Hvar var Villi?

Villi stóð á ströndu, var að troða strý.....................

Einkaréttarsamningur til 20 ára ekki í tillögum á eigendafundi

Sök bítur sekann!

Var svona að hnusa að hinum og þessum hægribloggum hér á hægrablogginu/moggablogginu og flaug þá í hug þetta máltæki. 

Fallnir frá!

Hélt fyrst að þetta væri brandari um fallna meirahlutann, en svo sá ég að það vantaði Gísla Martein klifurmús í söguna!

Tók gjald fyrir eftirlit með aflífuðum hundum

Asnastrik Villa, aftur og enn!

Undir þennan samning skrifaði Villi borgarstjóri og samþykkti án umboðs fyrir hönd eigenda OR, þ.e. Reykvíkinga.  Hann fékk pokann sinn og líka hinir litlu borgarstjórarnir í djélistanum.  Er nema von að Sjálfstæðismönnum sárni svikin við sig. En þeim virðist ekki sárna svikin við borgarbúa, sem felast m.a. annars í þessum samningi.  Borgarstjórnarflokkur djélistans stendur sem einn maður að baki sínum manni, allir sem einn.  Þrátt fyrir þennan samning, og fleiri samninga, sem skrifað hefur verið undir án umboðs frá lýðræðislega kjörnum fulltrúum. 

Svandísar og félaga bíður mikið verk við að rannsaka og leiðrétta þá svikamyllu sem gangi hefur verið í OR og REI. 

Ég sting uppá að fyrirtækið REI verði einfaldlega leyst upp.  Reykjavíkurborg taki aftur eignir sínar, þar á meðal hlutafé, sem hefur verið ráðstafað til REI og fleirri án umboðs bak við tjöldin og á ólöglegum stjórnarfundi. 

Sjálfstæðismenn eiga að hætta að hengja bakara fyrir smið.  Snúa sér að Villa sínum og láta Björn Inga í friði.  Það stendur þeim nær, enda hægari heimatökin!

Tuttugu ára skuldbinding ekki kynnt fyrir borgarfulltrúum

Spyrlar og álitsgjafar.

Byrja á spyrli Kastljóssins.  Hvað er þessi kona að tjá sig um afstöðu VinstriGrænna til sameiningar OR og REI.  Er ekki lágmarkskrafa að spyrlar fylgist með gangi mála (burt séð frá flokkspólitískri afstöðu þeirra), þannig að spurningar þeirra feli ekki í sér fáfræði+flokkspólitíska afstöðu.  Þetta er konan sem fór svo mjúkum höndum um leiðtoga flokksins síns í Kastljósinu í gær, að Villi malaði einsog ketlingur í þættinum.  Vg/Svandís tók ekki afstöðu til sameiningarinnar.  Svandís efaðist um að stjórnarfundurinn væri löglega boðaður og hefur skotið því máli til dómstóla.  Ég veit að búið er að háeffa RÚV en ég vissi ekki að búið væri aflétta öllum kröfum til starfsmanna RÚV h.f. um vinnubrögð.  Álitgjafar geta velt sér fram og til baka um einhverjar heimatilbúnar ástæður fyrir falli meirihlutans.  Spyrlarnir og hægrisinnaðir álitsgjafar þeirra horfa allir framhjá því að gamli meirihlutinn lifði einfaldlega ekki af glundroðann innan raða borgarstjórnarflokks djélistans, sem kristallaðist í fundinum sem borgarstjórnarflokkurinn-Villi sat með formanninum Geir Haarde.  Ég spyr, hversvegna í ósköpunum tók Geir það í mál að þessi fundur væri haldinn.  Og ég spyr, hversvegna spyrlar og álitsgjafar hafa ekki velt þeirri spurningu fyrir sér.  Var Geir að hefna sín á  einhverjum fyrir eitthvað sem við héldum öll að væri gleymt og grafið.  Er að koma uppá yfirborðið ágreiningur og/eða gömul sárindi.  Eitthvað óuppgert innan Sjálstæðisflokksins.  Þeir rjúka upp og setja spurningarmerki við að opinber fyrirtæki séu í einhverjum rekstri sem þau kalla áhætturekstur.  Þessarar spurningar hafa þau ekki spurt fyrr, enda hefur Sjálfstæðisflokkurinn sem slíkur staðið fyrir slíkri starfsemi víða.  

