Og vaxa gæðin?

Amerískar fyrirmyndir.  En vonandi verða samt gæðin meiri á þjónustunni.   Varla er það arktektúrinn og næðið sem læknar fólk af þeim sjúkdómum sem þjakar það.  Það er greinilegt að nógir eru peningarnir.  Bara vonandi að eitthvað verði eftir þegar á að fara að byggja.  Og vonandi verða til einhverjir aurar til að borga starfsfólkinu laun!

Einstaklingssjúkrastofur með baði efst á óskalistanum

Flokkakynningarnar.

VinstriGræn voru með svona gamaldags ungmennafélagsútgáfu á kynningunni sinni.  Minnti soldið á 16 mm bíósýningar í barnaskólanum í gamla daga.

Guðríður Lilja var góð!  Alveg sérstaklega var ég sammála orðum hennar um stjórnmálamenn og atvinnulífið.  Fjármálamenn, fjárfestar og athafnamenn eiga að sjá um atvinnulífið.  Og alveg sérstaklega þegar um stofnun og rekstur stórfyrirtækja er að ræða.  Stjórnmálamenn geta hinsvegar séð til þess að sprotafyrirtæki og frumkvöðlar hafi aðgang að aðstöðu, aðstoð og fjármagni.  Stjórnmálamenn eiga svo að setja reglur til þess að fjármagnseigendur gleypi ekki allt og alla og vaði yfir allt í græðgi sinni og gróðafíkn.  "Græðgi leiðir nefnilega m.a. annars til glæpa.  þessvegna þarf reglur".

Benedikt Davíðsson er hetja!  Hann hefur þessa heiðríku sýn á réttlátt þjóðfélag, sem er svo gott að trúa á og vonast eftir.  En er kannski einsog regnboginn...En Benedikt er svo sannarlega trúr hugsjóninni um réttlátt þjóðfélag og mætti vera okkur fyrirmynd!

Geir H. Simpson var í mánudagsviðtali hjá einni af "ekkisætustustelpunniáballinu" og ekki orð um það meir!

Borgar Þó! Einarsson

"Það er ekki óvitlaust hjá Samfylkingunni"...Það væri óvitlaust nema það hafi verið vitlaust?

Hún er að grínast!

5 á þingi og 1 í borgarstjórn. Það eru ca. svona sömu hlutföll. Þarf að segja meira?

Valgerður: Framsóknarflokkur ekki í ríkisstjórn með svona lítið fylgi

Hún er að grínast!

5 á þingi og 1 í borgarstjórn.  Það eru ca. svona svipuð hlutföll. Þarf að segja meira?

Skoðanakönnun?

Skil ég það rétt, að útkoman sé reiknuð út frá svörum 477 svarenda?  Af 221.368 kjósendum á kjörskrá.  Hverjar eru líkurnar á að fá rétta útkomu úr svona könnun?  Spyr sá sem ekki veit!

Samfylking og Sjálfstæðisflokkur bæta við sig fylgi

Ábyrgðin á blogginu.

Það hringdi til mín ungur maður, Hallgrímur Viðar Arnarson, í hádeginu alveg miður sín. Einhver hafði komist inná bloggið hans og sett þar inn einhverja þvælu, sem ég gerði athugasemd við. Nú hefur það sem betur fer gerst í málinu að gerandinn hefur komið fram og beðist afsökunnar. Það er gott að málið leystist og hið sanna kom í ljós. En betra hefði verið að það hefði aldrei farið af stað.

Einkavæðing heilbrigðiskerfisins.

Skrýtið að heyra varaformann Sjálfsstæðisflokksins, og reyndar fleiri frambjóðendur flokksins, neita því að Sjálfstæðisflokkurinn vilji einkavæðingu í heilbrigðiskerfinu.  Les þetta fólk ekki samþykktir landsfundar flokksins áður en það samþykkir þær.  Það segir skýrum stöfum í samþykkt flokksins að kosti einkarekstrar skuli kanna í heibrigðiskerfinu.  Er ekki ein leiðin til að koma á einkarekstri í heilbrigðiskerfinu einmitt einkavæðing?

Rúmenskir ferðamenn?

