"Frustreruð" íhaldsgyðja(!) í Kastljósi. "Þetta eru spennandi tímar fyrir SJÁLFSTÆÐISFLOKKINN."

það er ekkert venjulegt hvernig íhaldskellingarnar láta þessa dagana.  Fýlan og pirringurinn útí forseta lýðveldisins er engu líkur.  Sama má segja um fýluna og pirringinn útí Vg og SF.  Íhaldsgyðjan í kastljósinu var orðin fölrauð í framan af svekkelsi, ergelsi og of háum blóðþrýstingi.  Það var allt í góðu innan Sjálfgræðisflokksins.  Engin órói eða ágreiningur.  Þetta sagði líka borgarstjórnarflokkur flokksins mitt í bræðravígunum og hnífabardaganum.  "Blóðug" uppað eyrnasneplum mættu þau í viðtölin og sögðust styðja hvert annað og að í borgarstjórnarflokknum ríkti að sjálfsögðu einhugur.  Að viðtalinu loknu hélt svo þetta lið áfram að vega mann og annan, þ.e. segja Villa góða!  Fram að næsta viðtali!  Núna er þessi staða komin upp í stóra flokknum, og þar ríkir að sjálfsögðu alger einhugur og eindrægni.  Þau vorkenna Geir að sjálfsögðu of mikið til að stinga hann í bakið eftir að hann las uppúr sjúkraskýrslu sinni fyrir þjóðina í beinni útsendingu.  Í stað þess vega þau hvert annað í "blóðugum" hnífabardaga um formannnsstólinn.  Og þess vegna þorir sjálfgræðisflokkurinn ekki að halda prófkjör, heldur verður stillt upp á lista á landsfundinum.  þessum sama og mun kjósa næsta formann.  Bak við luktar dyr mun bardaginn um stólinn og sætin fara fram.  Og í miðjum bardaganum mun verða hlé til að lýsa yfir eindrægni og bróðerni og samheldni.  "Blóðug upp að eyrnasneplum."  Svo bætist ágreiningurinn um ESB og evruna við.  Og menn og konur munu vega mann og annan í bróðerni, eindrægni og einhug!  Svekkelsi!  Óli óvinur nær að enduróma vilja þjóðarinnar á blaðamannafundi í beinni útsendingu!  Urr!  Urr!  Allskyns "sérfræðingar" halda þetta og hitt um hluti sem þeir hafa ekkert vit á.  Sagnfræðingur breytist í einu vetfangi í stjórnskipunarsérfræðing, hagfræðingur í stjórnmálafræðing:  Óli óvinur...  Spælingin er ferleg!  Skoðanir Vg varða við stjórnarskránna, þá einu í heiminum sem virðist taka svikahrappa fram fyrir þjóðina.  Allar ófarir Sjálfgræðisflokksins er órólegu deildinni í SF að kenna.  Helvítið hún Ingibjörg að geta ekki drullast til að vera frísk.  Þannig að lýðræði fái ekki að blómstra Sf.  Það er alveg ómögulegt að hafa frítt spil með skoðanir í stjórnmálaflokkum.  Sjáiði bara okkar flokk.  Þar ríkir sko agi sem sjálfur Stalín hefði öfundað okkur af.  "Við höfum öll sömu skoðunina, inná milli bræðravíganna, og formaðurinn talar fyrir okkur öll.  Forysta okkar veit sko hvað okkur er fyrir best, milli bræðravíganna."  Helvítið hún Ingibjörg að geta ekki komið sér upp Lenínískum aga í SF, einsog okkar formaður.

Bitrir, svekktir, spældir og ergilegir útí allt heila klappið!

Tómas Orri Hreggviðsson "porna dog"?

Tómas þessi veður hér um á blogginu með sóðakjaft.  Líklegast til er þetta svokallaður "porno dog." 

Jóhanna er "cool." Þjóðin og félagshyggjan í forgrunn!

       

Ár iðjusemi runnið upp að kínversku tímatali.  Vel við hæfi, því nú rennur upp tími iðjusemi í ríkisstjórn!