Samkvæmur sjálfum sér!

Heilbrigðisráðherra, Guðlaugur Þór Þórðarson, er maður samkvæmur sjálfum sér!  Nú hefur hann sett Pétur Blöndal erkióvin velferðarþjóðfélagsins númer eitt í að endurskipuleggja heilbrigðiskerfið.  Pétur Blöndal hefur ekki farið leynt með andúð sína á samhjálp og samhygð í þjóðfélaginu svo jaðrar við hreint ofstæki.  Og fyrirlitning hans á þeim sem hafa skerta starfsorku hefur ekki farið framhjá okkur lífeyrisþegum.  Hvað verður næst úr þessum herbúðum?  Verður Lalli Jones orðinn varðstjóri hjá Ríkislögreglustjóra og Bjarni Bakkus talsmaður ríkisstjórnarinnar í forvörnum gegn fíkniefnum?

Hverjir eiga auðmennina?

Sjálfstæðismenn segja Björn Inga ganga erinda auðmanna.  Má vera rétt, en Sjálfstæðismenn hafa fram til þessa ekki fúlsað við því að sinna sérstökum þörfum þeirrra.  En kannski eru áhyggjur þeirra skiljanlegar.  Þeir vita það best sjálfir og kannski vilja þeir vera einir um hituna.  Missa enn einn spóninn úr aski sínum.  Einn úr hópi litlu borgarstjóranna sjö í Sjálfstæðisflokknum, Júlíus Vífill er   einn þessara auðmanna ef ég man rétt.  Einn af fyrrum eigendum I. Helgasonar og fyrrverandi forstjóri sama fyrirtækis.  Áhyggjufullir menn dvergarnir sjö! 

Ríkissjónvarpið og pólitíkin!

Áður hef ég fullyrt að RÚV sé hallt undir Sjálfstæðisflokkinn.  Það kom berlega í ljós í Kastljósi kvöldsins.  Hægri drengurinnn Sigmar reyndi hvað hann gat að sauma að oddvitum nýja meirihlutans og var á köflum ansi hvass.  Síðan kemur Vilhjálmur Þ. í viðtal þar sem tekið er á honum með þvílíkum silkihönskum og fær að blaðra með sína vitleysu fram og til baka á sínum forsendum.  Sérkennilegt drottningarviðtal!  Það hefði t.d. mátt fara ofaní saumana á því hvernig fyrri stjórnarmeirihluti taldi sig geta ráðskast með eigur borgaranna á löglausum fundum bakvið luktar dyr án umboðs, ef ég skil spurningu Umboðsmanns Alþingis rétt. Allaveg sér Umboðsmaður ástæðu til að spyrja um þetta atriði.  Og reyndar held ég að kjósendum hafi verið nóg boðið.  80% þeirra sem þátt tóku í skoðanakönnun á vísi.is vildu losna við Vilhjálm og þar með D-listann.

Sjálfstæðismenn tuða um að borgin eigi ekki að taka áhættu með skattfé borgaranna með því að taka þátt í áhætturekstri.  Á OR fyrirtæki borgaranna ekki hlut Enex fyrirtæki sem tekur þátt áhætturekstri  í útlöndum, m.a. í Kína.  Er ekki Landsvirkjun að hluta í eigu borgarinnar og í áhætturekstri.  Lekur ekki af þessu tækifærismennskan?

Svo má benda á að borgarfulltrúar Sjálfstæðisflokksins bíða eftir öðru tækifæri að geta stungið Villa í bakið aftur og tekið hann af sem leiðtoga í borginni!

80% borgarbúa vildu Vilhjálm úr borgarstjórastólnum! Takk!

