur rétt fyrir sér í skattamálaumræðunni!  Það staðfestir helsti sérfræðingur um íslensk skattamál, Indriði H. Þorláksson.  Nú hlýtur Hann-ess að reyna að níða af honum æruna, einsog hann reyndi með Stefán.  Hvað segir Helbláa hyskið nú?  Ætli það sé byrjað að hóta Indriða?  Einsog ýmsum háskólaborgurum hér áður!

Hellum uppá könnuna, félagar!  Nú er lag!  Fellum stjórnina!

Næst í framboð?

Jónas er sem kunnugt er Sjálfstæðismaður.  Kannski sjáum við hann næst opinberlega á framboðslista Sjálfstæðisflokksins, sbr. Árna í öðru sæti?

Þriggja ára fangelsisdómur vegna sjóslyss staðfestur

Yahoo!

Og engin stóriðja?  Geir hlýtur að hafa sagt nei við Yahoo!  "Við ætlum nefnilega í byggja álver á hverju krummaskuði hringinn í kringum landið, já, og olíuhreinsunarstöð!  Eitthvað skítugt og óhreint!"

Yahoo kannar möguleika á netþjónabúi hér á landi

Fjárlögin og skuldirnar!

Hvernig stendur á því, að á fjárlögum 2007 er gert ráð fyrir 20.6 milljörðum í vaxtagreiðslur og lántökukostnað?  Er ekki búið að greiða allar skuldirnar?  Og ríkissjóður á bullandi blússi og rífandi tekjuafgangur og nóg af peningum?

Kaffibandalagið!

Nú þarf sko að fara að hella uppá könnuna! 

Allir sem eru í vafa ættu að les blog: Indriði Haukur Þorláksson.  Indriði flettir ofan af lygi stjórnarinnar um skattamálin!

Samfylking og VG bæta við sig

Og veruleikinn...

...er algert aukaatriði!

„Ímynd og innihald spila saman til lengri tíma litið"

"Sjálfstæðisflokkurinn hefur alltaf verið góður við gamalt fólk."

Það er að sjálfsögðu ekkert nema helvítis kergja í gamlingjunum að hafa það ekki jafn gott og Sjálfstæðismenn segja að þeir hafi það!

Hættulegir glæpamenn?

Jón H.B. hafði fyrir því áreiðanlegar heimildir, í Danmörku og Noregi, að Rúmenarnir væru á vegum skipulagðra glæpasamtaka.  Löggan í Noregi hefur ekkert frétt.  Verður ekki að láta þá vita, Jón?

Norðmenn skipta sér ekki af komu Rúmena

Stjórnarsinnar í fýlu! Og farnir á tauginni!

Mikið hlakka ég til skoðanakannana morgundagsins!

Áfram VinstriGræn!  Áfram Samfylkingin!  Áfram saman!

Ríkisstjórnin fallin samkvæmt nýrri skoðanakönnun

Og Bingi...

...hoppaði á það!

"Sjálfstæðisflokkurinn toppar á réttum tíma."

Kárahjúkaviðundrið.  sign

Heybrók!

Að þora eða ekki þora, það er spurningin!

Skipun í embætti ríkissaksóknara frestað

Góðhjartaðir Íslendingar!

Var okkur ekki öllum kennt að það væri ljótt að skilja einhvern útundan?  Nú verður úrtakið að velja Íslandshreyfinguna og frjálslynda næst!

Fylgi Framsóknarflokksins tekur stökk

"Þá værum við ekki í EES..." ?????

Sérkennilegur málflutningur formanns flokks, sem á sínum tíma var á móti aðild að EES-samningnum og vildi gera tvíhliðasamning við ESB í staðinn.  Sjálfstæðisflokkurinn féllst á aðild að EES undir þvingun frá Alþýðuflokknum, sem gerði aðild að skilyrði fyrir stjórnarsamstarfi flokkanna 1991.  Það kom enda ítrekað fram hjá Davíð Oddssyni að honum finnst frelsið, sem samningurinn færði þjóðinni, ganga alltof langt!  Enda hefur samningurinn takmarkað völd stjórnmálamanna til mikilla hagsbóta fyrir land og þjóð!  Hvernig væri ástandið nú eftir 16 ára stjórnarseti Sjálfstæðisflokksins, ef Alþýðuflokkurinn hefði ekki vélað Sjálfstæðismenn til að fallast á EES-samninginn? 

„Horfið yrði af þeirri framfarabraut sem við erum á"

Árni Matt. og eignarétturinn!

Nú hefur Árni Matt. toppað þúsundkróna ummæli Geirs H.. Spurður um stefnuna í Þjóðlendumálinu sagði Árni Matt. fjármálaráðherra, að Sjálfstæðisflokkurinn virti að sjálfsögðu eignaréttinn á landinu!  Og þá hlógu nú ýmsir með öllu andlitinu!  Undanfarín ár hefur lögfræðingagengi á vegum Árna reynt með lagaflækjum að hafa landareignir af bændum og skiptir þá engu, þó um marg þinglýstar eignir sé að ræða eða eignir sem hafa verið í eigu sömu ættar mann fram af manni.  Þeir eiga aldeilis vel saman Árni í fyrsta sæti og Árni í öðru sæti!

Björn heybrók?

Er það virkilega svo að BB þori ekki að skipa Jón H.B. í starf saksóknara fyrir kosningar? Við hvað er BB hræddur? Kjósendur? Formanninn? Er ekki til enn meiri skaða fyrir flokkinn að hafa þetta svona hangandi yfir sér fram yfir kosnngar? Vita ekki allir hvort eð er hver vrður skipaður í jobbið?

Í frjálsu falli?

Er ekki ríkisstjórnin í frjálsu falli? Var með einhverja 38 þingmenn inni um daginn!

Fylgi Samfylkingar og Framsóknarflokks eykst

Skelfileg lesning! Og samviskan deyr!

Fyrirsögnin á þessari frétt er nú alveg útúr kú og í miklu samræmi við sjálfhverfu okkar andlegu offitusjúklinganna, sem eigum allt og fyrst og fremst viljum eiga allt, gína yfir öllu og gleypa.  Megininntak fréttarinnar er þetta skelfilega ástand sem ríkir víða í heiminum. Fátækt, sjúkdómar og stríðsátök herja á stóra hluta heimsins og fórnarlömbin eru börnin, fyrst og fremst!  Við lesum um þetta í blöðum og horfum á þetta í sjónvarpi sljóum augum.  Erum við svo gersneydd samúð og ímyndunarafli og svo full eigingirni, að ekkert kemur uppí hugann annað en okkar eigin óverðskuldaða ofurvelsæld? Hvað ef barnið mitt og barnabarn væri í þessum aðstæðum stríðs, hungurs og sjúkdóma?  Þessum heimi algers stjórnleysis og öngþveytis, ærandi hávaða og öskrandi miskunnarleysis?  Eru þetta ekki spurningar sem setja að manna skelfingu og hroll?  Viljum við eitthvað leggja að mörkum til að breyta þessu ástandi í heiminum eða viljum við bara strjúka okkar eigin kinn? 122.000 börn dóu í Írak árið 2005 áður en þau náðu 5 ára aldri... 20% barna í Rúanda deyja áður en þau ná sama aldri... Og hvað með þau sem lifa áfram í þessum heimi óskapnaðar sem þeim er búin? Hvað um angistina, hungrið, einsemdina...Einstæðingsskapinn og skjólleysið!

Hér fyrir neðan er svo blog um frétt sem fær mann til að skammast sín!

Best að vera móðir í Svíþjóð og á Íslandi