Gagnrýni á stjórn efnahags- og peningamála.

Á öllum miðlum er fjallað um gagnrýni á ríkisstjórn og Seðlabanka í stjórn efnahags- og peningamála.  Á öllum miðlum nema á mbl.is.  Skrýtið?  Gagnrýnendur ásaka Seðlabankann og ríkisstjórn um sofandahátt og hvað gerir mbl.is? Mbl.is sefur!  Lélegt!

Staða Ísraels á listanum. Skýring?

Ég sé að sumir eru hissa á að Ísrael skuli talið eitt af stríðshrjáðustu löndum heims.  Ef kortin eru skoðað sést skýringin kannski.  Græni liturinn er landsvæði Palestínumanna.  Ísraelsríki hefur þanið út yfirráðasvæði sitt með hernaðarofbeldi, og flokkar herteknusvæðin sem Ísraels land.  Minnir á "lebensraum" hugmyndir nazistanna.  Enda er fyrirheitna landið, landið sem drottinn á að hafa gefið sinni útvöldu þjóð, ansi stórt.  Það nær frá Níl í Egyptalandi og að  ánni Efrat í Írak.  Og þessu trúa bókstafstrúarmenn gyðinga og "kristnir" bókstafstrúarmenn líka.  Set "kristnir" innan gæsalappa vegna þess að ég tel hæpið að þeir geti kallast kristnir!  Fæ ekki betur séð en að þeir séu frekar gyðingtrúar.

Ísland friðsælast

Til hamingju, Akurnesingar!

Ég er farinn að óttast það fyrir ykkar hönd að orðið Akranes fái nýja merkingu í tungunni.  Merking þess verði áður en langt um líður;  staður þar sem einhver er ekki velkominn; dæmi:  þetta er óttalegt akranes, eyðilegt einsog akranes, þessi eldfjallaeyja er því miður akranes, kuldaleg og gróðursnauð!

Bendi svo á litlu fjölskyldusöguna hér fyrir neðan!

Tillaga um að taka við flóttamönnum samþykkt einróma

Ein lítil fjölskyldusaga og móttaka flóttamanna.

Það er einsog sagan endurtaki sig stundum, þó í breytilegum myndum sé!  Mér var fyrir löngu sögð  saga úr lífi föðurfjölskyldu minnar, sem ég ætla að reyna að rifja upp eftir bestu getu.  Það var einhverntíma fyrir seinna strið að afi minn heitinn lenti í basli vegna gjaldþrots.  Afi var með barnahóp móðurlausan á ýmsum aldri.  Eitt eða tvö við að verða fullorðin, sum barnung.  Elsti sonurinn var að mig minnir búinn að klára Stýrimannaskólann.  Kom afa þá það ráð í hug að leita ásjár Akurnesinga í vandræðum sínum og með alla sína ómegð.  Hreppsnefndinni mun ekki hafa litist á blikuna og hafnaði því alfarið þessari hugmynd afa míns um að flytjast á Akranes. Ekki varð því af flutningi þessara "flóttamanna" á Akranes.  Þetta er í stórum dráttum sagan af viðskiptum afa míns og Akurnesinga, einsog ég man hana.  Afi minn hét Auðun Sæmundsson og kenndi sig við Minni-Vatnsleysu alla sína tíð.  Synir hans urðu nafntogaðir aflaskipstjórar, þekktir sem Auðunsbræður.  Þeir voru Sæmundur Auðunsson, Auðun Auðunsson, Þorsteinn Auðunsson, Gísli Auðunsson, Pétur Auðunsson (lést ungur) og Gunnar Auðunsson, sem enn lifir.  Ekki voru dætur hans síðri að mannkostum en synirnir.  Þær hétu Kristín, Ólafía, Guðrún og Steinunn.  Tvær hinar síðast nefndu eru enn á lífi.  Einhverjir munu enn minnast þessara systkyna og þá sérstaklega þeirra landsfrægu Auðunsbræðra.  Nú ætla ég bara rétt að vona, að framganga Magnúsar Þórs Hafsteinssonar, og skoðanabræðra hans, leiði ekki til samskonar niðurstöðu og segir frá í þessari litlu fjölskyldusögu minni.  Það gæti nefnilega farið svo, að byggðarlagið missti spón úr aski sínum, því einsog fyrr segir, þá endurtekur sagan sig oft, þó í breytilegum myndum sé.

