Almenningur skilur...

... það mæta vel, en skilur löggan það?  Ég er farinn að efast um að löggan skilji yfirleitt hlutverk sitt í þjóðfélaginu nógu vel!  Það er nefnilega misjafn sauður í öllu fé.  Skemmdarvargar og þjófalýður veður uppi í borginni.  Löggan hefur lítið aðhafst fram að þessu gegn veggjakroti.  Tilkynni maður skemmdarverk er ekkert gert i málinu.  Sama með þjófnaði.  Hér í Rauðarárholtinu er öllu stolið sem ekki er hreinlega naglfast,  7-8 ára smápjakkar kveikja í (og eru ekki meiri óvitar en svo að þeir hlaupa burt, þegar þeir eru staðnir að verki).  Bílar eru skemmdir.  Hvað gerir löggan?  Viðbrögðin eru þannig að ég, undirritaður, nennti ekki að hringja í lögguna þegar bakkað var á bílinn minn í vetur (það þarf ekki að taka fram að jeppaeigandinn lét sig hverfa, einsog smápjakkarnir). 

Vandamálið er kannski almennt virðingarleysi fyrir lögunum, virðingarleysi fyrir fólki og eigum þess.  Meðan þeir, sem eiga að framfylgja lögunum vilja ekki láta trufla sig með smákvabbi ýmiskonar, s.s. tilkynningum um veggjakrot, hjólaþjófnað, skemmdarverk á bílum, unglingafyllerí og fleira og fleira, þá verður þetta bara einsog hvert annað "slömm", þetta sem við köllum höfuðborg.

Það sem almenningur þarf að fara að gera er að ala upp börnin sín.  Kenna þeim virðingu fyrir sjálfum sér og náunga sínum, og eigum annarra.  Og reyndar þurfum við almennt að fara að tileinka okkur annan hugsunarhátt í þessa veru.  Það er nefnilega spurning, hvernig fólk það er sem vill búa í "slömmum," Þar sem skemmdarverk og þjófnaðir eru taldir sjálfsagt mál.  Aðalatriðið að komast upp með það.  Komast upp með að stela, keyra utan í bíl náungans, "spreyja" á eigur hans, kjafta í farsímann í akstri og keyra yfir á rauðu, kveikja í sinu í skóglendi, kveikja í ruslatunnunni hjá nágrannanum, sparka speglana af bílnum hans og svo framvegis. 

Hverskonar fólk er það sem ekur burt af skólalóðum kjaftandi í farsímann með barnið við hliðina á sér eða afturí?   Er það ekki fólk sem vill búa í "slömmum", þar sem lögbrot og virðingarleysi er sjálfsagt mál?  Fólk sem á börn sem kveikir í og stelur með "spreybrúsann" í rassvasanum?

Og nú er búið að stela ruslatunnunni!  Á ég að hringja í lögguna?

Til hvers?

 

Röktu slóð krotaranna frá miðborg upp í Hlíðar

Hvert þó í logandi!

Rannsóknarstyrkir?

Sjóður stofnaður í nafni Bjarna Benediktssonar

Úps!

Ég vona, að frásögn af fyrirlestri Ólafs hafi eitthvað skolast til!  En kannski eru allar fegurstu og mannvænustu borgir Evrópu bara söfn og ekki fyrir fólk.  Eða hvað er allt þetta fólk að gera í Róm og París.  Búdapest og Prag.  Barcelóna og svo framvegis.  Ef rétt er eftir Ólafi haft þá er hann einfaldlega bullukollur!  Hvað varðar þetta tónleikahús vona ég að það verði ekki eins forljótt og flestar þessar nýju byggingar í borginni, þar sem metnaðarleysið hefur verið alsráðandi.  Enn eitt klúðrið og hönnuðum sínum til skammar.   Ekki eru þær aðlaðandi; kaldar, grár og svartar, og litað gler!  Það kemur svo bara í ljós, hvort tónlestarhúsið gerir eitthvað fyrir mannlífið í borginni eða verður bara eitthvert dautt ferlíki fyrir snobbliðið!

Ólafur ætti kannski að bregða sér í ferðalag til menningarborga heims áður en hann tekur þátt í næstu ráðstefnu um borgir og líf í borgum!

Hver er hann annars þessi Ólafur Elíasson?  Er hann sérfræðingur í hönnun borga og borgarmenningu, eða er hann myndlistarmaður af dönskum ættum?

Borgir eiga ekki að vera söfn eða minnisvarðar

Að mótmæla er réttur okkar í lýðræðislegu þjóðfélagi!

