Stórútsalan á Íslandi hafin!

 

 

30.6.2009 | 10:57

The Big Sell-out Íslands hafið!

Þetta er stórhættuleg þróun sem er að hefjast með þessari sölu á HS Orku, ef af verður.  Það er vonandi enginn sem heldur að þessir fjármálamenn ætli sér að reka HS Orku, einsog orku- og veitufyrirtæki hafa verið rekin á Íslandi fram til þessa.  Nei, þeir munu gera allt til að hámarka afraksturinn af fyrirtækinu.  Og hvað mun það þýða í orkuverði til almennings?  Tvöföldun, fjórföldun á verði?

Myndin "The Big Sell-out" var nýverið sýnd á RÚV (kemur á óvart, en góðra gjalda vert).  Þar mátti sjá hvernig fjármálamenn léku samfélagsleg fyrirtæki og stofnanir víða um heim.  Bechtel (var þetta fyrirtæki ekki eitthvað að brasa hér á landi, svo þeir þekkja til hér) "eignaðist" vatnsveitur í Bólivíu, fjármálamenn rafmagnsveitu í S-Afríku, heilbrigðiskerfi Filippseyja var einkagróðavætt.  Hver var niðurstaðan fyrir íbúana, sem þurftu að nota sér þjónustu þessara fyrirtækja og stofnana, sem voru komin í "eigu" peningamanna?  Jú, hún var sú, að fólkið hafði einfaldlega ekki efni á að nýta sér þjónustuna.  Sem það hafði áður getað! 

Nú á sem sagt að hefja "The Big Sell-out" á Íslandi í boði einkavæðingarsinna!

Hér er verið að fremja samfélagslegan glæp! Einkaeign á auðlindum landsins er óásættanleg og vinnur gegn hagsmunum samfélagsins! 

Mótmæla sölu á hlut í HS Orku

Nýfrjálshyggjustjórn?

Félli stjórnin, hvað fengjum við yfir okkur þá?  Nýfrjálshyggjustjórn með Enneinn Bjarna, Þorgerði  Gunnars kúlulánaþega, Sigmund Davíð (sem virðist hafa tapað veruleikaskyni sínu síðustu daga), bankastjóra Werner-bræðra (Sjóvá-Milestone-Macau) Tryggva Þór Herbertsson eða Blair-istana úr Samfylkingunni?  Hannes Hólmstein og Þór Sigfússon sem hugmyndafræðinga.  Og svo framvegis........Er ekki búið að svíða nóg af Íslendingum?  Sjálfstæðisflokk og Framsókn aftur eða Sjálfstæðisflokk og SamfylkingarBlair-istana? 

Fylgi stjórnarflokkanna minnkar

Plan B?

Til hvers?  Það er orðið nokkuð ljóst af framkomnum upplýsingum, að ekki er um annað að ræða en að greiða þetta Icesave klúður útrásarprinsa frjálshyggjunnar.  Til hvers að vera með plan B?  Trúið þið því að eitthvað betra gefist nú, jafnvel eitthvað enn betra en i samningsdrögunum á minnismiðanum hans Árna?

  Ég las eftirfarandi á bekk við Austurvöll í dag, skrifað með svörtu:  Hengjum okkur saman í sumar!  Er það eitthvað plan B, fyrir þá sem halda að veruleikinn sé bíómynd?  En ekki þessi hrollkaldi veruleiki sem við blasir í skýrum kröfum "vina" okkar í Nato og ESB:  Borgið eða étið það sem úti frýs, ein í þeirri kreppu, sem er rétt aðeins hafin!  Því ástandið á eftir að versna og svo á það bara eftir að versna enn meir!  Viljum við þá standa ein eftir?  Búið að draga til baka lánið frá AGS og loka á allar lánalínur og lánamöguleika!  Þá sitjum við hér bensínlaus, sígarettulaus og ekkert kornfleks í morgunmat....

Ein lítil dæmisaga, stundum sögð sem brandari:  Einu sinni voru maurar á ferð.  Þeir rákust á fíl.  Og þar sem maurarnir voru góðu vanir og höfðu unnið góða og mikla sigra fyrr á göngu sinni ákváðu þeir að leggja til atlögu við fílinn og leggja að velli.  Og einsog þið vitið, börnin góð, þá eru fílar ógnarstórir og maurar að sama skapi smáir.  Og sem þeir hafa lengi herjað á fílinn án árangurs, þá kemst loks einn maurinn uppá herðakamb fílsins.  Og þá hrópuðu allir hinir maurarnir einum rómi:  Kiddi kyrkt'ann, kyrkt'ann!  Þú hefur hann alveg!  Engum sögum fer af kyrktum fíl í skóginum.  Að minnsta kost ekki þann daginn.