Nú er ljóst að ekki dugði að fórna Hauki Leóssyni í holumokstri borgarstjórnarflokks D-listans.  Eitt alsherjarklúður í OR og REI málinu felldi borgarstjórnarmeirihlutann.  Gísli Marteinn og fleiri höfðu stór orð um vináttuna á blaðamannafundinum.  Það má kannski spyrja Hauk um vináttuna við Villa.  Sjálfstæðismenn töluðu mikið um ágreininginn um söluna á REI.  Ætli aðdragandinn að þessu máli öllu sé ekki frekar ástæðan fyrir falli meirihlutans.  Björn Ingi er náttúrulega bara að bjarga eigin skinni.  Það er einfalt:  Upp komst um strákinn Tuma!  Leynimakkið og pukrið í OR og REI er allt að komast uppá yfirborðið.  Almenningi er misboðið.  Umboðsmanni Alþingis er ofboðið og spyr hvaðan stjórnarmönnum í OR og REI kom vald til að fara með og ráðstafa hlutafé og eignum OR sem sínum eigin.  Í framhaldinu væri gott að umboðsmaðurinn leyti eftir upplýsingum um það, hvernig standi á því að RÚV er farið að virka einsog einkaútvarp og sjónvarp Sjálfstæðinmanna.  Dæmi:  Strax eftir blaðamannafund nýja meirihlutans voru 2 þingmenn Sjálfstæðisflokksins, Bjarni Ben. og Sigurður Kári komnir í beina útsendingu á rás2.  Og strax eftir blaðamannafund Vilhjálms og félaga í sjónvarpinu er formaður Sjálfstæðisflokksins í viðtali í beinni útsendingu.  Reyndar hafði Bogi Ágústsson endursagt ræður flokksfélaga sinna áður.  Allt klárt fyrirfram fyrir flokkkinn!  En það er von að borgarstjórnarflokkur D-listans sé sár.  Það er ekki bara að þau hafi tapað meirihlutanum í borginni, heldur verða nú flest þeirra að fara að skipuleggja einkahagi sína uppá nýtt.  Auðvitað er það áfall að missa vinnuna.  Að ég tali nú ekki um hálaunuð borgarfulltrúa störfin með öllum nefndalaununum.  Og horfa fram á þurfa að fara í verr borgaða vinnu, já mikið verr borgaða. 1200-1400 þúsund króna störf liggja ekki á lausu fyrir hvern sem er.  En það vantar fólk á leikskólum borgarinnar!

Stefnt að því eða ekki? Tapast hefur skoðun...

Villi Góði hrekst úr einni holunni í aðra, núna síðast á fundinum góða í beinni útsendingu.  Þar er hann sko aldeilis ekki búinn að ákveða að selja eitt eða neitt.  Talandi um prinsipp.  Það er gaman að þeirri skoðun vex nú fylgi í þjóðfélaginu að sjálfsagt  sé að opinber fyrirtæki eigi í rekstri sem gefur hagnaðarvon.  Meira segja eitilharðir sjálfstæðismenn, eins Guðlaugur Þórðarson er nú kominn á þá skoðun.  Áður var það hluti af pólitískri trúarjátningu rétttrúaðra, að opinberir aðilar mættu hvergi koma nærri því að græða svo mikið sem eyri á rekstri fyrirtækja.  Fínt hér. Þetta sýnir að hinn pólitíski rétttrúnaður frjálshyggjunnar er tekinn að molna í sundur.  Enda náttúrulega frjálshyggjann eitt bull frá upphafi til enda...Og fylgjendur frjálshyggjunnar bullukollar...

Já, já! Nú skal stungið í feitt!

Nú á ekki bara að selja ofanaf sér heldur undan sér líka.  Hverslags fífl eru borgarfulltrúar sjálfstæðisflokksins.  Villi Góði er búinn að hegða sér eins og löggiltur hálfviti í þessu máli öllu.  En nú á að láta plottið ganga til enda.  Haukur gerður að blóraböggli og aukaatriðin gerð að aðalatriði (kauprétturinn).  Sér einhver handa sinna skil í rykmekkinum, sem nú er kastað í augu okkar?  Nú á að afhenda REI einkavinunum á silfurfati fyrir slikk.  Nú hefur einhver stungið í feitt!  Var einhver að halda því fram að hér þrífist ekki spilling í stjórnmálum og viðskiptum.  Berusconi og Marcos eru einsog mjóróma piparjómfrúr í ensku teboði hjá svona liði.

