Tímanum eytt í röfl og þras! Skítt mað hagsmuni þjóðarinnar!

Lýðskrumararnir vilja frekar nota tímann í þras og málalengingar í stað þess að vinna vinnuna sína!  Það er ekki nema von að lítið mjakast af málum í gegnum þingið, þegar vinnubrögðin eru svona!

Síðan hvenær var verkstjórn þingsins á hendi minnihlutans?  Og hvenær ætlar stjórnarandstaðan að vakna til veruleikans?  Eða er málið, að fella stjórnina?  Skítt með hagsmuni þjóðarinnar!

Tekist á um dagskrá þingsins

“You ain’t seen nothing yet”. Ræða Ólafs Ragnar Grímssonar 2005: HOW TO SUCCEED IN MODERN BUSINESS. LESSONS FROM THE ICELANDIC VOYAGE.

HOW TO SUCCEED IN MODERN BUSINESS:
LESSONS FROM THE ICELANDIC VOYAGE

A speech
by
the President of Iceland
Ólafur Ragnar Grímsson
at the Walbrook Club
London
3rd May 2005

Ræðuna í heild má lesa á Silfri Egils.  Í ræðunni fjallar Ólafur um hina stórfenglegu útrásarvíkinga, m.a. hrappana sem sköpuðu Icesave-mylluna.  Og líkur ræðunni á hinum fleygu orðum:“You ain’t seen nothing yet”.  Eru það svo sannarlega orða að sönnu fyrir íslenska þjóð!  Nú talar Ólafur þvert á stefnu íslenskra stjórnvalda, sem eru þó að reyna að bjarga því sem bjargað verður eftir hina glæsilegu sigurgöngu útrásarbófanna um heiminn;  hrundu efnahagskerfi með himinháar skuldir á bakinu!  Svar mitt við síðustu orðum ræðunnar er:  Oh, yes, we are starting to see it!  Í niðurskurði, hærri sköttum, atvinnuleysi, fjöldagjaldþrotum, þjóðarsundrung, etc.etc.

http://silfuregils.eyjan.is/

 

 

 

Kannað hvort lög hafi verið brotin. Athyglisverð mynd með frétt RÚV.

  Athyglisverð mynd með  frétt RÚV af meintu peningaþvætti Jón Sullenberger!

31.01.2010 18:01 |

Kannað hvort lög hafi verið brotin

Ríkissaksóknara kannar nú hvort einhverjir kunni að hafa brotið lög þegar Jón Gerald Sullenberger kom í Landsbanka Íslands í ágúst 2006 með 30 milljarða króna ríkisskuldabréf frá Venesúela en málið var ekki tilkynnt til lögreglu á sínum tíma.    http://ruv.is/heim/frettir/innlendar/

Ekki vinnufriður vegna ruglsins í stjórnarandstöðunni!

Menn ættu kannski að hugsa um, hversu mikinn vinnufrið ríkisstjórnin hafur fengið.  Stjórnarandstaðan hefur gert allt til að tefja og eyðileggja mál í þinginu.  Málþóf og allskyns rugl þingmanna X-D og Framsóknar hefur sýnt svo ekki verður um villst, að þingmenn þessara flokka gera sér enga grein fyrir, að nú er ekki venjulegir tímar.  Ísland á mestu erfiðleikum, sem því hefur mætt á seinni tímum, vegna stjórnarstefnu 18 ára valdatíðar X-D.  En þingmenn stjórnarandstöðunnar láta sem ekkert sé, engin kreppa, engir óvenjulegir tímar, stundar málþóf og allskyns rugl, sem mest þeir mega!

Má nefna sem dæmi Icesave-mylluna.  Lítið er nú eftir af öllu talinu "Við borgum ekki.  Við eigum ekki að borga.  Við eigum að fara dómstólaleiðina.  Norðmenn bjarga okkur."  Indefence-hópur Framsóknarflokksins laug því að  fólki, að Icesave gufaði upp, ef nógu margir skrifuðu undir áskorun til forsetans.  Formenn stjórnarandstöðunnar hafa talað einsog Steingrímur J. hafi uppdiktað Icesave-myllunna af illmennsku einni og mannsvonsku.  Sannleikurinn er sá, að Icesave er skilgetið afkvæmi grillgróðapungastefnu Sjálfstæðisflokksins, frjálshyggjunnar.  Sem lýsir sér í eftirfarandi bulli:  Græðgi er góð!  Sjálfstæðismenn eru þannig fólk, að þeir vilja græða á daginn og grilla á kvöldin!   Ekki veit ég, hvað stór hluti svokallaðra Sjálfstæðismanna samsama sig svona bulli! En þetta eru orð flokkshugmyndafræðingsins!