Hvernig stendur á því að mér finnst Jón H.B. svo rosalega ótrúverðugur? Annars fannst mér nú þessir músíkantar  lífga skemmtlega uppá tilveruna. Þetta með að þeir séu undanfari glæpaflokka finnst mér hæpið.

Nítján Rúmenar fara úr landi í dag

Mannkærleikur?

Það verður ekki af þeim skafið, íbúunum við Njálsgötu, sem nú mótmæla væntanlegu heimili fyrir heimilislausa. Þeir hafa fjárfest í húsnæði í hverfi, sem varla hefur getað talist barnvænt hin síðari ár. Hversvegna hafa þeir gert það ? Jú, það þykir bæði fínt og þægilegt að búa í grend við miðbæinn, en það verður ekki bæði haldið og sleppt. Vilji maður búa við í miðbænum eða í grend við hann verður maður að sætta sig við ýmislegt, sem ekki fer fram í öðrum íbúahverfum svona yfirleitt. Háreisti og mannaferðir, allskyns starfsemi, skemmtanahald og fleira. Eðli málsins samkvæmt er staðsetning heimilis fyrir heimilislausa ekki starfsemi sem myndi ganga að setja upp í úthverfum fjarri miðbæjarsvæðinu. Bæði er þjónusta, sem íbúarnir sækja gjarna á miðbæjarsvæðinu og svo þrífast væntanlegir íbúar ekki í úthverfaumhverfi vegna þeirra lífshátta sem þeir hafa af ýmsum ástæðum tamið sér. En þetta er ekki í fyrsta skipti sem svona mótmæli fara fram í borginni og röksemdir þeirra sem hæst hafa eru þær sömu. Áhyggjur af verðfalli á fasteignum á svæðinu. Buddan er sem sagt þeirra viðkvæmasta líffæri. Ég man í augnablikinu eftir tveim  tilfellum þar sem væntanlegir íbúar einhverskonar heimila hafa ekki verið velkomnir í hverfi, en svo hafa mál einfaldlega gufað upp vegna þess að flest hefur gengið vandræðalaust. Hér á ég við heimili fyrir geðsjúka/geðfatla í Laugarásnum í Reykjavík og svo heimili Verndar á Teigunum (þar sem nú er rekið einskonar opið fangelsi). Í báðum tilfellum varð mönnum illt í buddunni af ástæðulausu. Íbúðaverð er síst lægra í næsta nágrenni við þessi heimili en annars staðar á sömu svæðum. Vandræði sem ýmsir töldu að fylgdi væntanlegum nágrönnum hafa ekki látið á sér kræla og flest gengið snurðulaust fyrir sig. Eða hefur einhver heyrt af einhverjum stórvandræðum á Teigunum eða í Laugarásnum nýlega?

Mótmæla staðsetningu á heimili fyrir heimilislausa

Yfirvofandi voði?

Það er á framsóknarmönnum að skilja að einhver voði vofi yfir komist formaðurinn ekki á þing. Það væri gaman að vita, hverskonar voði? En svo er slatti af öðrum framsóknarmönnum sem kemst ekki á þing heldur, en það er sennilega engin voði?

Bannað að skipta um skoðun?

Á stöð 2 þykir greinilega fréttnæmt ef einhver skiptir um skoðun á Íslandi. Steingrímur J. var á móti bjórnum fyrir 20 árum. Núna dáðist hann að vexti bjórverksmiðju norður í landi. Það hefði hann ekki átt að gera. Maður á nefnilega ekki að skipta um skoðun!  Steingrímur J. fékk reyndar mun minni tíma í fréttatímanum en drykkjuboltinn Paris Hilton!

Falskar í boði Framsóknar!

Breytir í raun engu frá núverandi ástandi!

Samið um tannlæknaþjónustu og forvarnarskoðanir 3 og 12 ára barna

Falskar eru enn í boði Framsóknar!