Ekki tími fyrir málfund

Nýtt lýðveldi.

  www.nyttlydveldi.is 

Morgunblaðið og Viðskiptablaðið eru ríkisrekin!

Athyglisvert að málgögn nýfrjálshyggjunnar, Morgunblaðið oog Viðskiptablaðið,  eru rekin á kostnað ríkisbankanna, og þar með ríkissjóðs!  Mbl. kostar okkur 150 milljónir á mánuði og Viðskiptablaðið 10 milljónir.  Samtals er þetta 160 milljónir á mánuði eða tæpir 2 milljarðar á ári.  Þarna má spara 2 milljarða af skattpeningum okkar!  Setjið þessa snepla í gjaldþrot og spörum okkur þessa peninga!

Forsetinn er ógnun við lýðræðið, skv. innmúruðum innstu koppum Sjálfstæðisflokksins!

 

SJÁLFGRÆÐISFLOKKURINN, STJÓRNARMYNDUNARUMBOÐIР OG FORSETINN.

 

Nú eru sjálfgræðismenn farnir að atast í forsetanum enn á ný.  Á sínum tíma héldu þeir því fram að forsetinn gæti ekki skotið málum til þjóðarinnar.  Neitunarvald forsetans og málskot var viðurkennt í öllu skólakerfinu og fræðimenn voru fram að þessu  sammála um þennan rétt forsetans.  Enda getur víst orðalag ekki orðið skýrara en stjórnarskráin   um þennan rétt forsetans.  En sjálfgræðisflokkurinn hélt öðru fram og kenndi í stjórnmálaskóla flokksins.  Og þess vegna hlýtur það að vera rétt.

Svo gerist það rétt fyrir síðustu kosningar, að þingmaður flokksins, Ásta möller, skrifar grein, þar sem hún heldur því fram, að forsetinn sé ógnun við lýðræðið í landinu.  Þarna mun Ásta hafa endurómað og afhjúpað umræður,  sem áttu sér stað í innstu hringjum flokksins og á skrifstofu ritstjóra Morgunblaðsins.  Ástæðan var sú hætta að sjálfstæðisflokkurinn missti stjórnarmyndunarumboð sitt, ef stjórnin missti meirihluta sinn á þingi.  Þá skapaðist, sem sagt, sú hætta að flokkurinn yrði að skila umboðinu til forseta og hann gæti þá veitt hverjum sem verða vildi af flokkunum stjórnarmyndunarumboðið.  Þannig yrði forsetinn ógnun við lýðræðið, skv. innstu koppum í búri sjálfgræðisflokksins. Með því að fela öðrum en formanni flokksins umboð til stjórnarmyndunar.  Sjálfgræðisflokkurinn, að minnsta kosti innstu koppar, líta svo á að forsætisráðuneytið eigi að vera í þeirra höndum og engra annara.  Allt annað ógni tilveru þjóðarinnar og lýðræðinu í landinu!  Þetta hefur komið berlega fram í dag og í gær.  Það er alveg af og frá, að flokkurinn  láti forsætisráðuneytið af hendi.  Þrátt fyrir að Geir H Haarde hafi hreinlega flækst fyrir með verkstjórn sinni.  Fyrirtækin og heimilin í landinu sjá þess engin merki, að björgunaraðgerðir þeim til handa séu komnar í framkvæmd eða séu á döfinni.  Samt telja sjálfgræðismenn af og frá að láta af forsæti í ríkisstjórninni.  Þeirra er stóllinn.  Allt annað er ógnun við lýðræðið.

Nú eru gammarnir farnir að atast í forsetanum eina ferðina enn.  Og það vegna þess að hann benti á þá augljósu staðreynd að vald forsætisráðherra, sem sagt hefur af sér fyrir sig og ráðuneyti sitt, er takmarkaðaðra en annars, þrátt fyrir að stjórnin sitji sem starfstjórn.  Við það flyst þingrofsrétturinn frá forsætisráðherra til forsetans, og sitjandi forsætisráðherra hefur einnig misst stjórnarmyndunarumboð sitt til foretans til ráðstöfunnar til annarra flokka eða formanna þeirra.Þetta er einkennileg staða.  Sjálfgræðisflokkurinn telur sig eiga forsætisráðuneytið.  Ef forsetinn veitir einhverjum öðrum umboð til stjórnarmyndunar, þá er það ógnun við lýðræðið.Og forsætisráðherra starfsstjórnar hefur rétt til að rjúfa þing, bjóði honum svo við að horfa.  Þrátt fyrir fyrrgreinda takmörkun.

