Litlu skila þessar málmbræðslur til þjóðarbúsins! Ekki á það bætandi? Með viðbót!

Borga þessir greifar svona mikla skatta?  Nei!  Málmbræðsluiðnaðurinn greiddi 2,4 milljarða í skatta 2006.  Það voru heil  0,43% af tekjum  hins opinbera!  Nei, það er satt,  skattpínd eru þessi grey, svei mér þá!  Og skiluðu heilum 2% af hreinum þjóðartekjum, eða innan við 16 milljörðum, mest launum! Það eru sem sagt álverin öll þrjú í eigu Norðuráls, Alcoa (hóf reyndar ekki rekstur verksmiðju fyrr en í apríl 2007), Járnblendiverksmiðja Elkem og RioTintoAlcan!  Og varla er þrautin þyngri hjá Sementinu.

Skattar 2,4 milljarðar 0,43% af tekjum hins opinbera. 2006.

Skila nær 16 milljörðum af hreinum þjóðartekjum eða 2%.  2008.                                          Það ár var Kárahnjúkaskrímslið komið í fullan rekstur og Alcoa farið að telja!  Fjórar málmbræðslur ná ekki að skila meiru en tæpum 2% af þjóðartekjum!

Mengunarskattur 0 krónur.

 

Boða fund um stóriðjuskatta

Baráttudagar í október - ár frá hruni. Helgina 10.-11. október.

Baráttudagar í október - ár frá hruni

Helgina 10.-11. október heldur Rauður vettvangur ráðstefnuna "Baráttudaga í október - ár frá hruni". Á henni verður farið yfir stöðuna í þjóðfélaginu í fjórum málstofum.

"Bankahrunið og reynslan af fyrsta ári kreppunnar",

"Hver fer með völdin á Íslandi?" og

"Átök og verkefni framundan" verða á laugardeginum og sameiginlegur kvöldverður um kvöldið.

Á sunnudeginum verður fjórða málstofan, "Ný stefna fyrir Ísland", og eftir hana opinn umræðufundur um skipulag nýrrar byltingarhreyfingar.

Frummælendur eru Andrea Ólafsdóttir, Gunnar Skúli Ármannsson, Helga Þórðardóttir, Herbert Sveinbjörnsson, Héðinn Björnsson, Jakobína Ólafsdóttir, Kolbeinn Stefánsson, Lilja Mósesdóttir, Vésteinn Valgarðsson, Þorleifur Gunnlaugsson, Þorvaldur Þorvaldsson, Þórarinn Hjartarson og Þórður Björn Sigurðsson.

Rauður vettvangur er félag sósíalista. Það var stofnað í árið 2008 og hefur haldið reglulega og óreglulega fundi, Rauðan fyrsta maí og Rauða daga í Reykjavík í júlí sl. Tilgangur félagsins er að leggja sitt af mörkum í endurskipulagningu íslensks þjóðfélags út úr og upp úr kreppu.

Nánari upplýsingar:
www.raudurvettvangur.blog.is

Mat á arðsemi orkusölu til stóriðju.

Mat á arðsemi orkusölu til stóriðju
http://www.fjarmalaraduneyti.is/media/Utgefin_rit/Mat_a_ardsemi_orkusolu_til_storidju_1.pdf
Formáli
Í apríl 2009 samdi Fjármálaráðuneytið við Sjónarrönd ehf. um að framkvæma mat á afrakstri
orkusölu til erlendrar stóriðju fyrir íslenska þjóðarbúið. Verkefnið greinist í tvo
meginverkþætti: Annars vegar skal leggja mat á arðsemi orkusölu til stóriðju; hins vegar skal
meta þjóðhagsleg áhrif af erlendum fjárfestingum í stóriðju. Samkvæmt verkáætlun skyldi
skila áfangaskýrslu í maí á þessu ári og endanlegum niðurstöðum síðar á árinu. Þessi
áfangaskýrsla er í samræmi við þessa kvöð. Lögð er áhersla á að auk þess sem hér er aðeins
tekið á vissum verkþáttum eru þær niðurstöður sem hér eru teknar saman til bráðabirgða og
gætu breyst í lokaútgáfu skýrslunnar.
Fyrir hönd Sjónarrandar hafa eftirtaldir unnið að gerð þessarar skýrslu: Þorsteinn Siglaugsson
hagfræðingur, Dr. Sigurður Jóhannesson hagfræðingur, Dr. Ásgeir Jónsson lektor við Háskóla
Íslands og Dr. Ragnar Árnason prófessor í hagfræði við Háskóla Íslands.
29. maí 2009
Fyrir hönd Sjónarrandar ehf.

