skarfur

7.1.2009 | 18:36

Hvar eru götuvígin? Friðsamleg mótmæli eru ópíum fyrir fólkið!

Var að hlusta á Magnús Björn tjá sig um mótmælin og viðbrögðin við þeim. Innilega er ég sammála honm. Friðsamleg mótmæli eru ópíum fyrir fólkið. Öryggisventill fyrir reiðina, sem kraumar í samfélaginu. Og ekkert meira. Stjórnmálamennirnir og kapítalistarnir (hinir margnefndu auðmenn Íslands) taka ekkert mark á mótmælunum. Meðan mótmælin eru bara friðsamleg hafa þeir ekkert að óttast og telja sig geta haldið áfram sínu striki. Þeir óttast ekki pelsklæddar konur sem norpa á Austurvelli með ríkisstyrktum leikurum og rithöfundum. Og stöku almúgamenn. Enda ekkert að óttast. Lýðurinn mótmælir í friði og ró á Austurvelli. Kjörtímabilið ekki hálfnað. Lögreglan verndar auðmennina með styrktri sérdeild Ríkislögreglustjóra. Sem sagt það er ekkert að óttast. Leikarinn, forkólfur mótmælanna, gengur í lið með yfirstéttinni og sussar á þá sem láta ófriðlega eða eru líklegir til þess. Fréttamenn eru postulínskellingar, sem kalla mótmælendur skríl þá sjaldan sem þeir láta ófriðlega. Enda eru þessir fréttamenn á mála valdastéttarinnar, auðmannanna og stjórnmálamannanna, sem ber ábyrgð á því hvernig komið er fyrir þjóðinni. Því ófrelsi sem verið er að hneppa okkur í með skuldaklafanum . Einkennilegt að frjálshyggjumennirnir skuli ekki mótmæla. Þeir sem segjast vilja frelsi frelsisins vegna. Nú þegar valdastéttin er að hneppa þjóðina í skuldafjötra og ánauð. Svipta hana frelsi til athafna um ófyrirséða framtíð.

Nei, friðsamleg mótmæli breyta engu nema einhverjir koma heim minna reiðir, í bili.

Það verður aðeins lappað uppá kapítalismann og markaðskerfið. Það verður aðeins lappað uppá auðmennina seku. Það verður aðeins lappað uppá seku og spilltu stjórnmálastéttina.

Nema við látum af friðsamlegum mótmælum. Byggjum götuvígin. Kollvörpum valdastéttinn. Sviptum stjórnmálastéttina völdum. Sviptum auðmennina auði sínum, völdum og áhrifum. Sviptum þessa valdastétt völdum sínum. Þessa valdastétt sem hefur sett okkur á hausinn. Og skellir svo skuldinni á þjóðina!

Flokkur: Stjórnmál og samfélag | Facebook

Athugasemdir

Ég held að ég geti með góðri samvisku tekið undir hvert orð í þessum pistli þínum Auðun. Fáir hefðu getað orðað þetta betur. Það er ástæða til að óttast að mótmæli fari harðnandi nú á næstunni því hroki valdstjórnarinnar er óbreyttur og afneitunin alger sem fyrr. Óttast, sagði ég því vissulega er það spor í ranga átt ef blóðug átök þarf til að koma ríkisstjórninni í skilning um að hún beri ábyrgð á því skelfingarástandi sem nú er í augsýn.

Ég var að fylgjast með viðtali fréttamanns í Kastljósi við utanríkisráðherra okkar. Það var blátt áfram skelfileg stund. Þar var hrokinn slíkur og afneitunin að ekki fór á milli mála að frúin taldi af og frá að nokkrum bæri að stíga til hliðar vegna aðdraganda þessa ástands. Hún sá ekki hverjir það ættu þá eiginlega að vera. Og það var farið yfir ofanígjöf Umboðsmanns Alþingis við Árna Mathiesen.

Hún kvaðst bera fullt traust til Árna M. til allra góðra verka!

Árni Gunnarsson, 8.1.2009 kl. 00:08

Ingibjörg er úr öllum tengslum við veruleikann orðið, segið svo að vald spilli ekki, hún er gangandi sönnun.

Georg P Sveinbjörnsson, 8.1.2009 kl. 00:41

Já, Árni þakka þér fyrir það. Valdastéttir gefa ekki eftir völd sín baráttulaust. Það þurfti valdbeitingu til að koma á þessu borgaralega sam félagi, þó blóðið rynni í öðrum löndum. Vertu óttalaus! Við Íslendingar erum alltof duglausir og huglausir til að gera byltingu gegn yfirstéttinni okkar. Við lítum á þetta fólk sem góðviljaða landsfeður og mæður, ekki sem valdasjúk og gróðasjúk skrímsli í mannsmynd. Sjáðu bara myndina sem búið var að draga upp af Björgólfi Guðmundssyni. Mannúðarsinni og unnandi fagurra lista. Ekki útsmoginn kapítalisti með vafasamt fé í vösum.

Ingibjörg er fyrst og fremst að hugsa um eigin framtíð í valdastéttinni. Hún klórar Árna á bakinu eða rekur hníf í bakið á honum eftir hentugleika. Sama á við um hitt settið. Móttóið er: Ég fyrir mig!

Auðun Gíslason, 8.1.2009 kl. 10:09