Hið fullkomna hrun í árslok 2010 eða 2011.

Fullkominn stormur

Fimmtudagur, 23. Júlí, 2009

Deila á Facebook Tweeta á Twitter

Hagfræðingurinn Nouriel Roubini spáir "fullkomnum stormi" undir lok næsta árs eða 2011. Met ríkishalli, verðbólga og arsemiskröfur ríkisskuldabréfa munu kalla á aðra kreppu á eftir þessari. Hann spáir að yfirstandandi kreppa muni ljúka undir lok þessa árs.

 

Hlutabréf og allir helstu markaðir hafa rokuð upp í virði, eftir jákvæðar tölur víða úr bandaríska hagkerfinu. Húsnæðisvelta er að aukast, og hagnaður ýmissa fyrirtækja hafa reynst fram úr vonum. Einnig hjálpaði til hagvaxtartölur Kínverja en þeir segja hagkerfið hafa vaxið um 7.9% á öðrum ársfjórðungi.

Nouriel Roubini er sá hagfræðingur sem þykir hvað svartsýnastur, en sannspár. Hann spáði fyrir um heimskreppuna, og taka markaðir yfirleitt mikið á hans orðum. Sást það glöggt þegar fjölmiðlar rangtúlkuðu orð hans á þá vegu að hann teldi kreppuna ljúka fyrir áramót. Við það ruku upp hlutabréfavísitölur, en hann hefur þurft að koma í fjölmiðla til að leiðrétta þessa rangtúlkun. Hann spáir nefnilega tveimur kreppum.

Bloomberg greinir frá þessu í dag, en Roubini sér fyrir sér “fullkominn storm” seint á næsta ári eða 2011, vegna hallarekstur á ríkissjóði Bandaríkjanna, aukna arðsemiskrafna og mikillar hækkunar á olíuverði. Roubini spáir 1% hagvexti næstu tvö árin í Bandaríkjunum og að atvinnuleysi muni fara upp í 11%. Vegna stöðu atvinnumála spári Roubini að húsnæði eigi eftir að lækka um 13-18% frá því sem komið er, sem er um 45% lækkun frá upphafi kreppunnar. Kreppan sem væntanleg er mun valda nýjum og meiri skaða á fjármálastofnum Bandaríkjanna.

-GKÞ

 

Sölumaður deyr!

Einu gleymdi Össur að bjóða EBS:  Fjármálasnillinga og svikahrappa!  Þá eigum örugglega flesta miðað við höfðatölu í Evrópu!  Enda stöndum við þeim svo miklu framar á flestum sviðum!   

Íslenskir bankamenn sem hönnuðu íslenska viðskipta módelið. Er ekki hægt að halda alþjóðlega sýningu á þessum dýrum.  Svona alþjóðalega svikahrappastefnu, sbr. bókastefnur.

þar glopraði ég útúr mér þessari fínu viðskiptahugmynd.

Ég sé aðstoðamann forsætisráðherra fyrir mér sem "verndara" sýningarinnar.  Það eru allir orðnir leiðir á Vigdísi. 

„Getum lifað án Evrópu“

12 ástæður til að hafna Evrópusambandsaðild.

 

1. Fullveldisframsal

Með aðild að ESB færist vald yfir veigamiklum þáttum fullveldis okkar til Brussel. Dæmi: 1) yfirráðin yfir 200

mílna fiskveiðilögsögu; 2) rétturinn til að gera fiskveiðisamninga við önnur ríki; 3) rétturinn til að gera

viðskiptasamninga við önnur ríki; 4) rétturinn til að afnema tolla eða leggja á tolla; 5) æðsta dómsvald til

ESB-dómstólsins o.s.frv. ESB-aðild er þess eðlis að hún útheimtir breytingu á stjórnarskrá Íslands í

grundvallaratriðum. Það væru mikil afglöp gagnvart komandi kynslóðum ef við afsöluðum fullveldisréttindum

þjóðarinnar í hendur öðru ríki eða ríkjasambandi. Ákvörðun um ESB-aðild má því ekki taka út frá

skammtímasjónarmiðum, svo sem aðsteðjandi kreppu eða vandamálum tengdum gengi krónunnar, heldur

verður að horfa áratugi fram í tímann og minnast þess að einmitt í krafti sjálfstæðins bætti þjóðin lífskjör sín

frá því að vera ein fátækasta þjóð Evrópu og til að verða ein sú ríkasta.