Annað sem gammarnir eru vitlausir yfir er að forsetinn gerði sig sekan um að tjá skoðanir sínar um hvað þyrfti að gerast í landinu til þess að sátt næðist með þjóðinni og ráðamönnum hennar.  Samt er þetta öllum ljóst jafnt almenningi, sem forsetanum.  Öllum nema gömmunum í sjálfstæðisflokknum..Sáttmáli samfélagsins hefur verið rofinn.  Friðurinn rofinn. Og lögin.  Og þeir sem rufu samfélagssáttmálann voru innstu koppar sjálfgræðisflokksins og gulldrengirnir þeirra.

Þennan sáttmála þarf að endurnýja, gera nýjan.  Forsetinn gerði sig sekan um að benda á þessa augljósu staðreynd.  Þess vegna eru gammarnir brjálaðir.

Sjúkrasamlagið farið frá!

Og skilur samfélagið eftir í rjúkandi rúst!

 

 

Gunnlaugur Bjarnason

26.1.2009 | 15:53

Heilaskemmdir

Það er fáránlegt að halda því fram að besta lausnin sé meiri upplausn. Auðvitað átti að stefna strax að kosningum við bankahrunið, en að mynda sjónarkreppu vegna valdagræðgi er Sollu líkt.

	Jóhanna næsti forsætisráðherra?
Tilkynna um óviðeigandi tengingu við frétt

Geir H. Haarde og vinir hans orðnir að alheimsviðundri!

Það verður ekki annað sagt en að þetta eru "spennandi tímar hjá Sjálfstæðisflokknum."

Ómarktækur stjórnmálafræðingur?

Stefanía Óskarsdóttir virðist furðu oft ruglast á stjórnmálafræðinni og skoðunum sínum sem flokksbundins í Sjálfgræðisflokksins!  Það má benda á orð hennar, að nú reyni á hvort Vg vilji axla ábyrgð korteri fyrir kosningar! 

Fyrir það fyrsta hafa Vinstri Græn alltaf viljað ábyrgð.  Vg mun axla ábyrgð nú þegar formaður Sjálfgræðisflokksins neitar allri samvinnu við aðra flokka, nema það sé á forsendum hans og hans nýfrjálshyggju hugmynda.  Nú hefur Sjálfgræðisflokksins hlaupið frá ábyrgðinni, sem hann ber á hruni íslensks samfélags.  Geir Haarde hefur ákveðið hagsmunir flokksins skulu teknir fram fyrir hagsmuni þjóðarinnar, enn einu sinni.

„Nú reynir á Vinstri græna"

VinstriGræn setja ofaní við BB! Meiðyrði, rangar sakir og einelti dómsmálaráðherra!

 

Þingmenn VG tala um einelti dómsmálaráðherra

Sakar þingmenn um að hafa veist að lögreglu

26.1.2009 15:03 Fréttaskýringar

Atli Gíslason segist ekki sitja undir röngum sakargiftum frá dómsmálaráðherra. Refsivert sé að bera fólk sökum eins og Björn Bjarnason geri. Álfheiður Ingadóttir sakar Björn um einelti.

Björn Bjarnason, dómsmálaráðherra, færir langt mál um mótmæli og pólitík á heimasíðu sína bjorn.is um helgina. þar segir hann meðal annars:

"Þingmennirnir Álfheiður Ingadóttir og Atli Gíslason hafa beinlínis veist að lögreglunni vegna aðgerða hennar."

Ótrúlegar ásakanir sem varða við lög

"Þetta eru ótrúlegar ásakanir dómsmálaráðherra gagnvart mér sem einstaklingi og alþingismanni og fela í sér rangar sakargiftir sem refsiverð eru að almennum hegningarlögum, 6 mgr, " segir Atli.

