Burt með AGS, stofnun alþjóðakapítalismans!

Losum okkur við AGS áður en það verður of seint  Áður en AGS þvingar ríkisstjórnina til að keyra hér allt niður með niðurskurði.  Þurfum við að svelta okkur gegnum þetta þá verður bara að hafa það.  Förum á danska kúrinn, en hann er skilgreindur þannig:  Maður fer til Danmerkur og þar hefur maður ekki efni á að éta!  Það er danski kúrinn!

Svo þarf forysta Vg að skipta um nafn á flokknum.  U-flokkurinn er réttnefni á flokknum eftir stefnubreytingu forystunnar, flokkseigendafélagsins.  Þessarar forystu sem gerði flokkinn að hjáleigu auðvaldsins.

Ennfremur legg ég til að sósíalistarnir í U-flokknum segi sig úr honum og leggi fram vantraust á ríkisstjórnina!  Þetta er ekki lengur hægt!  Hér veður spillingarliðið uppí í skjóli FME, Seðlabankans og ríkisstjórnarinnar. 

Vill að AGS leggi spilin á borðið

Útifundur á Austurvelli. Laugardag kl. 15.00.

 

Á morgun verður útifundur á Austurvelli.   

Berjumst fyrir réttlæti!  Gegn Icesave!  Gegn ESB!  Fyrir réttlæti og jafnrétti!  Fyrir sósíalisma!  Gegn Auðvaldi og auðmönnum! 

 Mætum og sýnum samstöðum!  Mæting frá ca. 14.00

Látum ekki Hollendinga og Breta vaða yfir okkur.  Við gáfumst ekki upp fyrir yfirganginum í þorskastríðunum.  Hversvegna að gera það nú?

Rauður Vettvangur.

Birgitta: Það er ljótt að hlæja að aumingjum! Skammastu þín Ólína!

Nei,  í alvöru talað, EINELTI ER ÓLÍÐANDI, hvort heldur á vinnustöðum, skólum eða hvar sem er.  Og því miður má halda því fram að einelti hafi viðgengist á Alþingi um árabil.  Ég held því fram, að að minnsta kosti tveir þingmenn hafi sætt einelti af hálfu annarra þingmanna á fyrri kjörtímabilum.

Ófriðurinn sem skapaðist í kringum skólameistarann Ólinu Þorvarðardóttur hefur kannski verið vegna þess.  Ég veit svo sem ekkert um það en mér dettur það svona í hug í þessu sambandi.  Því miður er það þannig, að stundum heldur maður, að fólk hafi meiri siðferðisþroska en raun ber svo vitni um.  Svo virðist vera í þessu tilviki.

En kannski finnst þeim stöllum í Samfylkingunni, að það sé ekki sama hver er!  Oft er það þannig þegar meðvirkni fer í gang.  Og svo er líklegt, að"stelpurnar" haldi  vænlegt til frama að vera viðhlæjandi FORSÆTISRÁÐHERRA!

Fyrrverandi bankastjóri Werner-bræðra tjáir sig!

Ein spurning til Tryggva Þórs:  Veist þú eitthvað um samkeppni eða samkeppnishæfni?

Eða, eins Davíð heitinn (alltaf gaman að minnast á hann) sagði sællar minningar:  Á maður að taka eitthvað mark á þér?  Manni sem er búinn að reka banka í þrot!

Hann átti sína spretti líka, meðan hann var og hét!

Laun forstjóra ríkisbanka ekki samkeppnishæf

Vöxtur og vextir og vaxtavextir! Og skortur hagfræðinnar!

Hagvöxtur eykst rétt eftir að kreppunni líkur.  Það er á meðan verið er að koma nauðsynlegri þjónustu í gang og endurreisa fyrirtæki sem auðvelt er að koma í rekstur aftur.  Og síðast, fólk verslar vöru og þjónustu sem það gat verið án og  gat sparað við sig í kreppunni.  Endurnýjar eitt og annað sem gekk úr sér meðan ekki voru til peningar til að endurnýja.  Þetta er hin einfalda hagfræði heimilisins.  Byggð á almennri skynsemi.  Þarf engan langskólagenginn hagfræðing til að segja manni þetta.  Sem sagt vöxturinn tekur smá kipp, yfirskot, en hægir svo snarlega á sér aftur!