……………………………………………………..
Skatttekjur af stóriðju:
Skattar á málmframleiðslu sveiflast nokkuð frá ári til árs, en árið 2005 voru þeir 765 milljónir
króna (eða 0,14% af tekjum hins opinbera) og 2006 2,4 milljarðar (0,43% af tekjum hins
opinbera (www.hagstofa.is, ársreikningar fyrirtækja).

Umfang stóriðju í hagkerfinu:
Tekjur Íslendinga af rekstri stóriðju, sem eru fyrst og fremst laun, nálguðust sennilega 16
milljarða árið 2008, eða 2% af hreinum þjóðartekjum alls (hreinar þjóðartekjur eru tekjur
íslenskra framleiðsluþátta, vinnuafls og fjármagns, en afskriftir af fjármagni eru hér ekki taldar með).

Mat á arðsemi orkusölu til stóriðju. Efnið er tekið af vef Fjármálaráðuneytisins!

Mat á arðsemi orkusölu til stóriðju
http://www.fjarmalaraduneyti.is/media/Utgefin_rit/Mat_a_ardsemi_orkusolu_til_storidju_1.pdf
Formáli
Í apríl 2009 samdi Fjármálaráðuneytið við Sjónarrönd ehf. um að framkvæma mat á afrakstri
orkusölu til erlendrar stóriðju fyrir íslenska þjóðarbúið. Verkefnið greinist í tvo
meginverkþætti: Annars vegar skal leggja mat á arðsemi orkusölu til stóriðju; hins vegar skal
meta þjóðhagsleg áhrif af erlendum fjárfestingum í stóriðju. Samkvæmt verkáætlun skyldi
skila áfangaskýrslu í maí á þessu ári og endanlegum niðurstöðum síðar á árinu. Þessi
áfangaskýrsla er í samræmi við þessa kvöð. Lögð er áhersla á að auk þess sem hér er aðeins
tekið á vissum verkþáttum eru þær niðurstöður sem hér eru teknar saman til bráðabirgða og
gætu breyst í lokaútgáfu skýrslunnar.
Fyrir hönd Sjónarrandar hafa eftirtaldir unnið að gerð þessarar skýrslu: Þorsteinn Siglaugsson
hagfræðingur, Dr. Sigurður Jóhannesson hagfræðingur, Dr. Ásgeir Jónsson lektor við Háskóla
Íslands og Dr. Ragnar Árnason prófessor í hagfræði við Háskóla Íslands.
29. maí 2009
Fyrir hönd Sjónarrandar ehf.

……………………………………………………..
Skatttekjur af stóriðju:
Skattar á málmframleiðslu sveiflast nokkuð frá ári til árs, en árið 2005 voru þeir 765 milljónir
króna (eða 0,14% af tekjum hins opinbera) og 2006 2,4 milljarðar (0,43% af tekjum hins
opinbera (www.hagstofa.is, ársreikningar fyrirtækja).

Umfang stóriðju í hagkerfinu:
Tekjur Íslendinga af rekstri stóriðju, sem eru fyrst og fremst laun, nálguðust sennilega 16
milljarða árið 2008, eða 2% af hreinum þjóðartekjum alls (hreinar þjóðartekjur eru tekjur
íslenskra framleiðsluþátta, vinnuafls og fjármagns, en afskriftir af fjármagni eru hér ekki taldar með).

 

Höfundarréttarvarið efni á mbl.is!