2. Nýtt stórríki

Seinustu sex áratugi hefur ESB þróast hratt og fengið öll helstu einkenni nýs stórríkis sem stjórnað er af

forseta og ríkisstjórn, þingi og æðsta dómstól og hefur sameiginlega utanríkisstefnu og fiskveiðilögsögu,

landamæraeftirlit, stjórnarskrá, fána og þjóðsöng og stefnir að einum gjaldmiðli. Ekkert bendir til þess að

þessi þróun sé á enda runnin. Meginmarkmiðið með framsali aðildarríkjanna á mikilvægustu þáttum fullveldis

síns til miðstjórnarvaldsins í Brussel er að byggja upp nýtt risaveldi sem þjónar innri þörfum Sambandsins,

þ.e. þeirra hagsmuna og viðmiða sem þar eru ríkjandi. Réttarstaða aðildarríkjanna verður hliðstæð fylkjunum

í Bandaríkjum Ameríku sem hafa sjálfstjórn í vissum málaflokkum en búa við skert sjálfstæði og sterkt

alríkisvald.

3. Völd litlu ríkjanna fara minnkandi

Völd lítilla ríkja í ESB fara smám saman minnkandi en völd hinna stóru vaxandi. Stefnt er að

meirihlutaákvörðunum í stórauknum mæli með hliðsjón af íbúafjölda aðildarríkjanna. Ísland fengi 3 atkvæði

af 350 í ráðherraráðum, þar sem mikilvægustu ákvarðanir eru teknar, og 5 atkvæði af 750 á ESB-þinginu.

Sjálfstæð rödd Íslands myndi að mestu þagna á vettvangi Sameinuðu þjóðanna. Því fámennara og

áhrifaminna sem aðildarríki eru þeim mun meiri er skerðing sjálfstæðisins og hvergi yrði sú skerðing jafn

tilfinnanleg og hér, m.a. vegna þess hve sjávarútvegur vegur þungt í efnahagslífi okkar og orkuauðlindirnar

eru miklar og vannýttar. Hætt er við að Ísland verði eins og hreppur á jaðri risaríkis þegar fram líða stundir.

4. Samþjöppun valds í ESB

Í ESB hefur mikið vald færst til embættismanna í Brussel og til ráðherra sem taka veigamestu ákvarðanir.

Þingið hefur fyrst og fremst staðfestingar- og eftirlitsvald. Almennir þegnar í aðildarlöndunum hafa því lítil

áhrif á þróun mála og afar dræm kosningaþátttaka til þings ESB sýnir hve framandi og fjarlægt Brusselvaldið

er þeim. Lýðræðishallinn í ESB er ein og sér næg ástæða til að hafna ESB-aðild. Valddreifing er tímans kall

en sívaxandi valdasamþjöppun í miðstýrðum stofnunum ESB sem að litlu leyti lúta eftirlitsvaldi kjósenda er

tilræði við þróun lýðræðis í Evrópu. Á Íslandi geta kjósendur fellt ríkisstjórn sem þeim líkar ekki við en í ESB

hefðu þeir engin áhrif á hverjir yrðu hinir nýju yfirboðarar landsmanna.

5. Valdamiðstöðin er fjarlæg

Fjarlægð Íslands frá valdamiðstöðvum ESB og þekkingarleysi embættismanna þar á íslenskum aðstæðum

minnir okkur á hve fráleitt er að Íslandi sé stjórnað úr 2000 km fjarlægð. Hætt er við að brýnar ákvarðanir

sem varða okkur Íslendinga miklu velkist oft lengi í kerfinu í Brussel og það gæti orðið okkur til mikils skaða,

t.d. í sjávarútvegsmálum og á öðrum sviðum auðlindanýtingar. Margar ESB-reglur henta Íslendingum alls

ekki vegna smæðar íslensks samfélags og ólíkra aðstæðna í fámennu landi. Skemmst er að minnast

ESB/EES-reglnanna um bankakerfið og ábyrgð íslenskra skattgreiðenda á glórulausum rekstri einkabanka á

erlendri grund. Það reyndist baneitrað regluverk fyrir smáþjóð eins og Íslendinga. Við þurfum að geta sniðið

okkur stakk eftir vexti og valið það sem okkur hæfir best.