Allt þykir benda til þess, að samdrátturinn í heimsframleiðslunni muni halda áfram næstu misserin.  Þó ekki sé víst að kreppan nú hegði sér nákvæmlega einsog sú, sem hófst 1929.  Gegnum allt hrunið á 4. áratugnum trúðu menn því, að einmitt núna væri botninum náð.  Nákvæmlega einsog í þessari sem nú herjar!  Ættum við ekki frekar að reyna að verjast hræætunum sem munu herja á íslenskt samfélag í líki peningamanna, einsog þeirra sem nú eru að gera kaupsamning um HS Orku.  Og reyna að koma í veg fyrir eitt allsherjar "Sell-Out" á fyrirtækjum og stofnunum landsins.  Er þjóðin ekki búin að fá nóg af reynslu sinni af auðmönnum og peningamönnum?

„Ekkert plan B"

The Big Sell-out, framhald!

Og svo verður væntanlega selt áfram til peningamanna, sem þurfa svo aðeins að gæta hagsmuna hluthafanna!  Hagsmunir neytenda fyrir borð bornir, og "Liberal" verður voða glaður!

HS Orka tekur kauptilboði Reykjanesbæjar

Fjallkonan seld!

"The Big Sell-out" á Íslandi hafið?  Þarf þá almenningur að fara að hnupla rafmagni og vatni frá útlendingum? 

Fréttaskýring: Einkavæðing HS Orku

The Big Sell-out Íslands hafið!

 

Þetta er stórhættuleg þróun sem er að hefjast með þessari sölu á HS Orku, ef af verður.  Það er vonandi enginn sem heldur að þessir fjármálamenn ætli sér að reka HS Orku, einsog orku- og veitufyrirtæki hafa verið rekin á Íslandi fram til þessa.  Nei, þeir munu gera allt til að hámarka afraksturinn af fyrirtækinu.  Og hvað mun það þýða í orkuverði til almennings?  Tvöföldun, fjórföldun á verði?

Myndin "The Big Sell-out" var nýverið sýnd á RÚV (kemur á óvart, en góðra gjalda vert).  Þar mátti sjá hvernig fjármálamenn léku samfélagsleg fyrirtæki og stofnanir víða um heim.  Bechtel (var þetta fyrirtæki ekki eitthvað að brasa hér á landi, svo þeir þekkja til hér) "eignaðist" vatnsveitur í Bólivíu, fjármálamenn rafmagnsveitu í S-Afríku, heilbrigðiskerfi Filippseyja var einkagróðavætt.  Hver var niðurstaðan fyrir íbúana, sem þurftu að nota sér þjónustu þessara fyrirtækja og stofnana, sem voru komin í "eigu" peningamanna?  Jú, hún var sú, að fólkið hafði einfaldlega ekki efni á að nýta sér þjónustuna.  Sem það hafði áður getað! 

Nú á sem sagt að hefja "The Big Sell-out" á Íslandi í boði einkavæðingarsinna!

Hér er verið að fremja glæp gegn samfélaginu!                 

Erlendir bjóða í HS Orku

Íslensk sendinefnd til Norður-Koreu.

Ég er að velta því fyrir mér, hvort ekki sé kominn tími til, að Jóhanna Sigurðardóttir sendi nefnd til Norður-Koreu.  Verkefni nefndarinnar yrði að kynna sér, hvernig stjórnvöld geti haldið þegnunum í krumlum  örbirgðar og neyðar árum saman.  Og svo, hvernig halda eigi aftur af óróa í samfélaginu.  Þetta mál er mjög aðkallandi nú þegar verið er að steypa þjóðinni fram af brúninn efnahagslega  undir handleiðslu IMF (International mother f....).  Formaður nefndarinnar gæti verið Hrannar B. Arnarson, enda hefur hann einkar næmt auga fyrir stjórnunarstíl málsmetandi manna!

Þannig geti ríkisstjórnin tekið upplýsta ákvörðun um framtíð þjóðarinnar!

Getum staðið við Icesave

Aðstoðarmaður Jóhönnu Sigurðardóttur og "Íslenski stjórnunarstíllinn!"