Mótmæli gegn háu olíu- og bensínverði eru í raun mótmæli gegn skattpíningarstefnu ríkisstjórnar.  Nær 50% af verðinu rennur í ríkissjóð.  Óþarfi af varðhundum kerfisins að ganga af göflunum.  Hvort heldur er hér á blogginu eða í löggunni.  Löggan hefur það hlutverk að halda uppi lögum og reglu en mér sýnist hinir svartklæddu hafa gengið of langt.  Satt best að segja blöskrar mér ofbeldið.  Að fá grjót í ausinn verandi í löggunni er einsog hvert annað vinnuslys.  Og ekki hófust ýfingarnar á því er það.  Fór ekki löggan of geyst af stað í dag vegna þess að hún var snupruð í gær?  Ekki virtust allir þjónar laganna alveg í jafnvægi.  Eiga þetta ekki að vera þrautþjálfaðir menn.  Þeir minntu mig mest á Gvend Kúlu hér í gamla daga, ekki í jafnvægi, æstir í hasar.  Sanna sig fyrir Bjössa og Jóhannessen eftir klúðrið í gær!

Bloggarar sem eru að fárast yfir þessum mótmælum skilja e.t.v. ekki alveg lýðræðið, sem komst á með mótmælum, uppreisnum og byltingum!

Vægast sagt skelfilegt! En er þetta málið?

300.000 gætu hafa látið lífið í Darfúr

Heilbrigðisráðherra þakklátur Árna Tryggjasyni!

Skv. visi.is er heilbrigðisráðherra þakklátur Árna fyrir að tjá sig um ástand mála á geðdeild Lsp.  Á maður að trúa því að ráðherrrann sé fyrst að heyra af ástandinu nú.  Í hverskonar sambandi er þessi maður sem á að gegna starfi ráðherra.  Vandræðin í geðheilbrigðiskerfinu hafa verið allri þjóðinni kunn um árabil en ráðherrann heyrir fyrst af þeim núna!  Hverslags rugl er þetta?

Útvarp Saga kl. 07.00. Þunnur þrettándi!

Það má segja að SS og Zerephia hafi endurtakið sig í síbylju á útvarpi Sögu í morgun.  SS er fastur í því að setja alla Múslima, ca. 1 milljarða manna, undir sama hatt!  Skv. Skúla eru þau öll herská, ofbeldisfull og hatursfull; öll hryðjuverkamenn.  Skv. sömu hugsun erum við kristin öll fjölkvænisfólk, barnaníðingar, byssuglöð og hryðjuverkamenn!  Þetta er náttúrulega bilun, einsog bóndinn í Laugardalnum sagði.

OG MIKIL ÁNÆGJA!

Krakkinn sem skrifaði fyrirsögnina hefur ekki kynnt sér málið nægilega vel.  Ég veit ekki betur en þó nokkrir séu ánægðir með lokun þessa bloggs, þar á meðal undirritaður.  Ég sé ekki nokkra ástæðu til að hatursáróður fái að blómstra, enda er það í trássi við lög.  "Trúmenn" af ýmsum gerðum, sumir kristnir (?) eru greinilega afskaplega sárir og sakna SS.  Skemmtilegt!  Fer nú fjölgandi ástæðum til að ganga af trúnni.  Spurning: Erum við kristnir illa innrættir skíthælar svona upp til hópa?

Óánægja með lokun umdeilds bloggs

Enda eru þáttastjórnendur, og hinar talandi stéttir, mjög vitlausar svona almennt!

Ekki í fyrsta skipti sem Egill lætur útúr sér alhæfingu í kjaftakellingastíl.  Fáfræði hans og heimska kemur oft undarlega fyrir sjónir og lætur skringilega í eyrum.  Egill á jú að  teljast sæmilega menntaður heimsborgari.  En hann kemur stundum fyrir einsog kjáni.  Og eitthvað lítur Egill Þórberg Þórðarson einkennilegum augum.  Það kemur á Egil eitthvert undarlegt Sólheimaglott í hvert sinn sem hann eða aðrir minnast á Þórberg.  Kannski er Þórbergur ekki nógu fínn höfundur með ekki nógu fínar skoðanir fyrir bernska heimsborgarann Egil Helgason.  Kannski skilur Egill bara ekki Þórberg, ekki frekar en ýmsa gamla tískustrauma fyrri áratuga, einog "Maó-tískuna" í þá gömlu góðu daga.  En auðvitað er þetta ekki fínt.  Hvorki Þórbergur né gamlir tískustraumar, en Þórbergur lifir.  Sama hvort hann er fínn eða ekki fínn.  Einsog aðrir snillingar!

Óvarleg alhæfing

Ást Hannesar á Al Gore og ruslapoki Fréttablaðsins.

