Grænt svæði?

Er þetta þá svona grænt svæði, eins og græna svæðið í Bagdad?

Öryggissvæðið að verða tilbúið

Dögg Pálsdóttir og niðurskurðarminnið!

Dögg Pálsdóttir rifjar upp fyrir okkur kjósendum með gullfiskaminnið, að Sighvatur Björgvinsson nokkur, alþýðuflokksmaður, var heilbrigðisráðherrra í ríkisstjórn Davíðs Oddssonar. Sighvatur mun skv. niðurskurðarminni Daggar hafa hækkað greiðsluþátttöku foreldra í tannlæknakostnaði í 25% úr 12%. Glaður vildi ég, sem foreldri, greiða 25% af tannlækniskostnaði/eftirliti dóttur minnar. Málið er ekki svona einfalt. Tryggingastofnun er með einhvern afgamlan taxta sem endurgreiðslan er miðuð við, þannig að þessi regla um 25% greiðsluþátttöku er ekki við líði. Ætli sé ekki nær að greiðsluþátttaka foreldra sé á bilinu 40-60%. Og svo er ekki greitt fyrir allar heimsóknir barna til tannlækna og þá er greiðsluþátttakan 100%. Það getur verið ágætt að hafa gott minni, en enn betra er að eigi smávegis sannleiksást í pokahorninu.

Í ríkisstjórnartíð Davíðs Oddssonar hófst nýtt tímabil í íslenskum stjórnmálum. Áður höfðu ráðherrar varið málaflokka sína og reynt að gera veg þeirra sem mesta og bestan. Nú hófu ráðherrar að skera niður í málaflokkum sínum sem mest þeir máttu eða fá bágt fyrir ella. Ríkisstjórn Davíðs Oddssonar hóf stórfelldar árásir á velferðarkerfið með niðurskurði og sultarólaaðhaldi. Eðli málsins skv. voru það forsætisráðherrann Davíð Oddsson og Friðrik Sófusson fjármálaráðherra, sem mótuðu stefnuna í ríkisfjármálum þessarar ríkisstjórnar.

Vonandi hefjast þeir tímar einhvern tíma aftur, að ráðherrar gegni stöðum sínum þannig, að þeir verji málefni ráðuneyta sinna og stöðu, en séu ekki hlaupatíkur sparibauka fjármálaráðuneytisins, eins og ráðherrar velferðarmálanna og menntamálanna hafa verið síðan 1991!

Því minna því betra!

Bloggvinur minn, Eyþór Arnalds, fer í gegnum það hvað stjórnmálaflokkarnir hafa eytt í auglýsingar fyrir kosningarnar fram að þessu. Þar má sjá að djélistinn hefur eytt minnstum peningum. Það sýnir, að eftir því sem djélistinn lætur minna á sér bera því betur gengur honum. Hvernig skyldi nú standa á því?

Guðjón A.

Já, Guðjón fær A+ fyrir frammistöðuna í Silfrinu! Ólíkt geðfelldari framsetning á málefnum innflytjenda en hjá öðrum frambjóðendum frjálslyndra. Kannski vegna þess að hann er svo græskulaus og heiðarlegur í framan.

Kostuleg umræða um öryggismál Íslands!

Eru Rússarnir að koma eða einhvejir aðrir?  Hefur einhver áhuga á að ráðast á Íslendinga og taka landið af okkur? Til hvers er varnarsamningur "á friðartímum"? Er fortíðin en og aftur að leggja sína helbláu köldu hönd á umræðuna? Er kaldastríðinu ekki lokið í íslenskum stjórnmálum? Þurfum við alltaf að sækja annað í björgunarmálum? Eigum við enn að trúa því, að við höfum ekki efni á því á að reka björgunar- og öryggisstarfssemi í landinu? Þau gleymast seint orðin, sem Davíð lét falla, þegar hann sté á land eftir að hafa myndað ríkistjórn með Jóni Baldvin: Nei, við höfum ekki efna á að kaupa og reka björgunarþyrlu!  Er þetta hugsunarhátturinn sem liggur að baki þessari umræðu?

"Ekkiaðdáendaklúbbur" Ólafs Ragnars!

Að gefnu tilefni!

"Ísland fyrir Íslendinga"

  Mynd við hæfi!

°Mál að linni.

Notaðu bara merkið til að stoppa umferðina!  Þér kemur ekkert við hvort þau eru ólöglegir innflytjendur!

Laugardagur.

Viltu poka?

Öflugt atvinnulíf-undirstaða velferðar?

Er það þetta sem Jón stopp á við? Kannski heimilisníðingurinn, djelistinn, vilji tala við okkur um þetta ? Sorry, of lítið og of seint!

48 manns sagt upp störfum hjá Bakkavík í Bolungarvík

Auglýsingar ríkisstjórnarflokka ójafnaðarins!

                    

MEIRI VELFERÐIN ! 