 

 Ég varð að setja þetta á síðuna mína með þessum líka flottu gæsalöppum!  Hér mærir Hrannar B. Arnarson  "íslenska stjórnunarstílinn".  Þennan stíl, sem setti okkur á hausinn og greinilegt að hann má varla vatni halda af hrifningu!  Hvort hann hrífst jafnmikið af stjórnunarstíl IMF (INTERNATIONAL MOTHER F......)  veit ég ekki, en þykir ekki ólíklegt!

"30.4.2007 | 09:59

Íslenski stjórnunarstíllinn !

Í síðustu viku fór ég til London og heimsótti ásamt samnemendum mínum í  MBA við Háskóla Íslands, þrjú af þeim íslensku útrásarfyrirtækjum sem starfa í Englandi og hafa verið að gera það gott á undanförnum misserum. Við vorum svo lánsöm að helstu stjórnendur þessara fyritækja tóku á móti okkur, gáfu okkur dýrmæta innsýn í reksturinn og leyfðu okkur að spyrja sig spjörunum úr um þá ævintýralegu velgengni sem þessi íslensku fyrirtæki hafa upplifað að undanförnu.   

 

Jafnvel þó mikið hafi verið fjallað um íslensku útrásarfyrirtækin í íslenskum fjölmiðlum verð ég að viðurkenna að árangur þessara fyrirtækja og umfang þeirra í bresku efnahagslífi kom mér verulega á óvart. Göngutúr eftir Oxfordstræti, þar sem búðir Baugs eru nánast alltaf í augsýn segir að vísu mikla sögu, en þegar fjöldi þeirra starfsmanna sem vinna hjá íslensku fyrirtækjum í Bretlandi er skoðaður kemur í ljós að þeir eru komnir vel á annaðhundrað þúsundið – 120.000 var talan sem ég heyrði þarna úti. Á íslenskum vinnumarkaði skilst mér hinsvegar að séu uþb 180.000 vinnandi einstaklingar. Með sama áframhaldi verður þess ekki langt að bíða að starfsmenn íslenskskra fyrirtækja í Bretlandi verði fleiri en allir starfsmenn á íslenskum vinnumarkaði !  

 

Annað sem mér fannst athyglisvert og var sem rauður þráður í máli stjórnenda þeirra fyrirtækja sem við hittum, var hversu mikilvægur þáttur í árangri íslensku útrásarfyrirtækjanna hinn “íslenski stjórnunarstíll” var. “Íslenski stjórnunarstíllinn” er að vísu ekki það orð sem viðmælendur okkar notuðu, en allir lýstu þeir svipuðum eiginleikum eða aðferðafærði sem mér finnst vel meiga kalla þessu nafni. Stuttar boðleiðir í æðstu stjórnendur, þáttaka þeirra í öflun og ræktun viðskiptasambanda, áræðni og “just do it” hugarfar í flestu tilliti. Auðvitað ekki nein ævintýramennska eða fífldyrfska, heldur fagleg vinnubrögð með krafti og áræni frumkvöðulsins.   

 

Þegar haft er í huga að íslensku útrásarfyrirtækin standa andspænis stofnanavæddu “nýlenduskipulagi” bresks efnahagslífs er maður ekki undrandi á að “íslenski stjórnunarstíllinn” nái yfirhöndinni. Þessari staðreynd eru æ fleiri að átta sig á og þess vegna sækjast æ fleiri eftir samvinnu og viðskiptum við íslensku útrásarfyrirtækin. “Íslenski stjórnunarstíllinn” nýtur orðið trausts og vinsælda og mun sjálfsagt komast í tísku áður en langt um líður. Það má því með góðu móti halda því fram að nýjasta og mikilvægasta útflutningsvara okkar Íslendinga sé stjórnunarþekking. Á þeirri þekkingu eru íslensk fyrirtæki á uþb 10 árum búin að nánast tvöfalda mannaflan sem vinnur undir íslenskum merkjum og skilar þjóðarbúinu tekjum."

 

"Pælum í því !"

 

Er kreppan rétt að byrja?

 

AGS: Velferðarkerfið verður skorið niður!

Hér fengum við rétt smérþefinn af því sem koma skal að boði Alþjóðagjaldeyrissjóðsins!  Lífeyristryggingakerfið verður skorið niður við trog og verður hvorki fugl né fiskur eftir.  Að boði AGS.  Heilbrigðiskerfið verður einkavætt.  Að boði AGS.  Skólakerfið  verður skorið niður og einkavætt að hluta.  Að boði AGS.  Orkufyrirtækin verða einkavædd.  Að boði AGS.