Þingmaðurinn segist hafa fylgst grannt með mótmælum við alþingishúsið síðastliðinni þriðjudag, fyrst innan úr þinghúsinu meðan þingfundur stóð og síðar utan húss síðla dags og um kvöldið.

"Ég tók marga tali, bæði lögreglumenn og mótmælendur. Um kl. hálf tíu um kvöldið gerði ég mér ljóst að í mikið óefni stefndi. Gerði ég mér því ferð á skrifstofu mína að Vonarstræti 12 og ritaði allsherjarnefnd bréf, lýsti þungum áhyggjum mínum og óskaði eftir því að nefndin kallaði á sinn fund talsmenn mótmælenda og lögreglu til að koma á samræðu milli þessara aðila og þingsins í þeirri einlægu von að koma í veg fyrir ofbeldi, ekki síst gegn lögreglumönnum."

"Ofbeldi er eitur í mínum beinum," segir Atli.

Smugan sagði frá þessari beiðni Atla, sem ekki hefur verið orðið við ennþá. En um ofbeldi næturinnar segir þingmaðurinn þetta:

"Því miður brast það á eftir miðnætti og endurtók sig daginn eftir. Ofbeldi er eitur í mínum beinum og þeirri skoðun lýsti ég meðal annars afdráttarlaust í morgunútvarpi Bylgjunnar fimmtudagsmorguninn 21. janúar og að þeir sem því hefðu beitt gagnvart lögreglu ættu eðlilega að sæta ábyrgð," segir Atli. En í þeim þætti lét Pétur Blöndal, þingmaður Sjálfstæðisflokksins að því liggja að Vinstri græn stæðu að baki mótmælum þar sem ofbeldi hefði verið beitt.

"Það vita allir sem vilja vita að lögreglan hefur staðið sig afar vel í mótmælunum, sýnt aðdáunarverða þolinmæði og umburðarlyndi sem beinlínis hefur komið í veg fyrir mun meira ofbeldi en raun ber vitni."

Býst ekki við að Björn biðjist afsökunar

Atli reiknar ekki með því að Björn Bjarnason biðjist afsökunar eða taki ummæli sín aftur, þar sem hann skilji ekki það sem er að gerast, eða almenning í landinu.

"Í þessu ljósi eru árásir dómsmálaráðherra á mig, þessar óskammfeilnu röngu sakargiftir, honum fullkomlega ósæmandi og sýna svart á hvítu að hann lifir ekki í sama heimi og almenningur í landinu. Ég ætla Birni ekki þann manndóm að biðjast afsökunar á lygum sínum, en þær hitt hann sjálfan fyrir, segir Atli Gíslason, lögmaður og þingmaður vinstri grænna, sem býst ekki við því að nokkur heilvita maður taki tilhæfulausar ásakanir dómsmálaráðherra alvarlega. Sjálfur hafi hann rætt við lögregluna, á bæði á óformlegum fundi með talsmönnum Landssambands lögreglumanna og í samtali við Geir Jón Þórisson yfirlögregluþjón. Í þessum samtölum hafi verið rætt um leiðir til samstarfs milli lögreglu og friðsamlegra mótmælenda, sem síðan komst á að frumkvæði mótmælenda sjálfra.

Dapurlegt að yfirmaður dómsmála stundi einelti

Álfheiður Ingadóttir segir dapurlegt að yfirmaður dómsmála í landinu skuli leggja þingmenn í einelti eins og hann geri með ítrekuðum og algjörlega rakalausum ásökunum. „Ég hef ekki veist að neinum lgöreglumanni en því er hinsvegar ekki að leyna að lífvörður einhvers ráðherrans veittist að mér í þinghúsinu 20. janúar s.l. og ég svaraði fyrir mig, spurði hann m.a. að nafni og sagðist ekki hafa áhuga á því að hann hótaði mér eða segði mér hvernig ég ætti að sitja eða standa á mínum vinnustað. Ég gerði athugasemdir við framgöngu hans bæði við forsætisráðherra og forseta alþingis."