Í morgun barst mér, og kannski fleirum, póstur frá blogg-ritskoðuninni um að bannað væri að  nota höfundarréttarvarið efni á blogginu, og við sem  brytum þá reglu ættum lokun yfir höfði okkar!  Mbl.is býr greinilega ekki við þessar sömu reglur, eða hafa þeir leyfi til að birta efni af vef Ögmundar.  Kannski telur hann óþarfi að verja efni sitt með höfundarrétti?  Kannski er hann ekki jafn mikill aðdáandi einkaeignarréttarins og AMX og blogg-ritskoðunin!

Ögmundur: Var stillt upp við vegg

"Lokum öllum álverum og björgum Íslandi." Grein á AMX.

Varla verður AMX bendlað við Vinstrigræn, en hér koma fram hin efnahagslegu rök!

http://www.amx.is/pistlar/10187/

Þetta verða Sjálfstæðismenn að lesa!

Eitruð sending frá þingmanni

Helgi Hjörvar, þingmaður Samfylkingarinnar, skrifar stutta athugasemd í Morgunblaðið í dag og vekur athygli á að stærsta einstaka skuldin sem Íslendingar þurfi að greiða vegna bankahrunsins sé vegna afskriftareiknings Seðlabanka Íslands frá stjórnartíð Davíðs Oddssonar. Þessi 300 milljarða skuld dynji á almenningi af fullum þunga nú þegar ólíkt Icesave-skuldinni.

Helgi segir orðrétt: "Til að forða Seðlabanka Íslands frá gjaldþroti, þurfti ríkissjóður að leysa til sín tapaðar kröfur vegna fallinna fjármálastofnana að andvirði 300 milljarðar króna. Reikningurinn úr Seðlabankanum er 60 milljörðum hærri en fjárhæðin sem áætlað er að Icesave-reikningurinn endi í með vöxtum. Ólíkt Icesave-skuldbindingunum sem fyrst koma til greiðslu eftir sjö ár þarf almenningur á Íslandi þegar í dag að blæða fyrir reikninginn úr Seðlabankanum í formi hækkaðra skatta og niðurskurðar velferðarþjónustu ríkisins.
Skattahækkanir í fjárlagafrumvarpinu munu verða heilan áratug að vinna upp það tjón.
Hollt er að hafa þetta í huga við lestur Morgunblaðsins þessa dagana."

Smástráka-þroskastig skríp()anna á AMX, sem kallar sig "fremsta fréttaskýringavef landsins"!

 Textinn hér fyrir neðan er aðeins dæmi um ómerkilegan málflutning kjaftakallanna á hægri kanti stjórnmálanna.  Svipaður og ruglið í heimastjórninni á INN Ingva Hrafns!  Smástráka-þroski!  Of stórt uppí sig tekið að kalla þá skrípenta!

"Smáfuglarnir heyra, að 16 milljarða skatturinn, sem Katrín Júlíusdóttir, iðnaðarráðherra, vissi ekki um, fyrr en hann hafði verið kynntur í fjárlagafrumvarpinu, gangi undir heitinu „servíettuskattur Indriða H.“, af því að Indriði H. Þorláksson, aðstoðarmaður fjármálaráðherra, hafi hannað hann á servíettu einhvers staðar á opinberum vettvangi – kannski í flugvél, þar sem hann er hættur að þora að kveikja á tölvunni sinni.

Ótti Indriða H. við tölvur í flugvél á sér augljósa skýringu, þar lásu menn minnisblað hans til Steingríms J. um ICESAVE 2. september. Indriði H. segist ekki svara neinum spurningum um minnisblaðið, af því að hann hafi óbeit á „gluggagægjum“. Hann neitar örugglega einnig að svara öllum spurningum um servíettuskattinn. Katrín Júl. geti bara farið úr stjórnarráðinu, eins og Ögmundur, sætti hún sig ekki við ákvarðanir Steingríms J."

Strax! Strax, og aftur strax!