 

 

 

Hreint út sagt heimskuleg umræða!

Ég er kannski of vitlaus til að skilja, hversvegna konur mega ekki eða mega bera slæður á höfðinu.  Enda man ég þá tíð, að íslenskar kellingar gátu ekki skroppið útí mjólkurbúð án þess að vera með einhverja skupplu á höfðinu.  Hvað er málið?  Höfuðfat eða  ekki höfuðfat?  Hverjum kemur það við?  Einu sinni máttu konur, sem störfuðu í bönkum á Íslandi ekki vera í buxum.  Núna ráða þær því sjálfar.  Hverskonar forræðishyggja er þetta gagnvart fólki?  Þetta fer að minna á hina frægu setningu "samræmt göngulag fornt."  Er Hriflu-Jónas genginn aftur?

Dönsk stjórnmál á suðupunkti

Vanhæfur þingmaður!

Hversu lengi á það að viðgangast, að þessi kona sitji á Alþingi.  Þingmaður sem heldur því fram að forseti lýðveldisins sé ógnun við lýðræðið er ekki hæfur til að sitja á Alþingi. 

Fyrir nú utan það að vera formaður heilbrigðisnefndar Alþingis verandi í einkarekstri á sviði heilbrigðismála útí bæ.  Rekstri sem er að stórum hluta til fjármagnaður með peningum úr ríkissjóði!

Burt með þingmanninn!

 

 

Áfram deilt um bréf Ástu

Einkavæðing EXPRESS!

Ástu Möller liggur greinilega mikið á að hraða sem mest hún má einkavæðinu heilbrigðiskerfisins.  Hún rekur starfsmannaleigu og leigir út starfsfólk til aðhlynningar- og hjúkrunarstarfa til einkaheimila, sjúkrahúsa og annarra stofnanna í opinberum rekstri.  Það er greinilegt að Ásta ætlar sér að græða vel á breytingunum og henni liggur á.  Annars sérkennileg staða formanns heilbrigðisnefndar.  Hér er ekki spurt um vanhæfi og að einkahagsmunir rekist á við almannahagsmuni í málinu.  Öll hjörðin þegir í kór í leikhúsinu við Austurvöll.

Ég ætla svo að minna á það einu sinni enn, að hér fer konan, sem fyrir síðustu kosningar taldi að forseti íslenska lýðveldisins, Herra Ólafur Ragnar Grímsson, væri ógnun við lýðræðið í landinu.  Hún situr enn á Alþingi!  Og enn skarar hún elda að köku sinni, sem formaður heilbrigðisnefndar!

Frumvarp sent til umsagnar áður en það var rætt á Alþingi

Í nærunum af Bush?

Billegt að reyna að uppdikta óvini í útlöndum til að hræða undir sig atkvæðin.  Ef það er eitthvað, þá ættum við einmitt að kjósa Evrópusambandið.  Ekki vegna þess að í því sé allt gott.  Íslenskir stjórnmálamenn eru einfaldlega svo lélegir og ráðalausir, og sama um kjósendur, að Evrópusambandið sýnist sífellt betri kostur!

Hefur áhyggjur af borgarmálum

Á hlaðinu heima í sveitinni minni í afdalnum.

Þar fljúgast á menn og hundar í hlandforinni og þykjast menn að meiru!  Og trúa því að allt sé best í afdalnum.  Allt vont kemur að utan!  Og eiga við með því, að allt sem kemur í dalinn yfir fjallið sé af hinu vonda.  Ekkert gott kemur að utan, segja menn og halda svo áfram að fljúgast á í hlandfor heimsku sinnar!  Hér er allt best, og við af úrvalskyni kiðfættra víkinga, sem ekki voru sjálfráðir ferða sinna sakir lúsar.  Og við.  Við náum ekki andanum af sjálfsaðdáun yfir mikilleik okkar í afdalnum.