Mörg stórmál óleyst á ársafmæli stjórnar

Bjarni tekur snúning á Icesave-deiluna! Lóð á vogarskálar sáttar?

Hvað á Bjarni við með þessum orðum: ...allt það sem þeir hafa lagt fram?  Hollendingar og Breta lögðu fram 1300 milljarða, þeir hafa viljað 750 milljarða til baka með vöxtum miðað  við eftirstöðvar hverju sinni!  Fóru þeir fram á alla upphæðina núna, þ.e. 1300 milljarða?  Eða heldur Bjarni bara að það hafi alltaf verið þannig?  Hvaða meining er í þessu útspili hans?  Kannski vill hann ekki sátt stjórnar og minnihluta þingsins?  Er þetta enn eitt "dauðaspil" hans í öllu samstöðutalinu?

http://dagskra.ruv.is/sjonvarpid/4497888/2010/01/30/5/

Reglur sveigðar og beygðar, og lögin brotin.

Einhvernvegin hvarflar að manni, að menn hafi ekki tekið lög og reglur mjög alvarlega undanfarin ár.  Að menn hafi leyft sér að fara sínu fram.  Ýmislegt hafi fengið að viðgangast óátalið af hálfu endurskoðenda og skattstjóra landsins.  Litið hafi verið á sumt sem smámál, sem ekki hafi verið vert að fetta fingur útí.  Svona einsog hvern annan rófuþjófnað.  Mál Ásbjörns hefði aldrei komið uppá yfirborðið, nema vegna (óþarfa?) spurninga blaðamanns. 

Hvað eru mörg svona mál undir yfirborðinu?

Eru skattskýrslur fyrirtækja og eigenda þeirra ekki yfirfarnar?  Eða ársreikningar fyrirtækjanna?

Eða telst svona nokkuð bara tittlingaskítur, sem óþarfi er að gera veður útaf?

Ólögleg arðgreiðsla Ásbjörns rannsökuð

Herra misskilinn! Þetta hlýtur að vera einhver misskilningur!

"Við höfum gleymt því að það eru tvær meginstoðir vestrænnar arfleifðar sem við erum stolt af. Annars vegar er það þróun hins frjálsa markaðar. Hins vegar er það þróun lýðræðis. Það sem ég gerði, þegar ég stóð frammi fyrir þessari ákvörðun, var að velja á milli fjármagnsins og lýðræðisins. Ég ákvað að fylgja lýðræðinu.“  ÓRG á CNN.  (Eitthvað er mikið bogið við þessa röksemdarfærslu).

Ég leyfi mér að gera eftirfarandi athugasemdir:  1.  Að þróun hins frjálsa markaðar sé önnur af meginstoðum vestrænnar arfleifðar!  2.  Að þróun hins frjálsa markaðar sé eitthvað til að vera stoltur af!

Svipaðar efasemdir má hafa um þróun lýðræðisins! 

Bjarni Ben við ráðherrana í Haag: Icesave fari fyrir dóm ef þið haldið kröfum til streitu

Þetta kemur fram á vefsíðu Björns Bjarnasonar fyrrverandi dómsmálaráðherra í kvöld.  Sjá skrif á Eyjunni:  http://eyjan.is/blog/2010/01/30/bjarni-ben-vid-radherrana-i-haag-icesave-fari-fyrir-dom-ef-thid-haldid-krofum-til-streitu/