6. Atvinnuleysið er eitt helsta einkenni ESB

Stórfellt atvinnuleysi er eitt helsta einkenni á atvinnulífi ESB og fylgifiskur aðildar vegna þess hve

vinnumarkaður í ESB er þunglamalegur og hefur lítinn sveigjanleika. Atvinnuleysið sem skollið hefur á hér á

landi hefur verið daglegt brauð í mörgum ESB-ríkjum undanfarna áratugi. Einnig hafa mikilvægir þættir

vinnuréttar flust frá aðildarríkjum til ESB upp á síðkastið samkvæmt dómum ESB-dómstólsins.

7. Óhagkvæmt myntsvæði fyrir Ísland

Óhagræðið af sameiginlegri vaxta- og peningastefnu á evrusvæðinu þrátt fyrir mismunandi

efnahagsaðstæður í aðildarlöndum ýtir enn frekar undir atvinnuleysi í jaðarríkjunum. Ýmislegt bendir til þess

að ESB sé í raun ekki hagkvæmt myntsvæði, hvað þá að svæðið sé hagvkæmt myntsvæði fyrir Ísland. Án

þeirrar aðlögunar sem fæst í gegnum gengi krónunnar er víst að Íslendingar yrðu mun lengur að ganga í

gegnum hagsveiflur, ekki hvað síst jafn miklar og við nú búum við. Auk þess mun líða langur tími, jafnvel

áratugur þar til við uppfyllum Maastrichtskilyrðin og gætum tekið upp evru, ekki síst vegna mikillar

skuldsetningar ríkissjóðs eftir að ESB þvingaði okkur til að samþykkja ICESAVE kostnaðinn.

8. Úrslitavald yfir auðlindum

Það er grundvallarregla hjá ESB að stofnanir þess hafa „úrslitavald um varðveislu lífríkis sjávarauðlinda í

samræmi við sameiginlegu fiskveiðistefnuna". Allt tal um að Íslendingar geti fengið varanlega undanþágu frá

þessari meginreglu er ábyrgðarlaus áróður. Mörg aðildarríki hafa sótt það fast en ekkert þeirra fengið annað

en tímabundna aðlögun. Lögsaga Íslendinga yfir auðlindum sjávar umhverfis landið er sjö sinnum stærri en

landið sjálft. ESB fengi úrslitavald um hámarksafla sem leyfður yrði, veiðitegundir, veiðisvæði og veiðitíma.

Reglum um „hlutfallslegan stöugleika" (hliðsjón af veiðireynslu) getur meirihluti ráðherraráðsins breytt þegar

henta þykir og er það einmitt nú til umræðu. Rétti komandi kynslóða til fiskimiðanna yrði stefnt í mikla

hættu. ESB er að breytast mjög hratt og sú þróun stöðvast ekki þó að Ísland gangi inn. Líklegt er talið að

reglur um sjávar- og orkuauðlindir eigi eftir að breytast.

9. Hernaðarveldi í uppsiglingu

Í Lissabonsáttmálanum, sem verður ígildi stjórnarskrár ESB, eru heimildir fyrir Evrópusambandsher. ESB gerir

ráð fyrir að í framtíðinni þurfi Sambandið að efla hernaðarmátt sinn og áskilnaður er í grein 42. í

Sambandssáttmálanum (The Treaty on European Union, TEU) að stofnaður verði her til að gæta hagsmuna

ESB, bæði í Evrópu og annars staðar.

10. Kvótalaust sjávarþorp?

ESB-aðild útheimtir að opnað sé fyrir fjárfestingu erlendra fyrirtækja í sjávarútvegi. Íslensk útgerð er mjög

skuldum vafin og í erfiðu árferði gætu veiðiheimildir auðveldlega safnast á hendur erlendra auðfélaga og

arðurinn (virðisaukinn) þannig flust úr landi. Ísland gæti því „breyst í kvótalaust sjávarþorp", eins og nýlega

var bent á.

11. Samningsrétturinn glatast

Um þriðjungur af verðmæti sjávaraflans fæst úr svonefndum deilistofnum sem flakka úr einni lögsögu í aðra.

Hingað til höfum við Íslendingar haft samningsrétt við önnur ríki, svo og ESB, um veiðar úr þessum stofnum.

Við ESB-aðild myndum við framselja það vald til yfirstjórnar ESB. Nýjar tegundir bætast við lífríkið í lögsögu

Íslendinga með hækkandi hitastigi sjávar, t.d. nú seinast makríll. Ef við hefðum afhent ráðamönnum ESB

samningsréttinn og hlýtt boðum þeirra og bönnum væri nær ekkert veitt hér af þessum tegundum, t.d.

kolmunna sem skilað hefur tugmilljarða króna virði í þjóðarbúið á hverju ári.