Fyrirsögnin á leiðara Fréttablaðsins inniheldur þetta orð strax.  Þjóðin þarf nýtt sóknarskeið strax.  Allt þarf að gerast strax.  Hvað höfum við ekki heyrt þetta oft uppá síðkastið, og á undanförnum árum, strax.  Frekjan í manni segir strax.  Ég vil þetta og hitt núna strax.  Stjórnmálamennirnir hafa unnið myrkranna á milli, já allan sólarhringinn við að vinna þau verk sem þeir hafa tekið að sér, og allir heimta úrlausn sinna mála strax.  Að þeirra þörfum sé sinnt strax, hversu nauðsynleg þau eru  svona yfirleitt og gagnslaus fyrir heildina.  Allt skal gerast strax. Frekjan ég!

Nýjasta dæmið úr stjórnmálaumræðunni er fjárlagafrumvarpið.  Sjálfstæðismenn ýmsir eru hissa að fjárlagafrumvarpið komi ekki alskapað úr ráðuneytinu.  "Þeir hafa nú einu sinni haft 8 mánuði til að vinna frumvarpið."  Já, já, "þeir" hafa náttúrulega ekkert haft annað að gera líka þessa 8 mánuði, eða hvað?  Nei, ég vil fá frumvarpið tilbúið alskapað strax!  Þetta er bara lélegt frumvarp og léleg ríkisstjórn, sem getur ekki einu sinni haft frumvarpið alskapað strax, af því að ég vil hafa það svoleiðis, og svo hafa þeir nú einu sinni haft 8 mánuði til að skapaða það!  Frekjan ég!

Og nú eru allir vitlausir útaf umhverfismatinu á línustaurunum, sem leggja á til Helguvíkur!  SA er hneykslað á að fá ekki að gefa álit sitt eða andmæli þrátt fyrir að vera ekki umsagnaraðili í málinu skv lögum!  Frekjan ég!  Hversvegna, jú, þeir vilja staurana strax, og þeir vilja álverið strax.  Skítt með umhverfisáhrifin og skítt með þó rafmagnsframleiðsla til álversins skapi eintóm vandræði.  Eða hvaða rafmagn á að flytja með þessari línu til þess að knýja þetta álver strax.  Það er nefnilega búið að koma orkumálum þjóðarinnar í algert öngþveiti.  Verði álverin í Helguvík og á Bakka bæði reist og framleiðslan sett í fullan gang miðað við endanlega ætlaða stærð þeirra verða allir hagkvæmir virkjunarmöguleikar landsins uppurnir þar með, strax.  Um það mál má lesa í grein á Smugunni. http://www.smugan.is/pistlar/adsendar-greinar/nr/2327

Og þá erum við nefnilega komin að ástæðunni fyrir hversvegna menn vilja að þetta gerist svona hratt og strax.  Það er til þess að þjóðin komist ekki að því fyrr en of seint, að möguleikar hennar hafa verið skertir með þessu strax.  Einu virkjunarmöguleikar þjóðarinnar verða þá á hálendi landsins, óhagkvæmar smávirkjanir og svo fram vegis.  það verður búið að selja útlendingum alla hagkvæma rafmagnið í mengandi stóriðju fyrir spottprís.  Álver í Helguvík, í endanlegri stærð, þarf meira rafmagn en hægt er að framleiða á Reykjanesi og með þrem virkjunum í Þjórsá!  Og þá vantar enn uppá!  Þess vegna þarf að drífa þetta af strax!  Semja og selja strax.  Byggja álverin strax og reisa línustaurana strax.  Virkja strax.  Áður enn það er um seinann.  Því þegar allt hagkvæma rafmagnið hefur verið selt strax til mengandi stóriðju, og ekkert eftir annað, þá er of seint að snúa við.  Þess vegna þarf þetta að gerast strax.  Álverið í Straumsvík vill stækka strax.  Það kostar þjóðina virkjun uppá litla 25 milljarða.  Ég skil vel að það þurfi að skapa störf og það verða til 12 ný störf, en þessi nýju störf munu kosta 25 milljarða!  Strax!  Frekjan ég!

Ég á ekki til orð! Hvað vill Bjarni Ben uppá dekk?