Hvað sagði Sverrir:  Guð forði mér frá hagfræðingum?  Eða hvað? 

Skilgreining Skarfsins á hagfræði nútímans:  Hagfræði er frjálshyggjukjaftæði, sem búið er að klæði í algebru-búning!  Helstu stærðir eru klæddar í feluhugtakið "skort" og um þær stærðir snúast dæmin sem hagfræðingur sveitist við að leysa alla daga!

Feluhugtak= hugtak sem tjáir eitthvað allt annað en nafnið sem það ber!  Stöku sinnum er þó beint samband milli nafnsins og inntaksins.

Hraður vöxtur eftir kreppu

Hefðu betur látið það ógert!

Litháar hefðu kannski átt að kanna hvort íslenska þjóðin óskaði eftir svona trakteringum.  Hugsanlega er það nefnilega í óþökk meirihluta Íslendinga að fá svona yfirlýsingar.  Kannski hefur ráðuneyti utanríkismála ekki upplýst þá um sannleikann.  Heldur aðeins óskir Samfylkingarinnar!

Fer Össur um lönd með hálfsannleik,  þ.e.a.s. lygi?  Ef svo er hlýtur hann að vera í einkaerindum!

Litháíska þingið styður aðild

Nú á að selja undan þjóðinni!

Glæpahneigðin brýst fram með misjafnlegum hætti!  Einn brýst inn, annar selur erlendum auðhringum aðgang að orkufyrirtækjum landsins.  Einn brýtur lög, meðan hvítflibbinn fremur samfélagslegan glæp.  Athugið að hinn síðari varðar ekki við lög, og telst því ekki glæpur lögum samkvæmt!

Kaupir 11% hlut HS Orku af Geysi

Förum á Austurvöll að mótmæla!

Mótmæli gegn Icesave á Austurvelli

Er eftirspurn eftir útbrunnum og gerspilltum íslenskum stjórnmálamönnum í ESB?

Ég hélt að þeir ættu nóga slíka.  Íslensk þjóð er búin að fá nóg af spillingunni og vill siðbót þjóðfélagsins.  Siðbót sækjum við ekki í Evrópusambandið!  Efnahagslífið er í rúst.  Í hruninu töluðu margir um nauðsyn siðbótar og endurreisnar siðferðis í landinu.  Það hefur ekkert gerst í þeim málum og opinber umræða um málið er engin.  Öll umræða hefur snúist um fjármálalífið og nánast einsog fyrirtæki í þeim bransa hafi verið einu fyrirtækin í landinu.  Flestar aðgerðir hafa snúið að fjármálafyrirtækjum.  Hér hafa farið fram samhæfðar björgunaraðgerðir miðaðar við kapítalismann og kapítalistana!  Annað hefur varla verið á dagskránni.  Að endurreisa 2007!  Vonir standa til að aðgerðirnar drepi sjúklinginn!

Össur: Ísland hefur margt að bjóða ESB

HVAÐA REIÐI? Sárafáir mótmæla á Austurvelli!

                                         Undanfarnar vikur hafa nokkrar alþýðuhetjur mótmælt Icesave og ESB/EU daglega eftir hádegið!  Það eru ekki nema sárafáir sem hafa sýnt áhuga fyrir mótmælum þessum, og þá helst útlendir ferðamenn!  Ég hef komið þarna við stöku sinnum og telst því ekki til þessa alþýðuhetja, svo það sé á hreinu.  Ég skora á alla sem vetlingi geta valdið  að mæta og mótmæla Icesavesamningnum og/eða ESB.  EKKI SITJA EINN/EIN HEIMA MEÐ ÁHYGGJURNAR OG REIÐINA!

                                                 

Fjallað um reiði Íslendinga