„Ég hef aldrei séð ástæðu til að svara Birni Bjarnasyni fyrr. Mér finnst hann vera fullkomlega ómarktækur. Ásakanir hans í fréttum Ríkisúvarpsins voru t.a.m. þess eðlis að hann tók fram að hann hefði sjálfur ekki verið á vettvangi, heldur hefði einn og annar sagt honum eitt og annað. Því miður leitaði fréttastofan ekki til mín vegna þessara ásakana Björns, sem ég hefði gjarnan viljað svara þá."

„Hann hefur verið með mig á perunnu alveg frá því ég var kosin á þing og það hefur sést á skrifum hans og orðum í þinginu að honum er ekki sjálfrátt þegar ég er annarsvegar. Þetta er einhver kaldastríðsskjálfti sem hann ræður ekki við. Síðustu daga hefur Björn Bjarnason hins vegar útvíkkað ásakanir sínar og talar um vinstri græn almennt sem stuðningsmenn ofbeldis. Því getur hvorki þingflokkurinn né ég sem einstaklingur setið undir. Þetta hefur síðan verið étið upp af jábræðrum Björns á netmiðlum og víðar og er með öllu óþolandi."

Ályktun þingflokks VG vegna ásakana Björns Bjarnasonar

„Vegna órökstuddra ásakana af hálfu Björns Bjarnasonar dómsmálaráðherra í garð einstakra þingmanna  VG vill þingflokkur Vinstrihreyfingarinnar - græns framboðs koma eftirfarandi á framfæri:
Þingflokkur Vinstri grænna fordæmir harðlega hvers kyns ofbeldi, sama hver í hlut á. Ofbeldi í garð lögreglunnar er aldrei og undir engum kringumstæðum réttlætanlegt.

Friðsamleg mótmæli og andóf eru mikilvægir hlekkir virkrar þátttöku í lýðræðisríki og það er ekki að undra að fólk rísi nú upp gegn því órétti og ranglæti sem hefur fengið að viðgangast í samfélaginu. Slík mótmæli beinast ekki gegn góðri löggæslu heldur gegn vanhæfum stjórnvöldum og þeim sem ábyrgðina bera.

Að mati þingflokks VG hefur lögreglan almennt sýnt aðdáunarverða þolinmæði og umburðarlyndi sem hefur komið í veg fyrir frekara ofbeldi. Fyrir það á lögreglan hrós skilið og sama gildir um mótmælendur sem af hugrekki slógu skjaldborg um lögreglumenn til að verja þá gegn árásum. Samtakamátturinn var þannig virkjaður til að útiloka frekara ofbeldi og slíkt vekur vonir um að okkur Íslendingum takist að vinna okkur út úr aðsteðjandi erfiðleikum með friðsamlegri samstöðu.

Tilraunir Björns Bjarnasonar dómsmálaráðherra til að slá ryki í augu fólks með yfirlýsingum eins og þeirri að tilteknir þingmenn VG hafi „beinlínis veist að lögreglunni" eru veruleikafirrt og eiga sér enga stoð í sannleikanum  Það er ábyrgðarhluti að yfirmaður dómsmála í landinu skuli viðhafa slíkar dylgjur og blekkingar í pólitískum tilgangi.
Gríðarlegt álag er á hinni almennu löggæslu í landinu sem hefur mátt þola mikinn niðurskurð og erfiðar vinnuaðstæður á síðustu árum. Þingflokkur Vinstrihreyfingarinnar - græns framboðs sendir þeim baráttukveðjur og minnir á að það er hlutverk okkar allra að vernda góða löggæslu á sama hátt og hún verndar okkur".

 

 

 

Senda grein

Skrifa athugasemd

 

*Nafn:  

Mannréttindi barna á krepputímum.

Efnahagslegar aðstæður leysa ríki ekki undan skyldum sínum.  Mannréttindayfirlýsingu Sameinuðu þjóðanna ber að virða.  Vegna þess ástands, sem afglapar í stjórnmálum og viðskiptalífi hafa skapað í samfélaginu,  tel ég rétt, barnanna vegna, að minna á þessar greinar Mannréttindayfirlýsingarinnar.