Ég vil vara foreldra barna 3-12 ára við að gleðjast of snemma yfir samningi Sivjar og formanns Tannlæknafélagsins.  Þetta er opinn samningur og nú á eftir að koma í ljós hvort tannlæknar skrifa undir hann.  Hver og einn tannlæknir verður að skrifa undir fyrir sig.  Það er ekki einsog félagar Tannlæknafélags Íslands séu á einhvern hátt skuldbundnir af samningnum.  Til þess að gerast aðili að samningnum verður hver tannlækningir fyrir sig að samþykkja hann og verða þannig aðili að honum.  Ef nú enginn skrifar undir, þá er þetta bara samningur milli Sivjar og formanns Tannlæknafélagsins, einsog hann er nú.  Ef tannlæknir barnsins míns eða þíns skrifar ekki undir er ég engu bættari eða verð að skipta um tannlækni, þ.e. skipta yfir til tannlæknis sem hefur samþykkt hann. Og ef hann er ekki eins góður og sérfræðingurinn í barnatannlækningum, sem við höfum farið til fram til þessa?  Greiðir þá Tryggingastofnun þessi 30-40% af kostnaðinum einsog áður eða fellur sá "samningur" alveg úr gildi.  Og svo er annað. Nýi samningurinn fjallar ekkert um tannviðgerðir, aðeins um eftirlit, leiðbeiningar um tannhirðu og flúorskolun!  Ekkert um viðgerðir! Pössum okkur á því!

Falskar eru enn í boði Framsóknar!  Hvað vilt þú í fermingargjöf barnið gott?

Sjálfstæðisflokkurinn og SÍS.

Ætli geti verið, að Sjálfstæðisflokkurinn sé kominn með sömu stöðu og SÍS í gamla daga?  Flestir héldu að SÍS væri eilíft og ómissandi!  Þar til það dó!  Þá voru allar fegnir og önduðu léttar...

Jón Gerald.

Ég var að vona, að nú værum við laus við Jón Gerald útúr íslensku þjóðlífi og allri umræðu hér á landi.  Nei! Ó, ekki!  Þurfti þá ekki Sigurður Tómas að áfrýja frávísuninni í máli Jóns Geralds.  Mér er alveg sama, hvort Jón þessi er sekur um glæp eða ekki.  Sigurður Tómas, gerðu það, dragðu þetta til baka!  Hlífðu nú þjóðinni við að þurfa að hlusta á Jón Gerald tjá sig opinberlega á Ísland.  Er ekki komið nóg?  Maðurinn er... Hér ákvað ég að hætta.  Annars fengi ég örugglega á mig meiðyrðamál!  Einsog Davíð sagði svo eftirminnilega:  Það má bara ekkert segja!  Sigurður Tómas hættu við, gerðu það!  Ekki áfrýja í máli Jóns Geralds...

Áfrýjun Jóns Ásgeirs.

Í gærkvöldi var Gestur Jónsson í Kastljósinu.  Þegar spyrill spurði Gest um áfrýjunina, hváði hún þegar kom í ljós að Jón Ásgeir mundi aðeins áfrýja  þessum eina lið sem hann er sakfelldur fyrir.  Hún hélt greinilega, að Jón mundi líka áfrýja þeim liðum sem vísað var frá!!!??? 

 Það var einusinni sagt um Árna Johnsen, að það heyrðist þegar hann hristi höfuðið.  Ætli þau séu eitthvað skyld þessi tvö, Árni og þessi stúlka í Kastljósinu. 

Ávöxtun lífeyris.

Það þarf  að skoða betur þessa fullyrðingu að meirhluti fjármagns lífeyrissjóðanna sé verðtryggður. Fyrir skömmu skoðaði ég þetta hjá nokkrum af stærstu sjóðum landsins, þá kom í ljós að í þeim tilfellum var 60-70% fjárins ávaxtaður í hlutabréfum og erlendum verðbréfum.  Þannig að ég held að þetta sé kjaftæði.  Meirihluti lífeyriseignar þjóðarinnar er ekki verðtryggður.  Annað er kjaftæði.  Að öðrum kosti sýnið mér frammá annað og vísið nú einu sinni í heimildir!  Hættið þessum fullyrðingavaðli!  Einsog tíðkast endalaus í þessu hundleiðinlega og síheimskulegra Kastljósi.

Gallup, smugan og bylting Matthíasar.