Þjóðin verður látin borga fyrir afglöp auðvaldsins.  Og stjórnvöld munu bukta sig og beygja.  Allt tal um að þjóðfélagið færist aðeins aftur um 2-3 ár er bull.  Væri ekki nær að telja að lífskjör almennings muni færast á svipað stig og var hér á 4. áratugnum.  Að boði AGS.  Og stjórnvöld beygja sig!

Frelsi og helsi!  Frelsi fyrir auðvaldið!  Helsi fyrir þjóðina!  Að boði AGS!

Erfitt en óumflýjanlegt

Stundar AGS hryðjuverk?

Um það má lesa á www.vald.org

Þú ert þá einn um það!

Það er nefnilega ekki til siðs að standa við orð sín í stjórnmálum á Íslandi.  En það er gott að búa í Kópavogi...

Stendur við fyrri orð

Nú til dags...

Ég fór yfir á rauðu í dag!  En í andrými dagsins verður maður víst að virða umferðarreglurnar...

 

 

 

 

 

p.s. ég náttúrulega lýg því! svona...svona!

Allt tortryggilegt

Nú til dags...

...er þetta nú einsog að segja fólki, til þess að það losni við dauðahrollinn, að það megi nú deyja svona smátt og smátt!  Í aðskildum köflum...En hvernig er það má ekki bara skera aðeins niður í þessu Rúvi.  T.d.  þessi fígúruverk Páll Magnússon og Þórhallur, mega þau ekki missa sig?  Rekið  öll hálauna nápotin!

Gjalddagar útvarpsgjalds þrír

Æ, það er svo erfitt í vinnunni.

Hugmynd um úttekt aftur í tímann vafasöm

Hvar er alpahúfan?

 

Hann hefur sjálfsagt týnt henni á leið upp metorðastigann! 

Ég svæfi nú samt betur ef Öygard væri hér áfram, bara svona til öryggis!

 

Már skipaður seðlabankastjóri

Okkur sárvantar íslenskan Hugo Chavez!

Kannski má bara notast við Ögmund?

Umsátur um Ísland

Sú skömm mun hvíla á þingmönnum um aldur og ævi!

Eru þetta breiðustu bökin?  Heimilin þar sem endar ná aldrei saman, heimili flestra aldraðra og öryrkja, eiga nú að taka á sig nær 4 milljarða kjaraskerðingu, skv. frumvarpinu.  Ekki er það nú í samræmi við orð formanna ríkisstjórnarflokkanna um að verja eigi kjör hinna tekjulægstu í þjóðfélaginu!  Þetta er enda í hróplegu ósamræmi við svokallaðan stöðugleikasáttmála.  Þar er hinum lægst launuðu á vinnumarkaði tryggð launahækkun á árinu.  En lífeyrisþegar ó, ekki nei!  Ofan á aðrar skerðingar fá þeir nú þessa í kjölfar einskonar sáttmála, sem á að tryggja frið og stöðugleika í þjóðfélaginu.  En tryggir skerðing á lífskjörum hinna tekjulægstu frið og stöðugleika?

Sú skömm mun hvíla á þingmönnum um aldur og ævi samþykki þeir ákvæðin um skerðingu lífskjara hinna verst stöddu í þjóðfélaginu!

Það var rétt að kalla þetta ekki þjóðarsátt, því um þetta mun aldrei ríkja nein þjóðarsátt!

Mótmæla lágtekjusköttum

Okkur sárvantar íslenskan Hugo Chavez!

    

Enn kannski getur við bara notað Jón Daníelsson! 

P.s.  Í fúlustu alvöru!  Ég er ekki að grínast!  Réttum upp fingurinn!  Og þjóðnýtum allar eignir skuldakónganna!

Segir að Ísland eigi að fella Icesave-samning

Actavis ber að þjóðnýta!

Ég þykist vita að það falli í grýttan jarðaveg, en ég tel að Actavis eigi að þjóðnýta hið snarasta án bóta fyrir "eiganda" þess og lánardrottna.  Förum nú að taka okkur á og verjast.  Aðaleigandi fyrirtækisins, eða jafnvel sá eini, var líka einn af aðaleigendum Landsbankans, og ber þunga ábyrgð sem slíkur á Icesave klúðrinu!

Novator enn með Actavis í söluferli