Bjarni Ben ku vera formaður stærsta stjórnmálaflokks á Íslandi.  Var hann að fá upplýsingar um eðli alþjóðagjaldeyrissjóðsins í morgun?  Það er aungvu líkara!  Ég er búinn að velta þessari frétt fyrir mér meira og minna síðan um hádegið, og ég er enn orðlaus af undrun.  Ég hélt nefnilega að eðli AGS væri alþekkt og hefði verið um nokkurt skeið.  Í heilt ár hefur hvert mannsbarn á Íslandi áttað sig á að AGS er ekki alþjóðleg félagsmálastofnun, nema Bjarni og ráðgjafar.  Og það er einmitt sama fólkið og gerir hvað það getur til að velta ríkisstjórnunni úr sessi til þess að komast sjálf í stólana.  Skítt með hagsmuni þjóðarinnar.

Í heilt ár hafa Íslendingar talað og skrifað um AGS, og nokkrir mikið lengur.  Framferði hans, og sögu, allsstaðar þar sem hann hefur drepið niður fæti.  Allir nema Bjarni Ben og ráðgjafar hans.  Ferill AGS er á allra vitorði nema forystunnar í Sjálfstæðisflokknum og ráðgjafa hennar.

Hvað vill Bjarni Ben uppá dekk?

Hneisa fyrir Alþjóðagjaldeyrissjóðinn

Vissu fleiri en þögðu þó!

Að framkvæmdavaldið væri bundið af ákvörðunum Alþingis.  Það breyttist að vísu svolítið í síðustu stjórnartíð Sjálfstæðisflokksins.  Þá var nefnilega Alþingi gjarnan bundið af ákvörðunum formanna stjórnarflokkanna.

Það er einsog mig minni, að alltaf hafi staðið til að upplýsa stjórnarandstöðuna um stöðu mála.  Bjarni fellst á nauðsyn þess að halda sig við leyndina þrátt fyrir stóryrði um annað!  Í gær var það skylda stjórnarinnar að upplýsa stjórnarandstöðuna og þjóðina!

Hvað vill Bjarni Ben uppá dekk?

Fundi um Icesave lokið

Hin alþekkta undirgefni...

...Morgunblaðsins við útlenda auðhringi brýtur hér af sér allar flóðgáttir.  "Stórtækir auðlindaskattar" hljóðar fyrirsögnin og viðmælendurnir eru alkunnur hægrimaður og talsmaður atvinnurekenda, sem hafa búið hér í bómullarvöggu skattaparadísar auðmanna og fyrirtækja þeirra, og svo talsmaður einhvers víðfrægasta umhverfissóða sem alþjóðavæðingin og kapítalisminn hafa getið af sér. 

Hin undirgefnu stjórnmálaöfl, sem Mogginn er málssvari fyrir, útbjuggu hér skattaparadís fyrir vini sína og umbjóðendur úr stétt auðmanna.  Hinir undirgefnu sömdu við Alcan, og fleiri útlend stórfyrirtæki, um stórfellda skattaafslætti og útsöluverð á raforku, en gleymdu umhverfissköttunum.  Það er reyndar einsog þeir þekki ekki nógu vel eigin hugmyndafræði, því það voru einmitt skoðanabræður þeirra sem uppdiktuðu umhverfisskatta á sínum tíma.  Sérstaka skatta á orkunotkun og umhverfissóðaskap.  Hinir undirgefnu lækkuðu líka skatta á hinum margfræga þennslutíma Kárahnjúkahamfaranna þvert ofaní alla hugmyndafræði, bæði sína eigin og annarra.  Að maður tali nú ekki um hagfræðina.  Að lækka skatta í þenslu hagkerfis er hugmynd sem er óþekkt sem hagfræðilegt stjórntæki annarsstaðar í heiminum.  Undirgefnin var slík, að sagt var:  Ef við lækkum ekki skattana fara bara fyrirtækin úr landi og auðmennirnir fara með fé sitt til útlanda.  Og ef við lækkum ekki skattana og seljum ekki orkuna fyrir nánast ekki neitt kemur ekkert stórfyrirtæki til landsins. 