25. grein

1.Hver maður á kröfu til lífskjara, sem nauðsynleg eru til verndar heilsu og vellíðan hans sjálfs og fjölskyldu hans. Telst þar til matur, klæðnaður, húsnæði, læknishjálp og nauðsynleg félagshjálp, svo og réttindi til öryggis gegn atvinnuleysi, veikindum, örorku, fyrirvinnumissi, elli eða öðrum áföllum, sem skorti valda og hann getur ekki við gert.

2.Mæðrum og börnum ber sérstök vernd og aðstoð. Öll börn, skilgetin sem óskilgetin, skulu njóta sömu félagsverndar.

26. grein

1.Hver maður á rétt til menntunar. Skal hún veitt ókeypis, að minnsta kosti barnafræðsla og undirstöðumenntun. Börn skulu vera skólaskyld. Iðnaðar- og verknám skal öllum standa til boða og æðri menntun vera öllum jafnfrjáls, þeim er hæfileika hafa til að njóta hennar.

2.Menntun skal beina í þá átt að þroska persónuleika einstaklinganna og innræta þeim virðingu fyrir mannréttindum og mannhelgi. Hún skal miða að því að efla skilning, umburðarlyndi og vináttu meðal allra þjóða, kynþátta og trúarflokka og að efla starf Sameinuðu þjóðanna í þágu friðarins.

3.Foreldrar skulu fremur öðrum ráða, hverrar menntunar börn þeirra skuli njóta.

27. grein

1.Hverjum manni ber réttur til þess að taka frjálsan þátt í menningarlífi þjóðfélagsins, njóta lista, eiga þátt í framförum á sviði vísinda og verða aðnjótandi þeirra gæða, er af þeim leiðir.

2.Hver maður skal njóta lögverndar þeirra hagsmuna, í andlegum og efnalegum skilningi, er leiðir af vísindaverki, ritverki eða listaverki, sem hann er höfundur að, hverju nafni sem nefnist.

28. grein

Hverjum manni ber réttur til þess þjóðfélags- og milliþjóðaskipulags, er virði og framkvæmi að fullu mannréttindi þau, sem í yfirlýsingu þessari eru upp talin.

"Ríkisstjórnin segi af sér...

... og markaðurinn, hinn frjálsi markaður, mun leysa vandann!"

P.S. Fjandinn!  Nú er ég búinn að drekka of mikið kaffi!  Farinn að blogga einsog JárnMagga og Blair!

Tek ofan fyrir Ragnheiði Ríkarðsdóttur!

Eini virðingarverði þingmaður Sjálfgræðisflokksins.  Hún hefur tjáð sig um máttleysi þingsins síðan hún komst á þing.  Hún hefur áður krafist þess að Davíð verði vikið úr starfi.  Fyrst í október eftir því sem ég best veit. 

Bölvið sé minning Nýfrjalshyggjunnar og allt sem henni tengist!

Á morgun verður Davíð Oddsson rekinn!

Vanhæfur embættismaður, sem ekki hefur staðið sig í vinnunni !   Það er hreinlega must að reka hann.  Hann mun þá væntanlega snara sér í framboð, einsog hann var búinn að lofa okkur í viðtali í dönsku blöðunum ( Hjemmet eða Hendes Verden ).  Þá getur þjóðin skemmt sér meðan á kosningabaráttunni stendur við að  hlæja að fíflinu!

Bölvið sé minning nýfrjálshyggjunnar, og allt sem henni tengist!

"Þetta eru spennandi tímar fyrir sjálfstæðisflokkinn."

Hvað er svona mikilvægt við valið á þessum landsfundarfulltrúum?  Þjóðinni finnst mun mikilvægara að koma ríkisstjórninni frá!  Það er mikilvægt!  Ekki landsfundur Sjálfgræðisflokksins!

Bölvuð sé minning nýfrjálshyggjunnar, og allt sem henni tengist!

Björn: Mikilvægt að búið sé að velja landsfundarfulltrúa

Merkileg skrif! Ætli manninum leiðist heima hjá sér?