Tileinkað Einari Einarssyni og Magnúsi Þór Hafsteinssyni, og skoðanabræðrum þeirra nær og fjær!

Lýsa yfir stuðningi við Magnús Þór Hafsteinsson

Já drífa sig nú!

Einn góður kostur við að ganga í Evrópusambandið er sá, að þá losnum við við þessa endalausu og hrútleiðinlegu umræðu íslenskra stjórnmálamanna um að það þurfi að breyta stjórnarskránni.  Og þá verður okkur líka treyst til að greiða þjóðaratkvæði um eitthvað annað en brennivín og handamat!  Fyrirgefiði, hundahald!  Íslenskir stjórnmálamenn halda (vita) að íslenskir kjósendur geti ekki greitt þjóðaratkvæði sakir heimsku þjóðarinnar!  Hver man ekki eftir viðkvæðinu:  Þetta er svo flókið mál, að það er ekki hægt að ætlast til að þjóðin greiði atkvæði um það!  Það var viðkvæðið þegar við gengum í EES!  Sem sagt þjóðin er of heimsk.  Kannski einhverjir stjórnmálamenn ættu að skipta um þjóð?  Og kannski var þjóðin ekki nógu heimsk til að greiða atkvæði um fjölmiðlafrumvarp geðvonda lögfræðingsins?

Þjóðin er greinilega nógu vel gefin til að vilja athuga, hvað kemur útúr samninga viðræðum við Evrópusambandið.  Það er Guðni Ágústsson hinsvegar ekki, enda verður hann sífellt líkari henni Huppu, sem hann kyssti hér um árið!

Þarf að breyta stjórnarskrá

Skíthopparar...

....eru ansi leiðigjarn matur svona til lengdar alveg sama þó þeir megi eldast á milljón vegu.  Það hlýtur að mega slá af eitthvað af þessum hrossum, sem ekki seljast vegna blankheita nýríkra Jóna í útlöndum.  Fretarabringur eru ábygglega góðar á grillið...Verst hvað beljuketið er helvíti dýrt, að ég tali nú ekki um ketið af hinni illvígu þjóðvegasauðkind...En varið ykkur á salmónellusjúklingunum.  Þeir þurfa  að eldast vel og lengi!   Það liggur við, að ég sakni þeirra gömlu góðu daga, þegar fiskur var étinn í nær öll mál, sauðkind á sunnudögum og stundum hvalket eða ketbollur í miðri viku!

Hvernig er það með þessar hvalveiðar?  Ef við veiðum nógan hval þurfum við ekki að éta skíthoppara.  Og ekki eru hvalir salmónellusjúkir.  Guði sé lof!  Hugsið ykkur, hvernig ástandið væri þá.  Við gætum gengið þurrum  fótum í Evrópusambandið!

Spáir miklum innflutningi á kjúklingabringum

Fífl með hátalarakerfi og athyglisýki!

Ekki veit ég hverslags víðáttufífl þessi Þórarinn er, en hann mun alinn upp á Bráðræðisholtinu.  Getur hann ekki bara sett upp þetta "listaverk" sitt í garðinum þarna vesturfrá og látið okkur í friði hér á Rauðarárholtinu með þennan andskotans hávaða sinn!  "Fólk sem ekki þoldi hávaðann..."  Hvað á blaðamaðurinn við?  Hávaðinn hér í hverfinu kl 20.00 var yfir hávaðamörkum, hvernig heldur blaðamaður að manni verði við að vakna við þennan tilbúna ónauðsynlega hávaða kl. 5 að morgni?  Er ekki nógur hávaði í borginnni, þó ekki sé verið að framleiða hann undir fölsku yfirskyni.

Spurning:  Er hægt að kalla allt list?  Bókstaflega allt?  Er þessi "listamaður" athyglisjúkur?

P.s.  Og svo er helvítið frændi manns...

Bilun í hugbúnaði kveikti á bænakalli