Skattarnir voru lækkaðir og orkan auglýst á útsölu.  Hvað skeði?  Stóðu forstjórar erlendra auðhringa í biðröð einhversstaðar ólmir að koma til landsins.  Nei, það upphófst allskyns barningur við að væla í forstjórunum að koma nú til landsins.  Sveitarfélög og fyrirtæki steyptu sér í stórskuldir við undirbúning að dýrðinni.  Og ekkert gerðist.  Enginn kom.  Þrátt fyrir skattastefnu hinna undirgefnu   Auðmennirnir, sem hinir undirgefnu vildu fyrir allan mun halda í, fóru með fé sitt til útlanda.  Fé sem þeir reyndar áttu ekkert í.  Þeir rúðu samfélagið inn að skinni, og voru svo farnir.  Bless!  Þrátt fyrir skattastefnu hinna undirgefnu.  Eða kannski vegna hennar.

Nú á að leggja á einhverja smáaura í orku- og umhverfisskatt, og þó upphefst væl hinna undirgefnu.  Það kemur enginn og það fara allir!

Kannski er einmitt ástæðan fyrir hvernig fór með stefnu hinna undirgefnu, að menn vilja frekar eiga samskipti, og þar með viðskipti, við stjórnvöld með sjálfsvirðingu. 

 

Stórtækir auðlindaskattar

Sóun á almannafé!

Þó lítið sé!  Einsog í heimilisbókhaldinu eru það einmitt litlu upphæðirnar sem telja.  Margt smátt gerir eitt stórt!

Ætli samgönguráðherra væri ekki til í að styrkja mig í að halda úti þessu blogg-rugli mínu?

Brussel skrifstofa styrkt áfram

Það var og!

Jafn illa og mér líst á norska lánið sem Höski og Simmi drösluðu með sér í stjórnarráðið? 

 

Líst illa á fjárlögin

Viðskiptaráð Íslands.

Við höfum ekkert að sækja til Viðskiptaráðs Íslands, enda standa flestir þeim svo mikið framar á flestum svið!  Eða var það ekki einhvernvegin þannig sem þessir frjálshyggjupappírar orðuðu það sjálfir á sínum tíma?

Hélt kannski einhver hluti Íslendinga að það kostaði okkur ekki neitt að komast útúr hrunarústum frjálshyggjutilraunar Sjálfstæðisflokksins og Viðskiptaráðs? 

Skattastefnu stjórnvalda harðlega mótmælt

Sekir endurskoðendur?

Hafi þeir skrifað uppá sannanlega fals-bókhaldið eru þeir væntanlega sekir líka!

Grunur um fjölda brota

Reynum að misskilja ekki forsetann!

Eða þannig!

 

Herra Misskilinn.

Viðbúnaður vegna þingsetningar

Veruleiki Evrópusambandsins einsog blautur sjóvettlingur!

Það væri kannski ráð að þingmaðurinn kynnti sér hvernig, og fyrir hverja, Evrópusambandið starfar.  Hún hefur sjálfsagt lesið sáttmála og yfirlýsingar, en veruleikinn er allur annar.  Hafi einhver haldið að Evrópusambandið væri góðviljaður samstarfsvettvangur aðildarríkjanna, þá er það rangt.  Evrópusambandið er valdaapparat gamalla nýlenduvelda og auðhringja þeirra.  Það eru hagsmunir þeirra og aungvra annarra, sem þar ráða för.

„Þá eruð þið bara vandamál fyrir framkvæmdastjórnina“

Ekki alveg rétt! Evrópusambandið og Alþjóðagjaldeyrissjóðurinn eru í hlutverki klósettvarðarins og sturta niður!

Frá mínum bæjardyrum séð er það nú frekar alþjóðasamfélagið sem er að sturta íslenskri þjóð niður.  Auðmennirnir gengu hart til verks með hjálp alþjóðaauðvaldins og frjálshyggjusinnaðra stjórnvalda og valdastofnanna þeirra.  Evrópusambandið og Alþjóðagjaldeyrissjóðurinn klára svo verkið með því að skella ábyrgðinni á alþýðu Íslands í innheimtuaðgerðum sínum. 