Ætli geti verið að þingmönnunum hafi þótt lögreglumennirnir ganga of langt í tuddaskapnum.  Annars er vert að velta fyrir sér hvaða illkvittna tilgang BB hefur með þessum skrifum sínum.  Svo er það náttúrulega þannig að fleiri er BB mega hafa skoðun á störfum lögreglunnar og framgöngu. 

Ef lögreglusambandinu hans BB líkar ekki í BSRB eiga þeir að ganga úr því.  Ætli þeirra verði sárt saknað?  Átti að koma höggi á Ögmund með svona bulli?

BB finnst sjálfsagt allt í lagi, að lögreglumennirnir hans hræði börn, handleggsbrjóti miðaldra mann, velti um koll konum á sjötugsaldri, hindri fjölmiðlamenn að störfum, sprauti heilsuspillandi úða framan í asmasjúklinga o.s.frv. En þingmenn mega ekki skamma strákana hans BB.  Skárri er það nú viðkvæmnin.  Ég hefði haldið að jafn illa innrættur einstaklingur hefði harðari skráp!

Segir þingmenn VG hafa veist að lögreglu

Nýfrjálshyggjusinna í formannsstólinn. Kutarnir brýndir.

Mikið líst mér vel á þennan lista nýfrjálshyggjusinna:

Bjarni Benediktsson.  Aðaleigandi okursjobbunnar N1.

Guðlaugur Þór Þórðarson.     Ráðherrann sem berst fyrir einkavæðingu heilbrigðiskerfisins.  Wessmann sagði, nei takk!

Þorgerður Katrín  Gunnarsdóttir.  Hluthafi í Kaupþingi og lánþegi sama banka.  Segi ekki meir!

Hanna Birna borgarstýra.     Reyndi að einkavinavæða REI og OR.  Einkavinirnir voru Hannes Smárason og Bjarni beibí Ármannnsson.  Hóf einkavinavæðingu heilbrigðisþjónustunnar í Reykjavík.  Einkavinirnir Í Heilsuverndarstöðinni ehf. fóru rakleiðis á hausinn.

Illugi Gunnarsson, þingmaður.  Stjórnarmaður í peningabrallsjóði í Glitni.

Má ég stinga uppá Valla Bíó, Árna johnsen og Lalla Jones?

Það er vel við hæfi á þessum myrku dögum nýfrjálshyggjunnar, að þessir fulltrúar einkaframtaksins og hamfarakapítalismans, séu tilnefndir.

 

 

 

Fjórir þingmenn aðallega nefndir

Eru kosningar í vor glapræði eða ekki? Hverju á að trúa? Eitt í dag og annað á morgun. Glundroði? Miðvikudagur: Geir segir glapræði að kjósa í vor! Föstudagur: Geir segir: Þið fáið að kjósa 9. maí! Mikill höfðingi ertu nú Geir!

 