Stefnt að því að selja hlut Orkuveitunnar í REI

Ógildið samningana!

Það sem þjónar hagsmunum allra í þessu máli er að allir samningar verði látnir ganga til baka.  Síðan  verði gengið frá málum á löglegan máta og fyrir opnum tjöldum.

Tilbúinn að ræða hvort OR dragi sig út úr útrás

Ógildið samningana!

Það hlýtur að verða gerð sú krafa að samningarnir verði ógiltir, enda ólöglega til þeirra stofnað!  Hvenær fer málið til dómstóla?  Er ekki ráð að fara að hraða því svo það verði ekki um  seinan?  Er það ekki brot á landslögum þegar stjórnmálamenn og aðrir eru að braska með eigur skattgreiðenda uppá eigin spýtur og umboðslaust?  Já, umboðlaust, því ólöglega boðaður stjórnarfundur OR gat ekki tekið löglegar ákarðanir.  Því voru menn umboðlausir þegar þeir tóku ákvarðanir og gengu frá samningum sameiningu REI og GGE. 

Minnihlutinn í borgarstjórn biður um aukafund vegna REI

Ólöglegur gjörningur?

Hvaðan kom stjórn REI umboð til sameiningar við Geysir Green Energy?  Frá ólöglegum fundi í stjórn OR?  Er það ekki eitthvað nýtt að ákvarðanir teknar á ólöglegum fundum í fyrirtæjum eru látnar standa?  Það hlýtur að vera krafan að samningum um sameininguna verði rift enda ólöglega til þeirra stofnað!  Nema það verði þá viðtekin venja að stjórnarmenn geti tekið ákvarðanir um framtíð fyrirtækja borgarinnar á fundum sem hafa ekki meira vægi en kaffiboð hjá Siggu frænku!  Þessi ólöglega boðaði fundur var nefnilega ekki hæfur til að taka ákvarðanir sem leiddu til sameiningarinnar.  En borgarstjórnarmeirihlutinn(?) skilur það að sjálfsögðu ekki þannig heldur lætur ólöglegan gjörning standa!

Fundur borgarfulltrúa Sjálfstæðisflokksins að hefjast

...úr pípulögn OR.

Meira af Orkuveitunni.  Í fréttum í gær er sagt frá klóaksflóði á Reykjavíkurflugvelli.  OR neitar að lagfæra bilun í frálagnakerfi á svæðinu, því liggur klóakvatnið  yfir svæðinu með öllu því innihaldi sem fylgir.  Viðbrögð Orkuveitustarfsmanna koma ekki á óvart þeim sem lent hafa í svipuðu.  Hér í Stórholti í Reykjavík myndaðist í sumar fall í malbikinu, ansi góð hola. Hér höfðu á síðasta ári staðið yfir framkvæmdir undir yfirumsjón starfsmanna OR.  Viðbrögð starfsmanna Orkuveitunnar sem talað var við voru þau að þetta væri mál húseigenda hér við götuna næst holunni.  Þetta væri þeirra mál og þeir ættu að láta lagfæra fallið.  Það hlyti að vera leki í skolplögn frá húsinu.  Gekk svo í nokkrar vikur, en á endanum lét framkvæmdasvið borgarinnar laga skemmdirnar í götunni.

Meira af framkvæmdunum á vegum OR.  Hér í götunni voru allar lagnir OR endurnýjaðar síðastliðið sumar.  M.a. var lögð ný kaldavatnslögn í öll hús.  Húsin hér í götunni eru tvískipt og áður var aðeins ein kaldavatnslögn fyrir hvert hús.  Nú voru lagðar tvær lagnir vegna tvískiptingar húsanna.  Þegar OR var beðin um að tengja kaldavatnslögnina við kaldavatnsdreifilögn hússins þeim megin þar sem ekki var inntak áður, þá tengdu starfsmenn OR hina nýju kaldavatnsinnlögn við næsta kaldavatnskrana í kjallaranum hér í húsinu.  Spurning hvort maður á að vera þakklátur fyrir að þeir tengdu ekki inná eldhúskranann.  Öll samskipti við OR hafa verið þannig að starfsmenn hafa svarað með hroka og yfirlæti, einsog lýsir sér í samskiptunum með holuna og klóakflóðið í fréttunum í gær.  Maður spyr sig hvort OR lítur ekki lengur á sig sem þjónustufyrirtæki í almannaeigu.  Fyrirtæki sem á að greiða úr málum neytenda þeirrar þjónustu sem OR selur okkur, einstaklingum og fyrirtækjum.  Í staðinn er komið fyrirtæki sem rúllar yfir neytendur og vill greinilega ekki þjónusta neytendur!