Sjálfstæðismenn virðast hafa þurrkað haustið 2008 útúr minni sínu. BB velur að muna ekki eftir minnisblaðinu fræga frá 11/10 ‘08, samningnum við ESB 14/11 ‘08 (sjá frétt frá 16/11 ‘08) eða þingsályktuninni um ríkisábyrgð frá í desember 2008! Nei, í samræmi við eðli sitt velur hann skítkast útí þá stjórnmálamenn, sem tóku að sér að þrífa hér upp eftir 18 ára óstjórn X-D í efnahagsmálum! Ómerkilegri verða stjórnmálamenn ekki en Björn Bjarnasons! Burgeisabarnið Bjarni Ben talar að venju svo digurbarkalega, að efast má um veruleikatengsl hans. Ætli honum væri ekki nær að draga sig í hlé frá stjórnmálum. Nú þegar allt stefnir í að yfirvöld snúi sér að rannsókn á hinu meinta peningahvarfi úr Sjóvá; 10 Milljarðar+ munu hafa verið sogaðir úr fyrirtækinu af hinnu “eðlu ætt” Bjarna Ben, skv fréttum.
Og innan tíðar má reikna með, að ekki færri en 5 þingmenn Sjálfstæðisflokksins verði teknir til rannsóknar af Efnahagsbrotadeild Ríkislögreglustjóra eða Sérstökum Saksóknara!
Að lokum um ferðina miklu: Enn eitt floppið á ferli lýðskrumaranna Bjarna og Sigmundar Davíðs. Ráðherrarnir, sá breski og sá hollenski, eru ekki fæddir í gær. Þeir vita uppá hár hver pólitísk staða drengjanna er, og reynsla. Sennilega átta þeir sig betur á Bjarna og Sigmundi, en þeir sjálfir. Halda Bjarni og Sigmundur að það dugi að tala digurbarkalega við sjóaða stjórnmálamenn? Einsog á flokksfundum? Og við íslenska blaðamenn? Bjarni og Sigmundur eiga ekkert undir sér. það gera allir sér ljóst, nema þeir sjálfir og auðsveipnustu flokksmenn þeirra! Þetta eru bara látalæti í pabbadrengnum Birni Bjarnasyni, þessi skrif hans um pabbadrengina ferðaglöðu!

Bjartsýnir eftir fund í Haag

Ástir samlyndra flokkssbræðra! Þessir eru sko í sama liði!

"Mér til sárrar raunar eru til menn, sem kosið hafa að afflytja ræðu mína á flokksráðsfundinum sem einhvers konar ádeilu á Davíð Oddsson seðlabankastjóra. En sem betur fer er eindreginn stuðningur við Geir H. Haarde ekki andstaða við Davíð Oddsson. Þeir hafa verið samherjar í stjórnmálum, vinir og samverkamenn í nær fjörutíu ár. Það er þjóðinni mikil gæfa, að svo reyndur og hygginn forystumaður sem Davíð skuli hafa valist í stöðu seðlabankastjóra við þessar erfiðu aðstæður. Hann er eins og Geir hafinn yfir sérhagsmuni. Í frábærum sjónvarpsþætti síðastliðið þriðjudagskvöld skýrði Davíð út, hvað hefur gerst og hver leiðin út úr ógöngunum er. Þar nutu bestu kostir hans sín. Hann er ekki aðeins vígfimur, heldur manna úrræðabestur og kjarkaðastur, heilsteyptur og hreinskilinn. Svik eru ekki til í hans munni, eins og ég get borið vitni um eftir löng og góð kynni af honum. Þeir Geir og Davíð hafa staðið þétt saman síðustu daga og vikur og munu gera það áfram. Þeir hafa hvergi látið bilbug á sér finna.

Ef við njótum áfram forystu og starfskrafta þessara tveggja manna, er ég ekki í neinum vafa um, að okkur tekst að komast klakklaust úr aðsteðjandi erfiðleikum."

Mér er ekki grunlaust um að ýmsir sakni þessara tveggja höfðingja, sem Kjartan Gunnarsson mærir hér.  En hvort jafnvægi kæmist á í sálarlífi hinna sömu, kæmust þeir til  hinna opinberu valda á ný, efast ég um!

Háttvirtur þingamaður, Ásbjörn Óttarsson!

Ég þakka þér fyrir!  Þetta vekur með mér trú og von á framtíðina!  Þetta sýnir, að þú hefur talsvert betri siðferðiskennd en formaður þinn, Bjarni Benediktsson, og reyndar margir fleiri þingmenn, sem ég hirði ekki um að nefna!  En sem sagt, gott hjá þér!

Margir þingmenn þurfa nú að fara að huga að stöðu sinni!  það er varla við hæfi, að þeir sitji á þingi meðan Efnahagsbrotadeild Ríkislögreglustjóra og Sérstakur Saksóknari rannsaka mál þeim tengd.  Einsog allt bendir til að sé í uppsiglingu.  Ef allt er með felldu, það er að segja!  Margur hefur reyndar efasemdir þar um!

Segir sig úr þingmannanefnd