Einkennilegar þessar kannanir.  Var það ekki Spaugstofan sem skopaðist að því hvernig spurt er hjá Gallup:  Er þá ekki smá smuga að þú kjósir Sjálfstæðisflokksinn? Já, smá eða pínulítil?  Hefur eflaust verið ágætt þegar stjórnmálafræðingurinn fann þetta út, en dugir það í dag.  Hefur ekki orðið nein breyting í stjórnmálalífinu, sem segir að þetta sé úrelt?  Nei, ég bara spyr.  Annars var Gallup ansi nærri niðurstöðum kosninganna síðast, en mér skilst nú að smuguflokkurinn hjá þeim hafi fengið heldur slæma kosningu þá.  Þá þriðju verstu í sögunni, þannig að einhver viðbót væri ekki óeðlileg.

Sennilega yrði allt brjálað á ritstjórn Morgunblaðsins færi svo að stjórnin félli og forsetinn fengi Vinstrigrænum fyrstum umboð til stjórnarmyndunar.  Sem hástökkvari kosninganna, sennilega meira en tvöföldun atkvæða, væri Vg eðlilegast fyrsti kostur forsetans.  En þá yrði allt vitlaust.  Gamli ritstjórinn hefur kallað það byltingu á Bessastöðum gegn stjórnskipun landsins.  Og Sigurður Líndal skilur ekkert hvað verið er að fara, sem von er.  Ýmislegt hefur verið sagt og skrifað, en þetta er með því vitlausara!  Það er hættulegt, þegar flokkar og talsmenn þeirra fara að álíta að þeir eigi  sjálfvirkan rétt til valda.  Og sú skoðun hefur birst uppá síðkasti í skrifum Moggans og í orðum Ástu Möller.  Lýðræðisskipulagið byggir einmitt á hinu gagnstæða.  Enginn á sjálfvirkt tilkall til valda!  Og það er ekki sjálfgefið að djélistinn sé eðlilegur fyrsti kostur til að fá umboð til stjórnarmyndunar komi til þess að stjórnin falli.  Hann væri þá að koma útúr ríkisstjórn sem hefði fallið í kosningum og væri sem slíkur ekki fyrsti kostur, þó hann sé stærsti flokkurinn.  En þetta eru nú svona vangaveltur eftir að hafa verið að hlusta aftur á hádegisviðtalið við Sigurð Líndal frá 2.maí.  Ég er einfaldlega enn svo hissa á orðum Matthíasar um "byltinguna á Bessastöðum gegn stjórnskipun landsins".  Ég botna bara ekkert í þeim hugsanagangi sem liggur að baki þessum orðum.  Er það kannski svo að Matthías telji núorðið að Sjálfstæðisflokkurinn sé, á einhvern dularfullan hátt, orðinn hluti af stjórnskipulaginu?  Og það að tryggja ekki sjálfvirkan aðgang flokksins að völdunum tejist  byltingarstarfsemi?  Annað eins hefur nú gerst uppá síðkastið.  Allskyns nýjar skilgreiningar hafa t.d. skotið upp kollinum í þessu svokallaða stríði gegn hryðjuverkum.  Í aðdraganda árásarinnar á Írak skaut upp kollinum ný skilgreining á orðinu "gereyðingarvopn".  Orð sem hafði ekki verið notað um eiturefni, einsog sinnepsgas.  Kannast einhver við að hafa heyrt talað um beitingu gereyðingarvopna í fyrri heimstyrjöldinni 1914-1918?  Skv. þessari nýju skilgreiningu þá var gereyðingavopnum beitt af öllum stríðaðilum þá.  Hversvegna þá ekki að skilgreina stjórnmálahugtökin uppá nýtt.  Ef þú setur völdum Sjálfstæðisflokksins takmörk, þá er það byltingarstarfsemi og þú byltingamaður.  Skv. orðunum "bylting á Bessastöðum gegn stjórnskipuninni" stenst þetta.  Einu sinni voru þeir taldir byltingarsinnar sem aðhylltust lýðræðisskipulagið.  Kannski hefur ritstjórinn endurskilgreint orðið "bylting"?  Og líka "stjórnskipuleg"?

Og stjórninn fellur!

Í hverri skoðanakönnuninni eftir annarri fellur stjórnin!

Framsóknarflokkur tapar fylgi í Suðvesturkjördæmi