Hannes Hólmsteinn hnýtir í Gore í Fréttablaðinu í dag.  Bendir Hannes á mismunandi skoðanir Gores og Loftslagsnefndar Sameinuðiþjóðanna á væntanlegri hækkun sjávar.  Hannes nefnir að nefndin áætli hækkunina 6 cm næstu áratugina.  Ég hélt að nefndin áætlaði hækkunina verða 30-40 cm fram að aldamótum.  Páll Bergþórsson veðrufræðingur segir hækkunina verða 90-100 cm.  Annars nenni ég aldrei að lesa þessa pistla Hannesar.  Þeir eru einfaldlega fullir af pólitískum meinlokum og einkaskoðunum hans á málefnum sem hann hefur ekkert vit á, eins og loftslagsmálum, skattamálum, einkarekstrí o.s.frv.  Enda er Hannes bara opinber starfsmaður.

Tími til kominn að fá sérhannaða ruslapoka undir Fréttablaðið!

Rétttrúnaðarkirkja hægriöfgamanna í Sjálfstæðisflokknum!

Nú hafa læri- og fylgisveinar Hannesar lent enn einu sinni í teboði hjá frænkunni á Hringbrautinni.  Þar hefur þeim verið snúið aftur inná "réttar" brautir rétttrúnaðarins við frjálshyggjuna og nú skal selt.  Undirskriftir og orð þessara hjarðsveina eru alveg marklaus og er varað við að nokkur maður taki mark á orðum stjórnmálamanna einsog Gísla Marteins, Kjartans Magnússonar og annarra slíkra.  Einu er logið í dag og öðru á morgun. Gísli skrifaði undir plagg samráðsnefndarinnar og borgarstjórnarflokkur Sjálfstæðisflokksins var allur sáttur við niðurstöðuna.  Nú er komið í ljós að orð borgarfulltrúanna og undirskriftir voru tóm lygi og ekkert að marka.  Borgarstjórnarflokkurinn allur samsafn af ómerkingum.

Frjálshyggjan hefur hafið sókn sína á ný í þjóðfélaginu.  Í ríkisstjórn er rúllað yfir Samfylkinguna, einsog gamlan Framsóknarflokk, þannig að Sf lítur orðið út einsog hver annar tækifærissinnaflokkur.  Sem hún auðvitað er.  Nú skulu sett á skólagjöld í ríkisháskólunum og öðrum framhaldsskólum á vegum ríkisins.  Annars er svolítið fyndið að skoða þess svokölluðu einkareknu skóla á Íslandi.  Hvaðan kemur þeim fé til rekstursins.  Jú, frá ríkinu.  Einkarekna skóla á einfaldlega að fjármagna á annan hátt en ríkisskóla.  Í dag eru þeir ríkisreknir.  Annað er orðhengilsháttur.  Dæmigert fyrir íslenska pilsfaldakapítalista:  Einkafyrirtæki þeirra eru rekin með fjármagni úr ríkissjóði.  Einkarekna skóla á að fjármagna með skólagjöldum og framlögum fyrirtækja.  Ríkisrekna skóla með framlögum úr ríkissjóði.  Punktur.  Þorgerður Katrín hefur sennilega verið í teboði.  Fróðlegt væri að vita, hvort allur þingflokkur Sjálfstæðismanna fylgir henni eða hvort margir hafa verið tuktaðir til hlýðni við frjálshyggjuöfgana.

Nú sitja Ólafur F. og Samfylkingin í herkví frjálshyggjunnar, og vita ekki meir eða hvað.  Mun Ólafur hrökkva eða stökkva?  Hvað með Samfylkinguna?  Er hún eftir allt saman sami gamli tækifærissinnaði Flokkurinn, líkt og Alþýðuflokkurinn, og gerir allt fyrir völdin og sætin í ríkisstjórnarrússíbananum?

Tillaga um sölu á REI?

Allt á leið til andskotans!

Nú er allt á leið til andskotans í hinu íslenska kapítalíska þjóðfélagi.  Það er merkilegt, að sá sem stendur fyrir myrkustu dómsdagsspánni úr Svörtuloftum ku hafa verið helsti hönnuður og hugsuður þessa frjálsa viðskipta- og fjármálakerfis, sem við búum við.  Því hefur allavega verið haldið fram af Sjálfstæðismönnum, að Davíð Oddsson sé helsti frömuður nýjunga og frelsisvæðingar kapítalismans á Íslandi.  Það liggur því beinast við að reka þennan kjaftfora lögfræðing úr starfi Seðlabankastjóra, og allt hans hyski, þ.e. bankaráðið allt, og aðra sem þar sitja við stjórn.  Og auðvitað á að svipta Davíð öllum hans eftirlaunum í ljósi þess að hann ber persónulega ábyrgð á öllum þeim efnahagslegu óförum, sem þjóðin stendur frammi fyrir.