Furðulegt að Lilja Mósesdóttir sé hissa eftir fund sinn með þingmönnum frá Evrópusambandsríkjunum.  Hafði hún ekki kynnt sér hvernig, og fyrir hverja, Evrópusambandið starfar.  Hafði hún aðeins lesið sáttmála og opinberar yfirlýsingar Evrópusambandsins.  Fékk hún veruleikann í andlitið einsog blautan sjóvettling.  Evrópusambandið lítur nefnilega óskaplega vel út á pappírnum, en veruleikinn er annar.

Heilli þjóð sturtað niður

Meint kaup ríkisins á Glitni fyrir ári.

Fréttamenn endurtaka sömu sögufölsunina aftur og aftur, að íslenska ríkið hafi keypt Glitni fyrir ári.  Hið rétta er að Fjármálaeftirlitið yfirtök bankann í óþökk fyrrum eigenda hans.  Þetta hefur verið gagnrýnt æ síðan.   Hér frétt rúv af málinu á sínum tíma.  Ekki beint samhljóða fréttaflutningi rúv á ársafmæli hrunsins:

Fyrst birt: 08.10.2008 11:49

Síðast uppfært: 08.10.2008 13:40

 

Fjármálaeftirlitið yfirtekur Glitni

Fjármálaeftirlitið hefur tekið yfir rekstur Glitnis og skipað sérstaka skilanefnd um rekstur bankans. Kaupþing hefur rætt við Fjármálaeftirlitið um aðkomu Kaupþings að uppstokkun Glitnis. Þorsteinn Már Baldvinsson, stjórnarformaður Glitnis, telur að samningur um 84 milljarða hlutafjáraukningu í Glitni standi enn.

Fjármálaeftirlitið hafi hinsvegar ekki svarað erindinu og hluthafafundur hefur ekki verið boðaður. 

Davíð Oddsson, seðlabankastjóri, sagði í Kastljósi í gærkvöld að Glitnir þyrfti að vera starfhæfur banki ef ríkið ætti að standa við hlutafjárloforðið. 

Nú hefur Fjármálaeftirlitið tekið yfir bankann og því liggur í augum uppi að bankinn er í greiðsluþroti.  Þorsteinn Már stendur hinsvegar enn í þeirri trú að ríkið standi við sinn hlut. Hann telur að hluthafafundur verði haldinn og ríkið sé skuldbundið til að borga þessa peninga inn í bankann.

Þorsteinn Már segir inngrip Seðlabankans í Glitni hafa veikt stöðu íslenska fjármálakerfisins og haft bein áhrif til hins verra.  Hann gagnrýnir Davíð Oddsson Seðlabankastjóra, sem hann segir hafa komið gengisvísitölunni úr 115 í 220 á nokkrum mánuðum hafi ekki betra eftirlit með peningamálastefnunni sen svo að nú séu tveir bankar gjaldþrota. Það segir dálítið um stjórnunarhæfileika þeirra í Seðlabankanum. Þegar hann er spurður um stjórnunarhæfileika stjórnenda í Glitni sem hafi fjárfest og skuldsett bankann gríðarlega þegar lalt lék í lyndi, og hvort þeir hefðu ekki átt að sjá þetta fyruir segir Þorsteinn það ljóst að bankinn hafi verið skuldsettur en hann hafi líka átt miklar eignir sem hefði verið hægt að vinna úr á annan hátt en var gert.

Skjótt skipast veður í lofti í bankaheiminum þessa dagana. Nú vinna fornir fjendur úr eignum Glitnis að næturlagi að því er virðist.  Kaupþing greindi frá því í morgun að viðræður hefðu átt sér stað í nótt milli Kaupþings og fjármálaeftirlitsins um aðkomu Kaupþings að uppstokkun eigna og skulda Glitnis, eins og Kaupþingsmenn orða það.   Már Mássson, upplýsingafulltrúi Glitnis, segir að skýrt hafi komið fram hjá skilanefnd fjármálaeftirlitsins að engin breyting yrði á starfsemi Glitnis hérlendis, starfsmenn bankans og yfirmenn myndu starfa áfram hjá bankanum. 

 

[e-mail]