Það er greinilegt að kjósendur "kaupa" ekki kosningaauglýsingar framsóknar: Áfram árangur-ekkert stopp/öflugt atvinnulíf-undirstaða velferðar.  Það vill svo til, að kjósendur eru með fullu viti, þess vegna taka þeir ekki mark á stoppáróðri framsóknar. Við vitum sem er að það er líf eftir framsókn; lífið mun hafa sinn gang og svo mun atvinnulífið einnig. Talandi um kröftugt atvinnulíf. Ætli Jón stopp hafi ekkert heyrt frá Vestfjörðum og Norðurlandi-Vestra. Í því kjördæmi hefur hagvöxtur  verið neikvæður um árabil, sem þýðir að þar hefur ríkt samdráttur. Og framsóknarmenn eru seinheppnir á öllum sviðum: öflugt atvinnulíf-undirstaða velferðar. Miðað við ástand velferðarkerfisins hlýtur atvinnulífið að vera í lamasessi.  Veruleikinn er sá að í öllu góðærinu hefur allt velferðarkerfið drabbast niður og er því í hinum mesta ólestri! Landspítalann vantar meira en milljarð á ári til að geta sinnt verkefnum sínum og öll vitum við um ástandið í málefnum geðfatlaðra. Stjórnin hefur lækkað barnabætur og haft þannig 10 milljarða af barnafjölskyldum landsins. Stjórnin hefur lækkað raunvirði persónuafsláttar og haft þannig 35 milljarða af skattgreiðendum á 12 árum. Lífeyrir hefur ekki hækkað í takt við launahækkanir og þannig hefur ríkisstjórnin haft 40 milljarða af öldruðum. Samtals eru þetta 85 milljarðar. Það er von að Geir H. Haarde segi að ríkissjóð muni um hverja 1000 krónu hækkun á persónuafslættinum, en einstaklinginn muni ekkert um hann! Kannski eru kjósendur á annari skoðu.

71% landsmanna telur að ójöfnuður hafi aukist í landinu. Kaupmáttur lífeyrisþega hefur aðeins aukist um 20-25% á 12 árum!

TÖLUM SAMAN!

Nú auglýsir hinn ójafnaðarlokkurinn:  TÖLUM SAMAN!  Og minnir á ofbeldisfullan heimilisföður sem er búinn að níðast á fjölskyldu sinni í 12 ár og vill nú lofa bót og betrun!  Á að fara tala kjósendur til útundir húsvegg núna rétt fyrir kosningar! "Ég lofa að vera góður." þVÍ MIÐUR: OF LÍTIÐ, OF SEINT! 

Því miður! Ég hef ekkert við ykkur að tala!

Það sem að er stefnt!

Til hvers eru annars svona vopnakerfi? Þó ekki til pönnukökubaksturs. Er ekki meiningin að skemma og eyðileggja og drepa með þessum vopnum?

Pútín segir eldflaugavarnakerfi geta leitt til „gagnkvæmrar eyðileggingar"

Mynd handa Margréti.

Mynd handa MögguDóru.

Allsherjarnefnd.

Hvað er svo sem ein tengdardóttir milli vina?  Það veit auðvitað enginn í allsherjarnefnd hvar Jónína á heima!

Og trúi þeir sem vilja!

Ekki geri ég það!

Nefndarmenn hafi tekið fram að þeim hafi verið ókunnugt um tengsl Jónínu og umsækjandans

Stórmerkileg niðurstaða!

Útkoman úr þessari skoðanakönnun er merkileg að því leyti, að 55% kjósenda sjálfstæðisflokksins eru ósammála flokknum, þannig að til að kjósa í samræmi við sínar eigin skoðanir þurfa þeir nú að velja sér annan flokk til að kjósa. Þ.e.a.s. ef þeir eru þeirrar skoðunar að ójöfnuður sé slæmur. En kannski eru þeir þeirrar skoðunar að ójöfnuður sé af hinu góða og þá er rétt að þeir kjósi bara sjálfstæðisflokkinn áfram. Sjálfstæðisflokkurinn er nefnileg flokkur ójöfnuðar, nema rétt fyrir kosningar!

Fólk telur ójöfnuð meiri nú

Skipta þarf um ríkisstjórn!

Er ekki ljóst, að til að þetta markmið náist þarf að skipta um ríkisstjórn. Ekki næst markmiðið ef spítalinn verður áfram í fjársvelti, eða hvað. Svo þarf að fara drífa í að byggja yfir spítalann áður en stjórnmálamennirnir nota peningana í annað. Einar Oddur sagði í vetur að nota þyrfti símapeningana til að réttta af ríkissjóð eftir að þenslutímabilinu lyki. Hann hefur verið formaður og  varaformaður fjárlaganefndar lengur en menn muna, þannig að hann veit hvernig búið er að gera ríkissjóð háðan þenslu.

LSH komist í hóp fimm bestu

Samfélagsþjónusta í molum!

Þetta gildir um allt velferðarkerfið. Hefur verið fjársvelti undanfarin ár og nú á að redda málunum 2-3 vikum fyrir kosningar í von um að fljóta áfram í stólana! Sem sagt, loforð B og D fyrir síðustu kosningar voru svikin og loforðin nú verða svikin líka ef þessir flokkar fá tækifæri til! Reynslan er ólygnust!

Fjárveitingar til LSH í engum takti við þróun eftirspurnar eftir þjónustu

Loforðin frá í fyrra!

Þrátt fyrir loforð um að nú yrði tekið til hendinni í borginni okkar, þá hefur hún nú sennlega aldrei verið subbulegri en nú! Það kosningaloforð var sem sagt fyrst til að fjúka með ruslinu.  Svona vorhreinsun hefur verið árlegur viðburður í Reykjavík um áratugaskeið!  Ekkert sem Villi litli er brautryðjandi í frekar en öðru!

Ein spuring að lokum til borgarstjóra: Hvenær verður spilavítunum við Hlemm lokað? Þú gekkst svo snöfurmannlega fram í að hrekja spilavítið burt úr þínu heimahverfi. Hvenær kemur að mínu hverfi?

Vorhreinsun í Reykjavík hefst um helgina