12. Þungt högg fyrir landbúnaðinn

Íslenskur landbúnaður veitir okkur öryggi í fæðuframleiðslu af miklum gæðum auk þess sem hann styrkir

jöfnuð okkar í viðskiptum við aðrar þjóðir og heldur uppi atvinnu og byggð í landinu. ESB-aðild yrði þungt

högg fyrir landbúnaðinn sem sviptur yrði tollvernd. Samdráttur í búvöruframleiðsu myndi valda auknu

atvinnuleysi víðs vegar um land í sveitum og þéttbýli sem byggir afkomu sína á framleiðslu

landbúnaðarafurða. Eftir hrun fjármálalífsins er nauðsynlegra en nokkru sinni fyrr að spara gjaldeyri og draga

úr atvinnuleysi í stað þess að auka innflutning á kostnað innlendrar framleiðslu og hækka heildargreiðslu til

atvinnuleysisbóta.

Vilt þú taka þátt í baráttunni fyrir sjálfstæði Íslands? Skráðu þig í Heimssýn á www.heimssyn.is

Á vefsíðunni má finna greinar og bæklinga um ESB málefni.

Huggun harmi gegn!

Ýmislegt merkilegt við þetta glæpasamband, Evrópusambandið.  Hvað eru Tyrkir búnir að bíða lengi!  Þeir sóttu um 1987.  Við höfum því talsverðan tíma til að berjast gegn inngöngunni.  Ég skora á alla að kynna sér spillinguna í ESB.  Víst er það oftast aðeins yfirborðið sem kemur fram á netinu, en þó ansi ýtarlegar upplýsingar um málin stundum.  Svo er vert að kynna sér það gervi-lýðræði sem ríkir í Sambandinu.  T.d. atkvæðagreiðslur í þessu sýndarmennskuþingi þeirra!

Carl Bildt er í miklum metum hjá Össuri Skarphéðinssyni þessa dagana.  Getur verið að Össur sé nú loks að átta sig á raunverulegum stjórnmálaskoðunum sínum, þ.e. að hann er ekki vinstri maður heldur hægrimaður. Enda náttúrulega Evrópusambandið, sem Össur langar svo að komast í, með afbrigðum hægrisinnað.  Kannski Össur ætti bara að skipta um ríkisfang.  T.d. gæti hann fengið sænskan ríkisborgararétt með forgangshraði hjá vinum sínum Svíum.  Kalli Bildt reddar því örugglega.  Þá væri Össur kominn í ESB.  Og forysta SF gæti fylgt á eftir.

En íslenska þjóðin fengi að vera í friði við leysa sín mál án þessa áróðurs um ágæti Frjálshyggjubandalagsins.  Stórríkisins Evrópu.

Össur og co. gætu jafnvel orðið flokksfélagar Carls Bildts.  Og hæfði þar kjaftur skel!

Vilja ekki að Ísland fái forgang

Welcome to the monkeyhouse!

Reglurnar eigi ekki alltaf við

Steingrímur J.: Það má þá alveg skoða það!

Fjármálaráðherra: Við komumst betur út úr þessu en óttast var

Segir hann!  En trúir hann því sjálfur?  Ekki trúi ég því!  Það kemst nefnilega fljótt uppí vana að beita lyginni hjá valdsmönnum!  Steingrímur ekki undanskilinn! 

Steingrímur J. Sigfússon fjármálaráðherra segir að Íslendingar komist betur út úr kreppunni en óttast var. Mynd/ Pjetur.

Jón Hákon Halldórsson skrifar:

„Vélarnar eru í fullum gangi," er haft eftir Steingrími J. Sigfússyni fjármálaráðherra á vef breska blaðsins Telegraph. Telegraph segir raunar að hið sama eigi við um Steingrím J. Sigfússon sem hafi í síðustu viku komið á fót þremur nýjum bönkum í stað þeirra gömlu. Hagkerfið sé að komast í eðlilegt horf að nýju. „Við munum komast betur út úr þessu en óttast var," er haft eftir Steingrími. „Við finnum fyrir virkni í hagkerfinu og að mörgu leyti má þakka genginu það," bætir hann við.