...úr pípulögn.

Nú er það þannig að stjórnarfundurinn sem tók ákvörðun um sameiningu REI við Geysir Green Energy var trúlega ólöglegur og því er sameiningin ólögleg.  Það liggur því ljóst fyrir að rifta verður samningunum um sameininguna.  Síðan verður að hefja vinnuna uppá nýtt, annað er ólöglegt.  Þetta er ekki flóknara en það!

Stjórnarfundur OR.

Mr. Slick og Villi Góði héldu arðvænlegan stjórnarfund.  Mun þessi  mynd ekki passa tilefninu?

...úr pípulögn?

Svolítið merkilegt að sjá málflutning kaupsýslumannanna í þessu OR-máli.  Hvað var það sem hastaði svona mikið, að svína varð á löglegum og lýðræðislegum vinnubrögðum?  Það er náttúrulega hreint bull að stórviðskipti gangi með svona miklum ógnarhraða í alþjóðlegu viðskiptaumhverfi.  Samrunar og sameiningar stórfyrirtækja taka nú ekki svona skamman tíma!  Kannski skýringuna á hraðanum sé m.a. að finna á heimasíðu REI.  Þar telst nefnilega REI og  Geysir Green eigandi allra virkjana og mannvirkja OR og 48% hlutur í HS er líka kominn í eigu REI og Þar með Geysis Green.  Þá er sem sagt ekkert eftir af OR nema Orkuveituhúsið og pípulagnirnar í götum Reykjavíkur.  Og svo náttúrulega hlutabréf í áhættusæknu fyrirtæki með óvissa framtíð.  Það er áhyggjuefni að eigur OR skuli komnar í hendurnar á mönnum, sem nýlega ákváðu að fjárfesta fyrir 9,5 milljarðar á Filipsseyjum einu spilltasta ríki sem sögur fara af. Ég myndi ekki treysta svoleiðis mönnum fyrir tíkalli yfir götu!

Raunar minna vinnubrögðin við þessi viðskipti með eigur OR óþægilega á útdeilingu eigna Sovétríkanna til alskyns vafasamra pappíra í tíð fyllibyttunnar Jeltsíns.  Fyrir hvað er verið að smyrja peningum á ýmsa einstaklinga sem koma við sögu í viðskipunum og rekstri OR.  Er verið að kaupa eitthvað?  T.d. þögn?

Grundvöllur fyrir höfðun dómsmáls til ógildingar eigendafundar í OR

Spilling hér og spilling þar!

Þurfti ekki að ræða þessi mál í borgarstjórn og borgarráði, og fl. sveitarstjórnum, þaðan sem stjórnarmenn þiggja umboð sitt?  Varðar ekki svona sjálftaka á völdum og ráðstöfun á eigum borgarbúa, og fleiri, við lög?  Hafa stjórnarmenn frítt spil hvernig þeir ráðstafa eigum skattgreiðenda?  Eða hefur glæpahneigðin brotið sér nýjan farveg?  Einn hnuplar út í búð, annar situr í stjórn opinbers fyrirtækis og ráðstafar eigum þess að eigendum þess forspurðum.  Hver er munurinn?  Er hann einhver?  Einn er litinn smáum eigum, hinn virtur og dáður.  Annað er lögbrot, hitt er löglegt en siðlaust!

Vilhjálmur: Kannast ekki við að hart hafi verið sótt að mér

Og hvað?

Í ekki fréttum er þetta helst.....  Borgar Þór......  Brittney......  Simpson.....og so videre!

Gefur ekki kost á sér til endurkjörs sem formaður SUS