Fréttablaðið, 22. jan. 2009 05:00

Geir segir glapræði að kjósa í vor

Það væri „mikið glapræði" að efna til kosninga nú, að mati Geirs H. Haarde forsætisráðherra. Þingflokkur Sjálfstæðisflokksins fundaði í Valhöll í gær. Að sögn Geirs var um hefðbundinn þingflokksfund að ræða en ekki viðbrögð við atburðum síðustu daga. „Við erum að vinna okkar störf eins og gert er ráð fyrir."
Spurður hvort ríkisstjórnarsamstarfið væri í hættu sagði Geir svo ekki vera, það hefðu þau Ingibjörg Sólrún Gísladóttir, formaður Samfylkingarinnar, staðfest í samtali fyrr um daginn.
Geir telur það ábyrgðarleysi að boða til kosninga eins og sakir standa. „Það væri gríðarlegt ólán fyrir allan almenning í landinu, fyrir þá sem hugsanlega eru að missa vinnuna, fyrirtækin sem eru að berjast í bökkum, því það væri ekki hægt að klára stóru málin sem snúa að bönkunum, erlendum lánardrottnum og öllum þeim verkefnum sem fram undan eru. Að hlaupa frá því núna til að kalla á kosningar í vor væri mikið glapræði."
Um mótmælin í gær og í fyrradag sagði Geir að hann teldi ekki ástæðu til að grípa til sérstakra aðgerða til að koma á ró; fólk hafi fullan rétt á að mótmæla, en brjóti fólk af sér sjái lögreglan um það. „Lögreglan hefur staðið sig afar vel í þessum erfiðu aðstæðum, sýnt mikla þolinmæði og stjórnvisku, finnst mér, og við vonum að hún haldi áfram að ráða við sín verkefni."
Geir gerir lítið úr áhrifum mótmælanna á störf Alþingis; þingið hafi haldið sínu striki á þriðjudag og fundað meðan ástæða þótti til. Fundi hafi hins vegar verið frestað í gær til þess að geta betur undirbúið umræðu um efnahagsmál í dag. Landsfundur Sjálfstæðisflokksins verður haldinn um aðra helgi. Geir segir það óbreytt að hann ætli að gefa kost á sér í formannsembætti. Hann hefur ekki áhyggjur af því að mótmælendur setji strik í reikninginn. „Við vitum ekkert hvernig það verður. Ég held að það þurfi allir að reyna að róa sig niður í þessum efnum. Þó að fólk hafi fullan rétt á því að mótmæla þá er það ekki við hæfi að gera aðsúg að valdastofnunum samfélagsins eins og gert hefur verið."[e-mail]

Ekki sama hver spurður er!

Fjölmargir hafa bent á að tiltekt í stjórnkerfinu og  ríkisstjórn skipti miklu í að breyta áliti Íslands út á við.  Hverjum á að taka mark á?  Jú,væntanlega þeim sem hafa kynnt sér ástandið.  Fjármálasérfræðingar eru meðal þeirra sem bera einna mesta ábyrgð á heimskreppunni.  Á að taka mark á þeim núna?  Er ekki tími fjármálasérfræðinga liðinn!

Hið  sama má segja um umsókn  í ESB.  Umsókn breytir í sjálfu sér ekki ástandinu hér og nú, en hún myndi bæta það álit, sem umheimurinn hefur á Íslandi.  Og ekki veitir af!  Hún myndi líka veita stjórnmálamönnum aðhald og markmið.  Þessu neita auðvitað þeir, sem vilja koma hér á einhverskonar sjálfþurftarbúskap að hætti 19. aldar.  En ESB snýst um fleira en beljubúskap og þorskhausa.  Sjálfsþurftarbúskapurinn er í boði framsóknarmanna í ýmsum flokkum, hagsmunagæslusamtaka sægreifa og búkarla.  Og svo náttúrulega sjálfbirgingslegra þjóðrembusinna, sem steita hnefann framan í heiminn og telja best að rífa kjaft, dæmið DO er svoleiðis eintak.

Stjórnarskipti breyta engu

Athugasemd við athugasemdir við ummæli Harðar.

Þeir, sem eru að fetta fingur útí ummæli Harðar Torfasonar og reyna að gera þau að einhverskonar aðalatriði og stórmáli, athugi:

Fyrir það fyrsta:  Það er ekki til siðs á Íslandi að skammast sín!

Í annan stað:  Það hefur ekki tíðkast að biðjast afsökunar á Íslandi uppá síðkastið. 

Ég man ekki til þess að nokkur maður, stjórnmálamaður eða embættismaður, hafi beðst afsökunar á ástandinu á Íslandi í dag.  Að aðeins einum undanskildum.  Herra forseti vor á Bessastöðum baðst einskonar afsökunar.  Ekki Davíð, ekki Ingibjörg, ekki Geir, ekki Jónas, ekki bankastjórarnir eða bankaráðin, síst allra Kjartan varaformaður bankaráðs Landsbankans (bankastjórar Landsbankans og bankaráðið bera ábyrgð á Icesave).  Jú, annars.  Hann bað Davið afsökunar.  Allt þetta lið hefur ekki beðist afsökunar!  Hvað þá að gefa til kynna að það kunni að skammast sín, þó ekki sé nema pínulítið!

Blessuð sé minning frjálshyggjunnar, eða bölvuð!

Sextándi mótmælafundurinn á morgun