Telegraph segir að gengi krónunnar hafi fallið um helming gagnvart evru frá því að bankarnir þrír hrundu í október á síðasta ári og íslenska hagkerfið með. Ekkert sé ódýrt á Íslandi en verðlagið sé þó viðráðanlegt. Kaffihúsin séu um þessar mundir full af ungmennum frá Evrópu sem geti notið næturlífsins. Á Íslandi megi nú finna vel stæða japanska ferðamenn, sem eitt sinn voru sjaldséðir. Þeir fari á matsölustað Sigga Hall eða í verslanir 66° Norður í Bankastræti, sem dæmi.

Telegraph segir að Efnahags- og framfarastofnunin (OECD) búist við því að samdráttur verði um 7% á Íslandi þetta árið. Það sé töluvert minni samdráttur en í Írlandi, þar sem hann verði 9,8%. Hagkerfið hér muni jafna sig hraðar en á Írlandi.

Telegraph gerir hins vegar ekki lítið úr vanda Íslendinga. Til dæmis hafi launþegar tekið á sig allt að 10% launalækkanir. Þá standi Íslendingar frammi fyrir 5% niðurskurði í heilbrigðis- og velferðarkerfinu, 7% niðurskurði í menntakerfinu og 10% niðurskurði annarsstaðar í opinberum rekstri.

Eigum við ekki að kætast þegar niðurstaðan er komin?  Hvernig verður ástand velferðarkerfisins, skólakerfisins, heilbrigðiskerfisins o.s.frv., loks þegar Íslendingar eru lausir við AGS.  Verður þá komið annað útlent frjálshyggjustjórnvald í landið, nefnilega EU, Evrópusambandsvaldið?  Þá mætti segja, að við hefðum farið úr öskunni í eldinn. 

Hér höfum við búið við glæpsamlega starfsemi auðvaldsins í mynd hinna fyrrverandi auðmanna.  Gerspillta auðmenn, embættismenn og stjórnmálamenn!  Í EU er ástandið hálfu verra.  EU getum við ekki komið í burt með búsáhalda"byltingu".  Við það losnum við ekki, förum við inn á annað borð! 

Treystum ekki agentum Evrópusambandsins!  Leitum okkur sjálf upplýsinga!  Gott að byrja á að gúggla "eu corruption".  Þar getum maður séð, hvernig glæpasamsteypan Evrópusambandið er í raun!  Þar situr meðal annarra álíka dæmdur skjalafalsari (slapp frá fjársvikaákæru), fyrrum valdsmaður í kúgunarstjórn Rússa í Eistlandi, í einu af efstu embættum EU.  Var um tímaq næstæðsti yfirmaður OLAF, stofnunar sem á að rannsaka svikastarfsemi í EU!  Þessa dagana er verið að leita að 6,1 milljón Evra sem hurfu í Búlgaríu í boði embættismanna EU. 

Það verður feitan gölt að flá fyrir íslenska fjármála"snillinga."  Þessa sem rændu þjóðina!

Það er hægt að vera til eilífðar nóns að lesa um spillinguna í Evrópusambandinu.  Svikin og tengslin við skipulagða glæpastarfsemi, m.a. mafíuna á Ítalíu og Frímúrararegluna!

En íslenskar bændadætur?

Nei. ég segi nú bara svona!  Þrifalegar íslenskar geta áreiðanlega komið guðunum úr jafnvægi! 

 Veður hefur verið ansi þurrt hérna suð-vestanlands í sumar.. Annað en í fyrra.  Hver var að striplast...það er farið að rigna!

Plægja akra naktar til að kalla fram regn

Hér ganga ca 20-30 stórhættulegir fjársvikarar lausir!

Og enginn vilji til að koma þeim bak við lás og slá!  Eigum við að skipta?

Hættulegir fangar á flótta í Belgíu

Hámark spillingarinnar!

Frá Milestone í endurreisn

Þraukum frekar án AGS, Icesave, EU og "vina" okkar á Norðurlöndum! Þá höldum við líka voninni um bjartari framtíð!

Við eigum þá einhverja von um að geta byggt upp mannsæmandi þjóðfélag, þegar loksins við höfum klórað okkur í gegnum vandræði okkar.  Með AGS, Icesave, EU og "vinum" okkar á Norðurlöndunum eigum við enga von.  Og róðurinn verður enn erfiðari án vonarinnar!  Þetta verður erfitt, en það verður enn erfiðara með AGS, Icesave, í EU og með "vinum" okkar á Norðurlöndunum.

Það er engin framtíð án vonar!

Ennfremur legg ég til að sósíalistarnir í Vg leggi fram vantraust á ríkisstjórnina!

Icesave: Gæti stefnt í óefni