 

 

 

 

 

 

 

 

 

 

 

Ágætis leikrit Bláu handarinnar, svo sem.

Hannes Hólmsteinn gerði sig heiðarlegan, einlægan og auðmjúkan í framan í Kastljósinu.  Hann vissi sem sagt ekki betur.  Hvernig var það:  Notkun á texta, sem er höfundarvarinn, sem sinn eiginn lítt breyttan?  Í sumum tilfellum óbreyttan?  Ja, hérna hér.  Og ekki ritstuldur?  Heldur hvað?  Mér fannst Sigmar óþarflega "ljóskulegur" í í hlutverki spyrilsins.  Fékk hann stíf fyrirmæli í handritinu, hvers mætti spyrja?  Ja, spyr sá er ekki veit.  Hvað um það, þá fær Sigmar örugglega prik hjá Bláu höndinni fyrir frammistöðu sína.  Og auðvitað getur það komið sér vel í framtíðinni.

Það að Hannes var aðeins dæmdur til að greiða skaðabætur, en ekki til refsingar sýnist mér aðeins hafa verið af tæknilegum ástæðum.  Frestur var liðinn og svo framvegis.

Svo kemur að málaferlum Jóns Ólafssonar gegn Hannesi.  Og sem fyrr er Hannes sakleysið uppmálað, og einlægur og auðmjúkur.  Fyrir mörgum árum lét Hannes einhver ummæli falla um Jón í ræðu og birti svo á síðu sinni á Háskólavefnum.  Eitthvað fórst það fyrir einhverjum öðrum en Hannesi að taka ummælin út af síðu Hannesar aftur.  Af hverju Hannes tók þau ekki út sjálfur veit ég svo sem ekki.

Ummælin fóru fyrir brjóstið á Jóni, sem taldi að þau gætu skaðað sig í viðskiptaheiminum í Englandi, þar sem umsvif Jóns fóru aðallega fram á þeim tíma, sem þau birtust á vef Háskólans.

Það var athyglisvert að fylgjast með Hannes tjá sig um þetta mál í Kastljósinu.  Kom þar fram, að Hannes er alveg saklaus og grandalaus í málinu: 

A   Hann skilur ekki, að hann má ekki segja hvað sem er um hvern sem er.

B  Hann skilur ekki, hversvegna Jón Ólafsson höfðar mál í Englandi.

C  Hann skilur ekkert í enskum dómara að láta svona við sig.

Það hefði kannski verið betra fyrir Hannes að íhuga það á sínum tíma, hvort hann gæti staðið við ummæli sín um Jón Ólafsson, og hvort orð hans ættu sér stoð í veruleikanum.  Það var að vísu þannig andrúmsloft í þjóðfélaginu, að sumir virtust álíta, að þeir gætu sagt, hvað sem þeim þóknaðist um þá þegna þjóðfélagsins, sem voru þeim ekki þóknanlegir, satt og logið, án þess að það hefði nokkrar afleiðingar.  Má í þessu sambandi minna á orð Davíðs Oddssonar, en þau voru eitthvað að þessa leið: Það má bara ekkert segja hér lengur!  Einhver orð hafði Davíð látið falla um einhvern, líklega Jón Ásgeir Jóhannesson, og fengið bágt fyrir.

Þessi hugsanagangur kemur svo fram í betli-auglýsingu frjálshyggjufélagsformannsins.  Hannes hafi skrifað bók, sem hann mátti ekki skrifa og sagt eitthvað, sem hann mátti ekki segja blablabla.

Það er ljótt, ef Hannes þarf að lifa á samskotum einsog farandprédikari.  En um það er aðeins eitt að segja:  Honum var andskotans nær!

Hannes Hólmsteinn bendir á fyrri dóma Hæstaréttar

Nafnleysingjar?

Milton Friedman og forysta Kommúnistaflokks Kína.

Milton Friedman, lærifaðir frjálshyggjumanna, er helsti ráðgjafi ráðamanna í Kína við markaðsvæðinguna í landinu og þar með einn helsti áhrifavaldur í því þjóðfélagsástandi, sem þar ríkir.  Þessari frjálshyggju, sem ekki verður komið á við eðlilegar lýðræðislegar aðstæður, heldur aðeins undir alræði einhverskonar.  Í Suður-Ameríku með ofbeldi herforingjastjórna og í Kína undir alræði forystu Kínverska Kommúnistaflokksins (ath. ekki alræði alþýðunnar/öreiganna).  Vert að benda á þetta í ljósi áskorunar SUS til ráðamanna um að mæta ekki í Kína við setningu Ólympíuleikanna.